ರಾಷ್ಟ್ರಪತಿ ಭವನದ ‘ದರ್ಬಾರ್‌ ಹಾಲ್‌’ ಈಗ ‘ಗಣತಂತ್ರ ಮಂಟಪ’

ನವದೆಹಲಿ(ಪಿಟಿಐ): ರಾಷ್ಟ್ರಪತಿ ಭವನದ ‘ದರ್ಬಾರ್‌ ಹಾಲ್‌’ ಹಾಗೂ ‘ಅಶೋಕ ಹಾಲ್‌’ಗಳನ್ನು ಮರುನಾಮಕರಣ ಮಾಡಿರುವ ಬೆನ್ನಲ್ಲೇ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರದ ವಿರುದ್ಧ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾಡ್ರಾ ಟೀಕಾ ಪ್ರಹಾರ ಮಾಡಿದ್ದಾರೆ. ‘ಕೇಂದ್ರದಲ್ಲಿ ಸರ್ಕಾರ ನಡೆಸುವವರಿಗೆ ‘ಸಭೆಯ ಪರಿಕಲ್ಪನೆ’ ಇಲ್ಲ. ಬದಲಾಗಿ ‘ಸರ್ವಾಧಿಕಾರಿ ಪರಿಕಲ್ಪನೆ’ ಇದೆ’ ಎಂಬುದನ್ನು ಈ ನಡೆ ತೋರಿಸುತ್ತದೆ’ ಎಂದು ಟೀಕಿಸಿದ್ದಾರೆ.