ಶಿಕ್ಷಣ: ಸೂತ್ರ ಮರೆಯದಿರುವ ಮಂತ್ರ

ಗಣಿತವೇಕೆ ಕಬ್ಬಿಣದ ಕಡಲೆ? ಈ ಪ್ರಶ್ನೆಯನ್ನು ಮುಂದಿರಿಸಿಕೊಂಡು ಮಕ್ಕಳಿಗೆ ಪ್ರಶ್ನೆ ಕೇಳಿದರೆ, ಸೂತ್ರಗಳೇ ನೆನಪಿರುವುದಿಲ್ಲ. ಒಮ್ಮೆ ಸೂತ್ರ ನೆನಪಾದರೆ ಲೆಕ್ಕಗಳನ್ನು ಪರಿಹರಿಸುತ್ತ ಹೋಗಬಹುದು. ಆದರೆ ಸೂತ್ರಗಳನ್ನು ನೆನಪಿಟ್ಟುಕೊಳ್ಳುವುದು ಹೇಗೆ?

. ಬಹತೇಕ ಮಕ್ಕಳಿಗೆ ಐದು ಆರನೆಯ ತರಗತಿಯಿಂದಲೇ ಗಣಿತ ಕಠಿಣವೆನಿಸುತ್ತ ಹೋಗುತ್ತದೆ. ಹಾಗೆಯೇ ಸೂತ್ರಗಳನ್ನು ಆಧರಿಸಿದ ವಿಷಯಗಳಾದ ಭೌತಶಾಸ್ತ್ರವೂ ಕಠಿಣವೆನಿಸತೊಡಗುತ್ತದೆ.

. ಸೂತ್ರಗಳನ್ನು ಅರಿತರೆ ಬಿಡಿಸುತ್ತ ಹೋಗುವುದು ಮಕ್ಕಳಿಗೂ ಆಸಕ್ತಿಕರ ಆಟವಾಗಿ ಬದಲಾಗುತ್ತದೆ. ಆದರೆ ಸೂತ್ರಗಳನ್ನು ಬಾಯಿಪಾಠ ಮಾಡಿಸದೇ ಕಲಿಸಬಹುದೆ?

. ಬಾಯಿಪಾಠ ಮಾಡಿಸುವ ಮೊದಲು ಸೂತ್ರಗಳನ್ನು ಅರ್ಥ ಮಾಡಿಸುವುದು ಬಹಳ ಮುಖ್ಯವಾಗಿದೆ. ಹೀಗೆ ಅರ್ಥ ಮಾಡಿಸುವಾಗ ಮೂಲ ಸೂತ್ರವೇನು? ಅವುಗಳಲ್ಲಿ ಸೂಚಿಸುವ ಬೀಜಾಕ್ಷರಗಳು ಹೇಗೆ ವರ್ತಿಸುತ್ತವೆ? ಸಂಖ್ಯೆಗಳ ನಡುವಿನ ಸಂಕೇತಗಳು, ಸಂಕಲನ ಮತ್ತು ವ್ಯವಕಲನಗಳ ಚಿಹ್ನೆಗಳೊಂದಿಗೆ ಸೂತ್ರದಲ್ಲಿ ಬರುವ ಕಂಸ (), {}, ಗಳ ಅರ್ಥವನ್ನೂ ತಿಳಿಸಬೇಕು.

. ಪ್ರತಿ ಸಂಖ್ಯೆಯ ಗುಣ, ಸಂಕೇತಗಳ ಅರ್ತ ಮತ್ತು ಅವುಗಳ ನಿಯಮಗಳನ್ನು ಕಲಿಸಬೇಕು. ಆಗ ಸೂತ್ರವನ್ನು ವಿವರಿಸುವುದು ಸುಲಭವಾಗುತ್ತದೆ.

. ಈಗ ಬೀಜಗಣಿತದ ಸೂತ್ರಗಳು, ಭೌತಶಾಸ್ತ್ರದ ಸೂತ್ರಗಳು, ಅಂಕಗಣಿತದ ಸೂತ್ರಗಳು ಇವೆಲ್ಲವನ್ನೂ ಕಲಿಸುವ ಮೊದಲೇ ಮೂಲಗುಣಗಳನ್ನು ಹೇಳಿಕೊಡಬೇಕು. ಮಕ್ಕಳಿಗೆ ಅರ್ಥವಾಗದೇ ಇದ್ದಾಗ ಮಕ್ಕಳನ್ನೇ ರೂಪಕಗಳಾಗಿಸಿ ತಿಳಿಸಿಕೊಡಬೇಕು. ಒಮ್ಮೆ ಸೂತ್ರದ ಸ್ವರೂಪ ತಿಳಿದ ನಂತರ, ಉರುವು ಹಚ್ಚಿದರೆ ಗಣಿತವನ್ನು ಸಲೀಸಾಗಿ ಅನ್ವಯಿಸುವುದನ್ನು ಕಲಿಯುತ್ತಾರೆ.

