<p><strong>ಉಡುಪಿ:</strong> ಕೃಷ್ಣಾಪುರ ಮಠದ ಪರ್ಯಾಯದ ಅವಧಿಯಲ್ಲಿ ಕೃಷ್ಣನಿಗೆ ನಿತ್ಯ ತುಳಸಿ ಅರ್ಚನೆ ಹಾಗೂ ನಿರಂತರ ಭಜನಾ ಕಾರ್ಯಕ್ರಮ ಮಾಡುವ ಸಂಕಲ್ಪ ಮಾಡಿರುವುದಾಗಿ ಪರ್ಯಾಯ ಕೃಷ್ಣಾಪುರ ಮಠದ ವಿದ್ಯಾಸಾಗರ ತೀರ್ಥರು ಘೋಷಿಸಿದರು.</p>.<p>ಮಂಗಳವಾರ ಬೆಳಿಗ್ಗೆ ರಾಜಾಂಗಣದಲ್ಲಿ ನಡೆದ ಪರ್ಯಾಯ ದರ್ಬಾರ್ ಸಭೆಯಲ್ಲಿ ಮಾತನಾಡಿದ ಶ್ರೀಗಳು, ಹಿಂದೆ ಪಲಿಮಾರು ಮಠದ ಶ್ರೀಗಳು ನಡೆಸಿದಂತೆ ತುಳಸಿ ಅರ್ಚನೆ, ಭಜನಾ ಕಾರ್ಯಕ್ರಮವನ್ನು ಪರ್ಯಾಯದ ಅವಧಿಯಲ್ಲಿ ಮುಂದುವರಿಸಿಕೊಂಡು ಹೋಗುವುದಾಗಿ ತಿಳಿಸಿ, ಈ ಕಾರ್ಯಕ್ಕೆ ಭಕ್ತರ ಸಹಕಾರ ಅಗತ್ಯ ಎಂದರು.</p>.<p>ಕೃಷ್ಣನ ಏಕಾಂತ ಭಕ್ತರಾಗಿರುವ ಮಧ್ವಾಚಾರ್ಯರು ಹಾಗೂ ವಾದಿಚಾರ್ಯರ ಮೂಲಕ ಭಕ್ತರ ಬೇಡಿಕೆಗಳನ್ನು ಈಡೇರಿಸುವಂತೆ ಪ್ರಾರ್ಥಿಸಿದರೆ ದೇವರು ಖಂಡಿತ ಈಡೇರುಸುತ್ತಾನೆ. ಪರ್ಯಾಯದ ಅವಧಿಯಲ್ಲಿ ನನ್ನದು ಎಂಬ ಭಾವ ತೋರದೆ ಎಲ್ಲರದ್ದು ಎಂಬ ಭಾವದಿಂದ ಭಗವಂತನ ಸೇವೆ ಮಾಡುವುದಾಗಿ ಶ್ರೀಗಳು ಹೇಳಿದರು.</p>.<p>ಕೋವಿಡ್ ಸಂಕಷ್ಟದ ಕಾಲದಲ್ಲಿಯೂ ಕೃಷ್ಣಾಪುರ ಮಠದ ಪರ್ಯಾಯಕ್ಕೆ ಭಕ್ತರು ನಿರೀಕ್ಷೆಗೂ ಮೀರಿ ಸಹಕಾರ ನೀಡಿದ್ದನ್ನು ಕಂಡು ಅಚ್ಚರಿಯಾಗಿದೆ. ಭಕ್ತರು ಮಠದ ಮೇಲಿಟ್ಟಿರುವ ವಿಶ್ವಾಸವನ್ನು ಉಳಿಸಿಕೊಂಡು ಹೋಗುವುದಾಗಿ ಪರ್ಯಾಯ ಸ್ವಾಮೀಜಿ ಹೇಳಿದರು.</p>.<p>ಪಲಿಮಾರು ಮಠದ ವಿದ್ಯಾಧೀಶ ಶ್ರೀಗಳು ಮಾತನಾಡಿ, ಪರ್ಯಾಯ ಪೂಜಾ ಅಧಿಕಾರ ಸೊಬಗನ್ನು ಪ್ರಪಂಚದ ಎಲ್ಲೂ ನೋಡಲು ಸಾಧ್ಯವಿಲ್ಲ. ಉಡುಪಿಯ ಕೃಷ್ಣಮಠದಲ್ಲಿ ಮಾತ್ರ ಕಣ್ತುಂಬಿಕೊಳ್ಳಬಹುದು ಎಂದರು.</p>.