<p>ಸ್ತನ್ಯಪಾನವನ್ನು ನವಜಾತ ಶಿಶುಗಳಿಗೆ ಪೌಷ್ಟಿಕಾಂಶ ಪೂರೈಸುವ ಅತ್ಯುತ್ತಮ ಮಾರ್ಗವೆಂದು ಪರಿಗಣಿಸಲಾಗಿದ. ಇದು ಒಂದಕ್ಕಿಂತ ಹೆಚ್ಚು ಶಿಶುಗಳಿಗೂ ಅನ್ವಯವಾಗುತ್ತದೆ.</p><p>ಆದಾಗ್ಯೂ, ಅವಳಿಗಳು ಅಥವಾ ತ್ರಿವಳಿಗಳು ಆದ ಸಂದರ್ಭದಲ್ಲಿ ಹಲವು ಸವಾಲುಗಳು ಎದುರಾಗುತ್ತವೆ. ಇವುಗಳಿಗೆ ಹಾಲುಣಿಸುವ ಪ್ರಕ್ರಿಯೆಯನ್ನು ಬಹು ಎಚ್ಚರಿಕೆಯಿಂದ ಮಾಡಬೇಕಾಗುತ್ತದೆ. ಇದಕ್ಕೆ ತಾಳ್ಮೆ ಮತ್ತು ಬೆಂಬಲ ಇರಬೇಕಾಗುತ್ತದೆ.</p><p>ಅವಳಿಗಳು ಮತ್ತು ತ್ರಿವಳಿಗಳಿಗೆ ಸ್ತನ್ಯಪಾನದಿಂದ ಆಗುವ ಪ್ರಯೋಜನಗಳು, ಸವಾಲುಗಳು ಮತ್ತು ಕಾರ್ಯತಂತ್ರಗಳ ಬಗ್ಗೆ ಈ ಲೇಖನದಲ್ಲಿ ವಿಸ್ತೃತವಾಗಿ ಉಲ್ಲೇಖಿಸಲಾಗಿದೆ.</p><p><strong>ಶಿಶುಗಳಿಗೆ ಸ್ತನ್ಯಪಾನದಿಂದ ಆಗುವ ಪ್ರಯೋಜನಗಳು</strong></p><p><strong>ಪೌಷ್ಟಿಕಾಂಶದ ಪ್ರಯೋಜನಗಳು</strong>: ಶಿಶುಗಳಿಗೆ ಪೌಷ್ಟಿಕಾಂಶದ ಅಗತ್ಯತೆಗಳನ್ನು ಪೂರೈಸಲು ಎದೆ ಹಾಲು ಒಂದು ಪರಿಪೂರ್ಣವಾದ ಆಹಾರವಾಗಿದೆ. ಇದು ಅಗತ್ಯವಿರುವ ಪೌಷ್ಟಿಕಾಂಶಗಳು, ಆ್ಯಂಟಿಬಾಡೀಸ್ ಒದಗಿಸಲಿದ್ದು, ಮಗುವಿನ ಬೆಳವಣಿಗೆಗೆ ಸಹಕಾರಿಯಾಗುತ್ತದೆ. ಇದರರ್ಥ ಪ್ರತಿ ಮಗುವು ಬೆಳವಣಿಗೆ ಹೊಂದಲು ಬೇಕಾದ ಪೋಷಣೆಯನ್ನು ಪಡೆಯುತ್ತದೆ.</p><p><strong>ಬಂಧ ಮತ್ತು ಭಾವನಾತ್ಮಕ ಸಂಪರ್ಕ:</strong> ಸ್ತನ್ಯಪಾನವು ತಾಯಿ ಮತ್ತು ಶಿಶುಗಳ ನಡುವೆ ನಿಕಟ ಬಂಧವನ್ನು ಬೆಳೆಸುತ್ತದೆ. ಆಹಾರದ ಸಂದರ್ಭದಲ್ಲಿ ಚರ್ಮದಿಂದ ಚರ್ಮಕ್ಕೆ ಸಂಪರ್ಕ ಕಲ್ಪಿಸುತ್ತದೆ ಮತ್ತು ಕಣ್ಣಿನ ಸಂಪರ್ಕವು ಇವರಿಬ್ಬರ ನಡುವಿನ ಭಾವನಾತ್ಮಕ ಸಂಪರ್ಕವನ್ನು ಬಲಪಡಿಸುತ್ತದೆ. ಇದು ಶಿಶುಗಳ ಭಾವನಾತ್ಮಕ ಮತ್ತು ಸಾಮಾಜಿಕ ಬೆಳವಣಿಗೆಯಲ್ಲಿ ನಿರ್ಣಾಯಕವಾಗಿರುತ್ತದೆ.