ಮನ್‌ದೀಪ್‌ ಜಂಗ್ರಾಗೆ ವಿಶ್ವ ಬಾಕ್ಸಿಂಗ್‌ ಪ್ರಶಸ್ತಿ

ನವದೆಹಲಿ: ಭಾರತದ ವೃತ್ತಿಪರ ಬಾಕ್ಸರ್ ಮನ್ದೀಪ್ ಜಂಗ್ರಾ ಅವರು ಕೇಮನ್ ಐಲ್ಯಾಂಡ್ನಲ್ಲಿ ಸೋಮವಾರ ನಡೆದ ಸೆಣಸಾಟದಲ್ಲಿ ಬ್ರಿಟನ್ನ ಕಾನರ್ ಮೆಕಿಂಟೋಷ್ ಅವರನ್ನು ಸೋಲಿಸಿ ಡಬ್ಲ್ಯುಬಿಸಿ ವಿಶ್ವ ಬಾಕ್ಸಿಂಗ್ ಫೆಡರೇಷನ್ನ ಸೂಪರ್ ಫೆದರ್ವೇಟ್ ಚಾಂಪಿಯನ್ ಪಟ್ಟಕ್ಕೇರಿದರು.

. 31 ವರ್ಷ ವಯಸ್ಸಿನ ಮನ್ದೀಪ್ ಅವರು ಒಲಿಂಪಿಕ್ಸ್ ಮಾಜಿ ಬೆಳ್ಳಿ ಪದಕ ವಿಜೇತ ರಾಯ್ ಜೋನ್ಸ್ ಜೂನಿಯರ್ ಅವರಿಂದ ತರಬೇತಿ ಪಡೆಯುತ್ತಿದ್ದು, ವೃತ್ತಿಪರ ಬಾಕ್ಸಿಂಗ್ನಲ್ಲಿ ಒಮ್ಮೆ ಮಾತ್ರ ಸೋಲನುಭವಿಸಿದ್ದಾರೆ. ಮೆಕಿಂಟೋಷ್ ವಿರುದ್ಧ ಸೆಣಸಾಟದ ಬಹುತೇಕ ಸುತ್ತುಗಳಲ್ಲಿ ಅವರು ಮೇಲುಗೈ ಸಾಧಿಸಿದರು.

. ಮನ್ದೀಪ್ ನಡೆಸಿದ ಪ್ರಹಾರಗಳ ವೇಗಕ್ಕೆ ಹೊಂದಿಕೊಳ್ಳಲು ಬ್ರಿಟನ್ನ ಬಾಕ್ಸರ್ ಪರದಾಡಿದರು. ಚೇತರಿಸಿ ಮರುಹೋರಾಟ ನೀಡುವ ಅವರ ಯತ್ನ ಯಶಸ್ವಿಯಾಗಲಿಲ್ಲ.

. ‘ಇದು ನನ್ನ ಬದುಕಿನ ಅತಿ ದೊಡ್ಡ ಗೆಲುವು. ನನ್ನ ಪ್ರಾಯೋಜಕರು, ಕೋಚ್ ರಾಯ್ ಜೋನ್ಸ್, ಸಹಾಯಕ ಕೋಚ್ಗಳಿಗೆ ಧನ್ಯವಾದ ಅರ್ಪಿಸುವೆ’ ಎಂದು ಅವರು ಮಾಧ್ಯಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

. ‘ಈ ಸಾಧನೆಗಾಗಿ ನಾನು ವರ್ಷಗಳ ಕಾಲ ಕಠಿಣ ಶ್ರಮ ಹಾಕಿದ್ದೆ. ದೇಶಕ್ಕೆ ಹೆಮ್ಮೆ ಮೂಡಿಸುವಲ್ಲಿ ಸಫಲನಾಗಿದ್ದಕ್ಕೆ ಸಂತಸವಿದೆ’ ಎಂದು ಹರಿಯಾಣದ ಬಾಕ್ಸರ್ ತಿಳಿಸಿದ್ದಾರೆ. 2021ರಲ್ಲಿ ವೃತ್ತಿಪರರಾದ ಅವರು, ತಮ್ಮ ಈ ಸಾಧನೆಯು ಭಾರತದ ಇನ್ನಷ್ಟು ಬಾಕ್ಸರ್ಗಳಿಗೆ ವೃತ್ತಿಪರರಾಗಲು ಪ್ರೇರಣೆಯಾಗಲಿದೆ’ ಎಂಬ ವಿಶ್ವಾಸ ವ್ಯಕ್ತಪಡಿಸಿದರು.

. ‘ನಮ್ಮ ದೇಶದ ಬಾಕ್ಸರ್ಗಳು ಉತ್ತಮವಾಗಿದ್ದಾರೆ. ಅವರಲ್ಲಿ ಪ್ರತಿಭೆಗೆ ಕೊರತೆಯಿಲ್ಲ. ಅವರಿಗೆ ಉತ್ತಮ ಪ್ರಮೋಟರ್ಗಳು ಮತ್ತು ಮ್ಯಾನೇಜರ್ಗಳು ದೊರೆತರೆ ಅವರೂ ವಿಶ್ವ ಚಾಂಪಿಯನ್ನರಾಗಬಹುದು’ ಎಂದು ಜಂಗ್ರಾ ಹೇಳಿದರು.

. ವೃತ್ತಿಪರರಾದ ಮೇಲೆ 12 ಸೆಣಸಾಟಗಳಲ್ಲಿ ಅವರು 11 ರಲ್ಲಿ ಗೆದ್ದಿದ್ದಾರೆ. ಏಳರಲ್ಲಿ ನಾಕೌಟ್ ಗೆಲುವು ಪಡೆದಿದ್ದಾರೆ. ಅಮೆಚೂರ್ ಆಗಿಯೂ ಅವರ ಸಾಧನೆ ಉತ್ತಮವಾಗಿದ್ದು 2014ರ ಗ್ಲಾಸ್ಗೊ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಬೆಳ್ಳಿ ಪದಕ ಜಯಿಸಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮನ್‌ದೀಪ್‌ ಜಂಗ್ರಾಗೆ ವಿಶ್ವ ಬಾಕ್ಸಿಂಗ್‌ ಪ್ರಶಸ್ತಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