. ಅಭ್ಯಾಸ ಮಾಡಿಸಿ: ಉರು ಹೊಡೆಯುವ ಬದಲು ಬರೆಬರೆದು ತೆಗೆಯಬೇಕು. ಅಭ್ಯಾಸ ಮಾಡಿಸಿದಷ್ಟೂ ಹೆಚ್ಚು ಹೆಚ್ಚು ಮನವರಿಕೆಯಾಗುತ್ತವೆ.

. ನೆನಪಿಗೂ ಮಂತ್ರ: ನೆನಪಿನಲ್ಲಿರಿಸಿಕೊಳ್ಳಲು ಸೂತ್ರಕ್ಕೆ ಅನುಗುಣವಾಗಿ ನೆನಪಿನಲ್ಲಿಡಬಹುದಾದ ಪರ್ಯಾಯ ಪದಗಳನ್ನು ಸೂಚಿಸಿ. ಅವು ಮಕ್ಕಳಿಗೆ ದಿನನಿತ್ಯದ ಬದುಕಿನಲ್ಲಿ ಬಳಸುವಂಥವಾಗಿರಬೇಕು. ಗುಣಿಸು ಪದವನ್ನು ಗುಣಕ್ಕೂ, ಕೂಡಿಸುವುದಕ್ಕೆ ಕೂಡಲು.. ಹೀಗೆ ನೆನಪಿಡುವಂಥ ಸಮೀಪದ ಪದಗಳನ್ನು ಸೂಚಿಸಬೇಕು.

. ಚಿತ್ರಕ ಸ್ಮರಣೆ: ಚಿತ್ರಕಶಕ್ತಿ ಹೆಚ್ಚುವಂತೆ ಚಿತ್ರಗಳ ಮೂಲಕ ಸ್ಮರಿಸುವುದನ್ನು ಹೇಳಿಕೊಡಿ. ಈ ಅಭ್ಯಾಸಕ್ಕೆ ಮಕ್ಕಳು ತಮಗಿಷ್ಟದ ಚಿತ್ರಗಳನ್ನು ಕಲ್ಪಿಸಿಕೊಳ್ಳಲು ಮುಕ್ತರಾಗಿರಬೇಕು.

. ಪರಿಸರ : ಸೂತ್ರಗಳನ್ನು ಕಲಿಯುವಾಗ ಮನೆಯ ಟೀವಿ, ರೇಡಿಯೊಗಳೆಲ್ಲ ಮೌನವಾಗಿರಲಿ. ನಿಮ್ಮ ಮೊಬೈಲ್ ಫೋನ್ ಸಹ ದೂರವಿರಲಿ. ಯಾವುದೇ ಬಗೆಯ ಅಡೆತಡೆಗಳಿಲ್ಲದೆ ಸೂತ್ರಗಳನ್ನು ಕಲಿಯುವಂತಾಗಲಿ.

. ಶ್ರ ವಣ, ಸ್ಮರಣ, ಮನನ: ಸೂತ್ರಗಳನ್ನು ಆಗಾಗ ವಿದ್ಯಾರ್ಥಿಗಳು ಪರಸ್ಪರ ಹೇಳಿಕೊಳ್ಳಲಿ. ಹೀಗೆ ಇನ್ನೊಬ್ಬರು ಹೇಳುವುದನ್ನು ಕೇಳಿದಾಗಲೂ ಸ್ಮರಣೆಯ ಕೋಶಕ್ಕೆ ಇಳಿಯುತ್ತವೆ. ಮನನವಾಗುವುದು ಹೀಗೆ ಕೇಳುವುದರಿಂದ. ಕೇಳಿದ್ದನ್ನು ಬರೆಯುವುದರಿಂದ.

. ಕಣ್ಣಿಗೆ ಕಾಣಲಿ: ನಿಮಗೆ ಕಠಿಣವೆನಿಸುವ ಸೂತ್ರಗಳನ್ನು ಆಗಾಗ ಬರೆದು, ನಿಮ್ಮ ಓದುವ ಮೇಜಿನ ಮುಂದೆ, ನಿಮ್ಮ ಗಮನ ಸೆಳೆಯುವಲ್ಲಿ ಬರೆದು ಅಂಟಿಸಿ. ಆಗಾಗ ಅವನ್ನು ನೋಡುತ್ತ, ಹೇಳಿಕೊಳ್ಳುತ್ತ ಇದ್ದರೆ ಸೂತ್ರಗಳು ಬಾಯಿಪಾಠವಾಗುತ್ತವೆ.

. ಹೀಗೆ ಮನನವಾಗಿರುವ ಸೂತ್ರಗಳನ್ನು ವಿದ್ಯಾರ್ಥಿಗಳು ಎಲ್ಲಿ ಬೇಕಾದರೂ ಅನ್ವಯಿಸಿ, ವಿಷಯಗಳಲ್ಲಿ ಆಸಕ್ತಿಯನ್ನು ಮೂಡಿಸುತ್ತವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿಕ್ಷಣ: ಸೂತ್ರ ಮರೆಯದಿರುವ ಮಂತ್ರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು