ಪ್ರೊ ಕಬಡ್ಡಿ ಲೀಗ್: ಖಾತೆ ತೆರೆದ ಬೆಂಗಾಲ್‌ ವಾರಿಯರ್ಸ್‌

ಹೈದರಾಬಾದ್: ಪಂದ್ಯದ ಕೊನೆಯ ಹಂತದಲ್ಲಿ ಗಳಿಸಿದ ಮುನ್ನಡೆಯನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾದ ಬೆಂಗಾಲ್ ವಾರಿಯರ್ಸ್ ತಂಡ ಪ್ರೊ ಕಬಡ್ಡಿ ಲೀಗ್ 11ನೇ ಆವೃತ್ತಿಯಲ್ಲಿ ಯು.ಪಿ. ಯೋಧಾಸ್ ತಂಡವನ್ನು ಗುರುವಾರ ಮೂರು ಅಂಕಗಳಿಂದ ಮಣಿಸಿ ಗೆಲುವಿನ ಖಾತೆ ತೆರೆಯಿತು.

. ಗಚ್ಚಿಬೌಲಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ದಿನದ ಮೊದಲ ಪಂದ್ಯದಲ್ಲಿ ಫಜ್ಹಲ್ ಅತ್ರಾಚಲಿ ಬಳಗ ಸಾಂಘಿಕ ಪ್ರಯತ್ನದಿಂದ 32- 29 ಅಂಕಗಳಿಂದ ಜಯಗಳಿಸಿತು. ಸತತ ಎರಡು ಗೆಲುವುಗಳಿಂದ ಬೀಗಿದ್ದ ಯೋಧಾಸ್ ಮೊದಲ ಸೋಲು ಕಂಡಿತು.

. ಬೆಂಗಾಲ್ ತಂಡದ ಪರ ಸ್ಟಾರ್ ರೇಡರ್ ಮಣಿಂದರ್ (8 ಅಂಕ), ಸುಶೀಲ್ (7 ಅಂಕ) ಮತ್ತು ನಿತಿನ್ ಧಂಕರ್ (7 ಅಂಕ) ಉತ್ತಮ ಪ್ರದರ್ಶನ ನೀಡಿದರು. ಯೋಧಾಸ್ ತಂಡದ ಪರ ಆಲ್ರೌಂಡರ್ ಭರತ್ (13 ಅಂಕ) ಏಕಾಂಗಿಯಾಗಿ ಹೋರಾಟ ನಡೆಸಿದರೂ ತಂಡವನ್ನು ಮೊದಲ ಸೋಲಿನಿಂದ ಪಾರು ಮಾಡಲು ಸಾಧ್ಯವಾಗಲಿಲ್ಲ.

. ವಿರಾಮದ ವೇಳೆಗೆ ಬೆಂಗಾಲ್ 12–11ರಲ್ಲಿ ಒಂದು ಪಾಯಿಂಟ್ ಮುನ್ನಡೆ ಪಡೆದಿತ್ತು. ಆದರೆ ನಂತರ ಮುನ್ನಡೆ ಅದಲುಬದಲಾಗುತ್ತ ಹೋಯಿತು. 32ನೇ ನಿಮಿಷ ದಾಳಿಗಿಳಿದ ನಿತಿನ್ ಧಂಕರ್ ಯೋಧಾಸ್ ತಂಡವನ್ನು ಪಂದ್ಯದಲ್ಲಿ ಮೊದಲ ಬಾರಿ ಆಲೌಟ್ ಮಾಡಿ, ತಂಡದ ಮುನ್ನಡೆಯನ್ನು 21-19 ರಿಂದ 25-21ಕ್ಕೆ ಹಿಗ್ಗಿಸಿದರು. 30ನೇ ನಿಮಿಷದವರೆಗೂ ರಕ್ಷಣಾತ್ಮಕ ಆಟದೊದಿಗೆ ಅಂಗಣ ಕಾಯ್ದುಕೊಂಡಿದ್ದ ಯೋಧಾಸ್, ಸಮನ್ವಯತೆ ಕೊರತೆಯಿಂದ ಆಲೌಟ್ ಬಲೆಗೆ ಬಿತ್ತು. ಕೊನೆಗಳಿಗೆಯಲ್ಲಿ ಭರತ್ ಮತ್ತು ಭವಾನಿ ರಜಪೂತ್, ಯೋಧಾಸ್ಗೆ ಪಾಯಿಂಟ್ಸ್ ಗಳಿಸಿಕೊಟ್ಟರೂ ಹಿನ್ನಡೆ ಅಳಿಸಲಾಗಲಿಲ್ಲ.

. ಶುಕ್ರವಾರದ ಪಂದ್ಯಗಳು:

. ಪಟ್ನಾ ಪೈರೇಟ್ಸ್– ತಮಿಳ್ ತಲೈವಾಸ್ (ರಾತ್ರಿ 8.00). ಬೆಂಗಳೂರು ಬುಲ್ಸ್– ಪುಣೇರಿ ಪಲ್ಟನ್ (9.00)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೊ ಕಬಡ್ಡಿ ಲೀಗ್: ಖಾತೆ ತೆರೆದ ಬೆಂಗಾಲ್‌ ವಾರಿಯರ್ಸ್‌

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು