<p>ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್ಗಳಲ್ಲಿ(ಆರ್ಆರ್ಬಿ) ಖಾಲಿಯಿರುವ ಹುದ್ದೆಗಳ ಭರ್ತಿಗಾಗಿ (ದೇಶದಲ್ಲಿ ಒಟ್ಟು 8602 ಹುದ್ದೆಗಳು. ಅದರಲ್ಲಿ ಕರ್ನಾಟಕದ ಎರಡು ಬ್ಯಾಂಕ್ಗಳಲ್ಲಿ 806 ಹುದ್ದೆಗಳು) ಅರ್ಜಿ ಆಹ್ವಾನ ಮತ್ತು ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಕುರಿತು ಕಳೆದ ಎರಡು ಸಂಚಿಕೆಗಳಲ್ಲಿ ವಿವರವಾಗಿ ಪ್ರಕಟಿಸಲಾಗಿತ್ತು. ಈ ಲೇಖನಗಳಲ್ಲಿ ಆಯ್ಕೆ ಪ್ರಕ್ರಿಯೆ ಹಂತಗಳು, ಪರೀಕ್ಷೆಗಳ ಸ್ವರೂಪ, ಅಂಕಗಳು, ಪರೀಕ್ಷೆಗೆ ನಿಗದಿಪಡಿಸಿದ ಸಮಯ ಕುರಿತು ಮಾಹಿತಿ ನೀಡಲಾಗಿತ್ತು.</p><p>ಈ ಸಂಚಿಕೆಯಲ್ಲಿ ವಿವಿಧ ಹುದ್ದೆಗಳಿಗೆ ಆಯ್ಕೆ ಪ್ರಕ್ರಿಯೆ ಹೇಗೆ ನಡೆಯುತ್ತದೆ. ಪರೀಕ್ಷೆಗೆ ನಿಗದಿಪಡಿಸಿರುವ ಪಠ್ಯಕ್ರಮ ಹಾಗೂ ಆ ಪಠ್ಯಗಳನ್ನು ಹೇಗೆ ಓದಬೇಕು – ಈ ವಿಷಯಗಳ ಬಗ್ಗೆ ತಿಳಿದುಕೊಳ್ಳೋಣ.</p><p>ಪರೀಕ್ಷಾ ತಯಾರಿ ಹೇಗಿರಬೇಕು ?</p><p>ಅಭ್ಯರ್ಥಿಯು ಮೊದಲಿಗೆ ಪರೀಕ್ಷೆಗೆ ನಿಗದಿಪಡಿಸಿರುವ ಪಠ್ಯಕ್ರಮ ಮತ್ತು ಮಾದರಿಯ ಕುರಿತು ಅರಿತಿರಬೇಕು. ಪರಿಣತರ /ತಜ್ಞರ ಸಹಾಯದೊಂದಿಗೆ ಅಧ್ಯಯನ ಸಾಮಗ್ರಿ /ಪುಸ್ತಕಗಳನ್ನು ಆಯ್ಕೆ ಮಾಡಿಕೊಳ್ಳಿ. ದಿನಕ್ಕೆ ಮೂರ್ನಾಲ್ಕು ಗಂಟೆಗಳ ಅಭ್ಯಾಸ ಕಡ್ಡಾಯ. ಹೆಚ್ಚೆಚ್ಚು ಅಣಕು ಪರೀಕ್ಷೆಗಳನ್ನು ಎದುರಿಸುವುದು ಕಡ್ಡಾಯವಾಗಲಿ.</p><p>ಕಂಪ್ಯೂಟರ್ನಲ್ಲಿ ಎಂ.ಎಸ್ ಆಫೀಸ್ ತಂತ್ರಾಂಶ ಬಳಕೆ ಹಾಗೂ ಶಾರ್ಟ್ಕಟ್ಗಳು, ಟೈಪಿಂಗ್ ಮತ್ತಿತರ ಕಂಪ್ಯೂಟರ್ ಸಂಬಂಧಿತ ಮೂಲಭೂತ ಜ್ಞಾನವನ್ನು ಹೊಂದಿರುವುದು ಅಗತ್ಯವಾಗಿದೆ. ಈಗೊಮ್ಮೆ ಅವುಗಳನ್ನು ಓದಿ ಪುನರಾವರ್ತಿಸಲು ಸಮಯ ಮಿಸಲಿಡಿ.