<p><strong>ಮೈಸೂರು:</strong> ಕಳೆದೊಂದು ತಿಂಗಳಿಂದ ತರಕಾರಿ–ಹಣ್ಣುಗಳ ಬೆಲೆಯಲ್ಲಿ ಇಳಿಕೆ ಆಗುತ್ತಿದ್ದರೂ ಸಾಂಬಾರ ಪದಾರ್ಥಗಳು ಮಾತ್ರ ತುಟ್ಟಿ ಆಗತೊಡಗಿವೆ.</p>.<p>ಕಳೆದ ಎರಡು ವರ್ಷದಿಂದಲೂ ಇಳಿಕೆಯ ಹಾದಿಯಲ್ಲಿಯೇ ಇದ್ದ ಕಾಳುಮೆಣಸಿನ ದರವು 2–3 ತಿಂಗಳಿಂದ ಏರಿಕೆ ಆಗುತ್ತಿದೆ. ಸದ್ಯ ಚಿಲ್ಲರೆ ಮಾರುಕಟ್ಟೆಯಲ್ಲಿ ಪ್ರತಿ ಕೆ.ಜಿ.ಗೆ ₹750–800ರಂತೆ ಮಾರಾಟ ನಡೆದಿದೆ. ಜೀರಿಗೆ ಸಹ ಪ್ರತಿ ಕೆ.ಜಿ.ಗೆ ₹80–100ರಷ್ಟು ಏರಿಕೆ ಆಗಿದ್ದು, ಸದ್ಯ ಕೆ.ಜಿ.ಗೆ ₹700ರ ದರದಲ್ಲಿ ಮಾರಾಟ ನಡೆದಿದೆ. ಅರಿಶಿನದ ಬೆಲೆ ಸಹ ಗಗನಮುಖಿ ಆಗಿದೆ.</p>.<p>‘ಕಳೆದ ಕೆಲವು ತಿಂಗಳ ಹಿಂದಷ್ಟೇ ಜೀರಿಗೆ ಕೆ.ಜಿ.ಗೆ ₹300–350 ದರ ಇತ್ತು. ಈಗ ದುಪ್ಪಟ್ಟಾಗಿದ್ದು, ಗ್ರಾಹಕರಿಗೆ ಇದರ ಬಿಸಿ ತಟ್ಟುತ್ತಿದೆ. ಮಸಾಲೆ ಪದಾರ್ಥಗಳ ಬೆಲೆ ಏರಿಕೆಯು ಸಾಮಾನ್ಯ ಗ್ರಾಹಕರ ಜೊತೆಗೆ ಹೋಟೆಲ್ ಉದ್ಯಮದ ಮೇಲೂ ಪರಿಣಾಮ ಬೀರಲಿದೆ’ ಎಂದು ವರ್ತಕರು ಹೇಳುತ್ತಾರೆ.</p>.<p>ಬ್ಯಾಡಗಿ ಮೆಣಸಿನಕಾಯಿ ದರವು ಅಲ್ಪ ಇಳಿಕೆ ಆಗಿದ್ದು, ಸದ್ಯ ₹500–600 ದರದಲ್ಲಿ ಮಾರಾಟ ನಡೆದಿದೆ. ಖಾರದ ಮೆಣಸಿನಕಾಯಿ ₹250–300, ಒಣ ಕೊತ್ತಂಬರಿ (ಧನಿಯಾ) ₹120–150, ಗಸಗಸೆ ₹1350–1400 ರಂತೆ ಮಾರಾಟ ನಡೆದಿದೆ. ಟೊಮೆಟೊ ಬೆಲೆ ಏರಿಕೆಯಿಂದಾಗಿ ತಾನೂ ಬೆಲೆ ಏರಿಸಿಕೊಂಡಿದ್ದ ಹುಣಸೆಹಣ್ಣು ಅಗ್ಗವಾಗುತ್ತಿದ್ದು, ಸದ್ಯ ₹120–150ಕ್ಕೆ ಬೆಲೆ ಇಳಿಸಿಕೊಂಡಿದೆ.<br><br><strong>ತರಕಾರಿ ದರ ಸ್ಥಿರ:</strong> ಈ ವಾರ ತರಕಾರಿಗಳು ಅಗ್ಗದ ದರದಲ್ಲಿ ಮುಂದುವರಿದಿವೆ. ಬೀನ್ಸ್ ಕೆ.ಜಿ.ಗೆ ₹10ರಷ್ಟು ಬೆಲೆ ಏರಿಸಿಕೊಂಡಿದ್ದರೆ, ದಪ್ಪ ಮೆಣಸಿನಕಾಯಿ ಬೆಲೆ ಇಳಿಸಿಕೊಳ್ಳುತ್ತಿದೆ. ಟೊಮೆಟೊ ಕನಿಷ್ಠ ದರಕ್ಕೆ ಕುಸಿದಿದ್ದು, ಚಿಲ್ಲರೆ ಮಾರುಕಟ್ಟೆಯಲ್ಲಿ ಗುಣಮಟ್ಟದ ಹಣ್ಣು ಕೆ.ಜಿ.