<p><strong>ಕವಿತಾಳ:</strong> ತೆಲಂಗಾಣ ರಾಜ್ಯದಿಂದ ಜಿಲ್ಲೆಗೆ ಬರುವ ಯುವಕರು ಇಲ್ಲಿನ ರಸ್ತೆ ಬದಿ ಮರಗಳಿಂದ ಹೂವು, ಕಾಯಿ, ಚಿಗುರು ಮತ್ತು ಕೊಂಬೆಗಳನ್ನು ಸಂಗ್ರಹಿಸಿ ಅದನ್ನು ಪುಡಿ ಮಾಡಿ ಕರೀಂ ನಗರದ ಫ್ಯಾಕ್ಟರಿಗೆ ಪೂರೈಸುವ ಮೂಲಕ ಜೀವನೋಪಾಯಕ್ಕೆ ದಾರಿ ಕಂಡುಕೊಂಡಿದ್ದಾರೆ. </p>.<p>ಜಿಲ್ಲೆಯ ಸಿರವಾರ, ಕವಿತಾಳ, ಮಾನ್ವಿ ಸೇರಿದಂತೆ ವಿವಿಧೆಡೆ ರಸ್ತೆ ಬದಿ ಬೆಳೆದ ‘ಮಳೆಮರ’ ಗಳು ಈ ಯುವಕರ ದುಡಿಮೆಗೆ ಆಸರೆಯಾಗಿವೆ.</p>.<p>ಕಡು ಹಸಿರು ಬಣ್ಣದ ಸಣ್ಣ ಸಣ್ಣ ಎಲೆಗಳಿಂದ ಕೂಡಿದ ಮಳೆ ಮರ ಎತ್ತರಕ್ಕೆ ಛತ್ರಿ ಆಕಾರಕ್ಕೆ ಬೆಳೆಯುತ್ತದೆ, ನೋಡಿದರೆ ಎತ್ತರದಲ್ಲಿ ಹಸಿರು ಛತ್ರಿ ನೋಡಿದಂತೆ ಭಾಸವಾಗುತ್ತದೆ,</p>.<p>ಈ ಮರದ ಹಳದಿ ಮಿಶ್ರಿತ ಕೆಂಪು ಬಣ್ಣದ ಹೂವು, ಕಾಯಿ, ಕೊಂಬೆಗಳನ್ನು ಸಂಗ್ರಹಿಸಿ ಒಣಗಿಸಿ ಡಾಂಬರು ರಸ್ತೆಯಲ್ಲಿ ಹಾಕಿ ಚೆನ್ನಾಗಿ ಪುಡಿ ಮಾಡಿ ಅದನ್ನು ಸೋಸುವ ಮೂಲಕ ಸಣ್ಣದಾದ ಪುಡಿಯನ್ನು ಫ್ಯಾಕ್ಟರಿಗೆ ಪೂರೈಸಲಾಗುತ್ತದೆ.</p>.<p>ಪ್ರತಿ ಒಂದು ಕೆ.ಜಿ. ಮರದ ಪುಡಿಯನ್ನು ₹200ರಂತೆ ಖರೀದಿಸುವ ಮದ್ಯವರ್ತಿಗಳು ಅದನ್ನು ಹೆಚ್ಚಿನ ದರಕ್ಕೆ ಶೂ ಪಾಲಿಶ್ ತಯಾರಿಸುವ ಫ್ಯಾಕ್ಟರಿಗೆ ಮಾರಾಟ ಮಾಡುತ್ತಾರೆ ಎನ್ನುತ್ತಾರೆ ಯುವಕರು.</p>.<p>‘ಮೂರು ಜನ ಕೆಲಸ ಮಾಡಿದರೆ ಎರಡು ದಿನದಲ್ಲಿ ಅಂದಾಜು 10ರಿಂದ 15 ಕೆ.ಜಿ. ಯವರೆಗೆ ಪುಡಿ ಸಂಗ್ರಹವಾಗುತ್ತದೆ. ಅದನ್ನು ಸಣ್ಣ ಚೀಲಗಳಲ್ಲಿ ತುಂಬಿ ಬಸ್ನಲ್ಲಿ ಸಾಗಿಸುತ್ತೇವೆ ಅಲ್ಲಿ ತೂಕ ಹಾಕುವ ಮದ್ಯವರ್ತಿಗಳು ಹಣ ನೀಡುತ್ತಾರೆ’ ಎಂದು ಯುವಕ ನಾಗಸಾಯಿ ಹೇಳಿದರು.</p>.<p>‘ನೂರಾರು ಕಿ.ಮೀ. ದೂರದಿಂದ ಬರುವ ಯುವಕರಿಗೆ ಸರಿಯಾಗಿ ಕನ್ನಡ ಮಾತನಾಡಲು ಬರುವುದಿಲ್ಲ. ಅವರು ತಮ್ಮ ಪಾಡಿಗೆ ತಾವು ಕೆಲಸ ಮಾಡುತ್ತಿರುತ್ತಾರೆ. ಮಳೆ ಮರಗಳ ಸಂಖ್ಯೆ ನಮಲ್ಲಿಯೇ ಹೆಚ್ಚು ಕಂಡು ಬರುತ್ತವೆ. ಈ ಮರಗಳ ಉಪಯೋಗದ ಬಗ್ಗೆ ಇಲ್ಲಿನವರಿಗೆ ತಿಳಿದಿಲ್ಲ. ಹೊರ ರಾಜ್ಯದಿಂದ ಬರುವ ಯುವಕರು ಈ ರೀತಿ ಅದನ್ನು ಸಂಸ್ಕರಿಸಿ ದುಡಿಮೆ ಕಂಡು ಕೊಂಡಿರುವುದು ಅಚ್ಚರಿ ಮೂಡಿಸುತ್ತದೆ’ ಎಂದು ಶ್ರಮಜೀವಿ ಸಂಸ್ಥೆಯ ಅಧ್ಯಕ್ಷ ಮಲ್ಲಯ್ಯ ಗೋರ್ಕಲ್ ಹೇಳಿದರು.</p>.<p>‘ಮಳೆ ಮರ ಅಲಂಕಾರಿಕ ಮರವಾಗಿದೆ ಉತ್ತಮ ನೆರಳು ನೀಡುವ ಕಾರಣಕ್ಕೆ ರಸ್ತೆ ಬದಿ ನೆಡಲಾಗುತ್ತದೆ. ಅದರ ಹೂವು, ಕಾಯಿ ಮತ್ತು ಕೊಂಬೆಗಳನ್ನು ಬಣ್ಣ, ಅಂಟು ಮತ್ತಿತರ ವಸ್ತುಗಳ ತಯಾರಿಕೆಗೆ ಬಳಸುತ್ತಾರೆ’ ಎಂದು ಅರಣ್ಯ ಇಲಾಖೆ ಸಿಬ್ಬಂದಿ ಬೂದೆಪ್ಪ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕವಿತಾಳ:</strong> ತೆಲಂಗಾಣ ರಾಜ್ಯದಿಂದ ಜಿಲ್ಲೆಗೆ ಬರುವ ಯುವಕರು ಇಲ್ಲಿನ ರಸ್ತೆ ಬದಿ ಮರಗಳಿಂದ ಹೂವು, ಕಾಯಿ, ಚಿಗುರು ಮತ್ತು ಕೊಂಬೆಗಳನ್ನು ಸಂಗ್ರಹಿಸಿ ಅದನ್ನು ಪುಡಿ ಮಾಡಿ ಕರೀಂ ನಗರದ ಫ್ಯಾಕ್ಟರಿಗೆ ಪೂರೈಸುವ ಮೂಲಕ ಜೀವನೋಪಾಯಕ್ಕೆ ದಾರಿ ಕಂಡುಕೊಂಡಿದ್ದಾರೆ. </p>.<p>ಜಿಲ್ಲೆಯ ಸಿರವಾರ, ಕವಿತಾಳ, ಮಾನ್ವಿ ಸೇರಿದಂತೆ ವಿವಿಧೆಡೆ ರಸ್ತೆ ಬದಿ ಬೆಳೆದ ‘ಮಳೆಮರ’ ಗಳು ಈ ಯುವಕರ ದುಡಿಮೆಗೆ ಆಸರೆಯಾಗಿವೆ.</p>.<p>ಕಡು ಹಸಿರು ಬಣ್ಣದ ಸಣ್ಣ ಸಣ್ಣ ಎಲೆಗಳಿಂದ ಕೂಡಿದ ಮಳೆ ಮರ ಎತ್ತರಕ್ಕೆ ಛತ್ರಿ ಆಕಾರಕ್ಕೆ ಬೆಳೆಯುತ್ತದೆ, ನೋಡಿದರೆ ಎತ್ತರದಲ್ಲಿ ಹಸಿರು ಛತ್ರಿ ನೋಡಿದಂತೆ ಭಾಸವಾಗುತ್ತದೆ,</p>.