</p><p>ತಾರ್ಕಿಕತೆ (ಲಾಜಿಕಲ್ ರೀಸನಿಂಗ್), ದತ್ತಾಂಶ ವಿಶ್ಲೇಷಣೆ ಮತ್ತು ವ್ಯಾಖ್ಯಾನ (ಡೇಟಾ ಅನಾಲಿಸಿಸ್-ಇಂಟರ್ ಪ್ರಿಟೇಶನ್) ವಿಷಯಗಳನ್ನು ಹೊಸದಾಗಿ ಕಲಿಯುತ್ತಿರುವುದರಿಂದ ಆರಂಭದಲ್ಲಿ ಕಷ್ಟವೆನಿಸಬಹುದು. ಈ ಮೂರು ವಿಭಾಗಗಳಲ್ಲಿ ಕೇಳುವ ಹೆಚ್ಚಿನ ಪ್ರಶ್ನೆಗಳು ಕ್ಲಿಷ್ಟವಾಗಿರುತ್ತವೆ. ಅಭ್ಯರ್ಥಿಗಳು ಸರಳ ಸೂತ್ರಗಳು ಮತ್ತು ತಂತ್ರಗಳನ್ನು ಅನ್ವಯಿಸುವ ಮೂಲಕ ಪರಿಹರಿಸಬೇಕು.</p><p>ತಾರ್ಕಿಕತೆ (ಲಾಜಿಕಲ್ ರೀಸನಿಂಗ್): ತಾರ್ಕಿಕ ಪರೀಕ್ಷೆಯಲ್ಲಿ ಮುಖ್ಯವಾಗಿ ಎರಡು ಭಾಗಗಳಿವೆ. ಮೊದಲನೆ ಯದು ಶಾಬ್ದಿಕ (ವರ್ಬಲ್) ಇನ್ನೊಂದು ಅಶಾಬ್ದಿಕ (ನಾನ್ ವರ್ಬಲ್).</p><p>ವರ್ಬಲ್ ರೀಸನಿಂಗ್ ಪ್ರಶ್ನೆಗಳಲ್ಲಿ ಪರಿಕಲ್ಪನೆಗಳು ಮತ್ತು ಸಮಸ್ಯೆಗಳನ್ನು ಪದಗಳಲ್ಲಿ ಪ್ರಶ್ನೆಗಳ ರೂಪದಲ್ಲಿ ರುತ್ತವೆ. ಪ್ರಶ್ನೆ ಪತ್ರಿಕೆಯಲ್ಲಿರುವ ಪಠ್ಯ ಅಥವಾ ಪ್ಯಾರಾಗ್ರಾಫ್ ಪ್ರಶ್ನೆಗಳನ್ನು ಅಭ್ಯರ್ಥಿಗಳು ಓದಿ, ಅರ್ಥೈಸಿ ಕೊಂಡು, ಆ ಪ್ರಶ್ನೆಗಳಿಗೆ ಉತ್ತರವಾಗಿ ನೀಡಿರುವ ಆಯ್ಕೆಗಳಲ್ಲಿ ಸರಿಯಾದ ಉತ್ತರವನ್ನು ಆರಿಸಿಕೊಳ್ಳಬೇಕು.</p><p>ನಾನ್ ವರ್ಬಲ್ ರೀಸನಿಂಗ್ ಪ್ರಶ್ನೆಗಳಲ್ಲಿ, ಪರಿಕಲ್ಪನೆಗಳು ಮತ್ತು ಸಮಸ್ಯೆಗಳನ್ನು ಅಂಕಿ ಅಂಶಗಳು, ಚಿತ್ರಗಳು ಅಥವಾ ರೇಖಾಚಿತ್ರಗಳ ರೂಪದಲ್ಲಿ ನೀಡಲಾಗುತ್ತದೆ. ಕೊಟ್ಟಿರುವ ಆಯ್ಕೆಗಳಲ್ಲಿ ಸರಿಯಾದ ಉತ್ತರವನ್ನು ಆರಿಸುವ ಮೊದಲು ಅಭ್ಯರ್ಥಿಗಳು ಅವುಗಳನ್ನು ಅರ್ಥಮಾಡಿಕೊಳ್ಳುವ ಅಗತ್ಯವಿದೆ.</p><p>ವರ್ಬಲ್ ರೀಸನಿಂಗ್ನಲ್ಲಿರುವ ಪಠ್ಯಗಳು: ಸಂಖ್ಯಾ ಸರಣಿ (Number Series), ಅಕ್ಷರ ಸರಣಿ(Letter Series), ಸಾದೃಶ್ಯಗಳು(Analogies), ಕಾರಣ ಮತ್ತು ಪರಿಣಾಮ (Cause & Effect), ಮೌಖಿಕ ವರ್ಗೀಕರಣ(Verbal Classification) ಸೇರಿದಂತೆ ಇಪ್ಪತ್ತಕ್ಕೂ ಹೆಚ್ಚು ಅಧ್ಯಾಯಗಳಿವೆ. </p><p>ನಾನ್ ವರ್ಬಲ್ ರೀಸನಿಂಗ್: ಚಿತ್ರ ಸರಣಿ (Image Series), ಆಕಾರಗಳ ನಿರ್ಮಾಣ(Construction of Shapes), ವರ್ಗೀಕರಣ(Classification), ಚಿತ್ರ ಸಾದೃಶ್ಯಗಳು(Picture Analogies) ನಿಯಮ ಪತ್ತೆ(Rule