ದಿನವಿಡೀ ರಂಗಭೂಮಿ ದಿನಾಚರಣೆ

ಮೈಸೂರು: ವಿಶ್ವ ರಂಗಭೂಮಿ ದಿನವನ್ನು ಸಡಗರ, ಸಂಭ್ರಮದಿಂದ ಬುಧವಾರ ನಗರದಲ್ಲಿ ಆಚರಿಸಲಾಯಿತು.

. ರಂಗಾಯಣವು ಬೆಳಿಗ್ಗೆ 10ರಿಂದ ರಾತ್ರಿ 9ರವರೆಗೆ ನಿರಂತರವಾಗಿ ವಿವಿಧ ಕಾರ್ಯಕ್ರಮಗಳನ್ನು ಭೂಮಿಗೀತ ರಂಗ ಮಂದಿರದಲ್ಲಿ ನಡೆಸುವ ಮೂಲಕ ರಂಗಭೂಮಿ ದಿನವನ್ನು ಆಚರಿಸಿತು. ಇದಕ್ಕೆ ಭಾರತೀಯ ರಂಗಶಿಕ್ಷಣ ಕೇಂದ್ರವು ಸಾಥ್ ನೀಡಿತು.

. ಭಾರತೀಯ ರಂಗಶಿಕ್ಷಣ ಕೇಂದ್ರದ ವಿದ್ಯಾರ್ಥಿಗಳ ಪ್ರಾರ್ಥನೆಯಿಂದ ಕಾರ್ಯಕ್ರಮ ಆರಂಭಗೊಂಡಿತು. ನಂತರ, ರಂಗಭೂಮಿಯ ಮಹತ್ವ ಕುರಿತು ರಂಗ ನಿರ್ದೇಶಕ ಚನ್ನಕೇಶವ, ರಂಗಕರ್ಮಿ ಶಶಿಧರ್ ಭಾರಿಘಾಟ್, ರಂಗಾಯಣ ಜಂಟಿ ನಿರ್ದೇಶಕ ವಿ.ಎನ್.ಮಲ್ಲಿಕಾರ್ಜುನಸ್ವಾಮಿ, ಕಲಾವಿದ ಎಸ್.ರಾಮನಾಥ್ ಅವರು ಅನಿಸಿಕೆಗಳನ್ನು ಹಂಚಿಕೊಂಡರು.

. ನಂತರ, ದಿಗ್ವಿಜಯ ಹೆಗ್ಗೋಡು ಅವರ ನಿರ್ದೇಶನದಲ್ಲಿ ಕುವೆಂಪು ಅವರ ‘ಚಂದ್ರಹಾಸ’ ನಾಟಕವನ್ನು ಪ್ರದರ್ಶಿಸಲಾಯಿತು. ಮಧ್ಯಾಹ್ನದ ನಂತರ ಎಸ್.ರಾಮನಾಥ ಅವರ ನಿರ್ದೇಶನದಲ್ಲಿ ಕಾಳಿದಾಸ ಮಹಾಕವಿಯ ‘ನೆನಪಾದಳು ಶಕುಂತಲೆ’ ಹಾಗೂ ಸಂಜೆ ಚನ್ನಕೇಶವ ಅವರ ನಿರ್ದೇಶನದಲ್ಲಿ ಮಾಕ್ಸಿಂಗಾರ್ಕಿ ಅವರ ‘ಈ ಕೆಳಗಿನವರು’ ನಾಟಕವನ್ನು ಪ್ರಸ್ತುತಪಡಿಸಲಾಯಿತು.

. ವಾಸ್ತವಿಕತೆಯಿಂದ ದೂರ ಸರಿಯಬಾರದು: ರಂಗಭೂಮಿ ಸಾಹಿತ್ಯವನ್ನು ಕೇವಲ ಪಠ್ಯಕ್ಕೆ ಅನುಸಾರವಾಗಿ ಗ್ರಹಿಸುವುದನ್ನು ಬಿಡಬೇಕು ಎಂದು ರಂಗ ನಿರ್ದೇಶಕ ಚನ್ನಕೇಶವ ತಿಳಿಸಿದರು.

