ಆನಂದಪುರ: ಲಾಭದ ದಾರಿ ತೋರಿದ ಅನಾನಸ್‌ ಕೃಷಿ

ಆನಂದಪುರ: ಪ್ರಸ್ತುತ ಸನ್ನಿವೇಶದಲ್ಲಿ ಕೃಷಿಯಿಂದ ವಿಮುಖರಾಗುತ್ತಿರುವ ಸಂಖ್ಯೆ ಹೆಚ್ಚುತ್ತಿರುವ ಸಂದರ್ಭದಲ್ಲಿ ಕೃಷಿಯನ್ನೇ ಜೀವನದ ಮೂಲ ಆಧಾರವಾಗಿ ಅವಲಂಬಿಸಿ ಅದರಲ್ಲೇ ನೆಮ್ಮದಿಯ ಜೀವನ ಸಾಗಿಸುತ್ತಿದ್ದಾರೆ ಚಂದ್ರಶೇಖರ್ ಗೌಡ್ರು ಹಾಗೂ ಅವರ ಕುಟುಂಬ.

. ಆನಂದಪುರ ಸಮೀಪದ ಹೊಸಗುಂದದಲ್ಲಿ ನೆಲಸಿರುವ ಇವರು ತಮ್ಮ 4 ಎಕರೆ ಜಮೀನಿನಲ್ಲಿ ತೆಂಗು, ಬಾಳೆ, ಅಡಿಕೆ, ಅನಾನಸ್ ಸೇರಿ ವಿವಿಧ ಬೆಳೆಗಳನ್ನು ಬೆಳೆಯುತ್ತಿದ್ದಾರೆ. ಮೊದಲು ಲಗೇಜ್ ಆಟೊದಿಂದ ಬಂದ ಆದಾಯದಿಂದಲೇ ಜೀವನ ಸಾಗಿಸುತ್ತಿದ್ದ ಇವರು ಇಂದು ಕೃಷಿಯನ್ನೇ ಆದಾಯದ ಮೂಲವಾಗಿಸಿಕೊಂಡಿದ್ದಾರೆ.

. ಏಕಬೆಳೆ ಪದ್ಧತಿಯ ಬೆಳೆ ಬೆಳೆಯುವುದಕ್ಕಿಂತ ಮಿಶ್ರಬೆಳೆ ಆಳವಡಿಸಿಕೊಳ್ಳುವುದರಿಂದ ಒಂದು ಬೆಳೆಯಲ್ಲಾದ ನಷ್ಟವನ್ನು ಮತ್ತೊಂದು ಬೆಳೆಯಲ್ಲಿ ಸರಿದೂಗಿಸಬಹುದು ಎನ್ನುವ ಆಲೋಚನೆಯಲ್ಲಿ ಅಡಿಕೆಯ ನಡುವೆ ಅನಾನಸ್ ಅನ್ನು ಬೆಳೆಯುತ್ತಿದ್ದಾರೆ. ಇದರಿಂದಾಗಿ ನೀರಿನ ಉಳಿತಾಯದ ಜೊತೆಗೆ ಕೆಲಸ, ಸಮಯವೂ ಉಳಿಯುತ್ತದೆ ಎಂಬುದು ಇವರ ಅಭಿಪ್ರಾಯ.

. ಮೂರು ಎಕರೆ ಅಡಿಕೆ ತೋಟದಲ್ಲಿ 3 ವರ್ಷಗಳಿಂದ ಅನಾನಸ್ ಬೆಳೆಯುತ್ತಿದ್ದಾರೆ. ಕೊರೊನಾ ಕಾರಣದಿಂದ ಎರಡು ವರ್ಷಗಳಿಂದ ಬೆಲೆ ಕುಸಿತದಿಂದ ನಷ್ಟ ಅನುಭವಿಸಿದ್ದರು. ಪ್ರಸ್ತುತ ಅನಾನಸ್ ಹಣ್ಣಿಗೆ ಮಾರುಕಟ್ಟೆಯಲ್ಲಿ ಉತ್ತಮ ಬೆಲೆ ಇದೆ. ಹೀಗಾಗಿ ಇದರ ಜೊತೆಗೆ 2 ಎಕರೆ ಜಮೀನು ಗೇಣಿ ಪಡೆದು ಅನಾನಸ್ ಬೆಳೆಯುತ್ತಿದ್ದಾರೆ.

. ಮಾರುಕಟ್ಟೆ ಸಮಸ್ಯೆ ಇಲ್ಲ: ‘ಪ್ರತಿ ವರ್ಷ ನಾವು ಬೆಳೆಯುತ್ತಿರುವ ಅನಾನಸ್ ದೆಹಲಿ ಮಾರುಕಟ್ಟೆಗೆ ಹೋಗುವುದರಿಂದ ಮಾರುಕಟ್ಟೆ ಸಮಸ್ಯೆ ಬಂದಿಲ್ಲ. ಬನವಾಸಿ ಹಾಗೂ ಶಿರಸಿಯ ವರ್ತಕರು ದೆಹಲಿ ಮಾರುಕಟ್ಟೆಗೆ ಕಳುಹಿಸುತ್ತಾರೆ. ಸದ್ಯಕ್ಕೆ ಅನಾನಸ್ ಉತ್ತಮ ಆದಾಯ ತಂದುಕೊಡುವ ಬೆಳೆಯಾಗಿದೆ’ ಎಂದು ಚಂದ್ರಶೇಖರಪ್ಪ ಗೌಡ್ರು ತಿಳಿಸಿದರು.