Detection)– ಇಂಥ ವಿಷಯಗಳಿರುತ್ತವೆ. </p><p>ಕೆಲವೊಂದು ಪ್ರಶ್ನೆಗಳ ಉದಾಹರಣೆ: </p><p>1) ಸಂಖ್ಯಾ ಸರಣಿ:</p><p>1)ಈ ಸಂಖ್ಯಾ ಸರಣಿಯಲ್ಲಿ ಖಾಲಿ ಸ್ಥಾನಕ್ಕೆ ಬರಬೇಕಾಗಿರುವ ಸಂಖ್ಯೆ ಯಾವುದು?,</p><p>48, 24, 12, ......?</p><p>ಆಯ್ಕೆಗಳು :</p><p>a) 8 b) 6 c) 4 d) 2</p><p>→⇒ಉತ್ತರ: B</p><p>ವಿವರಣೆ: ಇದು ಸರಳವಾದ ಸರಣಿ. ಇದರಲ್ಲಿ ಪ್ರತಿ ಸಂಖ್ಯೆಯು ಹಿಂದಿನ ಸಂಖ್ಯೆಯ ಅರ್ಧದಷ್ಟು ಇದೆ. ಮುಂದಿನ ಸಂಖ್ಯೆಯನ್ನು ಕಂಡು ಹಿಡಿಯಲು ಪ್ರತಿ ಸಂಖ್ಯೆಯನ್ನು 2 ರಿಂದ ಭಾಗಿಸಬೇಕಿದೆ.</p><p>48 ಅನ್ನು 2 ರಿಂದ ಭಾಗಿಸಿದಾಗ, 24 ನ್ನು 24 ನ್ನು 2 ರಿಂದ ಭಾಗಿಸಿದಾಗ, 12 ಅನ್ನು ಪಡೆಯುತ್ತೇವೆ. ಆದ್ದರಿಂದ, 12 ನ್ನು 2 ರಿಂದ ಭಾಗಿಸಿದಾಗ, ನಾವು 6 ಅನ್ನು ಪಡೆಯುತ್ತೇವೆ ಅದ್ದರಿಂದ ಸರಿ ಉತ್ತರದ ಆಯ್ಕೆ B.</p><p>2) ಅಕ್ಷರ ಸರಣಿ</p><p>1) RQP, ONM, ……, IHG, FED, ಕಬಿಟ್ಟ ಸ್ಥಳದಲ್ಲಿ ಇರಬೇಕಾದ ಅಕ್ಷರಗಳನ್ನು ಹುಡುಕಿ.?</p><p> a) CDE b) LKI c) LKJ d) BAC</p><p>⇒ಉತ್ತರ: C</p><p>ವಿವರಣೆ: ಇಂಗ್ಲಿಷ್ ವರ್ಣಮಾಲೆ(Alpabhet) ಸರಣಿ ಎಡದಿಂದ ಬಲಕ್ಕೆ ಬರೆದಾಗ….</p><p>ABC DEF GHI JKL MNO PQR STUVWXYZ. ಈಗ ಇದೇ ಸರಣಿಯನ್ನು ಬಲದಿಂದ ಎಡಕ್ಕೆ ಬರೆದಾಗ (ಹಿಮ್ಮುಖವಾಗಿ) ZYXWVUTS RQP ONM LKJ IHG FED CBA</p><p>ಸರಣಿಯು ವರ್ಣಮಾಲೆಯ ಹಿಮ್ಮುಖ ಕ್ರಮದಲ್ಲಿ ಅಕ್ಷರಗಳನ್ನು ಒಳಗೊಂಡಿದೆ. ಆದ್ದರಿಂದ ಸರಣಿಯ ಮಧ್ಯದಲ್ಲಿ ಬರಬೇಕಾದ ಅಕ್ಷರಗಳು ಎಲ್.ಕೆ.ಜೆ.(LKJ)</p> <p>––</p> <p>ಆಯ್ಕೆ ಪ್ರಕ್ರಿಯೆ ಹೇಗೆ ?</p><p>ಮೂರು ಹಂತದ ಹುದ್ದೆಗಳಿಗೆ ಆಯ್ಕೆ ಮಾಡುವಾಗ ಮುಖ್ಯ ಪರೀಕ್ಷೆಯಲ್ಲಿ ಕನಿಷ್ಠ ಅಂಕ ಪಡೆದಿರಬೇಕು. ಪ್ರತಿ ರಾಜ್ಯದಲ್ಲಿರುವ ಖಾಲಿ ಹುದ್ದೆಗಳನ್ನು ಆಧರಿಸಿ, ಅಭ್ಯರ್ಥಿಗಳ ತಾತ್ಕಾಲಿಕಪಟ್ಟಿ ತಯಾರಿಸಲಾಗುತ್ತದೆ.