ಕ್ಯಾರ್ಕಿ ಪರ್ವತದಿಂದ ಇನ್ನಷ್ಟು ಎತ್ತರಕ್ಕೆ ಏರಿದರೆ ಲಂಬಾ ಸರೋವರ, ಅಲ್ಲಿಂದ ಸಹಸ್ತ್ರ ಸರೋವರದತ್ತ ಹಾದಿ ಸಾಗುತ್ತದೆ. ಆದರೆ ಜೂನ್ ಮೊದಲ ವಾರದಲ್ಲೇ ಇಲ್ಲಿ ಹಿಮಪಾತ ಆರಂಭವಾಗುತ್ತದೆ. ಈ ತಂಡವೂ ಹಿಮಪಾತ ಆರಂಭವಾಗುವ ಸಮಯದಲ್ಲೇ ಚಾರಣ ಕೈಗೊಂಡಿದೆ. ‘ಸಹಸ್ತ್ರ ಸರೋವರವನ್ನು ನೋಡಿಕೊಂಡು ಲಂಬಾ ಸರೋವರದತ್ತ ವಾಪಸಾಗುವಾಗ ಹಿಮಗಾಳಿ ಆರಂಭವಾಯಿತು. ಆನಂತರ ಹಿಮಪಾತ ಆರಂಭ ವಾಯಿತು’ ಎಂದು ಚಾರಣಿಗರೊಬ್ಬರು ಮಾಧ್ಯಮಗಳ ಜತೆಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ರಕ್ಷಣಾ ಕಾರ್ಯಾಚರಣೆ ನಡೆಸಿದ್ದ ವಾಯುಪಡೆಯು ಸಹ ಹಿಮಗಾಳಿ ತೀವ್ರವಾಗಿತ್ತು ಎಂದು ವಿಡಿಯೊ ಮತ್ತು ಚಿತ್ರಗಳನ್ನು ಎಕ್ಸ್ನಲ್ಲಿ ಪೋಸ್ಟ್ ಮಾಡಿದೆ.