<p><strong>ತುಮಕೂರು</strong>: ಯುವ ಸಮೂಹಕ್ಕೆ ಮೊಬೈಲ್ ರೋಗ ಅಂಟಿದ್ದು, ಇಂತಹ ವ್ಯಸನದಿಂದ ವಿದ್ಯಾರ್ಥಿಗಳು ಹೊರಬಂದು ಆರೋಗ್ಯಕರ ಸಮಾಜ ನಿರ್ಮಿಸುವ ಸಮಾಜಮುಖಿ ಪ್ರವೃತ್ತಿ ರೂಪಿಸಿಕೊಳ್ಳಬೇಕು ಎಂದು ಲೇಖಕಿ ಬಾ.ಹ.ರಮಾಕುಮಾರಿ ಸಲಹೆ ಮಾಡಿದರು.</p>.<p>ವಿಶ್ವವಿದ್ಯಾಲಯ ಕಲಾ ಕಾಲೇಜಿನ ಸಮಾಜಕಾರ್ಯ ವಿಭಾಗ ಮಂಗಳವಾರ ಹಮ್ಮಿಕೊಂಡಿದ್ದ ಹೊಸ ವಿದ್ಯಾರ್ಥಿಗಳ ಸ್ವಾಗತ ಸಮಾರಂಭ ಉದ್ಘಾಟಿಸಿ ‘ಯುವಜನತೆಯ ಮುಂದಿರುವ ಸವಾಲುಗಳು’ ಕುರಿತು ಉಪನ್ಯಾಸ ನೀಡಿದರು.</p>.<p>ಸಮಾಜದ ಸಮಸ್ಯೆಗಳಿಗೆ ಕಿವಿಗೊಡದೆ, ಕ್ರಿಯಾಶೀಲತೆ ಕಳೆದುಕೊಂಡು ಬದುಕುತ್ತಿರುವ ವಿದ್ಯಾರ್ಥಿಗಳಲ್ಲಿ ಪಂಚೇಂದ್ರಿಯ ಸ್ತಬ್ಧವಾಗಿವೆ. ವೃತ್ತಿ– ಪ್ರವೃತ್ತಿಯ ವ್ಯತ್ಯಾಸ ತಿಳಿಯದಾಗಿದೆ. ಮೆರಿಟ್ ಶಿಕ್ಷಣಕ್ಕಿಂತ ಅನುಭವ- ಅನುಭಾವದ ಶಿಕ್ಷಣ ಮುಖ್ಯ. ಸಮಾಜದ ಸಮಸ್ಯೆಗಳಿಗೆ ಸ್ಪಂದಿಸುವ ಶಿಕ್ಷಣ, ವಾಸ್ತವತೆಯನ್ನು ಎತ್ತಿತೋರಿಸುವ ಜ್ಞಾನ ರೂಪಿಸಿಕೊಳ್ಳುವ ಅವಶ್ಯಕತೆಯಿದೆ ಎಂದು ಹೇಳಿದರು.</p>.<p>ದುರ್ಬಲ ಹಾಗೂ ಸಮತೋಲನದ ಮನಸ್ಥಿತಿಯಿಂದ ಸಮಸ್ಯೆಗಳೇ ಹೆಚ್ಚು. ಪ್ರಬಲ ಮನಃಸ್ಥಿತಿ ಬದುಕಿಗೆ ಅವಕಾಶಗಳನ್ನು ತೆರೆದಿಡುತ್ತವೆ ಎಂದರು.</p>.<p>ಕವಯತ್ರಿ ರಂಗಮ್ಮ ಹೊದೇಕಲ್, ‘ಯುವ ಸಮೂಹವನ್ನು ಒಂದೇ ತಕ್ಕಡಿಯಲ್ಲಿ ತೂಗಿ, ವ್ಯಕ್ತಿತ್ವಕ್ಕೆ ಪೆಟ್ಟಾಗುವ ತೀರ್ಪು ನೀಡಬಾರದು. ಅವರಲ್ಲಿ ಕನಸು ಬಿತ್ತಬೇಕು. ಅವರ ಆಸೆ, ಕನಸುಗಳನ್ನು ಕೊಂದು ಬದುಕನ್ನು ಬಂಜರು ಮಾಡಬಾರದು’ ಎಂದು ತಿಳಿಸಿದರು.</p>.<p>ಸ್ನಾತಕೋತ್ತರ ಸಮಾಜಕಾರ್ಯ ಅಧ್ಯಯನ ಮತ್ತು ಸಂಶೋಧನಾ ವಿಭಾಗದ ಅಧ್ಯಕ್ಷ ಪ್ರೊ.ಬಿ.ರಮೇಶ್, ಪ್ರಾಧ್ಯಾಪಕ ಕೆ.ಜಿ.ಪರಶುರಾಮ, ಸಮಾಜಕಾರ್ಯ ವಿಭಾಗದ ಸಂಯೋಜಕಿ ಕೆ.ಎಸ್.ಗಿರಿಜಾ, ಉಪನ್ಯಾಸಕರಾದ ತೋತ್ಯಾ ನಾಯ್ಕ, ಜಿ.ಪ್ರಹ್ಲಾದ, ಬಿ.ಸಿ.ಭಾನುನಂದನ್, ಕೆ.ಪಿ.ಹೇಮಂತ್ ಕುಮಾರ್, ಎಸ್.ರಮೇಶ್, ಸಿ.ಸಿದ್ದೇಶ್, ಪಿ.ಟಿ.ಡೈಸನ್ ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತುಮಕೂರು</strong>: ಯುವ ಸಮೂಹಕ್ಕೆ ಮೊಬೈಲ್ ರೋಗ ಅಂಟಿದ್ದು, ಇಂತಹ ವ್ಯಸನದಿಂದ ವಿದ್ಯಾರ್ಥಿಗಳು ಹೊರಬಂದು ಆರೋಗ್ಯಕರ ಸಮಾಜ ನಿರ್ಮಿಸುವ ಸಮಾಜಮುಖಿ ಪ್ರವೃತ್ತಿ ರೂಪಿಸಿಕೊಳ್ಳಬೇಕು ಎಂದು ಲೇಖಕಿ ಬಾ.ಹ.ರಮಾಕುಮಾರಿ ಸಲಹೆ ಮಾಡಿದರು.</p>.<p>ವಿಶ್ವವಿದ್ಯಾಲಯ ಕಲಾ ಕಾಲೇಜಿನ ಸಮಾಜಕಾರ್ಯ ವಿಭಾಗ ಮಂಗಳವಾರ ಹಮ್ಮಿಕೊಂಡಿದ್ದ ಹೊಸ ವಿದ್ಯಾರ್ಥಿಗಳ ಸ್ವಾಗತ ಸಮಾರಂಭ ಉದ್ಘಾಟಿಸಿ ‘ಯುವಜನತೆಯ ಮುಂದಿರುವ ಸವಾಲುಗಳು’ ಕುರಿತು ಉಪನ್ಯಾಸ ನೀಡಿದರು.</p>.<p>ಸಮಾಜದ ಸಮಸ್ಯೆಗಳಿಗೆ ಕಿವಿಗೊಡದೆ, ಕ್ರಿಯಾಶೀಲತೆ ಕಳೆದುಕೊಂಡು ಬದುಕುತ್ತಿರುವ ವಿದ್ಯಾರ್ಥಿಗಳಲ್ಲಿ ಪಂಚೇಂದ್ರಿಯ ಸ್ತಬ್ಧವಾಗಿವೆ. ವೃತ್ತಿ– ಪ್ರವೃತ್ತಿಯ ವ್ಯತ್ಯಾಸ ತಿಳಿಯದಾಗಿದೆ. ಮೆರಿಟ್ ಶಿಕ್ಷಣಕ್ಕಿಂತ ಅನುಭವ- ಅನುಭಾವದ ಶಿಕ್ಷಣ ಮುಖ್ಯ. ಸಮಾಜದ ಸಮಸ್ಯೆಗಳಿಗೆ ಸ್ಪಂದಿಸುವ ಶಿಕ್ಷಣ, ವಾಸ್ತವತೆಯನ್ನು ಎತ್ತಿತೋರಿಸುವ ಜ್ಞಾನ ರೂಪಿಸಿಕೊಳ್ಳುವ ಅವಶ್ಯಕತೆಯಿದೆ ಎಂದು ಹೇಳಿದರು.</p>.<p>ದುರ್ಬಲ ಹಾಗೂ ಸಮತೋಲನದ ಮನಸ್ಥಿತಿಯಿಂದ ಸಮಸ್ಯೆಗಳೇ ಹೆಚ್ಚು. ಪ್ರಬಲ ಮನಃಸ್ಥಿತಿ ಬದುಕಿಗೆ ಅವಕಾಶಗಳನ್ನು ತೆರೆದಿಡುತ್ತವೆ ಎಂದರು.</p>.<p>ಕವಯತ್ರಿ ರಂಗಮ್ಮ ಹೊದೇಕಲ್, ‘ಯುವ ಸಮೂಹವನ್ನು ಒಂದೇ ತಕ್ಕಡಿಯಲ್ಲಿ ತೂಗಿ, ವ್ಯಕ್ತಿತ್ವಕ್ಕೆ ಪೆಟ್ಟಾಗುವ ತೀರ್ಪು ನೀಡಬಾರದು. ಅವರಲ್ಲಿ ಕನಸು ಬಿತ್ತಬೇಕು. ಅವರ ಆಸೆ, ಕನಸುಗಳನ್ನು ಕೊಂದು ಬದುಕನ್ನು ಬಂಜರು ಮಾಡಬಾರದು’ ಎಂದು ತಿಳಿಸಿದರು.</p>.<p>ಸ್ನಾತಕೋತ್ತರ ಸಮಾಜಕಾರ್ಯ ಅಧ್ಯಯನ ಮತ್ತು ಸಂಶೋಧನಾ ವಿಭಾಗದ ಅಧ್ಯಕ್ಷ ಪ್ರೊ.ಬಿ.ರಮೇಶ್, ಪ್ರಾಧ್ಯಾಪಕ ಕೆ.ಜಿ.ಪರಶುರಾಮ, ಸಮಾಜಕಾರ್ಯ ವಿಭಾಗದ ಸಂಯೋಜಕಿ ಕೆ.ಎಸ್.ಗಿರಿಜಾ, ಉಪನ್ಯಾಸಕರಾದ ತೋತ್ಯಾ ನಾಯ್ಕ, ಜಿ.ಪ್ರಹ್ಲಾದ, ಬಿ.ಸಿ.ಭಾನುನಂದನ್, ಕೆ.ಪಿ.ಹೇಮಂತ್ ಕುಮಾರ್, ಎಸ್.ರಮೇಶ್, ಸಿ.ಸಿದ್ದೇಶ್, ಪಿ.ಟಿ.ಡೈಸನ್ ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
