<p><strong>ಮುಂಬೈ</strong>: ಬಾಲಿವುಡ್ ನಟಿ ಆಲಿಯಾ ಭಟ್ ಮತ್ತು ನಟ ರಣವೀರ್ ಸಿಂಗ್ ಅಭಿನಯದ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಚಿತ್ರಕ್ಕೆ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (ಸಿಎಫ್ಬಿಸಿ) ಯು/ಎ (U/A) ಪ್ರಮಾಣ ಪತ್ರ ನೀಡಿದೆ. ಆದರೆ ಚಿತ್ರದಲ್ಲಿ ಕೆಲವು ಪದಗಳು, ಸಂಭಾಷಣೆಗಳು ಮತ್ತು ಉಲ್ಲೇಖಗಳನ್ನು ತೆಗೆದುಹಾಕುವಂತೆ ಮಂಡಳಿ ಸೂಚಿಸಿದೆ.</p>.<p>ಚಿತ್ರದಲ್ಲಿನ ನಿಂದನೀಯ ಪದಗಳು, ಲೋಕಸಭೆಯ ಉಲ್ಲೇಖ ಮತ್ತು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಉಲ್ಲೇಖವನ್ನು ತೆಗೆದುಹಾಕುವಂತೆ ಚಿತ್ರತಂಡಕ್ಕೆ ಮಂಡಳಿ ತಿಳಿಸಿದೆ.</p><p>ಸಿನಿಮಾದ ಡೈಲಾಗ್ನಲ್ಲಿ(ಸಂವಾದ) ಬಳಸಿರುವ ಲೋಕಸಭೆಯ ಉಲ್ಲೇಖವನ್ನು ತೆಗೆದು ಹಾಕಬೇಕು ಮತ್ತು ಅದನ್ನು ಬೇರೆ ಯಾವುದೇ ಪದದೊಂದಿಗೆ ಬದಲಾಯಿಸಬಾರದು ಎಂದು ಸಿಎಫ್ಬಿಸಿ ನಿರ್ದೇಶಿಸಿದೆ ಎಂದು ಬಾಲಿವುಡ್ ಹಂಗಾಮಾ ವರದಿ ಮಾಡಿದೆ.</p><p>ಓಲ್ಡ್ ಮಾಂಕ್, ರಮ್ ಬ್ರಾಂಡ್ಗಳನ್ನು ಚಿತ್ರದಲ್ಲಿ ಬೋಲ್ಡ್ ಮಾಂಕ್ ಎಂದು ಬದಲಾಯಿಸಲಾಗಿದೆ. ಅಲ್ಲದೆ ಪಶ್ಚಿಮ ಬಂಗಾಳದ ಸಿಎಂ ಮಮತಾ ಬ್ಯಾನರ್ಜಿ ಅವರನ್ನು ಉಲ್ಲೇಖಿಸಿರುವ ಒಳಉಡುಪು ಅಂಗಡಿಯಲ್ಲಿನ ಸಂಭಾಷಣೆ ದೃಶ್ಯವನ್ನು ಸಿನಿಮಾದಿಂದ ತೆಗೆದುಹಾಕಲಾಗಿದೆ.</p><p>ಧರ್ಮೇಂದ್ರ, ಶಬಾನಾ ಅಜ್ಮಿ ನಟಿಸಿರುವ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿಯೂ’ 2 ಗಂಟೆ 48 ನಿಮಿಷಗಳ ಸಿನಿಮಾವಾಗಿದ್ದು, ಜುಲೈ 28 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಕರಣ್ ಜೋಹರ್ ನಿರ್ದೇಶಿಸಿರುವ ಈ ಚಿತ್ರವು ಒಬ್ಬ ಆಡಂಬರದ ಪಂಜಾಬಿ ವ್ಯಕ್ತಿ ಮತ್ತು ಬಂಗಾಳಿ ಪತ್ರಕರ್ತೆಯ ನಡುವಿನ ಪ್ರೇಮಕಥೆಯನ್ನು ಒಳಗೊಂಡಿದ್ದು, ಅವರ ಪ್ರೇಮಕ್ಕೆ ಕುಟುಂಬಗಳು ವಿರೋಧಿಸಿದಾಗ, ಇಬ್ಬರೂ ಪ್ರೇಮಿಗಳು ಪರಸ್ಪರರ ಕುಟುಂಬಗಳೊಂದಿಗೆ ಮೂರು ತಿಂಗಳ ಕಾಲ ವಾಸಿಸುವ ಕಥೆಯನ್ನು ಒಳಗೊಂಡಿದೆ.