<p>ಪೇಜಾವರ ಮಠದ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಮಾತನಾಡಿ, ಸಮಾಜದಲ್ಲಿ ಕೃಷ್ಣನ ಸಂಸ್ಕೃತಿ ಮರೆಯಾಗುತ್ತಿದ್ದು, ಜರಾಸಂಧ, ನರಕಾಸುರನ ಸಂಸ್ಕೃತಿ ಹೆಚ್ಚಾಗುತ್ತಿದೆ. ಕಂಡದೆಲ್ಲವೂ ಬೇಕು ಎಂಬ ದುರಾಸೆ ಹೆಚ್ಚಾಗುತ್ತಿದೆ. ಲೋಕಕ್ಕೆ ಶ್ರೇಯಸ್ಸಾಗಬೇಕಾದರೆ, ಸುಖ, ಶಾಂತಿ, ನೆಮ್ಮದಿ ಬೇಕಾದರೆ ಕೃಷ್ಣನ ಆರಾಧನೆ ಅಗತ್ಯ ಎಂದರು.</p>.<p>ಅದಮಾರು ಮಠದ ಈಶಪ್ರಿಯ ತೀರ್ಥ ಸ್ವಾಮೀಜಿ ಮಾತನಾಡಿ, ‘ಲೋಕದಲ್ಲಿರುವ ವಸ್ತುಗಳೆಲ್ಲ ಅಶಾಶ್ವತವಾಗಿದ್ದು, ಅವುಗಳ ಮೇಲಿನ ಮೋಹ ಬಿಟ್ಟು, ಭಗವಂತನ ಭಕ್ತಿಯಲ್ಲಿ ತಲ್ಲೀನರಾಗಿ ಜ್ಞಾನ, ಮೋಕ್ಷ, ಮುಕ್ತಿ ಸಾಧನೆ ಮಾಡಬೇಕು ಎಂಬ ಉದ್ದೇಶದಿಂದ ಆಚಾರ್ಯರು ಹಾಕಿಕೊಟ್ಟ ಕ್ರಮವೇ ಪರ್ಯಾಯ’ ಎಂದರು.</p>.<p>‘ಪರ್ಯಾಯದ ಅವಧಿಯಲ್ಲಿ ಎಲ್ಲಿಯೂ ನನ್ನದು ಎಂಬ ಭ್ರಮೆ ಬಾರದಿರಲಿ, ಭಗವಂತರ ಆದೇಶವಾದ ಕೂಡಲೇ ಪೀಠ ಬಿಟ್ಟುಕೊಡಬೇಕು ಎಂಬ ಪಾಠವನ್ನು ಕೃಷ್ಣ ಹೇಳಿದ್ದಾನೆ’ ಎಂದರು.</p>.<p>ಕಾಣಿಯೂರು ಮಠದ ವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿ ಮಾತನಾಡಿ, ‘ಪರ್ಯಾಯ ಎಂದರೆ ತ್ಯಾಗ ಹಾಗೂ ಸ್ವೀಕಾರ ಎಂದರ್ಥ. ಒಬ್ಬರಿಂದ ಸ್ವೀಕರಿಸಿದ್ದನ್ನು ಮತ್ತೊಬ್ಬರಿಗೆ ಬಿಟ್ಟುಕೊಟ್ಟು ನಾಡಿನ ಉದ್ದಕ್ಕೂ ಸಂಚರಿಸಿ ಧರ್ಮದ ಸಂದೇಶ ಸಾರುವುದೇ ಪರ್ಯಾಯದ ವೈಶಿಷ್ಟ್ಯ’ ಎಂದರು.</p>.<p>ಸೋದೆ ಮಠದ ವಿಶ್ವವಲ್ಲಭ ತೀರ್ಥ ಸ್ವಾಮೀಜಿ ಮಾತನಾಡಿ ‘ಪ್ರಪಂಚದಲ್ಲಿ ಸ್ವಾರ್ಥಕ್ಕಾಗಿ ಅಧಿಕಾರ ಇದ್ದರೆ, ಕೃಷ್ಣಮಠದಲ್ಲಿ ಮಾತ್ರ ತ್ಯಾಗಕ್ಕಾಗಿ ಪೂಜಾಧಿಕಾರ ಲಭ್ಯವಾಗುತ್ತದೆ. ಅಧಿಕಾರಕ್ಕಾಗಿ ಚುನಾವಣೆಗಳು ನಡೆದರೆ ಕೃಷ್ಣಮಠದಲ್ಲಿ ಮಾತ್ರ ಕೃಷ್ಣ ಪೂಜಾಧಿಕಾರವು ನೀತಿ ಸಂಯಮ ಹಾಗೂ ತ್ಯಾಗದಿಂದ ಲಭ್ಯವಾಗುತ್ತದೆ’ ಎಂದರು.