<p>ಈ ಮರದ ಹಳದಿ ಮಿಶ್ರಿತ ಕೆಂಪು ಬಣ್ಣದ ಹೂವು, ಕಾಯಿ, ಕೊಂಬೆಗಳನ್ನು ಸಂಗ್ರಹಿಸಿ ಒಣಗಿಸಿ ಡಾಂಬರು ರಸ್ತೆಯಲ್ಲಿ ಹಾಕಿ ಚೆನ್ನಾಗಿ ಪುಡಿ ಮಾಡಿ ಅದನ್ನು ಸೋಸುವ ಮೂಲಕ ಸಣ್ಣದಾದ ಪುಡಿಯನ್ನು ಫ್ಯಾಕ್ಟರಿಗೆ ಪೂರೈಸಲಾಗುತ್ತದೆ.</p>.<p>ಪ್ರತಿ ಒಂದು ಕೆ.ಜಿ. ಮರದ ಪುಡಿಯನ್ನು ₹200ರಂತೆ ಖರೀದಿಸುವ ಮದ್ಯವರ್ತಿಗಳು ಅದನ್ನು ಹೆಚ್ಚಿನ ದರಕ್ಕೆ ಶೂ ಪಾಲಿಶ್ ತಯಾರಿಸುವ ಫ್ಯಾಕ್ಟರಿಗೆ ಮಾರಾಟ ಮಾಡುತ್ತಾರೆ ಎನ್ನುತ್ತಾರೆ ಯುವಕರು.</p>.<p>‘ಮೂರು ಜನ ಕೆಲಸ ಮಾಡಿದರೆ ಎರಡು ದಿನದಲ್ಲಿ ಅಂದಾಜು 10ರಿಂದ 15 ಕೆ.ಜಿ. ಯವರೆಗೆ ಪುಡಿ ಸಂಗ್ರಹವಾಗುತ್ತದೆ. ಅದನ್ನು ಸಣ್ಣ ಚೀಲಗಳಲ್ಲಿ ತುಂಬಿ ಬಸ್ನಲ್ಲಿ ಸಾಗಿಸುತ್ತೇವೆ ಅಲ್ಲಿ ತೂಕ ಹಾಕುವ ಮದ್ಯವರ್ತಿಗಳು ಹಣ ನೀಡುತ್ತಾರೆ’ ಎಂದು ಯುವಕ ನಾಗಸಾಯಿ ಹೇಳಿದರು.</p>.<p>‘ನೂರಾರು ಕಿ.ಮೀ. ದೂರದಿಂದ ಬರುವ ಯುವಕರಿಗೆ ಸರಿಯಾಗಿ ಕನ್ನಡ ಮಾತನಾಡಲು ಬರುವುದಿಲ್ಲ. ಅವರು ತಮ್ಮ ಪಾಡಿಗೆ ತಾವು ಕೆಲಸ ಮಾಡುತ್ತಿರುತ್ತಾರೆ. ಮಳೆ ಮರಗಳ ಸಂಖ್ಯೆ ನಮಲ್ಲಿಯೇ ಹೆಚ್ಚು ಕಂಡು ಬರುತ್ತವೆ. ಈ ಮರಗಳ ಉಪಯೋಗದ ಬಗ್ಗೆ ಇಲ್ಲಿನವರಿಗೆ ತಿಳಿದಿಲ್ಲ. ಹೊರ ರಾಜ್ಯದಿಂದ ಬರುವ ಯುವಕರು ಈ ರೀತಿ ಅದನ್ನು ಸಂಸ್ಕರಿಸಿ ದುಡಿಮೆ ಕಂಡು ಕೊಂಡಿರುವುದು ಅಚ್ಚರಿ ಮೂಡಿಸುತ್ತದೆ’ ಎಂದು ಶ್ರಮಜೀವಿ ಸಂಸ್ಥೆಯ ಅಧ್ಯಕ್ಷ ಮಲ್ಲಯ್ಯ ಗೋರ್ಕಲ್ ಹೇಳಿದರು.</p>.<p>‘ಮಳೆ ಮರ ಅಲಂಕಾರಿಕ ಮರವಾಗಿದೆ ಉತ್ತಮ ನೆರಳು ನೀಡುವ ಕಾರಣಕ್ಕೆ ರಸ್ತೆ ಬದಿ ನೆಡಲಾಗುತ್ತದೆ. ಅದರ ಹೂವು, ಕಾಯಿ ಮತ್ತು ಕೊಂಬೆಗಳನ್ನು ಬಣ್ಣ, ಅಂಟು ಮತ್ತಿತರ ವಸ್ತುಗಳ ತಯಾರಿಕೆಗೆ ಬಳಸುತ್ತಾರೆ’ ಎಂದು ಅರಣ್ಯ ಇಲಾಖೆ ಸಿಬ್ಬಂದಿ ಬೂದೆಪ್ಪ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>