ಯೋಗರಾಜ್ ಭಟ್- ಶಶಾಂಕ್‌ ನಿರ್ಮಾಣದ ಚಿತ್ರಕ್ಕೆ ರಿಷಿ ನಾಯಕ

‘ಪ್ರೇಮಿಗಳ ದಿನದಂದು ಅದ್ಭುತವಾದ ಮಿಲನವಾಗುತ್ತಿದೆ. ಇದು ನಿಜವಾದ ಲವ್ ಸ್ಟೋರಿ. ಇವರಿಬ್ಬರ ಪ್ರಾಡೆಕ್ಟ್ ನಾನು’

. ನಿರ್ದೇಶಕ ದ್ವಯರು ಹಣ ಹೂಡುತ್ತಿರುವ ಸಿನಿಮಾಗೆ ತಾವು ನಾಯಕನಾಗುತ್ತಿರುವುದರ ಬಗ್ಗೆ ‘ಆಪರೇಷನ್ ಅಲಮೇಲಮ್ಮ’ ಸಿನಿಮಾ ಖ್ಯಾತಿಯ ನಟ ರಿಷಿ ಕೊಟ್ಟ ವ್ಯಾಖ್ಯಾನವಿದು.

. **

. ನಿರ್ದೇಶಕರಾದ ಯೋಗರಾಜ್ ಭಟ್ ಹಾಗೂ ಶಶಾಂಕ್ ಅವರು ಒಟ್ಟಿಗೆ ಸೇರಿ ಸಿನಿಮಾ ನಿರ್ಮಿಸುತ್ತಿದ್ದಾರೆ. ಈಬಗ್ಗೆಅವರು ಪ್ರೇಮಿಗಳ ದಿನ ದಂದು ಮಾತನಾಡಿರುವ ವಿಡಿಯೊ ಪ್ರಜಾವಾಣಿಗೆ ಲಭ್ಯವಾಗಿದೆ.

. ಕೆಲದಿನಗಳ ಹಿಂದೆ ಯೋಗರಾಜ ಭಟ್ಟರು ಹೇಳಿದ್ದ ಸಾಲೊಂದನ್ನು ಕೇಳಿ ಇಂಪ್ರೆಸ್ ಆಗಿದ್ದ ನಟರಿಷಿ, ನಿರ್ದೇಶಕಶಶಾಂಕ್ ಅವರಿಗೆ ಕಥೆ ಹೇಳಿದ್ದರು. ಆ ಕಥೆಈಗ ಸಿನಿಮಾ ಆಗುತ್ತಿದೆ. ಈ ಸಿನಿಮಾಗೆ ಹಣ ಹೂಡಲು ಯೋಗರಾಜ್ ಸಿನಿಮಾಸ್ ಹಾಗೂ ಶಶಾಂಕ್ ಸಿನಿಮಾಸ್ ಪ್ರೊಡಕ್ಷನ್ ಹೌಸ್ಗಳು ಒಂದಾಗುತ್ತಿವೆ.ಅಂದಹಾಗೆಬೇರೊಬ್ಬರು ನಿರ್ದೇಶಿಸುತ್ತಿರುವ ಸಿನಿಮಾವೊಂದಕ್ಕೆ ಇವರಿಬ್ಬರು ಹಣ ಹಾಕುತ್ತಿರುವುದೂ ಇದೇ ಮೊದಲು.

. ಹಲವು ಧಾರಾವಾಹಿಗಳಲ್ಲಿ ಹಾಗೂ ಭಟ್ಟರೊಂದಿಗೆ ಕೆಲವು ವರ್ಷಗಳಿಂದ ಕೆಲಸ ಮಾಡಿರುವ ಮೋಹನ್ ಸಿಂಗ್ ಈ ಸಿನಿಮಾ ಮೂಲಕ ನಿರ್ದೇಶನದಕ್ಯಾಪ್ ಧರಿಸುತ್ತಿದ್ದಾರೆ.

. ಈ ಹಿಂದೆ ಮಳೆ, ಮೊಲ, ಕರಡಿ ಹಿಡಿದು ಕಥೆ ಹೇಳಿದ್ದ ಭಟ್ರ ಕಣ್ಣೋಟವೀಗ ಸೀರೆ ಕಡೆಗೆ ಹೊರಳಿದೆ.

. ಭಟ್ಟರಿಗೆ ಸೀರೆಯ ವ್ಯಾಮೋಹ ಹೊಸತೇನಲ್ಲ. ಪಂಚರಂಗಿ ಚಿತ್ರದಲ್ಲಿ ಉಡಿಸುವೆ ಬೆಳಕಿನ ಸೀರೆಯ... ಎಂಬ ಹಾಡಿನಲ್ಲಿಯೇ ತಮ್ಮ ಸೀರೆ ಪ್ರೇಮವನ್ನು ಮೆರೆದಿದ್ದರು. ಇದೀಗ ಸೀರೆಯನ್ನೇ ಇಟ್ಟುಕೊಂಡ ನವಿರಾದ ಪ್ರೇಮದ ಕಥೆಯನ್ನು ಹರಿಬಿಡಲು ಹೊರಟಿದ್ದಾರೆ.

. ಟಗರು ಮಾಸ್ತಿ ಅವರು ಸಂಭಾಷಣೆ ಬರೆಯಲಿರುವುದರಿಂದ ಮಾಸ್ ಅಭಿಮಾನಿಗಳಿಗೂ ಭರಪೂರ ರಂಜನೆ ಸಿಗುವ ನಿರೀಕ್ಷೆಯಿದೆ.

. ‘ಪ್ರೇಮಿಗಳ ದಿನದಂದು ಜೊತೆಯಾಗಿದ್ದೇವೆ. ಒಟ್ಟಿಗೆ ಸಿನಿಮಾ ಮಾಡುವ ಆಲೋಚನೆ ಬಹಳ ದಿನಗಳಿಂದಲೂ ಇತ್ತು. ಆದರೆ ಆ ಯೋಜನೆ ಇಂದು(ಪ್ರೇಮಿಗಳ ದಿನದಂದು)ಕೈಗೂಡಿದೆ’ಎಂದು ಪಡ್ಡೆ ಹುಡುಗರ ಎದೆ ಮೇಲೆ ಮಳೆ ಸುರಿಸಿ, ಗಾಳಿಪಟ ಹಾರಿಸಿದ್ದ ನಿರ್ದೇಶಕ ಯೋಗರಾಜ ಭಟ್ ಅವರು ಹೇಳಿಕೊಂಡಿದ್ದಾರೆ.

. ‘ಇಲ್ಲಿಯವರೆಗೆ ಮಲ್ಟಿ ಸ್ಟಾರರ್ ಸಿನಿಮಾಗಳನ್ನು ನೋಡಿದ್ದೇವೆ. ಈ ಬಾರಿ ನಿರ್ದೇಶಕರುಗಳು ಸೇರಿ ಸಿನಿಮಾ ಮಾಡಲು ಹೊರಟಿದ್ದೇವೆ. ಒಂದೊಳ್ಳೆ ಸಿನಿಮಾ ಮಾಡುವ ನಂಬಿಕೆ ಇದೆ’ ಎಂದು ಶಶಾಂಕ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

. ‘ಯೋಗರಾಜ್ ಭಟ್ಟರು ಹಾಗೂ ಶಶಾಂಕ್ ಅವರು ನಿರ್ಮಿಸುತ್ತಿರುವ ಸಿನಿಮಾವನ್ನು ನಾನು ನಿರ್ದೇಶಿಸುತ್ತಿದ್ದೇನೆ ಎನ್ನುವುದೇ ಹೆಮ್ಮೆಯ ವಿಷಯ. ಈ ಸಿನಿಮಾ ಮೂಲಕ ನನ್ನನ್ನು ನಾನು ಪ್ರೂವ್ ಮಾಡಿಕೊಳ್ಳಲು ಅವಕಾಶ ಸಿಕ್ಕಂತಾಗಿದೆ’ಎಂದು ಸಿಂಗ್ ಅವರು ಹರ್ಷ ವ್ಯಕ್ತಪಡಿಸಿದ್ದಾರೆ.

. ರಿಷಿ ನಟಿಸಿರುವ ಬಹು ನಿರೀಕ್ಷಿತ ಕವಲುದಾರಿ ಸಿನಿಮಾ ತೆರೆಗೆ ಬರಲು ಸಿದ್ಧವಾಗಿದೆ. ಬಳಿಕ ಹೊಸ ಸಿನಿಮಾದ ಚಿತ್ರೀಕರಣ ಆರಂಭವಾಗಲಿದೆ.ನಾಯಕಿ ಹಾಗೂ ಉಳಿದ ಪಾತ್ರಗಳ ಆಯ್ಕೆಯೂ ಪ್ರಗತಿಯಲ್ಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೋಗರಾಜ್ ಭಟ್- ಶಶಾಂಕ್‌ ನಿರ್ಮಾಣದ ಚಿತ್ರಕ್ಕೆ ರಿಷಿ ನಾಯಕ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ICC Champions Trophy: ಪಾಕ್‌ಗೆ ತಂಡ ಕಳುಹಿಸಲು BCCI ನಕಾರ; ದುಬೈನತ್ತ ಒಲವು

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!