ತುಮಕೂರು | ಕೃಷಿ ಕೆಲಸಗಳಿಗೆ ಕಾರ್ಮಿಕರ ಕೊರತೆ; ಹೆಚ್ಚಿದ ಕೂಲಿ

ತೋವಿನಕೆರೆ : ಹೋಬಳಿ ವ್ಯಾಪ್ತಿಯಲ್ಲಿ ಕೃಷಿ ಕೆಲಸಗಳಿಗೆ ಕಾರ್ಮಿಕರ ಕೊರತೆ ತೀವ್ರವಾಗಿದೆ. ಊಟ, ತಿಂಡಿ ಜೊತೆ ಪುರುಷನಿಗೆ ₹800, ಮಹಿಳೆಯರಿಗೆ ₹450 ದಿನಕೂಲಿ ನೀಡಿದರೂ ಕಾರ್ಮಿಕರು ಸಿಗುತ್ತಿಲ್ಲ.

. ಆಳುಗಳ ಕೊರತೆಯಿಂದ ಕೃಷಿ ಚಟುವಟಿಕೆಗಳಿಗೆ ಒಂದೆಡೆ ಹಿನ್ನಡೆಯಾದರೆ, ಸಂಸ್ಕರಣೆಗೆ ಕುಡುಕರ ಹಾವಳಿ ಅಡ್ಡಿಯಾಗಿದೆ.

. ಸುತ್ತಮುತ್ತಲಿನ ನೂರಾರು ಎಕರೆಯ ಪ್ರದೇಶಗಳಲ್ಲಿ ರಾಗಿ ಕಟಾವಿಗೆ ಬಂದಿದ್ದು, ಕೃಷಿ ಕಾರ್ಮಿಕರ ಕೊರತೆ, ಹೆಚ್ಚಾಗಿರುವ ದಿನಕೂಲಿ, ತುಂತುರು ಮಳೆಯಿಂದಾಗಿ ರೈತರು ಅತಂಕಗೊಂಡಿದ್ದಾರೆ.

. ರಾಗಿ ಕಟಾವಿಗೆ ಮಹಿಳಾ ಕಾರ್ಮಿಕರು ಹೆಚ್ಚು ಬೇಕಾಗಿದೆ. 15-20 ಕಿ.ಮೀ ದೂರದಿಂದ ವಾಹನ ವ್ಯವಸ್ಥೆ ಮಾಡಿ ಕರೆದುಕೊಂಡು ಬರಲಾಗುತ್ತಿದೆ. ಬೆಳಿಗ್ಗೆ ತಿಂಡಿ, ಮದ್ಯಾಹ್ನದ ಊಟ, ಎರಡು ಸಮಯ ಟೀ, ಅಡಿಕೆ– ಎಲೆ, ನಾಲ್ಕು ಗಂಟೆಗೆ ಕಡ್ಲೆ, ಪುರಿ ಕಾರದ ಮಿಶ್ರಣ ನೀಡಲಾಗುತ್ತಿದೆ.

. ಕೆಲವರು ಬೆಳಿಗ್ಗೆ ಏಳರಿಂದ ಸಂಜೆ ಐದು ಗಂಟೆವರೆಗೂ ಕಟಾವು ಮಾಡಲು ಸೌಲಭ್ಯ ನೀಡಿ ₹600 ಕೊಟ್ಟಿರುವ ಉದಾಹರಣೆಗಳಿವೆ. ಮುಯ್ಯಾಳು ಪದ್ಧತಿ ಅನುಸರಿಸಿಕೊಂಡು ಬಂದವರಲ್ಲಿ ಮಾತ್ರ ಕೃಷಿ ಕೆಲಸಗಳು ಸರಾಗವಾಗಿ ನಡೆಯುತ್ತಿವೆ.

