ಹೊಸ ಉಡುಪು ಧರಿಸಿ ಟ್ರೋಲ್‌ಗೆ ಸಿಲುಕಿದ ನಟಿ ದಿಶಾ ಪಟಾನಿ!

ದಿಶಾ ಪಟಾನಿ ಅವರ ಇನ್‌ಸ್ಟಾಗ್ರಾಂ ಫೋಟೊಗಳು ಮತ್ತು ವಿವಿಧ ಪೋಸ್ಟ್‌ಗಳಿಗೆ ಜನರಿಂದ ಹೆಚ್ಚಿನ ಪ್ರಮಾಣದಲ್ಲಿ ಮೆಚ್ಚುಗೆ ಸಿಗುತ್ತದೆ.

ಸಾಮಾಜಿಕ ತಾಣಗಳಲ್ಲಿ ಸೆಲೆಬ್ರಿಟಿಗಳನ್ನು ಟ್ರೋಲ್ ಮಾಡುವುದು ಮತ್ತು ಕಾಮೆಂಟ್ ಮಾಡುವ ಮೂಲಕ ವಿವಿಧ ರೀತಿಯಲ್ಲಿ ತೊಂದರೆ ಕೊಡುವ ಕೆಲಸವನ್ನು ಕಿಡಿಗೇಡಿಗಳು ಮಾಡುತ್ತಿರುತ್ತಾರೆ. ಇದೀಗ ದಿಶಾ ಪಟಾನಿ ಅವರಿಗೂ ಇದೇ ಅನುಭವವಾಗಿದೆ.

ದಿಶಾ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ಫೋಟೊದಲ್ಲಿ ಅವರು ಧರಿಸಿದ್ದ ಉಡುಪಿನ ಬಗ್ಗೆ ಕೆಲವರು ಅನಗತ್ಯ ಕಾಮೆಂಟ್ ಮಾಡುವ ಮೂಲಕ ತೊಂದರೆ ಕೊಟ್ಟಿದ್ದಾರೆ.

ಅವರು ಅದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳದೆ ಎಂದಿನಂತೆ ಬೋಲ್ಡ್ ಆಗಿಯೇ ಟ್ರೋಲ್‌ ಮಾಡುವವರನ್ನು ಎದುರಿಸಿದ್ದಾರೆ.

ನಟ ಮತ್ತು ನಟಿಯರನ್ನು ಸಾಮಾಜಿಕ ತಾಣಗಳಲ್ಲಿ ಟ್ರೋಲ್ ಮಾಡುವುದು ಮತ್ತು ಅನಗತ್ಯ ವಿವಾದ ಸೃಷ್ಟಿಸುವುದು ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಿದೆ. ಅದರೆ ದಿಶಾ ಮಾತ್ರ ಅವುಗಳನ್ನು ನಿರ್ಲಕ್ಷಿಸಿ ಮುಂದೆ ಸಾಗುತ್ತಿದ್ದಾರೆ.