ಮಕ್ಕಳ ಮೆಚ್ಚಿನ ಮೇಷ್ಟ್ರು; ಗಣಿತ ಸರಳೀಕರಿಸಿದ ಶಿಕ್ಷಕ

ನಾಲತವಾಡ: ಗ್ರಾಮೀಣ ಪ್ರದೇಶದ ವಿದ್ಯಾರ್ಥಿಗಳಿಗೆ ಗಣಿತ ಇಂದಿಗೂ ಬಿಡಿಸಲಾಗದ ಕಗ್ಗಂಟು. ಕಬ್ಬಿಣದ ಕಡಲೆ. ಇದೇ ಕಾರಣಕ್ಕೆ ಎಸ್ಎಸ್ಎಲ್ಸಿ ವಾರ್ಷಿಕ ಪರೀಕ್ಷೆಯಲ್ಲಿ ಬಹುತೇಕ ವಿದ್ಯಾರ್ಥಿಗಳು ಈ ವಿಷಯದಲ್ಲೇ ನಪಾಸಾಗುತ್ತಾರೆ. ಇಲ್ಲವೇ ಕಷ್ಟಪಟ್ಟು 30, 35 ಅಂಕಕ್ಕೆ ಸೀಮಿತಗೊಳ್ಳುತ್ತಾರೆ.

. ಗ್ರಾಮೀಣ ಪ್ರದೇಶದ ವಿದ್ಯಾರ್ಥಿಗಳಲ್ಲಿನ ಗಣಿತ ಭಯ ಹೋಗಲಾಡಿಸುವ ಸಂಕಲ್ಪ ತೊಟ್ಟವರೇ ಶಿಕ್ಷಕ ಎಸ್.ವೈ.ಪಾಟೀಲ. ಪಟ್ಟಣದ ವೀರೇಶ್ವರ ಪ್ರೌಢಶಾಲೆಯ ಗಣಿತ ಶಿಕ್ಷಕರಿವರು.

. ಈ ಶಾಲೆಗೆ ಶಿಕ್ಷಕರಾಗಿ ನೇಮಕಗೊಂಡ ಬಳಿಕ ಮಕ್ಕಳಲ್ಲಿನ ಗಣಿತ ಭಯ ಹೋಗಲಾಡಿಸಿದ್ದಾರೆ. ಎಲ್ಲರೂ ಸರಳವಾಗಿ ಅರ್ಥೈಸಿಕೊಳ್ಳುವಂತೆ ಬೋಧಿಸುವ ಕಲೆ ಕರಗತ ಮಾಡಿಕೊಂಡಿದ್ದಾರೆ. ‘ಗಣಿತ ಭಯ’ ಹೋಗಲಾಡಿಸುವ ಕುರಿತಂತೆ ‘ಪ್ರಜಾವಾಣಿ’ ಜತೆ ಮಾತನಾಡಿದ್ದಾರೆ.

. * ಗಣಿತದ ಆಸಕ್ತಿ ಮೂಡಿಸುವುದು ಹೇಗೆ ? ನಮ್ಮ ದೈನಂದಿನ ಬದುಕಿನಲ್ಲಿ ಎದುರಾಗುವ, ಬಳಕೆಯಾಗುವ ಸಮಸ್ಯೆಗಳನ್ನು ಮೊದಲು ಶಿಕ್ಷಕರು ಅರಿತು, ಇವನ್ನು ಪಠ್ಯದೊಂದಿಗೆ ತಾಳೆ ಮಾಡುವುದು. ನಂತರ ವಿದ್ಯಾರ್ಥಿಗಳಲ್ಲಿ ಇದನ್ನು ಹೇಳಿದರೆ, ಅವರಲ್ಲಿ ಆಸಕ್ತಿ ಮೂಡುತ್ತದೆ. ಜತೆಗೆ ಕುತೂಹಲ ಕೆರಳುತ್ತದೆ. ಸುಲಭವಾಗಿ ಮನದಟ್ಟಾಗಲಿದೆ.

. * ಕಬ್ಬಿಣದ ಕಡಲೆಯೇ ? ಖಂಡಿತವಾಗಿಯೂ ಇಲ್ಲ. ಗಣಿತ ಅರ್ಥೈಸಿಕೊಂಡರೇ ಸಾಕು, ತುಂಬಾನೇ ಸುಲಭ. ಸರಳ. ಮಕ್ಕಳಿಗೆ ಮನದಟ್ಟಾಗುವಂತೆ ಹೇಳುವುದಷ್ಟೇ ಪ್ರಮುಖವಾದುದು.