</p><p><strong>ವೆಚ್ಚ ಮತ್ತು ಅನುಕೂಲತೆ:</strong> ಫಾರ್ಮುಲಾ ಫೀಡಿಂಗ್ಗೆ ಹೋಲಿಸಿದರೆ ಸ್ತನ್ಯಪಾನವು ಹೆಚ್ಚು ಆರ್ಥಿಕ ಮತ್ತು ಅನುಕೂಲಕರವಾಗಿರುತ್ತದೆ. ಇದರಿಂದಾಗಿ ಫಾರ್ಮುಲಾ, ಬಾಟಲಿಗಳು ಅಥವಾ ಸ್ಟೆರಿಲೈಸ್ ಮಾಡಿದ ಉಪಕರಣಗಳನ್ನು ಖರೀದಿಸುವ ಅಗತ್ಯವಿರುವುದಿಲ್ಲ ಮತ್ತು ಎದೆ ಹಾಲು ಯಾವಾಗಲೂ ಸರಿಯಾದ ತಾಪಮಾನದಲ್ಲಿ ಲಭ್ಯವಿರುತ್ತದೆ. ಬಹುಶಿಶುಗಳಿಗೆ ಸ್ತನ್ಯಪಾನ ಮಾಡುವ ಸವಾಲುಗಳು</p><p><strong>ಸಮಯ ನಿರ್ವಹಣೆ:</strong> ಎರಡು ಅಥವಾ ಹೆಚ್ಚು ಶಿಶುಗಳಿಗೆ ಸ್ತನ್ಯಪಾನ ಮಾಡಿಸುವುದಕ್ಕೆ ಸಾಕಷ್ಟು ಸಮಯ ಬೇಕಾಗುತ್ತದೆ. ನವಜಾತ ಶಿಶುಗಳಿಗೆ ಪ್ರತಿ 2-3 ಗಂಟೆಗೊಮ್ಮೆ ಹಾಲುಣಿಸಬೇಕು ಮತ್ತು ಹೀಗೆ ಬಹು ಶಿಶುಗಳಿಗೆ ಹಾಲುಣಿಸಲು ಹೆಚ್ಚಿನ ಸಯಮ ಬೇಕಾಗಿರುವುದರಿಂದ ತಾಯಿಗೆ ವಿಶ್ರಾಂತಿ ಪಡೆಯಲು ಸ್ವಲ್ಪವೇ ಸಮಯ ಸಿಗುತ್ತದೆ.<br><strong>ಹಾಲು ಪೂರೈಕೆಯ ಕಾಳಜಿ:</strong> ಒಂದಕ್ಕಿಂತ ಹೆಚ್ಚು ಶಿಶುಗಳಿಗೆ ಸಾಕಷ್ಟು ಹಾಲು ಪೂರೈಕೆಯಾಗುತ್ತಿದೆಯೇ ಎಂಬುದನ್ನು ಮೊದಲು ಖಚಿತಪಡಿಸಿಕೊಳ್ಳಬೇಕು. ದೇಹವು ಒಂದಕ್ಕಿಂತ ಹೆಚ್ಚು ಮಕ್ಕಳಿಗೆ ಹಾಲನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದ್ದರೂ, ಇದು ಆಗಾಗ್ಗೆ ಸಮಯದ ನಿರ್ವಹಣೆ ಮತ್ತು ಆಹಾರ ಅಥವಾ ಪಂಪ್ ಮಾಡುವ ಅಗತ್ಯವಿರುತ್ತದೆ.</p><p><strong>ದೈಹಿಕ ಮತ್ತು ಭಾವನಾತ್ಮಕ ಆಯಾಸ:</strong> ಸ್ತನ್ಯಪಾನದ ದೈಹಿಕ ಬೇಡಿಕೆಗಳು, ನಿದ್ರೆಯ ಕೊರತೆ ಮತ್ತು ಬಹು ಶಿಶುಗಳನ್ನು ನೋಡಿಕೊಳ್ಳುವ ಭಾವನಾತ್ಮಕ ಒತ್ತಡದೊಂದಿಗೆ ಸೇರಿಕೊಂಡು ತಾಯಂದಿರಿಗೆ ನಿರ್ವಹಣೆ ಕಷ್ಟಸಾಧ್ಯವಾಗಬಹುದು.