<p><strong>ಹೈದರಾಬಾದ್</strong>: ₹1 ಕೋಟಿಯನ್ನು 100 ಕುಟುಂಬಗಳಿಗೆ ಹಂಚುವುದರ ಮೂಲಕ ‘ಖುಷಿ’ ಸಿನಿಮಾದ ಯಶಸ್ಸನ್ನು ಸಂಭ್ರಮಿಸುವುದಾಗಿ ತೆಲುಗು ನಟ ವಿಜಯ ದೇವರಕೊಂಡ ಘೋಷಿಸಿದ ಬೆನ್ನಲ್ಲೇ ಸಿನಿಮಾ ವಿತರಕ ಸಂಸ್ಥೆ ಅಭಿಷೇಕ್ ಪಿಕ್ಚರ್ಸ್, ‘ವರ್ಲ್ಡ್ ಫೇಮಸ್ ಲವರ್’ ಚಿತ್ರದಿಂದ ₹8 ಕೋಟಿ ಕಳೆದುಕೊಂಡಿರುವುದಾಗಿ ತಿಳಿಸಿದೆ.</p><p>2020ರಲ್ಲಿ ವಿಜಯ ದೇವರಕೊಂಡ ನಟನೆಯ ‘ವರ್ಲ್ಡ್ ಫೇಮಸ್ ಲವರ್’ ಚಿತ್ರ ಬಿಡುಗಡೆಯಾಗಿತ್ತು. ಈ ಚಿತ್ರದ ವಿತರಣಾ ಹಕ್ಕನ್ನು ಅಭಿಷೇಕ್ ಪಿಕ್ಚರ್ಸ್ ವಹಿಸಿಕೊಂಡಿತ್ತು. ಕಳಪೆ ಪ್ರದರ್ಶನದಿಂದ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಮಕಾಡೆ ಮಲಗಿತ್ತು.</p><p>ಇದೇ ತಿಂಗಳ ಆರಂಭದಲ್ಲಿ ಬಿಡುಗಡೆಯಾದ ವಿಜಯ ದೇವರಕೊಂಡ ಮತ್ತು ನಟಿ ಸಮಂತ ನಟನೆಯ ‘ಖುಷಿ’ ಚಿತ್ರ ಉತ್ತಮ ಪ್ರದರ್ಶನ ಕಂಡಿತ್ತು. ಬಿಡುಗಡೆಯಾದ ಮೂರು ದಿನಕ್ಕೆ ಜಾಗತಿಕ ಮಟ್ಟದಲ್ಲಿ ಚಿತ್ರ ₹70 ಕೋಟಿ ಗಳಿಸಿತ್ತು ಎಂದು ಚಿತ್ರ ತಂಡ ಹೇಳಿಕೊಂಡಿತ್ತು. </p><p>ಇತ್ತೀಚೆಗೆ ವಿಶಾಖಪಟ್ಟಣದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ ದೇವರಕೊಂಡ, ‘‘ಖುಷಿ’ ಚಿತ್ರ ಯಶಸ್ಸನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುವ ಸಲುವಾಗಿ ₹1 ಕೋಟಿಯನ್ನು 100 ಕೋಟಿ ಕುಟುಂಬಗಳಿಗೆ ನೀಡಲು ನಿರ್ಧರಿಸಿದ್ದೇನೆ. ಪ್ರತಿ ಕುಟುಂಬಕ್ಕೆ ತಲಾ ₹1 ಲಕ್ಷ ಸಿಗಲಿದೆ. ಇದನ್ನು ನನ್ನ ವೈಯಕ್ತಿಕ ಖಾತೆಯಿಂದಲೇ ನೀಡುತ್ತೇನೆ’ ಎಂದು ಘೋಷಿಸಿದ್ದರು.