ಭಾರತದ ರಾಜನ ವಿರುದ್ಧ ಜನರು ಸಿಡಿದೆದ್ದಿದ್ದರು. ಆದರೆ, ಜನರ ಆಕ್ರೋಶವು ರಾಜನಲ್ಲಿಯವರೆಗೆ ತಲುಪುತ್ತಿರಲಿಲ್ಲ. ಯಾಕೆಂದರೆ ರಾಜನು ಕೋಟೆಯೊಳಗೆ ಇದ್ದನು. ನಂತರ, ರಾಜನ ಆತ್ಮವು ಆತನ ಬಳಿ ಇಲ್ಲ. ಚಿಕ್ಕ ಪಂಜರದಲ್ಲಿ ಸೆರೆ ಇರುವ ಗಿಣಿಯ ಬಳಿ ಇದೆ ಎಂದು ಆಕ್ರೋಶಗೊಂಡಿದ್ದ ಜನರಿಗೆ ಋಷಿಯೊಬ್ಬರು ತಿಳಿಸಿದರು. ನರೇಂದ್ರ ಮೋದಿ ಅವರ ಆತ್ಮ ಅದಾನಿ ಅವರ ಬಳಿ ಇದೆ. ಇಲ್ಲಿ ಗಿಣಿಯ ಕುತ್ತಿಗೆ ಹಿಚುಕಿದರೆ ಕ್ರೂರ ರಾಜ ‌ಒದ್ದಾಡುತ್ತಾನೆ. ಅದಾನಿಯನ್ನು ಮುಟ್ಟಿದೊಡನೆ, ಗುಪ್ತಚರ ಸಂಸ್ಥೆಗಳು ಮತ್ತು ಕನ್ನ ಹಾಕುವ ತಂತ್ರಾಂಶಗಳನ್ನು ಚೂಬಿಡಲಾಗುತ್ತದೆ.

ಮುಚ್ಚಿಡಲು ನನ್ನ ಬಳಿ ಏನೂ ಇಲ್ಲ. ನನ್ನ ಬಗ್ಗೆ ಎಲ್ಲರಿಗೂ ತಿಳಿದಿದೆ. ನನ್ನ ಇ–ಮೇಲ್‌ಗೆ ಕನ್ನ ಹಾಕಿ ಅವರಿಗೆ ಏನು ದೊರೆಯಲಿದೆ. ಬಹುಷಃ ಭಾರತೀಯ ಇತಿಹಾಸವನ್ನು ಅರ್ಥೈಸಿಕೊಳ್ಳಬಹುದು ಅಥವಾ ಉತ್ತಮ ಇಂಗ್ಲಿಷ್‌ ಅನ್ನು ಕಲಿಯಬಹುದು.

ಸಂಸದರು, ರಾಜಕೀಯ ನಾಯಕರನ್ನೂ ಸೇರಿ ಹಲವರಿಗೆ ಆ್ಯಪಲ್‌ನಿಂದ ‘ಎಚ್ಚರಿಕೆ ಸಂದೇಶ’ ಬಂದಿದೆ. ಒಂದು ವೇಳೆ ಅವರ ಮೊಬೈಲ್‌ಗಳು ಅಷ್ಟೊಂದು ಸುರಕ್ಷಿತವಾಗಿದ್ದರೆ, ಯಾಕಾಗಿ ‘ಎಚ್ಚರಿಕೆ ಸಂದೇಶ’ಗಳು ಬರುತ್ತಿವೆ.