</p><p><strong>ನೈಜ -ಜೀವನದ ಅನುಭವಗಳು</strong></p><p>ಸ್ಪಷ್ಟವಾದ ಕಾರ್ಯತಂತ್ರ ಅಳವಡಿಸಿಕೊಂಡು, ಸಲಹೆಗಾರರ ಸಮರ್ಪಕ ಸಹಾಯದಿಂದ ಸ್ತನ್ಯಪಾನ ಪ್ರಕ್ರಿಯೆಯನ್ನು ಸರಳೀಕರಿಸಿದವರಿದ್ದಾರೆ. ಉದಾಹರಣೆಗೆ, ಜೇನ್, ಅವಳಿ ಮಕ್ಕಳ ತಾಯಿ. ಇವರು ತಮ್ಮ ಅನುಭವವನ್ನು ಹಂಚಿಕೊಂಡಿದ್ದು ಹೀಗೆ:- ‘ಆರಂಭದಲ್ಲಿ ಇದು ಸವಾಲಿನಿಂದ ಕೂಡಿತ್ತು. ಆದರೆ, ಹಾಲುಣಿಸುವ ಸಲಹೆಗಾರರ ನೆರವಿನಿಂದ ಮತ್ತು ನನ್ನ ಸಂಗಾತಿಯ ಬೆಂಬಲದಿಂದ ಸರಿಯಾದ ದಿನಚರಿಯನ್ನು ರೂಪಿಸಿಕೊಂಡೆವು. ಟಂಡೆಂ ಫೀಡಿಂಗ್ ಬಹಳಷ್ಟು ಸಮಯವನ್ನು ಉಳಿಸಿತು ಮತ್ತು ಪಂಪ್ ಮಾಡುವಿಕೆಯು ವಿಶ್ರಾಂತಿ ಪಡೆದುಕೊಳ್ಳುವ ಅವಕಾಶವನ್ನು ಮಾಡಿಕೊಟ್ಟಿತು’.</p><p>ಅವಳಿ ಅಥವಾ ತ್ರಿವಳಿ ಮಕ್ಕಳಿಗೆ ಸ್ತನ್ಯಪಾನ ಮಾಡಿಸುವುದು ಸವಾಲಿನ ಕೆಲಸವಾಗಿರುತ್ತದೆ. ಆದರೆ, ಸರಿಯಾದ ತಂತ್ರಗಳೂ ಮತ್ತು ಬೆಂಬಲದೊಂದಿಗೆ ಇದನ್ನು ಸುಲಭಗೊಳಿಸಬಹುದಾಗಿದೆ.</p><p>ಸ್ತನ್ಯಪಾನ ತಾಯಿ ಮತ್ತು ಮಗುವಿಗೆ ಬಹುಪ್ರಯೋಜನಗಳನ್ನು ನೀಡುತ್ತದೆ. ಕಳ್ಳುಬಳ್ಳಿಯ ಸಂಬಂಧವನ್ನು ಮತ್ತಷ್ಟು ಆರ್ದ್ರಗೊಳಿಸಲು ಸಹಕಾರಿಯಾಗುತ್ತದೆ. ಈ ಪ್ರಕ್ರಿಯೆಯನ್ನು ಸರಳೀಕರಿಸಿದಷ್ಟು ತಾಯ್ತತನದ ಪ್ರಯಾಣವನ್ನು ಹೆಚ್ಚು ಆನಂದಿಸಬಹುದಾಗಿದೆ.</p><p><strong>ಲೇಖಕರು: ವೈದ್ಯಕೀಯ ನಿರ್ದೇಶಕರು, ರಾಧಾಕೃಷ್ಣ ಮಲ್ಟಿ ಸ್ಪೆಷಾಲಿಟಿ ಹಾಸ್ಪಿಟಲ್, ಬೆಂಗಳೂರು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸ್ತನ್ಯಪಾನವನ್ನು ನವಜಾತ ಶಿಶುಗಳಿಗೆ ಪೌಷ್ಟಿಕಾಂಶ ಪೂರೈಸುವ ಅತ್ಯುತ್ತಮ ಮಾರ್ಗವೆಂದು ಪರಿಗಣಿಸಲಾಗಿದ. ಇದು ಒಂದಕ್ಕಿಂತ ಹೆಚ್ಚು ಶಿಶುಗಳಿಗೂ ಅನ್ವಯವಾಗುತ್ತದೆ.