ಹುಣಸೂರು: ಮಳೆಗಾಲದಲ್ಲೂ ಕೆರೆಗೆ ನೀರಿಲ್ಲ

ಹುಣಸೂರು : ತಾಲ್ಲೂಕಿನ ಕೆರೆಗಳಿಗೆ ಲಕ್ಷ್ಮಣತೀರ್ಥ ನದಿಯಿಂದ ನೀರು ತುಂಬಿಸುವ 3 ಪ್ರಮುಖ ಏತ ನೀರಾವರಿ ಯೋಜನೆಗಳು ಹಲವು ಕಾರಣಗಳಿಂದ ಸ್ಥಗಿತಗೊಂಡಿದ್ದು, ಮಳೆಗಾಲದ ಪ್ರಯೋಜನ ಕೆರೆಗೆ ದೊರೆಕುತ್ತಿಲ್ಲ.

. ಮುಂಗಾರಿನಲ್ಲಿ ಮೈದುಂಬಿ ಹರಿಯುವ ನದಿ ನೀರನ್ನು ಬಳಕೆ ಮಾಡುವ ಉದ್ದೇಶ ಹೊಂದಿದ್ದ ನಿಲುವಾಗಿಲು, ಕೊಳಗಟ್ಟ ಮತ್ತು ಮರದೂರು ಏತ ನೀರಾವರಿ ಯೋಜನೆಗಳು ಹೆಸರಿಗಷ್ಟೇ ಇದ್ದು, ಇದನ್ನು ಅವಲಂಬಿಸಿರುವ 24 ಕೆರೆಗಳು ನೀರಿಲ್ಲದೆ ಬರಿದಾಗುತ್ತಿವೆ.

. ಈ ಮೂರೂ ಯೋಜನೆಗಳಲ್ಲಿ ಬಳಸಿರುವ ಪೈಪ್ಲೈನ್ಗಳು ಗುಣಮಟ್ಟವಿಲ್ಲದೆ ಅಲ್ಲಲ್ಲಿ ಒಡೆದಿವೆ. ಮರದೂರು ಘಟಕದ ಯಂತ್ರ ಕೆಟ್ಟುನಿಂತಿದೆ. ಈ ಎಲ್ಲವನ್ನು ಪರಿಶೀಲಿಸಿ ಮಳೆಗಾಲದ ಕಾರ್ಯಾಚರಣೆಗೆ ಸನ್ನದ್ಧವಾಗಿರಬೇಕಿದ್ದ ಆಡಳಿತ ಯಂತ್ರವೂ ವಿಫಲವಾಗಿದ್ದು, ಸಾರ್ವಜನಿಕರೂ ಈ ಕುರಿತು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

. 2018ರಲ್ಲಿ ₹ 3.4 ಕೋಟಿ ವೆಚ್ಚದಲ್ಲಿ ಅನುಷ್ಠಾನಗೊಂಡ ಕೊಳಗಟ್ಟ ಏತನೀರಾವರಿ ಯೋಜನೆಯ ಲಾಭ ಶ್ರವಣನಹಳ್ಳಿ ಕೆರೆ, ರಾಯನಹಳ್ಳಿ, ಗುರುಗಳ ಕಟ್ಟೆ, ಕೊಳಗಟ್ಟ ಕೆರೆ, ಕುಪ್ಪೆ ಕೆರೆ, ಕೊಳಗಟ್ಟ ಹೊಸಕೆರೆ ಮತ್ತು ರಂಗಯ್ಯನ ಕೊಪ್ಪಲು ಕೆರೆಗಳಿಗೆ ಸಿಗಬೇಕಿದ್ದು, ಪೈಪ್ ಅಲ್ಲಲ್ಲಿ ಒಡೆದು ನೀರು ಹರಿಯದ ಪರಿಸ್ಥಿತಿ ನಿರ್ಮಾಣವಾಗಿದೆ.

. ₹ 23 ಕೋಟಿ ಅನುದಾನದಲ್ಲಿ ಜಾರಿಗೊಂಡ, 14 ಕೆರೆಗಳಿಗೆ ನೀರು ತುಂಬಿಸಬೇಕಿದ್ದ ನಿಲುವಾಗಿಲು ಯೋಜನೆ ಪೂರ್ಣವಾಗದಿರುವುದು ಒಟ್ಟಾರೆ ಯೋಜನೆಯ ಉದ್ದೇಶಕ್ಕೆ ದೊಡ್ಡ ಹಿನ್ನಡೆಯಾಗಿದೆ.

. ತಾಲ್ಲೂಕಿನ ಅತಿ ಹಳೆಯ ಏತ ನೀರಾವರಿ ಎಂಬ ಹೆಗ್ಗಳಿಕೆ ಹೊಂದಿರುವ ಮರದೂರು ಏತ ನೀರಾವರಿ ಯೋಜನೆಗೆ 2013–14 ರಲ್ಲಿ ₹ 2 ಕೋಟಿ ಅನುದಾನದಲ್ಲಿ ಜೀರ್ಣೋದ್ಧಾರ ಕಾಮಗಾರಿ ನಡೆಸಿದ್ದರೂ, ಗುಣಮಟ್ಟದ ಪೈಪ್ ಅಳವಡಿಸದೆ ಕೂಗಳತೆ ದೂರದ ಹೊಸಕೆರೆಗೂ ನೀರು ಸೇರದ ಪರಿಸ್ಥಿತಿಯಲ್ಲಿದೆ.

