ಆಳ–ಅಗಲ: ‘ಕಲ್ಯಾಣ’ ವೈಭೋಗ; ಒಂದೇ ತಿಂಗಳಲ್ಲಿ 48 ಲಕ್ಷ ಮದುವೆ

ಮದುವೆ ಎನ್ನುವುದನ್ನು ತಮ್ಮ ಜೀವನದ ಬಹು ಮುಖ್ಯ ಘಟ್ಟ ಎಂದು ಹೆಚ್ಚಿನ ಜನರು ಭಾವಿಸುತ್ತಾರೆ. ವಿವಾಹವು ಭಾರತದಲ್ಲಿ ಪ್ರಮುಖ ಆರ್ಥಿಕ ಚಟುವಟಿಕೆಯೂ ಆಗಿದೆ. ನೂರಾರು ಉದ್ಯೋಗಗಳ ಸೃಷ್ಟಿಗೆ, ಲಕ್ಷಾಂತರ ಕೋಟಿ ರೂಪಾಯಿ ವಹಿವಾಟಿಗೆ ಕಾರಣವಾಗುತ್ತಿದೆ. ವಾರ್ಷಿಕವಾಗಿ ಅತಿ ಹೆಚ್ಚು ಮದುವೆಗಳು ನಡೆಯುವ ದೇಶಗಳ ಪಟ್ಟಿಯಲ್ಲಿ ಭಾರತ ಮೊದಲ ಸ್ಥಾನದಲ್ಲಿದೆ; ದೇಶದ ಮದುವೆ ಮಾರುಕಟ್ಟೆಯ ಮೌಲ್ಯ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ದೇಶದಲ್ಲೇ ಮದುವೆ ಮಾಡಿಕೊಳ್ಳುವಂತೆ ಶ್ರೀಮಂತರಿಗೆ ಕರೆ ನೀಡಿರುವುದು ಮದುವೆ ಮಾರುಕಟ್ಟೆಯ ಮಹತ್ವವನ್ನು ಸೂಚಿಸುತ್ತದೆ