</p>.<p>ವಾರ್ಷಿಕ ಪರ್ಯಾಯ ಪಂಚಶತಮಾನೋತ್ಸವ ಸ್ಮರಣಾರ್ಥ ವಾದಿರಾಜರ ವಾಙ್ಮಯನಿಧಿ ಗ್ರಂಥವನ್ನು ಕಾರ್ಯಕ್ರಮದಲ್ಲಿ ಲೋಕಾರ್ಪಣೆ ಮಾಡಲಾಯಿತು. ಪಿ.ವ್ಯಾಸಾಚಾರ್ಯ ಪರವಾಗಿ ಪುತ್ರ ಪಿ.ವೃಜನಾಥ ಆಚಾರ್ಯ ಅವರಿಗೆ, ವಿದ್ವಾನ್ ಕೆ.ಹರಿದಾಸ ಉಪಾಧ್ಯಾಯ ಅವರಿಗೆ, ನೇರಂಬಳ್ಳಿ ರಾಘವೇಂದ್ರ ರಾವ್ ಅವರಿಗೆ ಪರ್ಯಾಯ ದರ್ಬಾರ್ ಪ್ರಶಸ್ತಿ ಪ್ರದಾನ ಮಾಡಲಾಯಿತು.</p>.<p>ಹೈಕೋರ್ಟ್ ನ್ಯಾಯಧೀಶರಾದ ದಿನೇಶ್ ಕುಮಾರ್, ವಿಧಾನ ಪರಿಷತ್ ಸದಸ್ಯ ಮಂಜುನಾಥ ಭಂಡಾರಿ, ಶಾಸಕರ ರಘುಪತಿ ಭಟ್, ಮಾಜಿ ಸಚಿವ ವಿನಯಕುಮಾರ ಸೊರಕೆ ಇದ್ದರು. ವಾಸುದೇವ ಭಟ್ ಪೆರೆಂಪಳ್ಳಿ, ಎಂ.ಎಲ್.ಸಾಮಗ ಕಾರ್ಯಕ್ರಮ ನಿರೂಪಣೆ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಉಡುಪಿ:</strong> ಕೃಷ್ಣಾಪುರ ಮಠದ ಪರ್ಯಾಯದ ಅವಧಿಯಲ್ಲಿ ಕೃಷ್ಣನಿಗೆ ನಿತ್ಯ ತುಳಸಿ ಅರ್ಚನೆ ಹಾಗೂ ನಿರಂತರ ಭಜನಾ ಕಾರ್ಯಕ್ರಮ ಮಾಡುವ ಸಂಕಲ್ಪ ಮಾಡಿರುವುದಾಗಿ ಪರ್ಯಾಯ ಕೃಷ್ಣಾಪುರ ಮಠದ ವಿದ್ಯಾಸಾಗರ ತೀರ್ಥರು ಘೋಷಿಸಿದರು.</p>.<p>ಮಂಗಳವಾರ ಬೆಳಿಗ್ಗೆ ರಾಜಾಂಗಣದಲ್ಲಿ ನಡೆದ ಪರ್ಯಾಯ ದರ್ಬಾರ್ ಸಭೆಯಲ್ಲಿ ಮಾತನಾಡಿದ ಶ್ರೀಗಳು, ಹಿಂದೆ ಪಲಿಮಾರು ಮಠದ ಶ್ರೀಗಳು ನಡೆಸಿದಂತೆ ತುಳಸಿ ಅರ್ಚನೆ, ಭಜನಾ ಕಾರ್ಯಕ್ರಮವನ್ನು ಪರ್ಯಾಯದ ಅವಧಿಯಲ್ಲಿ ಮುಂದುವರಿಸಿಕೊಂಡು ಹೋಗುವುದಾಗಿ ತಿಳಿಸಿ, ಈ ಕಾರ್ಯಕ್ಕೆ ಭಕ್ತರ ಸಹಕಾರ ಅಗತ್ಯ ಎಂದರು.</p>.