. ಕುರಂಕೋಟೆ, ಕೆಸ್ತೂರು ಸಿದ್ಧರಬೆಟ್ಟ, ಬುಕ್ಕಪಟ್ಟಣ ಪಂಚಾಯಿತಿ ವ್ಯಾಪ್ತಿಯಲ್ಲಿ ದಿನಗೂಲಿ ಮೊದಲಿಗಿಂತ ₹150 ಹೆಚ್ಚಿದೆ.

. ‘ರಾಗಿ ಕಟಾವಿಗೆ ಮಹಿಳಾ ಕಾರ್ಮಿಕರಿಗೆ ₹500 ನೀಡಿದ್ದೇವೆ. ಕಟಾವಿಗೆ ಒಟ್ಟು ₹6,500 ಖರ್ಚಾಗಿದೆ. ಐದು ಮೂಟೆ ರಾಗಿ ಅಗಬಹುದು’ ಎನ್ನುತ್ತಾರೆ ತೋವಿನಕೆರೆ ರೈತ ಮಹಿಳೆ.

. ಸಂಸ್ಕರಣೆಗೆ ಅಡ್ಡಿಯಾದ ಕುಡುಕರ ಹಾವಳಿ

ನೂರಾರು ವರ್ಷಗಳಿಂದ ಬಂಡೆ ಮೇಲೆ ರಾಗಿ ತೆನೆ ಶುಚಿ ಸಂಸ್ಕರಣೆ ಮಾಡುತ್ತಿದ್ದೇವೆ. ಮೂರು ವರ್ಷಗಳಿಂದ ಬಂಡೆಗಳ ರಾತ್ರಿ ವೇಳೆ ಕುಡುಕರು ಬಂದು ಕುಡಿದು ಖಾಲಿ ಬಾಟಲ್ಗಳನ್ನು ಅಲ್ಲಿಯೇ ಒಡೆದು ಹಾಕುತ್ತಿದ್ದಾರೆ. ಹಲವು ಬಾರಿ ತಹಶೀಲ್ದಾರ್ ಪೋಲಿಸರ ಗಮನಕ್ಕೆ ತಂದರೂ ಪ್ರಯೋಜನವಾಗಿಲ್ಲ. ರಾಗಿ ಜೊತೆ ಗಾಜಿನ ಚೂರು ಮಿಶ್ರಣವಾಗುವುದನ್ನು ಜ್ಞಾಪಿಸಿಕೊಂಡರೆ ಭಯವಾಗುತ್ತದೆ ಎನ್ನುತ್ತಾರೆ ಸ್ಥಳೀಯ ರೈತರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತುಮಕೂರು | ಕೃಷಿ ಕೆಲಸಗಳಿಗೆ ಕಾರ್ಮಿಕರ ಕೊರತೆ; ಹೆಚ್ಚಿದ ಕೂಲಿ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಚುರುಮುರಿ | ಸವಾಲ್– ಜವಾಬ್

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ಫುಟ್‌ಬಾಲ್‌ ಸಂಭಾವ್ಯ ತಂಡದಲ್ಲಿ ಸಂದೇಶ್‌ ಜಿಂಗಾನ್‌ಗೆ ಸ್ಥಾನ

ನೆಟ್ಟಕಲ್ಲಪ್ಪ ರಾಷ್ಟ್ರಮಟ್ಟದ ಈಜು: ಕಣಕ್ಕಿಳಿಯಲಿರುವ 300 ಈಜುಪಟುಗಳು

ಏಷ್ಯನ್‌ ಪಿಕಲ್‌ಬಾಲ್‌: ಭಾರತಕ್ಕೆ 14 ಪದಕ

ಮನ್‌ದೀಪ್‌ ಜಂಗ್ರಾಗೆ ವಿಶ್ವ ಬಾಕ್ಸಿಂಗ್‌ ಪ್ರಶಸ್ತಿ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಚುರುಮುರಿ | ಸವಾಲ್– ಜವಾಬ್

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್