</p><p>ಆದಾಗ್ಯೂ, ಅವಳಿಗಳು ಅಥವಾ ತ್ರಿವಳಿಗಳು ಆದ ಸಂದರ್ಭದಲ್ಲಿ ಹಲವು ಸವಾಲುಗಳು ಎದುರಾಗುತ್ತವೆ. ಇವುಗಳಿಗೆ ಹಾಲುಣಿಸುವ ಪ್ರಕ್ರಿಯೆಯನ್ನು ಬಹು ಎಚ್ಚರಿಕೆಯಿಂದ ಮಾಡಬೇಕಾಗುತ್ತದೆ. ಇದಕ್ಕೆ ತಾಳ್ಮೆ ಮತ್ತು ಬೆಂಬಲ ಇರಬೇಕಾಗುತ್ತದೆ.</p><p>ಅವಳಿಗಳು ಮತ್ತು ತ್ರಿವಳಿಗಳಿಗೆ ಸ್ತನ್ಯಪಾನದಿಂದ ಆಗುವ ಪ್ರಯೋಜನಗಳು, ಸವಾಲುಗಳು ಮತ್ತು ಕಾರ್ಯತಂತ್ರಗಳ ಬಗ್ಗೆ ಈ ಲೇಖನದಲ್ಲಿ ವಿಸ್ತೃತವಾಗಿ ಉಲ್ಲೇಖಿಸಲಾಗಿದೆ.</p><p><strong>ಶಿಶುಗಳಿಗೆ ಸ್ತನ್ಯಪಾನದಿಂದ ಆಗುವ ಪ್ರಯೋಜನಗಳು</strong></p><p><strong>ಪೌಷ್ಟಿಕಾಂಶದ ಪ್ರಯೋಜನಗಳು</strong>: ಶಿಶುಗಳಿಗೆ ಪೌಷ್ಟಿಕಾಂಶದ ಅಗತ್ಯತೆಗಳನ್ನು ಪೂರೈಸಲು ಎದೆ ಹಾಲು ಒಂದು ಪರಿಪೂರ್ಣವಾದ ಆಹಾರವಾಗಿದೆ. ಇದು ಅಗತ್ಯವಿರುವ ಪೌಷ್ಟಿಕಾಂಶಗಳು, ಆ್ಯಂಟಿಬಾಡೀಸ್ ಒದಗಿಸಲಿದ್ದು, ಮಗುವಿನ ಬೆಳವಣಿಗೆಗೆ ಸಹಕಾರಿಯಾಗುತ್ತದೆ. ಇದರರ್ಥ ಪ್ರತಿ ಮಗುವು ಬೆಳವಣಿಗೆ ಹೊಂದಲು ಬೇಕಾದ ಪೋಷಣೆಯನ್ನು ಪಡೆಯುತ್ತದೆ.</p><p><strong>ಬಂಧ ಮತ್ತು ಭಾವನಾತ್ಮಕ ಸಂಪರ್ಕ:</strong> ಸ್ತನ್ಯಪಾನವು ತಾಯಿ ಮತ್ತು ಶಿಶುಗಳ ನಡುವೆ ನಿಕಟ ಬಂಧವನ್ನು ಬೆಳೆಸುತ್ತದೆ. ಆಹಾರದ ಸಂದರ್ಭದಲ್ಲಿ ಚರ್ಮದಿಂದ ಚರ್ಮಕ್ಕೆ ಸಂಪರ್ಕ ಕಲ್ಪಿಸುತ್ತದೆ ಮತ್ತು ಕಣ್ಣಿನ ಸಂಪರ್ಕವು ಇವರಿಬ್ಬರ ನಡುವಿನ ಭಾವನಾತ್ಮಕ ಸಂಪರ್ಕವನ್ನು ಬಲಪಡಿಸುತ್ತದೆ. ಇದು ಶಿಶುಗಳ ಭಾವನಾತ್ಮಕ ಮತ್ತು ಸಾಮಾಜಿಕ ಬೆಳವಣಿಗೆಯಲ್ಲಿ ನಿರ್ಣಾಯಕವಾಗಿರುತ್ತದೆ.</p><p><strong>ವೆಚ್ಚ ಮತ್ತು ಅನುಕೂಲತೆ:</strong> ಫಾರ್ಮುಲಾ ಫೀಡಿಂಗ್ಗೆ ಹೋಲಿಸಿದರೆ ಸ್ತನ್ಯಪಾನವು ಹೆಚ್ಚು ಆರ್ಥಿಕ ಮತ್ತು ಅನುಕೂಲಕರವಾಗಿರುತ್ತದೆ. ಇದರಿಂದಾಗಿ ಫಾರ್ಮುಲಾ, ಬಾಟಲಿಗಳು ಅಥವಾ ಸ್ಟೆರಿಲೈಸ್ ಮಾಡಿದ ಉಪಕರಣಗಳನ್ನು ಖರೀದಿಸುವ ಅಗತ್ಯವಿರುವುದಿಲ್ಲ ಮತ್ತು ಎದೆ ಹಾಲು ಯಾವಾಗಲೂ ಸರಿಯಾದ ತಾಪಮಾನದಲ್ಲಿ ಲಭ್ಯವಿರುತ್ತದೆ. ಬಹುಶಿಶುಗಳಿಗೆ ಸ್ತನ್ಯಪಾನ ಮಾಡುವ ಸವಾಲುಗಳು</p><p><strong>ಸಮಯ ನಿರ್ವಹಣೆ:</strong> ಎರಡು ಅಥವಾ ಹೆಚ್ಚು ಶಿಶುಗಳಿಗೆ ಸ್ತನ್ಯಪಾನ ಮಾಡಿಸುವುದಕ್ಕೆ ಸಾಕಷ್ಟು ಸಮಯ ಬೇಕಾಗುತ್ತದೆ. ನವಜಾತ ಶಿಶುಗಳಿಗೆ ಪ್ರತಿ 2-3 ಗಂಟೆಗೊಮ್ಮೆ ಹಾಲುಣಿಸಬೇಕು ಮತ್ತು ಹೀಗೆ ಬಹು ಶಿಶುಗಳಿಗೆ ಹಾಲುಣಿಸಲು ಹೆಚ್ಚಿನ ಸಯಮ ಬೇಕಾಗಿರುವುದರಿಂದ ತಾಯಿಗೆ ವಿಶ್ರಾಂತಿ ಪಡೆಯಲು ಸ್ವಲ್ಪವೇ ಸಮಯ ಸಿಗುತ್ತದೆ.<br><strong>ಹಾಲು ಪೂರೈಕೆಯ ಕಾಳಜಿ:</strong> ಒಂದಕ್ಕಿಂತ ಹೆಚ್ಚು ಶಿಶುಗಳಿಗೆ ಸಾಕಷ್ಟು ಹಾಲು ಪೂರೈಕೆಯಾಗುತ್ತಿದೆಯೇ ಎಂಬುದನ್ನು ಮೊದಲು ಖಚಿತಪಡಿಸಿಕೊಳ್ಳಬೇಕು. ದೇಹವು ಒಂದಕ್ಕಿಂತ ಹೆಚ್ಚು ಮಕ್ಕಳಿಗೆ ಹಾಲನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದ್ದರೂ, ಇದು ಆಗಾಗ್ಗೆ ಸಮಯದ ನಿರ್ವಹಣೆ ಮತ್ತು ಆಹಾರ ಅಥವಾ ಪಂಪ್ ಮಾಡುವ ಅಗತ್ಯವಿರುತ್ತದೆ.</p><p><strong>ದೈಹಿಕ ಮತ್ತು ಭಾವನಾತ್ಮಕ ಆಯಾಸ:</strong> ಸ್ತನ್ಯಪಾನದ ದೈಹಿಕ ಬೇಡಿಕೆಗಳು, ನಿದ್ರೆಯ ಕೊರತೆ ಮತ್ತು ಬಹು ಶಿಶುಗಳನ್ನು ನೋಡಿಕೊಳ್ಳುವ ಭಾವನಾತ್ಮಕ ಒತ್ತಡದೊಂದಿಗೆ ಸೇರಿಕೊಂಡು ತಾಯಂದಿರಿಗೆ ನಿರ್ವಹಣೆ ಕಷ್ಟಸಾಧ್ಯವಾಗಬಹುದು.</p><p><strong>ನೈಜ -ಜೀವನದ ಅನುಭವಗಳು</strong></p><p>ಸ್ಪಷ್ಟವಾದ ಕಾರ್ಯತಂತ್ರ ಅಳವಡಿಸಿಕೊಂಡು, ಸಲಹೆಗಾರರ ಸಮರ್ಪಕ ಸಹಾಯದಿಂದ ಸ್ತನ್ಯಪಾನ ಪ್ರಕ್ರಿಯೆಯನ್ನು ಸರಳೀಕರಿಸಿದವರಿದ್ದಾರೆ. ಉದಾಹರಣೆಗೆ, ಜೇನ್, ಅವಳಿ ಮಕ್ಕಳ ತಾಯಿ. ಇವರು ತಮ್ಮ ಅನುಭವವನ್ನು ಹಂಚಿಕೊಂಡಿದ್ದು ಹೀಗೆ:- ‘ಆರಂಭದಲ್ಲಿ ಇದು ಸವಾಲಿನಿಂದ ಕೂಡಿತ್ತು. ಆದರೆ, ಹಾಲುಣಿಸುವ ಸಲಹೆಗಾರರ ನೆರವಿನಿಂದ ಮತ್ತು ನನ್ನ ಸಂಗಾತಿಯ ಬೆಂಬಲದಿಂದ ಸರಿಯಾದ ದಿನಚರಿಯನ್ನು ರೂಪಿಸಿಕೊಂಡೆವು. ಟಂಡೆಂ ಫೀಡಿಂಗ್ ಬಹಳಷ್ಟು ಸಮಯವನ್ನು ಉಳಿಸಿತು ಮತ್ತು ಪಂಪ್ ಮಾಡುವಿಕೆಯು ವಿಶ್ರಾಂತಿ ಪಡೆದುಕೊಳ್ಳುವ ಅವಕಾಶವನ್ನು ಮಾಡಿಕೊಟ್ಟಿತು’.</p><p>ಅವಳಿ ಅಥವಾ ತ್ರಿವಳಿ ಮಕ್ಕಳಿಗೆ ಸ್ತನ್ಯಪಾನ ಮಾಡಿಸುವುದು ಸವಾಲಿನ ಕೆಲಸವಾಗಿರುತ್ತದೆ. ಆದರೆ, ಸರಿಯಾದ ತಂತ್ರಗಳೂ ಮತ್ತು ಬೆಂಬಲದೊಂದಿಗೆ ಇದನ್ನು ಸುಲಭಗೊಳಿಸಬಹುದಾಗಿದೆ.</p><p>ಸ್ತನ್ಯಪಾನ ತಾಯಿ ಮತ್ತು ಮಗುವಿಗೆ ಬಹುಪ್ರಯೋಜನಗಳನ್ನು ನೀಡುತ್ತದೆ. ಕಳ್ಳುಬಳ್ಳಿಯ ಸಂಬಂಧವನ್ನು ಮತ್ತಷ್ಟು ಆರ್ದ್ರಗೊಳಿಸಲು ಸಹಕಾರಿಯಾಗುತ್ತದೆ. ಈ ಪ್ರಕ್ರಿಯೆಯನ್ನು ಸರಳೀಕರಿಸಿದಷ್ಟು ತಾಯ್ತತನದ ಪ್ರಯಾಣವನ್ನು ಹೆಚ್ಚು ಆನಂದಿಸಬಹುದಾಗಿದೆ.</p><p><strong>ಲೇಖಕರು: ವೈದ್ಯಕೀಯ ನಿರ್ದೇಶಕರು, ರಾಧಾಕೃಷ್ಣ ಮಲ್ಟಿ ಸ್ಪೆಷಾಲಿಟಿ ಹಾಸ್ಪಿಟಲ್, ಬೆಂಗಳೂರು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