<p>ಕೃಷ್ಣನ ಏಕಾಂತ ಭಕ್ತರಾಗಿರುವ ಮಧ್ವಾಚಾರ್ಯರು ಹಾಗೂ ವಾದಿಚಾರ್ಯರ ಮೂಲಕ ಭಕ್ತರ ಬೇಡಿಕೆಗಳನ್ನು ಈಡೇರಿಸುವಂತೆ ಪ್ರಾರ್ಥಿಸಿದರೆ ದೇವರು ಖಂಡಿತ ಈಡೇರುಸುತ್ತಾನೆ. ಪರ್ಯಾಯದ ಅವಧಿಯಲ್ಲಿ ನನ್ನದು ಎಂಬ ಭಾವ ತೋರದೆ ಎಲ್ಲರದ್ದು ಎಂಬ ಭಾವದಿಂದ ಭಗವಂತನ ಸೇವೆ ಮಾಡುವುದಾಗಿ ಶ್ರೀಗಳು ಹೇಳಿದರು.</p>.<p>ಕೋವಿಡ್ ಸಂಕಷ್ಟದ ಕಾಲದಲ್ಲಿಯೂ ಕೃಷ್ಣಾಪುರ ಮಠದ ಪರ್ಯಾಯಕ್ಕೆ ಭಕ್ತರು ನಿರೀಕ್ಷೆಗೂ ಮೀರಿ ಸಹಕಾರ ನೀಡಿದ್ದನ್ನು ಕಂಡು ಅಚ್ಚರಿಯಾಗಿದೆ. ಭಕ್ತರು ಮಠದ ಮೇಲಿಟ್ಟಿರುವ ವಿಶ್ವಾಸವನ್ನು ಉಳಿಸಿಕೊಂಡು ಹೋಗುವುದಾಗಿ ಪರ್ಯಾಯ ಸ್ವಾಮೀಜಿ ಹೇಳಿದರು.</p>.<p>ಪಲಿಮಾರು ಮಠದ ವಿದ್ಯಾಧೀಶ ಶ್ರೀಗಳು ಮಾತನಾಡಿ, ಪರ್ಯಾಯ ಪೂಜಾ ಅಧಿಕಾರ ಸೊಬಗನ್ನು ಪ್ರಪಂಚದ ಎಲ್ಲೂ ನೋಡಲು ಸಾಧ್ಯವಿಲ್ಲ. ಉಡುಪಿಯ ಕೃಷ್ಣಮಠದಲ್ಲಿ ಮಾತ್ರ ಕಣ್ತುಂಬಿಕೊಳ್ಳಬಹುದು ಎಂದರು.</p>.<p>ಪೇಜಾವರ ಮಠದ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಮಾತನಾಡಿ, ಸಮಾಜದಲ್ಲಿ ಕೃಷ್ಣನ ಸಂಸ್ಕೃತಿ ಮರೆಯಾಗುತ್ತಿದ್ದು, ಜರಾಸಂಧ, ನರಕಾಸುರನ ಸಂಸ್ಕೃತಿ ಹೆಚ್ಚಾಗುತ್ತಿದೆ. ಕಂಡದೆಲ್ಲವೂ ಬೇಕು ಎಂಬ ದುರಾಸೆ ಹೆಚ್ಚಾಗುತ್ತಿದೆ. ಲೋಕಕ್ಕೆ ಶ್ರೇಯಸ್ಸಾಗಬೇಕಾದರೆ, ಸುಖ, ಶಾಂತಿ, ನೆಮ್ಮದಿ ಬೇಕಾದರೆ ಕೃಷ್ಣನ ಆರಾಧನೆ ಅಗತ್ಯ ಎಂದರು.</p>.<p>ಅದಮಾರು ಮಠದ ಈಶಪ್ರಿಯ ತೀರ್ಥ ಸ್ವಾಮೀಜಿ ಮಾತನಾಡಿ, ‘ಲೋಕದಲ್ಲಿರುವ ವಸ್ತುಗಳೆಲ್ಲ ಅಶಾಶ್ವತವಾಗಿದ್ದು, ಅವುಗಳ ಮೇಲಿನ ಮೋಹ ಬಿಟ್ಟು, ಭಗವಂತನ ಭಕ್ತಿಯಲ್ಲಿ ತಲ್ಲೀನರಾಗಿ ಜ್ಞಾನ, ಮೋಕ್ಷ, ಮುಕ್ತಿ ಸಾಧನೆ ಮಾಡಬೇಕು ಎಂಬ ಉದ್ದೇಶದಿಂದ ಆಚಾರ್ಯರು ಹಾಕಿಕೊಟ್ಟ ಕ್ರಮವೇ ಪರ್ಯಾಯ’ ಎಂದರು.</p>.<p>‘ಪರ್ಯಾಯದ ಅವಧಿಯಲ್ಲಿ ಎಲ್ಲಿಯೂ ನನ್ನದು ಎಂಬ ಭ್ರಮೆ ಬಾರದಿರಲಿ, ಭಗವಂತರ ಆದೇಶವಾದ ಕೂಡಲೇ ಪೀಠ ಬಿಟ್ಟುಕೊಡಬೇಕು ಎಂಬ ಪಾಠವನ್ನು ಕೃಷ್ಣ ಹೇಳಿದ್ದಾನೆ’ ಎಂದರು.