. ಅನಾನಸ್ ಬೆಳೆ ಕೈಗೆ ಸಿಗಲು 16 ತಿಂಗಳುಗಳಿಂದ 18 ತಿಂಗಳು ಬೇಕಾಗುತ್ತದೆ. ಒಂದು ಎಕರೆಗೆ ಸುಮಾರು ₹ 2 ಲಕ್ಷದಷ್ಟು ಖರ್ಚು ಆಗುತ್ತದೆ. ಉತ್ತಮ ಮಾರುಕಟ್ಟೆಯ ಜೊತೆಗೆ ಪ್ರಸ್ತುತ ಇರುವ ಉತ್ತಮ ಬೆಲೆಯೇ ಸಿಕ್ಕರೆ ಎಕರೆಗೆ ₹ 4 ಲಕ್ಷಕ್ಕೂ ಹೆಚ್ಚು ಲಾಭ ಗಳಿಸಬಹುದು. ಮುಂದಿನ ದಿನಗಳಲ್ಲಿ ಅಡಿಕೆ ಫಸಲು ಬರುತ್ತಿದ್ದು, ಉತ್ತಮ ಆದಾಯದ ನೀರಿಕ್ಷೆಯಲ್ಲಿದ್ದಾರೆ. ಕೊಳವೆ ಬಾವಿಯ ಮೂಲಕ ಎಲ್ಲ ಬೆಳೆಗಳಿಗೆ ನೀರುಣಿಸುತ್ತಿದ್ದಾರೆ.

. ಅಡಿಕೆ ಸಸಿಗಳು ಲಭ್ಯ:ಅಡಿಕೆ ಬೆಲೆ ನಿರಂತರವಾಗಿ ಏರುತ್ತಿರುವ ಕಾರಣ ಅಡಿಕೆ ಬೆಳೆಯುವವರ ಸಂಖ್ಯೆ ಹೆಚ್ಚುತ್ತಿದೆ. ನೀರಾವರಿ ಜಮೀನಿಗೆ ಮಾತ್ರ ಸಿಮಿತವಾಗಿದ್ದ ಅಡಿಕೆ ಇಂದು ಖುಷ್ಕಿ ಜಮೀನಿಗೂ ವಿಸ್ತರಿಸಿದೆ. ಹೀಗಾಗಿ ಬೇಡಿಕೆ ಹೆಚ್ಚಾದ ಕಾರಣ ಅಡಿಕೆ ಸಸಿಗಳನ್ನೂ ಮಾರಾಟ ಮಾಡಲು ಆರಂಭಿಸಿದ್ದಾರೆ. ಒಂದು ಅಡಿಕೆ ಸಸಿಗೆ ₹ 8 ರಿಂದ ₹ 10 ವ್ಯಯವಾಗುತ್ತದೆ. ಈಗ ಮಾರುಕಟ್ಟೆಯಲ್ಲಿ ಬೇಡಿಕೆ ಇರುವ ಕಾರಣ ₹ 20 ರಿಂದ₹ 25ರ ದರಕ್ಕೆ ಮಾರಾಟವಾಗುತ್ತಿದೆ. ಮಲೆನಾಡಿನಲ್ಲಿ ಮಾತ್ರವಲ್ಲದೇ ಬಯಲು ಸೀಮೆಯಿಂದಲೂ ಅಡಿಕೆ ಗಿಡಗಳಿಗೆಬೇಡಿಕೆ ಬರುತ್ತಿದೆ. ತೆಂಗಿನಸಸಿಗಳನ್ನೂ ಮಾರುತ್ತೇವೆ’ ಎಂದು ಅವರು ತಿಳಿಸಿದರು.

. ಒಂದು ಎಕರೆಯಲ್ಲಿ ಅರಸಿಕೆರೆ,ಬಿರೂರು ತಳಿಯ ತೆಂಗನ್ನು ಬೆಳೆದಿದ್ದುಉತ್ತಮ ಫಸಲು ನೀಡುತ್ತಿದೆ. ಇವರ ಕೃಷಿ ಕಾರ್ಯಕ್ಕೆ ಇಬ್ಬರೂ ಮಕ್ಕಳು ಕೈಜೋಡಿಸಿರುವುದರಿಂದ ಪ್ರಗತಿಸಾಧಿಸಲು ಸಾಧ್ಯವಾಗಿದೆ. ಗೇರು ಹಾಗೂ ಬಾಳೆಯನ್ನು ಸಹ ಬೆಳೆದು ಲಾಭದ ದಾರಿ ಕಂಡುಕೊಂಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆನಂದಪುರ: ಲಾಭದ ದಾರಿ ತೋರಿದ ಅನಾನಸ್‌ ಕೃಷಿ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಏಷ್ಯನ್ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಸೆಮಿಫೈನಲ್: ಭಾರತ ಗೆಲ್ಲುವ ನೆಚ್ಚಿನ ತಂಡ

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024