. * ಎಸ್ಎಸ್ಎಲ್ಸಿ ಪರೀಕ್ಷೆಗೆ ತಯಾರಿ ಹೇಗೆ ? ಪಾಸಿಂಗ್ ಪ್ಯಾಕೇಜ್ ಮಾಡಿಕೊಳ್ಳಬೇಕು. ಪರೀಕ್ಷೆಯಲ್ಲಿ ಬರಬಹುದಾದ ಸಂಭವನೀಯ ನಕ್ಷೆಗಳು, ಪ್ರಮೇಯಗಳು, ಸೂತ್ರಗಳನ್ನು ಮಕ್ಕಳಿಗೆ ಮನದಟ್ಟು ಮಾಡಿಸಿದರೆ, ನಪಾಸಿನ ಭಯವೇ ಇರಲ್ಲ.

. * ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸುವುದು ಹೇಗೆ ? ಆರಂಭದಲ್ಲೇ ಮೂಲ ಕ್ರಿಯೆಗಳ ಕಲ್ಪನೆ ಮೂಡಿಸಬೇಕು. ಪ್ರತಿಯೊಬ್ಬರ ಬುದ್ದಿಮಟ್ಟ, ಸಾಮರ್ಥ್ಯಕ್ಕನುಗುಣವಾಗಿ ಒಂದೊಂದು ತಂಡ ರಚಿಸುವುದು. ಅದಕ್ಕೊಬ್ಬ ನಾಯಕನನ್ನು ನೇಮಿಸಿ, ಗಣಿತದ ಸಮಸ್ಯೆಗಳನ್ನು ಬಿಡಿಸಲು ಶುರು ಮಾಡಬೇಕು.

. ಪ್ರತಿ ಗುಂಪಿಗೂ ಬಹುಮಾನ ಘೋಷಿಸುವ ಮೂಲಕ ಉತ್ತೇಜನ ನೀಡುವುದು. ನಾನೂ ಸಮರ್ಥ ಎಂಬ ಭಾವನೆ ಆಯಾ ಗುಂಪಿನ ಎಲ್ಲರಲ್ಲೂ ಮೂಡುವ ತನಕವೂ ಸೂಕ್ತ ಮಾರ್ಗದರ್ಶನ. ತಪ್ಪುಗಳನ್ನು ನಿರಂತರವಾಗಿ ತಿದ್ದುವ ಮೂಲಕ ಹುರಿದುಂಬಿಸುವ ಕೆಲಸ ಮಾಡಬೇಕಿದೆ.

. ಪ್ರತಿ ಪಾಠ, ಘಟಕ, ಸೆಮಿಸ್ಟರ್ಗೂ ಪರೀಕ್ಷೆ ನಡೆಸಿ, ಪರೀಕ್ಷಾ ಭಯ ದೂರ ಮಾಡುವುದು. ವಾರ್ಷಿಕ ಪರೀಕ್ಷೆಯಲ್ಲಿ 100 ಅಂಕ ಪಡೆಯುವವರಿಗೆ ಬಹುಮಾನ ನೀಡುವುದು ನಾನು ಅನುಸರಿಸುವ ಕೆಲ ಕ್ರಮಗಳು.

. ವರ್ಗ ಕೋಣೆಯ ಹೊರಗೆ ನಾನು ಶಿಕ್ಷಕನಲ್ಲ. ಅವರು ವಿದ್ಯಾರ್ಥಿಗಳಲ್ಲ. ಆತ್ಮೀಯ ಮಿತ್ರರಂತೆ ನಡೆದುಕೊಂಡಾಗಲೇ ಶಿಕ್ಷಕರ ಗೌರವ ಹೆಚ್ಚಲಿದೆ. ಫಲಿತಾಂಶವೂ ಪರಿಣಾಮಕಾರಿಯಾಗಲಿದೆ. ನಮ್ಮ ವೃತ್ತಿಗೂ ಒಂದು ಘನತೆ ಸಿಗಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಕ್ಕಳ ಮೆಚ್ಚಿನ ಮೇಷ್ಟ್ರು; ಗಣಿತ ಸರಳೀಕರಿಸಿದ ಶಿಕ್ಷಕ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್