. ಸಣ್ಣ ನೀರಾವರಿ ಇಲಾಖೆ ಎಇಇ ಈಶ್ವರ್ ಮಾತನಾಡಿ, ‘ತಾಲ್ಲೂಕಿನಲ್ಲಿ 11 ಏತ ನೀರಾವರಿ ಯೋಜನೆ ಜಾರಿಯಲ್ಲಿದ್ದು, ಕೆಲವು ಘಟಕ ತಾಂತ್ರಿಕ ಕಾರಣದಿಂದ ತಾತ್ಕಾಲಿಕವಾಗಿ ಸ್ಥಗಿತಗೊಂಡಿವೆ. ಮರದೂರು ಏತ ನೀರಾವರಿ ಘಟಕದಲ್ಲಿ ಅಳವಡಿಸಿದ್ದ ಪೈಪ್ ಲೈನ್ ಸಮಸ್ಯೆಯಿಂದ ಈಗ ಮತ್ತೊಮ್ಮೆ ದುರಸ್ಥಿಗೆ ₹ 1 ಕೋಟಿ ಅನುದಾನಕ್ಕೆ ಪ್ರಸ್ತಾವನೆ ಸಲ್ಲಿಸಿದ್ದೇವೆ’ ಎಂದು ತಿಳಿಸಿದರು.

. ‘ನಿಲುವಾಗಿಲು ಏತ ನೀರಾವರಿ ಯೋಜನೆಯಲ್ಲಿ ಹಬ್ಬನಕುಪ್ಪೆ ಗ್ರಾಮದ ಎರಡು ಕೆರೆಗಳಿಗೆ ಈ ಹಿಂದೆ ಗ್ರಾವಿಟೇಶನ್ ತಂತ್ರಜ್ಞಾನದಲ್ಲಿ ನೀರು ಹರಿಸಲು ಕ್ರಮವಹಿಸಿತ್ತು, ಬದಲಾದ ವ್ಯವಸ್ಥೆಯಿಂದಾಗಿ ಈಗ ₹ 2 ಕೋಟಿ ಅನುದಾನದಲ್ಲಿ ಪೈಪ್ ಲೈನ್ ಅಳವಡಿಸುವ ಕಾಮಗಾರಿಗೆ ಟೆಂಡರ್ ಕರೆಯಲಾಗಿದೆ’ ಎಂದು ‘ಪ್ರಜಾವಾಣಿ’ಗೆ ತಿಳಿಸಿದರು.

. Highlights - ಪೂರ್ಣವಾಗದ ನಿಲುವಾಗಿಲು ಯೋಜನೆ ಒಡೆದ ಪೈಪ್; ತಲುಪದ ನೀರು ಕಾರ್ಯಾಚರಣೆ ಸಮಯದಲ್ಲಿ ಕಾಮಗಾರಿ; ಆಕ್ರೋಶ

. Quote - ಮರದೂರು ಏತ ನೀರಾವರಿ ಆರಂಭದಿಂದಲೂ ಸಮಸ್ಯೆ ಎದುರಿಸುತ್ತಿದ್ದು ಕಳೆದ ಸಾಲಿನಲ್ಲಿ ಮಳೆ ಕಡಿಮೆಯಾಗಿ ನೀರಿಲ್ಲ ಈ ವರ್ಷ ಪೈಪ್ ಮಾರ್ಗ ದುರಸ್ತಿಗೊಳ್ಳದೆ ನೀರಿಲ್ಲ ಸ್ವಾಮಿ ಪ್ರಗತಿಪರ ರೈತ ಮರದೂರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹುಣಸೂರು: ಮಳೆಗಾಲದಲ್ಲೂ ಕೆರೆಗೆ ನೀರಿಲ್ಲ

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಚುರುಮುರಿ: ರಾಜಕೀಯ ಅಂತ್ಯಾಕ್ಷರಿ!

ತನ್ನ ಪ್ಲಾಸ್ಮಾ ನೀಡಿ ತಂದೆಯ ವಯಸ್ಸನ್ನು 25 ವರ್ಷ ತಗ್ಗಿಸಿದ ಆಧುನಿಕ ಪುರು

IND vs NZ 1st Test | ಹಿಟ್‌ಮ್ಯಾನ್ ಬಳಗ 46ಕ್ಕೆ ಆಲೌಟ್‌

ಪ್ರೊ ಕಬಡ್ಡಿ ಲೀಗ್‌ ಇಂದಿನಿಂದ: ಮುತ್ತಿನ ನಗರಿಯಲ್ಲಿ ಇಂದು ‘ದಕ್ಷಿಣ ಡರ್ಬಿ’

IND vs NZ Test | ಟಿಕೆಟ್ ಇದ್ದರೂ ಪ್ರವೇಶ ಸಿಗದೆ ಪರದಾಡಿದ ಪ್ರೇಕ್ಷಕರು

ರಣಜಿ ಟ್ರೋಫಿ: ಕರ್ನಾಟಕಕ್ಕೆ ಇಂದಿನಿಂದ ಕೇರಳ ಸವಾಲು

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಒಳನೋಟ: ‘ಅಡವಿ‘ಗೆ ಸೋಲಿಗರೇ ಮಾಲೀಕರು

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಚುರುಮುರಿ: ರಾಜಕೀಯ ಅಂತ್ಯಾಕ್ಷರಿ!

ತನ್ನ ಪ್ಲಾಸ್ಮಾ ನೀಡಿ ತಂದೆಯ ವಯಸ್ಸನ್ನು 25 ವರ್ಷ ತಗ್ಗಿಸಿದ ಆಧುನಿಕ ಪುರು