</p><p>lಆಫೀಸ್ ಅಸಿಸ್ಟೆಂಟ್ (ಮಲ್ಟಿಪರ್ಪಸ್): ಮುಖ್ಯ ಪರೀಕ್ಷೆಯಲ್ಲಿ ಮಾತ್ರ ಪಡೆದ ಅಂಕಗಳನ್ನು ಅಂತಿಮ ಮೆರಿಟ್ ಪಟ್ಟಿಗಾಗಿ ಪರಿಗಣಿಸಲಾಗುತ್ತದೆ.</p><p>lಸ್ಕೇಲ್ I – ಅಧಿಕಾರಿ: ಮುಖ್ಯ ಪರೀಕ್ಷೆಯಲ್ಲಿ ಪಡೆದ ಅಂಕಗಳನ್ನು ಮಾತ್ರ ಸಂದರ್ಶನ ಮತ್ತು ಅಂತಿಮ ಮೆರಿಟ್ ಪಟ್ಟಿಗಾಗಿ ಶಾರ್ಟ್ಲಿಸ್ಟ್ಗಾಗಿ ಪರಿಗಣಿಸಲಾಗುತ್ತದೆ.</p><p>lಸ್ಕೇಲ್ II ಮತ್ತು ಸ್ಕೇಲ್ III ಅಧಿಕಾರಿ: ಏಕ ಹಂತದ ಪರೀಕ್ಷೆಯಲ್ಲಿ ಪಡೆದ ಅಂಕಗಳನ್ನು ಸಂದರ್ಶನ ಮತ್ತು ಅಂತಿಮ ಮೆರಿಟ್ ಪಟ್ಟಿಗೆ ಆಯ್ಕೆ ಮಾಡಲು ಪರಿಗಣಿಸಲಾಗುತ್ತದೆ.</p><p>lಸಂದರ್ಶನ: ಅಧಿಕಾರಿಗಳ ಹುದ್ದೆಗೆ ಮಾತ್ರ ಇದು ಅನ್ವಯಿಸುತ್ತದೆ (ಸ್ಕೇಲ್ I, II ಮತ್ತು III)</p><p>ಆಫೀಸರ್ಸ್ ಸ್ಕೇಲ್ I ಹುದ್ದೆಗೆ ಮುಖ್ಯ ಪರೀಕ್ಷೆಯಲ್ಲಿ ಶಾರ್ಟ್ಲಿಸ್ಟ್ ಮಾಡಿದ ಅಭ್ಯರ್ಥಿಗಳು ಮತ್ತು ಸಿಆರ್ಪಿ-ಆರ್ಆರ್ಬಿ- XII ಅಡಿಯಲ್ಲಿ ಆಫೀಸರ್ಸ್ ಸ್ಕೇಲ್ II ಮತ್ತು III ಹುದ್ದೆಗೆ ಏಕ ಹಂತದ ಪರೀಕ್ಷೆಯಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳನ್ನು ಸಂದರ್ಶನಕ್ಕೆ ಕರೆಯಲಾಗುವುದು.</p><p>ಸಂದರ್ಶನಕ್ಕೆ ನಿಗದಿಪಡಿಸಲಾದ ಒಟ್ಟು ಅಂಕಗಳು 100. ಸಂದರ್ಶನದಲ್ಲಿ ಕನಿಷ್ಠ ಅರ್ಹತಾ ಅಂಕಗಳು ಸಾಮಾನ್ಯ ವರ್ಗಕ್ಕೆ ಶೇ 40. ಎಸ್.ಸಿ/ಎಸ್.ಟಿ/ಒಬಿಸಿ/ಅಂಗವಿಕಲ ಅಭ್ಯರ್ಥಿಗಳಿಗೆ ಶೇ 35. ಪರೀಕ್ಷೆಯಲ್ಲಿ ಅಭ್ಯರ್ಥಿಗಳು ಪಡೆದ ಅಂಕಗಳ ಆಧಾರದ ಮೇಲೆ ಅಭ್ಯರ್ಥಿಗಳ ಸಂಯೋಜಿತ ಅಂತಿಮ ಸ್ಕೋರ್ ಅನ್ನು ತಯಾರಿಸಲಾಗುತ್ತದೆ.