. ಇಲ್ಲದಿದ್ದರೆ, ಸಾಹಿತ್ಯದ ಪ್ರಭಾವವೇ ಅಧಿಕವಾಗಿ ವಾಸ್ತವಿಕತೆ ಮಾಸಿ ಹೋಗುವ ಅಪಾಯ ಇದೆ. ಒಂದು ಬಗೆಯ ‘ಸ್ಟೈಲೀಶ್’ ಚಿಂತನಾ ಕ್ರಮ ಬೆಳೆದುಬಿಡುವ ಸಾಧ್ಯತೆ ಇದೆ. ಹಾಗಾಗಿ, ವಾಸ್ತವಿಕತೆಯಿಂದ ದೂರ ಸರಿಯಬಾರದು ಎಂದರು.

. ನಾಟಕಗಳ ಧ್ವನಿ, ದೇಹ, ನಟನೆಗಳನ್ನು ಬಿಡಿಬಿಡಿಯಾಗಿ ನೋಡದೇ ಇಡಿಯಾಗಿ ನೋಡಬೇಕು. ಆದ ನಾಟಕಗಳನ್ನು ಎಡ ಮತ್ತು ಬಲ ಎಂದು ವಿಂಗಡಿಸುವುದು ತಪ್ಪುತ್ತದೆ ಎಂದು ಅಭಿಪ್ರಾಯಪಟ್ಟರು.

. ‘ಶಾಲೆಗಳಲ್ಲಿ ಅಂತಃಸತ್ವದ ಪರಿಕಲ್ಪನೆ ಬಿಟ್ಟು ಹೋಗುತ್ತಿದೆ. ವಿದ್ಯಾರ್ಥಿಗಳಿಗೆ ಸಾಂಸ್ಕೃತಿಕ ಚಿಂತನೆ ಬೆಳೆಸಲು ನಾವು ವಿಫಲರಾಗುತ್ತಿದ್ದೇವೆ’ ಎಂದು ಬೇಸರ ವ್ಯಕ್ತಪಡಿಸಿದರು.

. ಸಿಗುವ ಅವಕಾಶ ಬಳಸಿ ರಂಗಭೂಮಿ ಕಟ್ಟಲು ಕರೆ ತಾವಿರುವ ಜಾಗದಲ್ಲೇ ಇರುವ ಅವಕಾಶಗಳನ್ನು ಬಳಸಿಕೊಂಡು ರಂಗಭೂಮಿಯನ್ನು ಕಟ್ಟಬೇಕು ಎಂದು ರಂಗಕರ್ಮಿ ಶ್ರೀಪಾದ ಭಟ್ ಕರೆ ನೀಡಿದರು.

. ರಂಗಾಯಣದ ವಿದ್ಯಾರ್ಥಿಗಳು ಇಲ್ಲಿಂದ ಬೇರೆಡೆಗೆ ಹೋದ ಮೇಲೆ ಇದೇ ಬಗೆಯ ಸೌಕರ್ಯಗಳನ್ನು ನಿರೀಕ್ಷಿಸುವುದು ಸರಿಯಲ್ಲ. ಅಲ್ಲಿ ಯಾವ ಯಾವ ಅವಕಾಶಗಳು ಸಿಗುತ್ತವೋ ಅವುಗಳನ್ನೇ ಬಳಸಿಕೊಂಡು ರಂಗಭೂಮಿ ಕಟ್ಟಬೇಕು ಎಂದರು.

. ರಂಗಾಯಣದ ಜಂಟಿ ನಿರ್ದೇಶಕ ವಿ.ಎನ್.ಮಲ್ಲಿಕಾರ್ಜುನಸ್ವಾಮಿ ಅಧ್ಯಕ್ಷತೆ ವಹಿಸಿದ್ದರು. ಕಲಾವಿದ ಎಸ್.ರಾಮನಾಥ್ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನವಿಡೀ ರಂಗಭೂಮಿ ದಿನಾಚರಣೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಚಾಂಪಿಯನ್ಸ್ ಟ್ರೋಫಿ: ಹೈಬ್ರಿಡ್‌ ಮಾದರಿಗೆ ಪಾಕ್ ಸಿದ್ಧ?

ಪ್ರೊ ಕಬಡ್ಡಿ ಲೀಗ್‌: ದಬಾಂಗ್‌ಗೆ ಮಣಿದ ವಾರಿಯರ್ಸ್‌

ರಣಜಿ ಟ್ರೋಫಿ ಕ್ರಿಕೆಟ್: ಆತಂಕದಲ್ಲಿರುವ ಆತಿಥೇಯರಿಗೆ ಅಭಿನವ್ ಆಸರೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