ಗೆ ₹10ರಂತೆ ಮಾರಾಟ ನಡೆದಿದೆ. ಸಗಟು ದರ ಪ್ರತಿ ಕೆ.ಜಿ.ಗೆ ₹5–6ಕ್ಕೆ ಕುಸಿದಿದ್ದು, ಬೆಳೆಗಾರರಿಗೆ ಉತ್ಪನ್ನದ ಖರ್ಚು ಸಹ ಸಿಗದಂತೆ ಆಗಿದೆ. ಈರುಳ್ಳಿ ದರ ಕೆ.ಜಿ.ಗೆ ಸರಾಸರಿ ₹5ರಷ್ಟು ಏರಿಕೆ ಆಗಿದೆ. ಶುಂಠಿ, ಬೆಳ್ಳುಳ್ಳಿ ಮಾತ್ರ ದುಬಾರಿಯಾಗಿಯೇ ಇವೆ.</p>.<p>ಸೊಪ್ಪಿನ ದರದಲ್ಲಿ ಹೆಚ್ಚು ವ್ಯತ್ಯಾಸ ಆಗಿಲ್ಲ. ನಗರದ ಮಹಾತ್ಮಗಾಂಧಿ ರಸ್ತೆಯಲ್ಲಿರುವ ತರಕಾರಿ–ಸೊಪ್ಪಿನ ಮಾರುಕಟ್ಟೆಯಲ್ಲಿ ಮಂಗಳವಾರ ನಾಟಿ ಕೊತ್ತಂಬರಿ ಪ್ರತಿ ಕಂತೆಗೆ (ಸಣ್ಣ)₹5, ಮೆಂತ್ಯ ₹5, ಸಬ್ಬಸ್ಸಿಗೆ ₹10ಕ್ಕೆ 3, ಪಾಲಕ್ ₹4, ಕೀರೆ–ಕಿಲ್ಕೀರೆ ₹10ಕ್ಕೆ 4ರಂತೆ ಮಾರಾಟ ನಡೆದಿತ್ತು.</p>.<p>ಮಾರುಕಟ್ಟೆಯಲ್ಲಿ ದಾಳಿಂಬೆ ದರ ಕೊಂಚ ತಗ್ಗಿದೆ. ಬಾಳೆಹಣ್ಣು ದುಬಾರಿಯಾಗಿಯೇ ಮುಂದುವರಿದಿದೆ. ಉಳಿದ ಹಣ್ಣುಗಳ ಬೆಲೆಯಲ್ಲಿ ಹೆಚ್ಚು ವ್ಯತ್ಯಾಸ ಆಗಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ಕಳೆದೊಂದು ತಿಂಗಳಿಂದ ತರಕಾರಿ–ಹಣ್ಣುಗಳ ಬೆಲೆಯಲ್ಲಿ ಇಳಿಕೆ ಆಗುತ್ತಿದ್ದರೂ ಸಾಂಬಾರ ಪದಾರ್ಥಗಳು ಮಾತ್ರ ತುಟ್ಟಿ ಆಗತೊಡಗಿವೆ.</p>.<p>ಕಳೆದ ಎರಡು ವರ್ಷದಿಂದಲೂ ಇಳಿಕೆಯ ಹಾದಿಯಲ್ಲಿಯೇ ಇದ್ದ ಕಾಳುಮೆಣಸಿನ ದರವು 2–3 ತಿಂಗಳಿಂದ ಏರಿಕೆ ಆಗುತ್ತಿದೆ. ಸದ್ಯ ಚಿಲ್ಲರೆ ಮಾರುಕಟ್ಟೆಯಲ್ಲಿ ಪ್ರತಿ ಕೆ.ಜಿ.ಗೆ ₹750–800ರಂತೆ ಮಾರಾಟ ನಡೆದಿದೆ. ಜೀರಿಗೆ ಸಹ ಪ್ರತಿ ಕೆ.ಜಿ.ಗೆ ₹80–100ರಷ್ಟು ಏರಿಕೆ ಆಗಿದ್ದು, ಸದ್ಯ ಕೆ.ಜಿ.ಗೆ ₹700ರ ದರದಲ್ಲಿ ಮಾರಾಟ ನಡೆದಿದೆ. ಅರಿಶಿನದ ಬೆಲೆ ಸಹ ಗಗನಮುಖಿ ಆಗಿದೆ.</p>.<p>‘ಕಳೆದ ಕೆಲವು ತಿಂಗಳ ಹಿಂದಷ್ಟೇ ಜೀರಿಗೆ ಕೆ.ಜಿ.ಗೆ ₹300–350 ದರ ಇತ್ತು. ಈಗ ದುಪ್ಪಟ್ಟಾಗಿದ್ದು, ಗ್ರಾಹಕರಿಗೆ ಇದರ ಬಿಸಿ ತಟ್ಟುತ್ತಿದೆ. ಮಸಾಲೆ ಪದಾರ್ಥಗಳ ಬೆಲೆ ಏರಿಕೆಯು ಸಾಮಾನ್ಯ ಗ್ರಾಹಕರ ಜೊತೆಗೆ ಹೋಟೆಲ್ ಉದ್ಯಮದ ಮೇಲೂ ಪರಿಣಾಮ ಬೀರಲಿದೆ’ ಎಂದು ವರ್ತಕರು ಹೇಳುತ್ತಾರೆ.