</p> <p>(ಮುಂದಿನವಾರ ಇನ್ನಷ್ಟು ಮಾದರಿ ಪ್ರಶ್ನೋತ್ತರಗಳು)</p><p>––</p><p>(ಲೇಖಕರು: ಬ್ಯಾಂಕಿಂಗ್ ಮತ್ತು ವ್ಯಕ್ತಿತ್ವ ವಿಕಸನ ತರಬೇತುದಾರರು ಹಾಗೂ ವೃತ್ತಿ ಮಾರ್ಗದರ್ಶಕರು, ಮಡಿಕೇರಿ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್ಗಳಲ್ಲಿ(ಆರ್ಆರ್ಬಿ) ಖಾಲಿಯಿರುವ ಹುದ್ದೆಗಳ ಭರ್ತಿಗಾಗಿ (ದೇಶದಲ್ಲಿ ಒಟ್ಟು 8602 ಹುದ್ದೆಗಳು. ಅದರಲ್ಲಿ ಕರ್ನಾಟಕದ ಎರಡು ಬ್ಯಾಂಕ್ಗಳಲ್ಲಿ 806 ಹುದ್ದೆಗಳು) ಅರ್ಜಿ ಆಹ್ವಾನ ಮತ್ತು ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಕುರಿತು ಕಳೆದ ಎರಡು ಸಂಚಿಕೆಗಳಲ್ಲಿ ವಿವರವಾಗಿ ಪ್ರಕಟಿಸಲಾಗಿತ್ತು. ಈ ಲೇಖನಗಳಲ್ಲಿ ಆಯ್ಕೆ ಪ್ರಕ್ರಿಯೆ ಹಂತಗಳು, ಪರೀಕ್ಷೆಗಳ ಸ್ವರೂಪ, ಅಂಕಗಳು, ಪರೀಕ್ಷೆಗೆ ನಿಗದಿಪಡಿಸಿದ ಸಮಯ ಕುರಿತು ಮಾಹಿತಿ ನೀಡಲಾಗಿತ್ತು.</p><p>ಈ ಸಂಚಿಕೆಯಲ್ಲಿ ವಿವಿಧ ಹುದ್ದೆಗಳಿಗೆ ಆಯ್ಕೆ ಪ್ರಕ್ರಿಯೆ ಹೇಗೆ ನಡೆಯುತ್ತದೆ. ಪರೀಕ್ಷೆಗೆ ನಿಗದಿಪಡಿಸಿರುವ ಪಠ್ಯಕ್ರಮ ಹಾಗೂ ಆ ಪಠ್ಯಗಳನ್ನು ಹೇಗೆ ಓದಬೇಕು – ಈ ವಿಷಯಗಳ ಬಗ್ಗೆ ತಿಳಿದುಕೊಳ್ಳೋಣ.</p><p>ಪರೀಕ್ಷಾ ತಯಾರಿ ಹೇಗಿರಬೇಕು ?</p><p>ಅಭ್ಯರ್ಥಿಯು ಮೊದಲಿಗೆ ಪರೀಕ್ಷೆಗೆ ನಿಗದಿಪಡಿಸಿರುವ ಪಠ್ಯಕ್ರಮ ಮತ್ತು ಮಾದರಿಯ ಕುರಿತು ಅರಿತಿರಬೇಕು. ಪರಿಣತರ /ತಜ್ಞರ ಸಹಾಯದೊಂದಿಗೆ ಅಧ್ಯಯನ ಸಾಮಗ್ರಿ /ಪುಸ್ತಕಗಳನ್ನು ಆಯ್ಕೆ ಮಾಡಿಕೊಳ್ಳಿ. ದಿನಕ್ಕೆ ಮೂರ್ನಾಲ್ಕು ಗಂಟೆಗಳ ಅಭ್ಯಾಸ ಕಡ್ಡಾಯ. ಹೆಚ್ಚೆಚ್ಚು ಅಣಕು ಪರೀಕ್ಷೆಗಳನ್ನು ಎದುರಿಸುವುದು ಕಡ್ಡಾಯವಾಗಲಿ.</p><p>ಕಂಪ್ಯೂಟರ್ನಲ್ಲಿ ಎಂ.ಎಸ್ ಆಫೀಸ್ ತಂತ್ರಾಂಶ ಬಳಕೆ ಹಾಗೂ ಶಾರ್ಟ್ಕಟ್ಗಳು, ಟೈಪಿಂಗ್ ಮತ್ತಿತರ ಕಂಪ್ಯೂಟರ್ ಸಂಬಂಧಿತ ಮೂಲಭೂತ ಜ್ಞಾನವನ್ನು ಹೊಂದಿರುವುದು ಅಗತ್ಯವಾಗಿದೆ. ಈಗೊಮ್ಮೆ ಅವುಗಳನ್ನು ಓದಿ ಪುನರಾವರ್ತಿಸಲು ಸಮಯ ಮಿಸಲಿಡಿ.</p><p>ತಾರ್ಕಿಕತೆ (ಲಾಜಿಕಲ್ ರೀಸನಿಂಗ್), ದತ್ತಾಂಶ ವಿಶ್ಲೇಷಣೆ ಮತ್ತು ವ್ಯಾಖ್ಯಾನ (ಡೇಟಾ ಅನಾಲಿಸಿಸ್-ಇಂಟರ್ ಪ್ರಿಟೇಶನ್) ವಿಷಯಗಳನ್ನು ಹೊಸದಾಗಿ ಕಲಿಯುತ್ತಿರುವುದರಿಂದ ಆರಂಭದಲ್ಲಿ ಕಷ್ಟವೆನಿಸಬಹುದು. ಈ ಮೂರು ವಿಭಾಗಗಳಲ್ಲಿ ಕೇಳುವ ಹೆಚ್ಚಿನ ಪ್ರಶ್ನೆಗಳು ಕ್ಲಿಷ್ಟವಾಗಿರುತ್ತವೆ. ಅಭ್ಯರ್ಥಿಗಳು ಸರಳ ಸೂತ್ರಗಳು ಮತ್ತು ತಂತ್ರಗಳನ್ನು ಅನ್ವಯಿಸುವ ಮೂಲಕ ಪರಿಹರಿಸಬೇಕು.