ಕೊಲ್ಹಾರ: ಆದಿಶಕ್ತಿ ಉತ್ಸವಕ್ಕೆ ಮೂರು ದಶಕದ ಸಂಭ್ರಮ

ಕೊಲ್ಹಾರ: ಪಟ್ಟಣದ ಶ್ರೀ ಆದಿಶಕ್ತಿ ಯುವಕ ಮಂಡಳಿಯು 33 ವರ್ಷಗಳಿಂದ ದೇವಿ ಮೂರ್ತಿ ಪ್ರತಿಷ್ಠಾಪಿಸಿ, ನವರಾತ್ರಿ ಉತ್ಸವವನ್ನು ಭಕ್ತಿಭಾವದಿಂದ ಆಚರಿಸಿಕೊಂಡು ಬರಲಾಗುತ್ತಿದೆ.

. ಹಳೆ ಗ್ರಾಮದಲ್ಲಿ ದ್ಯಾಮವ್ವದೇವಿ ಓಣಿಯ ಯುವಕರೆಲ್ಲರೂ ಒಗ್ಗೂಡಿ 1989ರಲ್ಲಿ ಜಿ.ಎನ್.ಗಣಿ ಹಾಗೂ ಶಿಕ್ಷಕ ಎಸ್.ಎಸ್. ಪತಂಗಿ ಅವರ ನೇತೃತ್ವದಲ್ಲಿ ಆದಿಶಕ್ತಿ ಯುವಕ ಮಂಡಳಿಯನ್ನು ಸ್ಥಾಪಿಸಿ, ಪ್ರಥಮ ಬಾರಿಗೆ ಆದಿಶಕ್ತಿ ದೇವಿ ಮೂರ್ತಿ ಪ್ರತಿಷ್ಠಾಪಿಸುವ ಮೂಲಕ ನವರಾತ್ರಿ ಉತ್ಸವ ಆಚರಣೆ ಆರಂಭಿಸಿದರು.

. ಅಂದಿನಿಂದ ಮಂಡಳಿ ಆಶ್ರಯದಲ್ಲಿ ಪ್ರತಿವರ್ಷ ನವರಾತ್ರಿ ಉತ್ಸವ ಆಚರಿಸಿಕೊಂಡು ಬರಲಾಗುತ್ತಿದ್ದು, ಪ್ರತಿದಿನ ಪೂಜ್ಯರಿಂದ ದೇವಿಯ ಪಾರಾಯಣ, ಭಕ್ತರಿಂದ ದಿನ್ನೆಕೆರಡು ಬಾರಿ ವಿಶೇಷ ಪೂಜಾ ಕೈಂಕರ್ಯ ಜರುಗುತ್ತದೆ.

. 1999-2000 ರಲ್ಲಿ ಕೊಲ್ಹಾರ ಗ್ರಾಮ ಪುನರ್ವಸತಿ ಕೇಂದ್ರಕ್ಕೆ ಸ್ಥಳಾಂತರಗೊಂಡ ನಂತರ ಮಂಡಳಿಯೂ ನೂತನ ಗ್ರಾಮದ ದ್ಯಾಮವ್ವದೇವಿ ದೇವಸ್ಥಾನದ ಎದುರಿನ ರಸ್ತೆಯಲ್ಲಿ ದೇವಿ ಮೂರ್ತಿ ಪ್ರತಿಷ್ಠಾಪಿಸಿ, ನವರಾತ್ರಿ ಉತ್ಸವ ಮುಂದುವರೆಸಿಕೊಂಡು ಬರಲಾಗುತ್ತಿದೆ.

. 2009-10 ರಿಂದ ಹಿರಿಯರಾದ ಜಿ.ಎನ್.ಗಣಿ, ನಿವೃತ್ತ ಶಿಕ್ಷಕ ಎಸ್.ಎಸ್.ಪತಂಗಿಯವರ ಮಾರ್ಗದರ್ಶನದಲ್ಲಿ ಮುಖಂಡರಾದ ಶಶಿಧರ ದೇಸಾಯಿ, ಚಂದ್ರಶೇಖರ ಬೆಳ್ಳುಬ್ಬಿ, ನಾಮದೇವ ಪವಾರ, ಡಿ.ಆರ್.ಕೊಠಾರಿ, ಡೋಂಗ್ರಿ ಕಟಬರ ಹಾಗೂ ಸದಾಶಿವ ಪತಂಗಿ ಅವರನ್ನೊಳಗೊಂಡ ಯುವ ತಂಡ ದೇವಿಯ ನವರಾತ್ರಿ ಉತ್ಸವ ಆಚರಣೆ ಮುಂದುವರೆಸಿಕೊಂಡು ಬಂದಿದೆ.

