<p>‘ಉಗ್ರಂ’, ‘ಕೆ.ಜಿ.ಎಫ್’ ಸರಣಿಯ ನಿರ್ದೇಶಕ ಪ್ರಶಾಂತ್ ನೀಲ್ ಕಥೆ ಬರೆದಿರುವ, ಡಾ.ಸೂರಿ ನಿರ್ದೇಶನದ ‘ಬಘೀರ’ ಸಿನಿಮಾ ಅ.31ರಂದು ಬಿಡುಗಡೆಯಾಗುತ್ತಿದೆ. ಚಿತ್ರದ ಟ್ರೇಲರ್ ಇತ್ತೀಚೆಗೆ ರಿಲೀಸ್ ಆಗಿದ್ದು, ಸೂಪರ್ ಹೀರೊ ಆಗಿ ಶ್ರೀಮುರಳಿ ಕಾಣಿಸಿಕೊಂಡಿದ್ದಾರೆ. </p>.<p>ಸಿನಿಮಾವನ್ನು ಹೊಂಬಾಳೆ ಫಿಲಂಸ್ ನಿರ್ಮಾಣ ಮಾಡಿದ್ದು, ಚಿತ್ರತಂಡ ಇತ್ತೀಚೆಗೆ ಸುದ್ದಿಗೋಷ್ಠಿ ನಡೆಸಿ ಸಿನಿಮಾದ ಕುರಿತು ಮಾಹಿತಿ ಹಂಚಿಕೊಂಡಿತು. ‘ಬಘೀರ’ ಮೂರು ವರ್ಷ ಹಲವು ವಿಷಯಗಳನ್ನು ತಿಳಿಸಿಕೊಟ್ಟಿತು. ಈ ಸಿನಿಮಾದ ಕಥೆಯನ್ನು ಬರೆದ ಪ್ರಶಾಂತ್ ನೀಲ್ ನನ್ನ ಮೆಚ್ಚಿನ ಕಥೆಗಾರ. ಖರ್ಚಿನ ಬಗ್ಗೆ ಹೊಂಬಾಳೆ ಫಿಲಂಸ್ ಎಂದಿಗೂ ಪ್ರಶ್ನೆ ಮಾಡಿಲ್ಲ. ವರ್ಷಕ್ಕೆ ಎರಡು ಮೂರು ಸಿನಿಮಾ ಮಾಡಬೇಕು ಎನ್ನುವ ಯೋಜನೆ ನನ್ನದು. ಆದರೆ ಈ ಸಿನಿಮಾದ ಚಿತ್ರೀಕರಣದ ವೇಳೆ ಗಾಯಗೊಂಡ ಕಾರಣ ಅದು ಆಗಲಿಲ್ಲ. ಗಾಯಗೊಂಡಿದ್ದಾಗ ಭಯಪಟ್ಟಿದ್ದೆ. ಗಾಯಗೊಂಡಿದ್ದ ಕಾಲನ್ನು ಮತ್ತೆ ಮರಳಿಕೊಡಿ, ಒಳ್ಳೊಳ್ಳೆಯ ಸಿನಿಮಾ ಮಾಡಬೇಕು ಎಂದು ವೈದ್ಯರ ಬಳಿ ಹೇಳಿದ್ದೆ. ಎಲ್ಲರಂತೆ ನಾನೂ ಶ್ರಮಪಟ್ಟಿದ್ದೇನೆ. ‘ಬಘೀರ’ಕ್ಕಾಗಿ ಹೆಚ್ಚಿನ ಶ್ರಮವನ್ನೇ ಹಾಕಿದ್ದೇನೆ. ಈ ಸಿನಿಮಾ ದೊಡ್ಡ ಪ್ರಯತ್ನ. ನಮ್ಮ ಇಂಡಸ್ಟ್ರಿ ಹೆಮ್ಮೆಪಡುವ ಸಿನಿಮಾ ಆಗಲಿದೆ. ‘ಬಘೀರ’ನ ಪಾತ್ರಕ್ಕೆ ಪ್ರವೇಶಿಸಿದಾಗ ಖುಷಿಪಟ್ಟಿದ್ದೆ. ಚಿಕ್ಕವರಿದ್ದಾಗ ನಾವೂ ಸೂಪರ್ ಹೀರೊ ಆಗಬೇಕು ಎಂಬ ಆಸೆ ಇಟ್ಟುಕೊಂಡಿದ್ದೆವು. 2014–15ರಲ್ಲೇ ಡಾ.ಸೂರಿ ಅವರ ಕಥೆಯೊಂದನ್ನು ಒಪ್ಪಿಕೊಂಡಿದ್ದೆ. ಅದನ್ನೂ ಶೀಘ್ರದಲ್ಲೇ ಮಾಡುತ್ತೇನೆ’ ಎಂದರು ಶ್ರೀಮುರಳಿ. </p>.