</p>.<p>ಬ್ಯಾಡಗಿ ಮೆಣಸಿನಕಾಯಿ ದರವು ಅಲ್ಪ ಇಳಿಕೆ ಆಗಿದ್ದು, ಸದ್ಯ ₹500–600 ದರದಲ್ಲಿ ಮಾರಾಟ ನಡೆದಿದೆ. ಖಾರದ ಮೆಣಸಿನಕಾಯಿ ₹250–300, ಒಣ ಕೊತ್ತಂಬರಿ (ಧನಿಯಾ) ₹120–150, ಗಸಗಸೆ ₹1350–1400 ರಂತೆ ಮಾರಾಟ ನಡೆದಿದೆ. ಟೊಮೆಟೊ ಬೆಲೆ ಏರಿಕೆಯಿಂದಾಗಿ ತಾನೂ ಬೆಲೆ ಏರಿಸಿಕೊಂಡಿದ್ದ ಹುಣಸೆಹಣ್ಣು ಅಗ್ಗವಾಗುತ್ತಿದ್ದು, ಸದ್ಯ ₹120–150ಕ್ಕೆ ಬೆಲೆ ಇಳಿಸಿಕೊಂಡಿದೆ.<br><br><strong>ತರಕಾರಿ ದರ ಸ್ಥಿರ:</strong> ಈ ವಾರ ತರಕಾರಿಗಳು ಅಗ್ಗದ ದರದಲ್ಲಿ ಮುಂದುವರಿದಿವೆ. ಬೀನ್ಸ್ ಕೆ.ಜಿ.ಗೆ ₹10ರಷ್ಟು ಬೆಲೆ ಏರಿಸಿಕೊಂಡಿದ್ದರೆ, ದಪ್ಪ ಮೆಣಸಿನಕಾಯಿ ಬೆಲೆ ಇಳಿಸಿಕೊಳ್ಳುತ್ತಿದೆ. ಟೊಮೆಟೊ ಕನಿಷ್ಠ ದರಕ್ಕೆ ಕುಸಿದಿದ್ದು, ಚಿಲ್ಲರೆ ಮಾರುಕಟ್ಟೆಯಲ್ಲಿ ಗುಣಮಟ್ಟದ ಹಣ್ಣು ಕೆ.ಜಿ.ಗೆ ₹10ರಂತೆ ಮಾರಾಟ ನಡೆದಿದೆ. ಸಗಟು ದರ ಪ್ರತಿ ಕೆ.ಜಿ.ಗೆ ₹5–6ಕ್ಕೆ ಕುಸಿದಿದ್ದು, ಬೆಳೆಗಾರರಿಗೆ ಉತ್ಪನ್ನದ ಖರ್ಚು ಸಹ ಸಿಗದಂತೆ ಆಗಿದೆ. ಈರುಳ್ಳಿ ದರ ಕೆ.ಜಿ.ಗೆ ಸರಾಸರಿ ₹5ರಷ್ಟು ಏರಿಕೆ ಆಗಿದೆ. ಶುಂಠಿ, ಬೆಳ್ಳುಳ್ಳಿ ಮಾತ್ರ ದುಬಾರಿಯಾಗಿಯೇ ಇವೆ.</p>.<p>ಸೊಪ್ಪಿನ ದರದಲ್ಲಿ ಹೆಚ್ಚು ವ್ಯತ್ಯಾಸ ಆಗಿಲ್ಲ. ನಗರದ ಮಹಾತ್ಮಗಾಂಧಿ ರಸ್ತೆಯಲ್ಲಿರುವ ತರಕಾರಿ–ಸೊಪ್ಪಿನ ಮಾರುಕಟ್ಟೆಯಲ್ಲಿ ಮಂಗಳವಾರ ನಾಟಿ ಕೊತ್ತಂಬರಿ ಪ್ರತಿ ಕಂತೆಗೆ (ಸಣ್ಣ)₹5, ಮೆಂತ್ಯ ₹5, ಸಬ್ಬಸ್ಸಿಗೆ ₹10ಕ್ಕೆ 3, ಪಾಲಕ್ ₹4, ಕೀರೆ–ಕಿಲ್ಕೀರೆ ₹10ಕ್ಕೆ 4ರಂತೆ ಮಾರಾಟ ನಡೆದಿತ್ತು.</p>.<p>ಮಾರುಕಟ್ಟೆಯಲ್ಲಿ ದಾಳಿಂಬೆ ದರ ಕೊಂಚ ತಗ್ಗಿದೆ. ಬಾಳೆಹಣ್ಣು ದುಬಾರಿಯಾಗಿಯೇ ಮುಂದುವರಿದಿದೆ. ಉಳಿದ ಹಣ್ಣುಗಳ ಬೆಲೆಯಲ್ಲಿ ಹೆಚ್ಚು ವ್ಯತ್ಯಾಸ ಆಗಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