. ಆರಂಭದಲ್ಲಿ ದೇವಿಯ ಪಿಒಪಿ ಮೂರ್ತಿ ಪ್ರತಿಷ್ಠಾಪಿಸಲಾಗುತಿತ್ತು. 2010 ರಲ್ಲಿ ಗ್ರಾಮಸ್ಥರೆಲ್ಲರೂ ದೇಣಿಗೆ ಸೇರಿಸಿ ಆಗ ಸುಮಾರು ₹ 2 ಲಕ್ಷ ವೆಚ್ಚದಲ್ಲಿ 6 ಅಡಿ ಎತ್ತರದ ಆದಿಶಕ್ತಿ ದೇವಿಯ ಪಂಚಲೋಹದ ವಿಗ್ರಹ ಮಾಡಿಸಿ ನವರಾತ್ರಿ ವೇಳೆ ಪ್ರತಿಷ್ಠಾಪಿಸಲಾಯಿತು.

. ಇದೇ ವೇಳೆ ಆಗ ಜಿ.ಪಂ ಸದಸ್ಯರಾಗಿದ್ದ ಕಲ್ಲು ದೇಸಾಯಿ ಅವರು 2 ಕೆಜಿ ತೂಕದ 2 ಅಡಿಯಷ್ಟಿರುವ ದೇವಿಯ ಬೆಳ್ಳಿ ವಿಗ್ರಹ ಮಂಡಳಿಗೆ ಸಮರ್ಪಿಸಿದರು. ಅಲ್ಲದೇ, ಗ್ರಾಮದ ಹಲವಾರು ಭಕ್ತರು ದೇವಿಗೆ ವಿವಿಧ ರೀತಿಯ ಬೆಳ್ಳಿಬಂಗಾರದ ಅಲಂಕಾರಿಕ ಚಿನ್ನಾಭರಣಗಳನ್ನು ದೇವಿಗೆ ಅರ್ಪಿಸಿದ್ದಾರೆ.

. ಘಟಸ್ಥಾಪನೆ ದಿನದಂದು ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ದೇವಿಯನ್ನು ವಿವಿಧ ಕಲಾಮೇಳಗಳು ಹಾಗೂ ವಾದ್ಯ ತಂಡಗಳೊಂದಿಗೆ ಭವ್ಯ ಮೆರವಣಿಗೆ ಮೂಲಕ ಅಲಂಕೃತ ಮಂಟಪಕ್ಕೆ ತಂದು ಪ್ರತಿಷ್ಠಾಪಿಸಲಾಗುತ್ತದೆ.

. ಪ್ರತಿದಿನ ದೇವಿಗೆ ಬೆಳಿಗ್ಗೆ ಹಾಗೂ ಸಂಜೆ ಎರಡು ಬಾರಿ ಭಕ್ತರಿಂದ ವಿಶೇಷ ಪೂಜೆ, ಸಂಜೆ ಅನ್ನಪ್ರಸಾದ ಸೇವೆ ನೆರವೇರಿಸಲಾಗುತ್ತದೆ. ಮನಗೂಳಿ ಗ್ರಾಮದ ದೇವಿಯ ಪರಮಭಕ್ತ ಶಾಂತಯ್ಯ ಲಟಗಿಮಠ ಆರಂಭದಿಂದಲೂ ಪ್ರತಿವರ್ಷ ತಪ್ಪದೇ ಬಂದು ದೇವಿಗೆ ಎರಡು ಬಾರಿ ಪೂಜಾ ಕೈಂಕರ್ಯ ಸಲ್ಲಿಸುತ್ತಿದ್ದಾರೆ.

. ಈ ವರ್ಷ ಮಂಟಪದ ಪಕ್ಕದಲ್ಲಿ ಸಾಂಗ್ಲಿಯಿಂದ ಬಂದ ಕಲಾವಿದರಿಂದ ನೀರಿನ ಜಲಪಾತ ಹಾಗೂ ಲೇಸರ್ ಷೋ ಅಳವಡಿಸಿರುವುದು ವಿಶೇಷ.

. ****

. ಮಂಡಳಿಯ ನವರಾತ್ರಿ ಉತ್ಸವಕ್ಕೆ ಪಟ್ಟಣದ ಗುರುಹಿರಿಯರು, ಸರ್ವಧರ್ಮಗಳ ಭಕ್ತರು ಪ್ರತಿವರ್ಷ ಸರ್ವ ರೀತಿಯಲ್ಲೂ ಸಹಕಾರ ನೀಡುತ್ತಾ ಧಾರ್ಮಿಕ ಕೈಂಕರ್ಯಕ್ಕೆ ಪ್ರೋತ್ಸಾಹ ನೀಡುತ್ತಿದ್ದಾರೆ. – ಶಶಿಧರ ದೇಸಾಯಿ, ಸದಸ್ಯ, ಆದಿಶಕ್ತಿ ಮಂಡಳಿ, ಕೊಲ್ಹಾರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊಲ್ಹಾರ: ಆದಿಶಕ್ತಿ ಉತ್ಸವಕ್ಕೆ ಮೂರು ದಶಕದ ಸಂಭ್ರಮ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!