</p><p>ವಿಜಯ ಅವರ ಹೇಳಿಕೆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ್ದು, ವಿತರಕರ ಕುಟುಂಬಗಳನ್ನು ಮರೆಯಬೇಡಿ ಎಂದು ಅಭಿಷೇಕ್ ಪಿಕ್ಚರ್ಸ್ ನಟನಿಗೆ ಜ್ಞಾಪಿಸಿದೆ.</p><p>ಈ ಬಗ್ಗೆ ಸಾಮಾಜಿಕ ಮಾಧ್ಯಮ ಎಕ್ಸ್ನಲ್ಲಿ ಬರೆದುಕೊಂಡಿರುವ ಅಭಿಷೇಕ್ ಪಿಕ್ಚರ್ಸ್, ‘ಪ್ರೀತಿಯ ವಿಜಯ ದೇವರಕೊಂಡ ಅವರೇ ನಿಮ್ಮ ಸಿನಿಮಾ ‘ವರ್ಲ್ಡ್ ಫೇಮಸ್ ಲವರ್’ ವಿತರಣೆಯಲ್ಲಿ ನಾವು ₹8 ಕೋಟಿ ಕಳೆದುಕೊಂಡಿದ್ದೇವೆ, ಆದರೆ ಈ ಬಗ್ಗೆ ಯಾರೂ ಚಿಂತಿಸುತ್ತಿಲ್ಲ’ ಎಂದಿದೆ.</p><p>‘₹1 ಕೋಟಿ ದಾನ ಮಾಡುತ್ತಿರುವ ನಿಮ್ಮ ಹೃದಯ ವೈಶಾಲತೆಯನ್ನು ನಾವು ಮೆಚ್ಚಿದ್ದೇವೆ. ಆದರೆ ದಯವಿಟ್ಟು ಪ್ರದರ್ಶಕರು, ವಿತರಕರ ಕುಟುಂಬಗಳನ್ನು ಉಳಿಸಿ ಎಂದು ನಾವು ನಿಮ್ಮಲ್ಲಿ ಕೇಳಿಕೊಳ್ಳುತ್ತೇವೆ’ ಎಂದು ವಿನಂತಿ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೈದರಾಬಾದ್</strong>: ₹1 ಕೋಟಿಯನ್ನು 100 ಕುಟುಂಬಗಳಿಗೆ ಹಂಚುವುದರ ಮೂಲಕ ‘ಖುಷಿ’ ಸಿನಿಮಾದ ಯಶಸ್ಸನ್ನು ಸಂಭ್ರಮಿಸುವುದಾಗಿ ತೆಲುಗು ನಟ ವಿಜಯ ದೇವರಕೊಂಡ ಘೋಷಿಸಿದ ಬೆನ್ನಲ್ಲೇ ಸಿನಿಮಾ ವಿತರಕ ಸಂಸ್ಥೆ ಅಭಿಷೇಕ್ ಪಿಕ್ಚರ್ಸ್, ‘ವರ್ಲ್ಡ್ ಫೇಮಸ್ ಲವರ್’ ಚಿತ್ರದಿಂದ ₹8 ಕೋಟಿ ಕಳೆದುಕೊಂಡಿರುವುದಾಗಿ ತಿಳಿಸಿದೆ.</p><p>2020ರಲ್ಲಿ ವಿಜಯ ದೇವರಕೊಂಡ ನಟನೆಯ ‘ವರ್ಲ್ಡ್ ಫೇಮಸ್ ಲವರ್’ ಚಿತ್ರ ಬಿಡುಗಡೆಯಾಗಿತ್ತು. ಈ ಚಿತ್ರದ ವಿತರಣಾ ಹಕ್ಕನ್ನು ಅಭಿಷೇಕ್ ಪಿಕ್ಚರ್ಸ್ ವಹಿಸಿಕೊಂಡಿತ್ತು. ಕಳಪೆ ಪ್ರದರ್ಶನದಿಂದ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಮಕಾಡೆ ಮಲಗಿತ್ತು.