</p><p>ತಾರ್ಕಿಕತೆ (ಲಾಜಿಕಲ್ ರೀಸನಿಂಗ್): ತಾರ್ಕಿಕ ಪರೀಕ್ಷೆಯಲ್ಲಿ ಮುಖ್ಯವಾಗಿ ಎರಡು ಭಾಗಗಳಿವೆ. ಮೊದಲನೆ ಯದು ಶಾಬ್ದಿಕ (ವರ್ಬಲ್) ಇನ್ನೊಂದು ಅಶಾಬ್ದಿಕ (ನಾನ್ ವರ್ಬಲ್).</p><p>ವರ್ಬಲ್ ರೀಸನಿಂಗ್ ಪ್ರಶ್ನೆಗಳಲ್ಲಿ ಪರಿಕಲ್ಪನೆಗಳು ಮತ್ತು ಸಮಸ್ಯೆಗಳನ್ನು ಪದಗಳಲ್ಲಿ ಪ್ರಶ್ನೆಗಳ ರೂಪದಲ್ಲಿ ರುತ್ತವೆ. ಪ್ರಶ್ನೆ ಪತ್ರಿಕೆಯಲ್ಲಿರುವ ಪಠ್ಯ ಅಥವಾ ಪ್ಯಾರಾಗ್ರಾಫ್ ಪ್ರಶ್ನೆಗಳನ್ನು ಅಭ್ಯರ್ಥಿಗಳು ಓದಿ, ಅರ್ಥೈಸಿ ಕೊಂಡು, ಆ ಪ್ರಶ್ನೆಗಳಿಗೆ ಉತ್ತರವಾಗಿ ನೀಡಿರುವ ಆಯ್ಕೆಗಳಲ್ಲಿ ಸರಿಯಾದ ಉತ್ತರವನ್ನು ಆರಿಸಿಕೊಳ್ಳಬೇಕು.</p><p>ನಾನ್ ವರ್ಬಲ್ ರೀಸನಿಂಗ್ ಪ್ರಶ್ನೆಗಳಲ್ಲಿ, ಪರಿಕಲ್ಪನೆಗಳು ಮತ್ತು ಸಮಸ್ಯೆಗಳನ್ನು ಅಂಕಿ ಅಂಶಗಳು, ಚಿತ್ರಗಳು ಅಥವಾ ರೇಖಾಚಿತ್ರಗಳ ರೂಪದಲ್ಲಿ ನೀಡಲಾಗುತ್ತದೆ. ಕೊಟ್ಟಿರುವ ಆಯ್ಕೆಗಳಲ್ಲಿ ಸರಿಯಾದ ಉತ್ತರವನ್ನು ಆರಿಸುವ ಮೊದಲು ಅಭ್ಯರ್ಥಿಗಳು ಅವುಗಳನ್ನು ಅರ್ಥಮಾಡಿಕೊಳ್ಳುವ ಅಗತ್ಯವಿದೆ.</p><p>ವರ್ಬಲ್ ರೀಸನಿಂಗ್ನಲ್ಲಿರುವ ಪಠ್ಯಗಳು: ಸಂಖ್ಯಾ ಸರಣಿ (Number Series), ಅಕ್ಷರ ಸರಣಿ(Letter Series), ಸಾದೃಶ್ಯಗಳು(Analogies), ಕಾರಣ ಮತ್ತು ಪರಿಣಾಮ (Cause & Effect), ಮೌಖಿಕ ವರ್ಗೀಕರಣ(Verbal Classification) ಸೇರಿದಂತೆ ಇಪ್ಪತ್ತಕ್ಕೂ ಹೆಚ್ಚು ಅಧ್ಯಾಯಗಳಿವೆ. </p><p>ನಾನ್ ವರ್ಬಲ್ ರೀಸನಿಂಗ್: ಚಿತ್ರ ಸರಣಿ (Image Series), ಆಕಾರಗಳ ನಿರ್ಮಾಣ(Construction of Shapes), ವರ್ಗೀಕರಣ(Classification), ಚಿತ್ರ ಸಾದೃಶ್ಯಗಳು(Picture Analogies) ನಿಯಮ ಪತ್ತೆ(Rule Detection)– ಇಂಥ ವಿಷಯಗಳಿರುತ್ತವೆ. </p><p>ಕೆಲವೊಂದು ಪ್ರಶ್ನೆಗಳ ಉದಾಹರಣೆ: </p><p>1) ಸಂಖ್ಯಾ ಸರಣಿ:</p><p>1)ಈ ಸಂಖ್ಯಾ ಸರಣಿಯಲ್ಲಿ ಖಾಲಿ ಸ್ಥಾನಕ್ಕೆ ಬರಬೇಕಾಗಿರುವ ಸಂಖ್ಯೆ ಯಾವುದು?,</p><p>48, 24, 12, ......?</p><p>ಆಯ್ಕೆಗಳು :</p><p>a) 8 b) 6 c) 4 d) 2</p><p>→⇒ಉತ್ತರ: B</p><p>ವಿವರಣೆ: ಇದು ಸರಳವಾದ ಸರಣಿ. ಇದರಲ್ಲಿ ಪ್ರತಿ ಸಂಖ್ಯೆಯು ಹಿಂದಿನ ಸಂಖ್ಯೆಯ ಅರ್ಧದಷ್ಟು ಇದೆ. ಮುಂದಿನ ಸಂಖ್ಯೆಯನ್ನು ಕಂಡು ಹಿಡಿಯಲು ಪ್ರತಿ ಸಂಖ್ಯೆಯನ್ನು 2 ರಿಂದ ಭಾಗಿಸಬೇಕಿದೆ.</p><p>48 ಅನ್ನು 2 ರಿಂದ ಭಾಗಿಸಿದಾಗ, 24 ನ್ನು 24 ನ್ನು 2 ರಿಂದ ಭಾಗಿಸಿದಾಗ, 12 ಅನ್ನು ಪಡೆಯುತ್ತೇವೆ. ಆದ್ದರಿಂದ, 12 ನ್ನು 2 ರಿಂದ ಭಾಗಿಸಿದಾಗ, ನಾವು 6 ಅನ್ನು ಪಡೆಯುತ್ತೇವೆ ಅದ್ದರಿಂದ ಸರಿ ಉತ್ತರದ ಆಯ್ಕೆ B.</p><p>2) ಅಕ್ಷರ ಸರಣಿ</p><p>1) RQP, ONM, ……, IHG, FED, ಕಬಿಟ್ಟ ಸ್ಥಳದಲ್ಲಿ ಇರಬೇಕಾದ ಅಕ್ಷರಗಳನ್ನು ಹುಡುಕಿ.?</p><p> a) CDE b) LKI c) LKJ d) BAC</p><p>⇒ಉತ್ತರ: C</p><p>ವಿವರಣೆ: ಇಂಗ್ಲಿಷ್ ವರ್ಣಮಾಲೆ(Alpabhet) ಸರಣಿ ಎಡದಿಂದ ಬಲಕ್ಕೆ ಬರೆದಾಗ….</p><p>ABC DEF GHI JKL MNO PQR STUVWXYZ. ಈಗ ಇದೇ ಸರಣಿಯನ್ನು ಬಲದಿಂದ ಎಡಕ್ಕೆ ಬರೆದಾಗ (ಹಿಮ್ಮುಖವಾಗಿ) ZYXWVUTS RQP ONM LKJ IHG FED CBA</p><p>ಸರಣಿಯು ವರ್ಣಮಾಲೆಯ ಹಿಮ್ಮುಖ ಕ್ರಮದಲ್ಲಿ ಅಕ್ಷರಗಳನ್ನು ಒಳಗೊಂಡಿದೆ. ಆದ್ದರಿಂದ ಸರಣಿಯ ಮಧ್ಯದಲ್ಲಿ ಬರಬೇಕಾದ ಅಕ್ಷರಗಳು ಎಲ್.ಕೆ.ಜೆ.(LKJ)</p> <p>––</p> <p>ಆಯ್ಕೆ ಪ್ರಕ್ರಿಯೆ ಹೇಗೆ ?</p><p>ಮೂರು ಹಂತದ ಹುದ್ದೆಗಳಿಗೆ ಆಯ್ಕೆ ಮಾಡುವಾಗ ಮುಖ್ಯ ಪರೀಕ್ಷೆಯಲ್ಲಿ ಕನಿಷ್ಠ ಅಂಕ ಪಡೆದಿರಬೇಕು. ಪ್ರತಿ ರಾಜ್ಯದಲ್ಲಿರುವ ಖಾಲಿ ಹುದ್ದೆಗಳನ್ನು ಆಧರಿಸಿ, ಅಭ್ಯರ್ಥಿಗಳ ತಾತ್ಕಾಲಿಕಪಟ್ಟಿ ತಯಾರಿಸಲಾಗುತ್ತದೆ.