</p>.<p>ಕಾಣಿಯೂರು ಮಠದ ವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿ ಮಾತನಾಡಿ, ‘ಪರ್ಯಾಯ ಎಂದರೆ ತ್ಯಾಗ ಹಾಗೂ ಸ್ವೀಕಾರ ಎಂದರ್ಥ. ಒಬ್ಬರಿಂದ ಸ್ವೀಕರಿಸಿದ್ದನ್ನು ಮತ್ತೊಬ್ಬರಿಗೆ ಬಿಟ್ಟುಕೊಟ್ಟು ನಾಡಿನ ಉದ್ದಕ್ಕೂ ಸಂಚರಿಸಿ ಧರ್ಮದ ಸಂದೇಶ ಸಾರುವುದೇ ಪರ್ಯಾಯದ ವೈಶಿಷ್ಟ್ಯ’ ಎಂದರು.</p>.<p>ಸೋದೆ ಮಠದ ವಿಶ್ವವಲ್ಲಭ ತೀರ್ಥ ಸ್ವಾಮೀಜಿ ಮಾತನಾಡಿ ‘ಪ್ರಪಂಚದಲ್ಲಿ ಸ್ವಾರ್ಥಕ್ಕಾಗಿ ಅಧಿಕಾರ ಇದ್ದರೆ, ಕೃಷ್ಣಮಠದಲ್ಲಿ ಮಾತ್ರ ತ್ಯಾಗಕ್ಕಾಗಿ ಪೂಜಾಧಿಕಾರ ಲಭ್ಯವಾಗುತ್ತದೆ. ಅಧಿಕಾರಕ್ಕಾಗಿ ಚುನಾವಣೆಗಳು ನಡೆದರೆ ಕೃಷ್ಣಮಠದಲ್ಲಿ ಮಾತ್ರ ಕೃಷ್ಣ ಪೂಜಾಧಿಕಾರವು ನೀತಿ ಸಂಯಮ ಹಾಗೂ ತ್ಯಾಗದಿಂದ ಲಭ್ಯವಾಗುತ್ತದೆ’ ಎಂದರು.</p>.<p>ವಾರ್ಷಿಕ ಪರ್ಯಾಯ ಪಂಚಶತಮಾನೋತ್ಸವ ಸ್ಮರಣಾರ್ಥ ವಾದಿರಾಜರ ವಾಙ್ಮಯನಿಧಿ ಗ್ರಂಥವನ್ನು ಕಾರ್ಯಕ್ರಮದಲ್ಲಿ ಲೋಕಾರ್ಪಣೆ ಮಾಡಲಾಯಿತು. ಪಿ.ವ್ಯಾಸಾಚಾರ್ಯ ಪರವಾಗಿ ಪುತ್ರ ಪಿ.ವೃಜನಾಥ ಆಚಾರ್ಯ ಅವರಿಗೆ, ವಿದ್ವಾನ್ ಕೆ.ಹರಿದಾಸ ಉಪಾಧ್ಯಾಯ ಅವರಿಗೆ, ನೇರಂಬಳ್ಳಿ ರಾಘವೇಂದ್ರ ರಾವ್ ಅವರಿಗೆ ಪರ್ಯಾಯ ದರ್ಬಾರ್ ಪ್ರಶಸ್ತಿ ಪ್ರದಾನ ಮಾಡಲಾಯಿತು.</p>.<p>ಹೈಕೋರ್ಟ್ ನ್ಯಾಯಧೀಶರಾದ ದಿನೇಶ್ ಕುಮಾರ್, ವಿಧಾನ ಪರಿಷತ್ ಸದಸ್ಯ ಮಂಜುನಾಥ ಭಂಡಾರಿ, ಶಾಸಕರ ರಘುಪತಿ ಭಟ್, ಮಾಜಿ ಸಚಿವ ವಿನಯಕುಮಾರ ಸೊರಕೆ ಇದ್ದರು. ವಾಸುದೇವ ಭಟ್ ಪೆರೆಂಪಳ್ಳಿ, ಎಂ.ಎಲ್.ಸಾಮಗ ಕಾರ್ಯಕ್ರಮ ನಿರೂಪಣೆ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
