6 ತಿಂಗಳ ಪುತ್ರನ ವಿಡಿಯೊ ಹಂಚಿಕೊಂಡ ದಿಯಾ: ‘Can I eat him up?’ ಎಂದ ಲಾರಾ

ಬಾಲಿವುಡ್ ನಟಿ ದಿಯಾ ಮಿರ್ಜಾ ಅವರು ತಮ್ಮ ಆರು ತಿಂಗಳ ಮಗುವಿನ ವಿಡಿಯೊ ಅನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದು, ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿದೆ.

. ಅವ್ಯಾನ್ ಆಜಾದ್ ರೇಖಿಯ(ದಿಯಾರ ಮಗುವಿನ ಹೆಸರು) ಸಣ್ಣ ಕಾಲ್ಬೆರಳುಗಳನ್ನು ಚಿತ್ರೀಕರಿಸಿರುವ ದಿಯಾ ಮಿರ್ಜಾ ಅದಕ್ಕೆ ಹಿನ್ನೆಲೆ ಸಂಗೀತವನ್ನೂ ಅಳವಡಿಸಿದ್ದಾರೆ.

. ದಿಯಾ ಮಿರ್ಜಾ ಅವರು ಈ ವಿಡಿಯೊವನ್ನು ಪೋಸ್ಟ್ ಮಾಡಿದ್ದು, ಹಲವು ಬಾಲಿವುಡ್ ನಟಿಯರ ಪ್ರೀತಿಗೆ ಪಾತ್ರವಾಗಿದೆ.

. ಈ ವಿಡಿಯೊಗೆ ಬಾಲಿವುಡ್ ಸೆಲೆಬ್ರಿಟಿಗಳಾದ ತಾಹಿರಾ ಕಶ್ಯಪ್, ಮಲೈಕಾ ಅರೋರಾ, ಸಂಧ್ಯಾ ಮೃದುಲ್ ಮತ್ತು ಡಯಾನಾ ಪೆಂಟಿ ಹೃದಯದ ಎಮೋಜಿಗಳೊಂದಿಗೆ ಪ್ರತಿಕ್ರಿಯಿಸಿದ್ದಾರೆ.

. ದಿಯಾರ ಸ್ನೇಹಿತೆ ಲಾರಾ ದತ್ತಾ ಕೂಡ ವಿಡಿಯೊಗೆ ಪ್ರತಿಕ್ರಿಯಿಸಿದ್ದು, 'ದಯವಿಟ್ಟು ನಾನು ಅವನನ್ನು ತಿನ್ನಬಹುದೇ?' ಎಂದು ಕೇಳಿದ್ದಾರೆ.

. ಬಾಲಿವುಡ್ ನಟಿ ದಿಯಾ ಮಿರ್ಜಾ ಅವರು ಉದ್ಯಮಿ ವೈಭವ್ ರೇಖಿ ಅವರೊಂದಿಗೆ ಫೆಬ್ರವರಿ 15ರಂದು ವಿವಾಹವಾಗಿದ್ದಾರೆ.

. ಇಬ್ಬರಿಗೂ ಇದು ಎರಡನೇ ವಿವಾಹವಾಗಿದೆ. ದಿಯಾ ಮತ್ತು ಚಿತ್ರ ನಿರ್ಮಾಪಕ ಸಾಹಿಲ್ ಸಂಘಾ ಅವರ ದಾಂಪತ್ಯ 11 ವರ್ಷಗಳ ಬಳಿಕ 2019ರಲ್ಲಿ ಅಂತ್ಯವಾಗಿತ್ತು.

. ವೈಭವ್ ರೇಖಿ–ಸುನೈನಾ ರೇಖಿ ದಂಪತಿ ಸಹ ಇದೀಗ ಬೇರೆಯಾಗಿದ್ದು, ಒಬ್ಬಳು ಮಗಳಿದ್ದಾಳೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.