</p><p>ಸಿನಿಮಾದಲ್ಲಿ ಟೋಟ ರಾಯ್ ಚೌಧರಿ, ಚುರ್ನಿ ಗಂಗೂಲಿ ಮತ್ತು ಕ್ಷಿತಿ ಜೋಗ್ ಸೇರಿದಂತೆ ಅನೇಕರು ನಟಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ</strong>: ಬಾಲಿವುಡ್ ನಟಿ ಆಲಿಯಾ ಭಟ್ ಮತ್ತು ನಟ ರಣವೀರ್ ಸಿಂಗ್ ಅಭಿನಯದ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಚಿತ್ರಕ್ಕೆ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (ಸಿಎಫ್ಬಿಸಿ) ಯು/ಎ (U/A) ಪ್ರಮಾಣ ಪತ್ರ ನೀಡಿದೆ. ಆದರೆ ಚಿತ್ರದಲ್ಲಿ ಕೆಲವು ಪದಗಳು, ಸಂಭಾಷಣೆಗಳು ಮತ್ತು ಉಲ್ಲೇಖಗಳನ್ನು ತೆಗೆದುಹಾಕುವಂತೆ ಮಂಡಳಿ ಸೂಚಿಸಿದೆ.</p>.<p>ಚಿತ್ರದಲ್ಲಿನ ನಿಂದನೀಯ ಪದಗಳು, ಲೋಕಸಭೆಯ ಉಲ್ಲೇಖ ಮತ್ತು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಉಲ್ಲೇಖವನ್ನು ತೆಗೆದುಹಾಕುವಂತೆ ಚಿತ್ರತಂಡಕ್ಕೆ ಮಂಡಳಿ ತಿಳಿಸಿದೆ.</p><p>ಸಿನಿಮಾದ ಡೈಲಾಗ್ನಲ್ಲಿ(ಸಂವಾದ) ಬಳಸಿರುವ ಲೋಕಸಭೆಯ ಉಲ್ಲೇಖವನ್ನು ತೆಗೆದು ಹಾಕಬೇಕು ಮತ್ತು ಅದನ್ನು ಬೇರೆ ಯಾವುದೇ ಪದದೊಂದಿಗೆ ಬದಲಾಯಿಸಬಾರದು ಎಂದು ಸಿಎಫ್ಬಿಸಿ ನಿರ್ದೇಶಿಸಿದೆ ಎಂದು ಬಾಲಿವುಡ್ ಹಂಗಾಮಾ ವರದಿ ಮಾಡಿದೆ.</p><p>ಓಲ್ಡ್ ಮಾಂಕ್, ರಮ್ ಬ್ರಾಂಡ್ಗಳನ್ನು ಚಿತ್ರದಲ್ಲಿ ಬೋಲ್ಡ್ ಮಾಂಕ್ ಎಂದು ಬದಲಾಯಿಸಲಾಗಿದೆ. ಅಲ್ಲದೆ ಪಶ್ಚಿಮ ಬಂಗಾಳದ ಸಿಎಂ ಮಮತಾ ಬ್ಯಾನರ್ಜಿ ಅವರನ್ನು ಉಲ್ಲೇಖಿಸಿರುವ ಒಳಉಡುಪು ಅಂಗಡಿಯಲ್ಲಿನ ಸಂಭಾಷಣೆ ದೃಶ್ಯವನ್ನು ಸಿನಿಮಾದಿಂದ ತೆಗೆದುಹಾಕಲಾಗಿದೆ.</p><p>ಧರ್ಮೇಂದ್ರ, ಶಬಾನಾ ಅಜ್ಮಿ ನಟಿಸಿರುವ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿಯೂ’ 2 ಗಂಟೆ 48 ನಿಮಿಷಗಳ ಸಿನಿಮಾವಾಗಿದ್ದು, ಜುಲೈ 28 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಕರಣ್ ಜೋಹರ್ ನಿರ್ದೇಶಿಸಿರುವ ಈ ಚಿತ್ರವು ಒಬ್ಬ ಆಡಂಬರದ ಪಂಜಾಬಿ ವ್ಯಕ್ತಿ ಮತ್ತು ಬಂಗಾಳಿ ಪತ್ರಕರ್ತೆಯ ನಡುವಿನ ಪ್ರೇಮಕಥೆಯನ್ನು ಒಳಗೊಂಡಿದ್ದು, ಅವರ ಪ್ರೇಮಕ್ಕೆ ಕುಟುಂಬಗಳು ವಿರೋಧಿಸಿದಾಗ, ಇಬ್ಬರೂ ಪ್ರೇಮಿಗಳು ಪರಸ್ಪರರ ಕುಟುಂಬಗಳೊಂದಿಗೆ ಮೂರು ತಿಂಗಳ ಕಾಲ ವಾಸಿಸುವ ಕಥೆಯನ್ನು ಒಳಗೊಂಡಿದೆ.</p><p>ಸಿನಿಮಾದಲ್ಲಿ ಟೋಟ ರಾಯ್ ಚೌಧರಿ, ಚುರ್ನಿ ಗಂಗೂಲಿ ಮತ್ತು ಕ್ಷಿತಿ ಜೋಗ್ ಸೇರಿದಂತೆ ಅನೇಕರು ನಟಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