<p>ನಿರ್ದೇಶಕ ಡಾ.ಸೂರಿ ಮಾತನಾಡಿ, ‘ಕನ್ನಡದಲ್ಲಿ ಸೂಪರ್ ಹೀರೊ ಸಿನಿಮಾವನ್ನು ಯಾರೂ ಮಾಡಿಲ್ಲ ಅಂದುಕೊಂಡಿದ್ದೇನೆ. ‘ಬಘೀರ’ ಬರುವುದೇ ರಾತ್ರಿ. ಹೀಗಾಗಿ ರಾತ್ರಿಯಲ್ಲಿ ನಡೆಸಿದ ಚಿತ್ರೀಕರಣವೇ ಹೆಚ್ಚು. ‘ಬಘೀರ’ ಎಂದರೆ ಕರಿಚಿರತೆ. ಪ್ರಶಾಂತ್ ಈ ಕಥೆ ಹೇಳಿದಾಗ ‘ಬಘೀರ’ ಎಂಬ ಶೀರ್ಷಿಕೆಯೇ ಮೊದಲು ತಲೆಗೆ ಬಂದಿತ್ತು. ದಿನದಲ್ಲಿ ನಾಯಕ ಒಬ್ಬ ನಿಷ್ಠಾವಂತ ಪೊಲೀಸ್ ಅಧಿಕಾರಿ, ರಾತ್ರಿ ಆತನೇ ‘ಬಘೀರ’. ಈ ಸಿನಿಮಾ ಒಂದು ಭಾವನಾತ್ಮಕ ಆ್ಯಕ್ಷನ್ ಥ್ರಿಲ್ಲರ್. ಸದ್ಯ ಅ.31ರಂದು ಕನ್ನಡ ಮತ್ತು ತೆಲುಗಿನಲ್ಲಷ್ಟೇ ಸಿನಿಮಾ ಬಿಡುಗಡೆಯಾಗುತ್ತಿದ್ದು, ಚಿತ್ರ ಯಶಸ್ಸು ಕಂಡರೆ ಇತರೆ ಭಾಷೆಗಳಲ್ಲೂ ಬಿಡುಗಡೆಯಾಗಲಿದೆ’ ಎಂದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಉಗ್ರಂ’, ‘ಕೆ.ಜಿ.ಎಫ್’ ಸರಣಿಯ ನಿರ್ದೇಶಕ ಪ್ರಶಾಂತ್ ನೀಲ್ ಕಥೆ ಬರೆದಿರುವ, ಡಾ.ಸೂರಿ ನಿರ್ದೇಶನದ ‘ಬಘೀರ’ ಸಿನಿಮಾ ಅ.31ರಂದು ಬಿಡುಗಡೆಯಾಗುತ್ತಿದೆ. ಚಿತ್ರದ ಟ್ರೇಲರ್ ಇತ್ತೀಚೆಗೆ ರಿಲೀಸ್ ಆಗಿದ್ದು, ಸೂಪರ್ ಹೀರೊ ಆಗಿ ಶ್ರೀಮುರಳಿ ಕಾಣಿಸಿಕೊಂಡಿದ್ದಾರೆ. </p>.<p>ಸಿನಿಮಾವನ್ನು ಹೊಂಬಾಳೆ ಫಿಲಂಸ್ ನಿರ್ಮಾಣ ಮಾಡಿದ್ದು, ಚಿತ್ರತಂಡ ಇತ್ತೀಚೆಗೆ ಸುದ್ದಿಗೋಷ್ಠಿ ನಡೆಸಿ ಸಿನಿಮಾದ ಕುರಿತು ಮಾಹಿತಿ ಹಂಚಿಕೊಂಡಿತು. ‘ಬಘೀರ’ ಮೂರು ವರ್ಷ ಹಲವು ವಿಷಯಗಳನ್ನು ತಿಳಿಸಿಕೊಟ್ಟಿತು. ಈ ಸಿನಿಮಾದ ಕಥೆಯನ್ನು ಬರೆದ ಪ್ರಶಾಂತ್ ನೀಲ್ ನನ್ನ ಮೆಚ್ಚಿನ ಕಥೆಗಾರ. ಖರ್ಚಿನ ಬಗ್ಗೆ ಹೊಂಬಾಳೆ ಫಿಲಂಸ್ ಎಂದಿಗೂ ಪ್ರಶ್ನೆ ಮಾಡಿಲ್ಲ. ವರ್ಷಕ್ಕೆ ಎರಡು ಮೂರು ಸಿನಿಮಾ ಮಾಡಬೇಕು ಎನ್ನುವ ಯೋಜನೆ ನನ್ನದು. ಆದರೆ ಈ ಸಿನಿಮಾದ ಚಿತ್ರೀಕರಣದ ವೇಳೆ ಗಾಯಗೊಂಡ ಕಾರಣ ಅದು ಆಗಲಿಲ್ಲ. ಗಾಯಗೊಂಡಿದ್ದಾಗ ಭಯಪಟ್ಟಿದ್ದೆ. ಗಾಯಗೊಂಡಿದ್ದ ಕಾಲನ್ನು ಮತ್ತೆ ಮರಳಿಕೊಡಿ, ಒಳ್ಳೊಳ್ಳೆಯ ಸಿನಿಮಾ ಮಾಡಬೇಕು ಎಂದು ವೈದ್ಯರ ಬಳಿ ಹೇಳಿದ್ದೆ. ಎಲ್ಲರಂತೆ ನಾನೂ ಶ್ರಮಪಟ್ಟಿದ್ದೇನೆ. ‘ಬಘೀರ’ಕ್ಕಾಗಿ ಹೆಚ್ಚಿನ ಶ್ರಮವನ್ನೇ ಹಾಕಿದ್ದೇನೆ. ಈ ಸಿನಿಮಾ ದೊಡ್ಡ ಪ್ರಯತ್ನ. ನಮ್ಮ ಇಂಡಸ್ಟ್ರಿ ಹೆಮ್ಮೆಪಡುವ ಸಿನಿಮಾ ಆಗಲಿದೆ. ‘ಬಘೀರ’ನ ಪಾತ್ರಕ್ಕೆ ಪ್ರವೇಶಿಸಿದಾಗ ಖುಷಿಪಟ್ಟಿದ್ದೆ. ಚಿಕ್ಕವರಿದ್ದಾಗ ನಾವೂ ಸೂಪರ್ ಹೀರೊ ಆಗಬೇಕು ಎಂಬ ಆಸೆ ಇಟ್ಟುಕೊಂಡಿದ್ದೆವು. 2014–15ರಲ್ಲೇ ಡಾ.ಸೂರಿ ಅವರ ಕಥೆಯೊಂದನ್ನು ಒಪ್ಪಿಕೊಂಡಿದ್ದೆ. ಅದನ್ನೂ ಶೀಘ್ರದಲ್ಲೇ ಮಾಡುತ್ತೇನೆ’ ಎಂದರು ಶ್ರೀಮುರಳಿ. </p>.<p>ನಿರ್ದೇಶಕ ಡಾ.ಸೂರಿ ಮಾತನಾಡಿ, ‘ಕನ್ನಡದಲ್ಲಿ ಸೂಪರ್ ಹೀರೊ ಸಿನಿಮಾವನ್ನು ಯಾರೂ ಮಾಡಿಲ್ಲ ಅಂದುಕೊಂಡಿದ್ದೇನೆ. ‘ಬಘೀರ’ ಬರುವುದೇ ರಾತ್ರಿ. ಹೀಗಾಗಿ ರಾತ್ರಿಯಲ್ಲಿ ನಡೆಸಿದ ಚಿತ್ರೀಕರಣವೇ ಹೆಚ್ಚು. ‘ಬಘೀರ’ ಎಂದರೆ ಕರಿಚಿರತೆ. ಪ್ರಶಾಂತ್ ಈ ಕಥೆ ಹೇಳಿದಾಗ ‘ಬಘೀರ’ ಎಂಬ ಶೀರ್ಷಿಕೆಯೇ ಮೊದಲು ತಲೆಗೆ ಬಂದಿತ್ತು. ದಿನದಲ್ಲಿ ನಾಯಕ ಒಬ್ಬ ನಿಷ್ಠಾವಂತ ಪೊಲೀಸ್ ಅಧಿಕಾರಿ, ರಾತ್ರಿ ಆತನೇ ‘ಬಘೀರ’. ಈ ಸಿನಿಮಾ ಒಂದು ಭಾವನಾತ್ಮಕ ಆ್ಯಕ್ಷನ್ ಥ್ರಿಲ್ಲರ್. ಸದ್ಯ ಅ.31ರಂದು ಕನ್ನಡ ಮತ್ತು ತೆಲುಗಿನಲ್ಲಷ್ಟೇ ಸಿನಿಮಾ ಬಿಡುಗಡೆಯಾಗುತ್ತಿದ್ದು, ಚಿತ್ರ ಯಶಸ್ಸು ಕಂಡರೆ ಇತರೆ ಭಾಷೆಗಳಲ್ಲೂ ಬಿಡುಗಡೆಯಾಗಲಿದೆ’ ಎಂದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>