</p><p>lಆಫೀಸ್ ಅಸಿಸ್ಟೆಂಟ್ (ಮಲ್ಟಿಪರ್ಪಸ್): ಮುಖ್ಯ ಪರೀಕ್ಷೆಯಲ್ಲಿ ಮಾತ್ರ ಪಡೆದ ಅಂಕಗಳನ್ನು ಅಂತಿಮ ಮೆರಿಟ್ ಪಟ್ಟಿಗಾಗಿ ಪರಿಗಣಿಸಲಾಗುತ್ತದೆ.</p><p>lಸ್ಕೇಲ್ I – ಅಧಿಕಾರಿ: ಮುಖ್ಯ ಪರೀಕ್ಷೆಯಲ್ಲಿ ಪಡೆದ ಅಂಕಗಳನ್ನು ಮಾತ್ರ ಸಂದರ್ಶನ ಮತ್ತು ಅಂತಿಮ ಮೆರಿಟ್ ಪಟ್ಟಿಗಾಗಿ ಶಾರ್ಟ್ಲಿಸ್ಟ್ಗಾಗಿ ಪರಿಗಣಿಸಲಾಗುತ್ತದೆ.</p><p>lಸ್ಕೇಲ್ II ಮತ್ತು ಸ್ಕೇಲ್ III ಅಧಿಕಾರಿ: ಏಕ ಹಂತದ ಪರೀಕ್ಷೆಯಲ್ಲಿ ಪಡೆದ ಅಂಕಗಳನ್ನು ಸಂದರ್ಶನ ಮತ್ತು ಅಂತಿಮ ಮೆರಿಟ್ ಪಟ್ಟಿಗೆ ಆಯ್ಕೆ ಮಾಡಲು ಪರಿಗಣಿಸಲಾಗುತ್ತದೆ.</p><p>lಸಂದರ್ಶನ: ಅಧಿಕಾರಿಗಳ ಹುದ್ದೆಗೆ ಮಾತ್ರ ಇದು ಅನ್ವಯಿಸುತ್ತದೆ (ಸ್ಕೇಲ್ I, II ಮತ್ತು III)</p><p>ಆಫೀಸರ್ಸ್ ಸ್ಕೇಲ್ I ಹುದ್ದೆಗೆ ಮುಖ್ಯ ಪರೀಕ್ಷೆಯಲ್ಲಿ ಶಾರ್ಟ್ಲಿಸ್ಟ್ ಮಾಡಿದ ಅಭ್ಯರ್ಥಿಗಳು ಮತ್ತು ಸಿಆರ್ಪಿ-ಆರ್ಆರ್ಬಿ- XII ಅಡಿಯಲ್ಲಿ ಆಫೀಸರ್ಸ್ ಸ್ಕೇಲ್ II ಮತ್ತು III ಹುದ್ದೆಗೆ ಏಕ ಹಂತದ ಪರೀಕ್ಷೆಯಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳನ್ನು ಸಂದರ್ಶನಕ್ಕೆ ಕರೆಯಲಾಗುವುದು.</p><p>ಸಂದರ್ಶನಕ್ಕೆ ನಿಗದಿಪಡಿಸಲಾದ ಒಟ್ಟು ಅಂಕಗಳು 100. ಸಂದರ್ಶನದಲ್ಲಿ ಕನಿಷ್ಠ ಅರ್ಹತಾ ಅಂಕಗಳು ಸಾಮಾನ್ಯ ವರ್ಗಕ್ಕೆ ಶೇ 40. ಎಸ್.ಸಿ/ಎಸ್.ಟಿ/ಒಬಿಸಿ/ಅಂಗವಿಕಲ ಅಭ್ಯರ್ಥಿಗಳಿಗೆ ಶೇ 35. ಪರೀಕ್ಷೆಯಲ್ಲಿ ಅಭ್ಯರ್ಥಿಗಳು ಪಡೆದ ಅಂಕಗಳ ಆಧಾರದ ಮೇಲೆ ಅಭ್ಯರ್ಥಿಗಳ ಸಂಯೋಜಿತ ಅಂತಿಮ ಸ್ಕೋರ್ ಅನ್ನು ತಯಾರಿಸಲಾಗುತ್ತದೆ.</p> <p>(ಮುಂದಿನವಾರ ಇನ್ನಷ್ಟು ಮಾದರಿ ಪ್ರಶ್ನೋತ್ತರಗಳು)</p><p>––</p><p>(ಲೇಖಕರು: ಬ್ಯಾಂಕಿಂಗ್ ಮತ್ತು ವ್ಯಕ್ತಿತ್ವ ವಿಕಸನ ತರಬೇತುದಾರರು ಹಾಗೂ ವೃತ್ತಿ ಮಾರ್ಗದರ್ಶಕರು, ಮಡಿಕೇರಿ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