</p><p>ಇದೇ ತಿಂಗಳ ಆರಂಭದಲ್ಲಿ ಬಿಡುಗಡೆಯಾದ ವಿಜಯ ದೇವರಕೊಂಡ ಮತ್ತು ನಟಿ ಸಮಂತ ನಟನೆಯ ‘ಖುಷಿ’ ಚಿತ್ರ ಉತ್ತಮ ಪ್ರದರ್ಶನ ಕಂಡಿತ್ತು. ಬಿಡುಗಡೆಯಾದ ಮೂರು ದಿನಕ್ಕೆ ಜಾಗತಿಕ ಮಟ್ಟದಲ್ಲಿ ಚಿತ್ರ ₹70 ಕೋಟಿ ಗಳಿಸಿತ್ತು ಎಂದು ಚಿತ್ರ ತಂಡ ಹೇಳಿಕೊಂಡಿತ್ತು. </p><p>ಇತ್ತೀಚೆಗೆ ವಿಶಾಖಪಟ್ಟಣದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ ದೇವರಕೊಂಡ, ‘‘ಖುಷಿ’ ಚಿತ್ರ ಯಶಸ್ಸನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುವ ಸಲುವಾಗಿ ₹1 ಕೋಟಿಯನ್ನು 100 ಕೋಟಿ ಕುಟುಂಬಗಳಿಗೆ ನೀಡಲು ನಿರ್ಧರಿಸಿದ್ದೇನೆ. ಪ್ರತಿ ಕುಟುಂಬಕ್ಕೆ ತಲಾ ₹1 ಲಕ್ಷ ಸಿಗಲಿದೆ. ಇದನ್ನು ನನ್ನ ವೈಯಕ್ತಿಕ ಖಾತೆಯಿಂದಲೇ ನೀಡುತ್ತೇನೆ’ ಎಂದು ಘೋಷಿಸಿದ್ದರು.</p><p>ವಿಜಯ ಅವರ ಹೇಳಿಕೆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ್ದು, ವಿತರಕರ ಕುಟುಂಬಗಳನ್ನು ಮರೆಯಬೇಡಿ ಎಂದು ಅಭಿಷೇಕ್ ಪಿಕ್ಚರ್ಸ್ ನಟನಿಗೆ ಜ್ಞಾಪಿಸಿದೆ.</p><p>ಈ ಬಗ್ಗೆ ಸಾಮಾಜಿಕ ಮಾಧ್ಯಮ ಎಕ್ಸ್ನಲ್ಲಿ ಬರೆದುಕೊಂಡಿರುವ ಅಭಿಷೇಕ್ ಪಿಕ್ಚರ್ಸ್, ‘ಪ್ರೀತಿಯ ವಿಜಯ ದೇವರಕೊಂಡ ಅವರೇ ನಿಮ್ಮ ಸಿನಿಮಾ ‘ವರ್ಲ್ಡ್ ಫೇಮಸ್ ಲವರ್’ ವಿತರಣೆಯಲ್ಲಿ ನಾವು ₹8 ಕೋಟಿ ಕಳೆದುಕೊಂಡಿದ್ದೇವೆ, ಆದರೆ ಈ ಬಗ್ಗೆ ಯಾರೂ ಚಿಂತಿಸುತ್ತಿಲ್ಲ’ ಎಂದಿದೆ.</p><p>‘₹1 ಕೋಟಿ ದಾನ ಮಾಡುತ್ತಿರುವ ನಿಮ್ಮ ಹೃದಯ ವೈಶಾಲತೆಯನ್ನು ನಾವು ಮೆಚ್ಚಿದ್ದೇವೆ. ಆದರೆ ದಯವಿಟ್ಟು ಪ್ರದರ್ಶಕರು, ವಿತರಕರ ಕುಟುಂಬಗಳನ್ನು ಉಳಿಸಿ ಎಂದು ನಾವು ನಿಮ್ಮಲ್ಲಿ ಕೇಳಿಕೊಳ್ಳುತ್ತೇವೆ’ ಎಂದು ವಿನಂತಿ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
