‘ನಿಮ್ಮ ಮಗ ನಮ್ಮ ಮನದಲ್ಲಿ...’

ಸಂಕಷ್ಟದಲ್ಲಿದ್ದವರನ್ನು ರಕ್ಷಿಸಲು ಹೋಗಿ ಪ್ರಾಣತೆತ್ತ ಕೇರಳದ ಲೀನು ಎಂಬ ವ್ಯಕ್ತಿಯ ತಾಯಿಗೆ ಮಾಲಿವುಡ್ನ ಖ್ಯಾತ ನಟಮೋಹನ್ಲಾಲ್ ಅವರು ‘ನಿಮ್ಮ ಮಗ ನಮ್ಮ ಮನದಲ್ಲಿದ್ದಾನೆ’ ಎಂದು ಉಲ್ಲೇಖಿಸಿ ಭಾವನಾತ್ಮಕ ಪತ್ರ ಬರೆದು ಸಾಂತ್ವನ ಹೇಳಿದ್ದಾರೆ. ಈ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.

. ಈಚೆಗೆ ಕೇರಳದಲ್ಲಿ ಸಂಭವಿಸಿದ ಪ್ರವಾಹದಲ್ಲಿ ಸಿಲುಕಿದ್ದವರನ್ನು ರಕ್ಷಿಸಲು ಲೀನು ಮುಂದಾಗಿದ್ದರು. ಆಗ ಪ್ರವಾಹದ ರಭಸಕ್ಕೆ ಸಿಲುಕಿ ಅವರು ಪ್ರಾಣ ಕಳೆದುಕೊಂಡಿದ್ದರು. ಇದರಿಂದ ಸಂಕಷ್ಟಕ್ಕೆ ಸಿಲುಕಿದ ಲೀನು ಕುಟುಂಬವು ದಿಕ್ಕು ತೋಚದೆ ಆತಂಕದಲ್ಲಿದೆ. ಈ ಬಗ್ಗೆ ಅರಿತ ಮೋಹನ್ಲಾಲ್ ಆ ಕುಟುಂಬಕ್ಕೆ ನೆರವಾಗುವ ಭರವಸೆ ನೀಡಿ ಅವರ ತಾಯಿಗೆ ಪತ್ರ ಬರೆದು ಮಾನವೀಯತೆ ಮೆರೆದಿದ್ದಾರೆ.

. ಮೋಹನ್ಲಾಲ್ ಅವರೇ ಮುನ್ನಡೆಸುತ್ತಿರುವ ವಿಶ್ವಶಾಂತಿ ಫೌಂಡೇಷನ್ ಎಂಬ ಎನ್ಜಿಒ (ಸರ್ಕಾರೇತರ ಸಂಸ್ಥೆ) ವತಿಯಿಂದ ನೊಂದ ಆ ಕುಟುಂಬದ ನೆರವಿಗೆ ನಿಂತಿದ್ದಾರೆ. ಮೂಲಗಳ ಹೇಳುವ ಪ್ರಕಾರ, ಪ್ರವಾಹದಲ್ಲಿ ಮನೆ ಕಳೆದುಕೊಂಡಿರುವ ಲೀನು ಕುಟುಂಬಕ್ಕೆ ಎನ್ಜಿಒ ವತಿಯಿಂದಲೇ ಹೊಸದಾಗಿ ಮನೆ ನಿರ್ಮಿಸಿಕೊಡುವ ಭರವಸೆ ನೀಡಿದ್ದಾರೆ. ಅಲ್ಲದೇ ಸಾಲದ ಸುಳಿಗೇನಾದರೂ ಆ ಕುಟುಂಬ ಸಿಲುಕಿದ್ದರೆ ಆ ಸಾಲವನ್ನು ತಾವೇ ಪಾವತಿಸುವುದಾಗಿಯೂ ಹೇಳಿದ್ದಾರೆ.

. ಆ ತಾಯಿಗೆ ಮೋಹನ್ ಲಾಲ್ ಬರೆದಿರುವ ಪತ್ರದಲ್ಲಿ, ‘ಕೇರಳದ ಮೂರುವರೆ ಕೋಟಿ ಜನರ ಮನದಲ್ಲಿ ಲೀನು ಇನ್ನೂ ಜೀವಂತವಾಗಿ ನೆಲೆಸಿದ್ದಾರೆ’ ಎಂದು ಮೋಹನ್ಲಾಲ್ ಭಾವನಾತ್ಮಕವಾಗಿ ಬರೆದಿದ್ದಾರೆ.

. ‘ಯಾವ ಪದಗಳಿಂದಲೂ ದುಃಖದಲ್ಲಿರುವ ನಿಮ್ಮನ್ನು ಸಮಾಧಾನಪಡಿಸಲು ಸಾಧ್ಯವಿಲ್ಲ ಎಂಬುದು ನನಗೆ ಅರಿವಿದೆ.ಯಾವುದೇ ಪದಗಳು ನಿಮ್ಮನ್ನು ದುಃಖದಿಂದ ಸಮಾಧಾನಪಡಿಸುವುದಿಲ್ಲ ಎಂದು ನನಗೆ ತಿಳಿದಿದೆ. ಆದರೆ, ಲೀನು ಅವರಂತಹ ಧೈರ್ಯಶಾಲಿ ಮಗನನ್ನು ಈ ಸಮಾಜಕ್ಕೆ ಕೊಟ್ಟಿದ್ದಾಗಿ ನನ್ನ ಸಹಾಯವನ್ನು ಇನ್ನೊಬ್ಬ ಮಗನ ವಾತ್ಸಲ್ಯವೆಂದು ಭಾವಿಸಿ’ ಎಂದು ಬರೆದಿದ್ದಾರೆ.

. ಲೀನು ಕೇರಳದ ಬೀಪೂರ್ನವರು. ಮಳೆಯ ಭೀಕರತೆಗೆ ಸಿಲುಕಿದ್ದ ಲೀನು ಕುಟುಂಬವು ಬೀಪೂರ್ನ ಶಾಲೆಯೊಂದರ ಪಕ್ಕದಲ್ಲಿ ಗುಡಿಸಲು ಹಾಕಿಕೊಂಡು ವಾಸವಿತ್ತು. ಪ್ರವಾಹದ ವೇಳೆ ಚಾಲಿಯಾರ್ ನದಿ ಬಳಿ ರಕ್ಷಣಾ ಕಾರ್ಯದಲ್ಲಿ ತೊಡಗಿದ್ದಾಗ ಆಕಸ್ಮಿಕವಾಗಿ ಪ್ರವಾಹದ ಹೊಡೆತಕ್ಕೆ ಸಿಲುಕಿ ಅವರು ಪ್ರಾಣ ಕಳೆದುಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ನಿಮ್ಮ ಮಗ ನಮ್ಮ ಮನದಲ್ಲಿ...’

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

ಈಜುಪಟು ವೀರಧವಳ ಖಾಡೆ ವಿರುದ್ಧ ಲೈಂಗಿಕ ಕಿರುಕುಳ ದೂರು: ಎಸ್‌ಎಫ್‌ಐನಿಂದ ತನಿಖೆ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು