‘ಪಂಚ ಗ್ಯಾರಂಟಿ’ ಕಾಂಗ್ರೆಸ್‌ಗೆ ಶ್ರೀರಕ್ಷೆ: ತನ್ವೀರ್‌ ಸೇಠ್

‘ಈಗಿರುವುದು ಪ್ರಜಾಪ್ರಭುತ್ವ ವ್ಯವಸ್ಥೆ. ಆದ್ದರಿಂದ ಪ್ರತಿಸ್ಪರ್ಧಿಯನ್ನು ಪ್ರತಿಸ್ಪರ್ಧಿಯಾಗಿಯೇ ನೋಡುತ್ತೇವೆ. ಗೆಲ್ಲುವುದು ನಮ್ಮ ಆದ್ಯತೆಯಾಗಿದೆ. ರಾಜವಂಶದವರ ಬಗ್ಗೆ ಗೌರವವಿದೆ. ಆದರೆ, ಚುನಾವಣಾ ರಾಜಕಾರಣವೇ ಬೇರೆ’ ಎಂದು ತನ್ವೀರ್‌ ಪ್ರತಿಕ್ರಿಯಿಸಿದರು. ‘‍ಪ್ರತಾಪ ಸಿಂಹ ಅವರಿಗೆ ಟಿಕೆಟ್ ಕೊಡದಿದ್ದಕ್ಕೆ ನಮಗೆ ಅನುಕಂಪವಿದೆ. ಟಿಕೆಟ್ ತಪ್ಪಿಸಿದ್ದೇಕೆ ಎಂಬ ಕಾರಣವೇನು ಎಂಬುದನ್ನು ಬಿಜೆಪಿಯವರೇ ಹೇಳಬೇಕು. ಬಿಜೆಪಿ–ಜೆಡಿಎಸ್‌ ಹಿಂದಿನಿಂದಲೂ ಒಳಒಪ್ಪಂದ ಮಾಡಿಕೊಳ್ಳುತ್ತಲೇ ಬಂದಿತ್ತು. ಆದರೆ, ಈಗ ಬಹಿರಂಗವಾಗಿ ಮಾಡಿಕೊಂಡಿದೆ. ಇದರಿಂದ ಲಾಭವಾದರೆ ಸ್ವೀಕರಿಸಲು ಸಿದ್ಧ’ ಎಂದರು.