ನಿತೀಶ್ ಕುಮಾರ್ ಸಂಪುಟದ ಶೇ 72ರಷ್ಟು ಸಚಿವರಿಗೆ ಅಪರಾಧ ಹಿನ್ನೆಲೆ: ಎಡಿಆರ್ ವರದಿ

ಪಟ್ನಾ: ಬಿಹಾರದ ಮಹಾ ಮೈತ್ರಿಕೂಟ ಸರ್ಕಾರದ ಸಚಿವ ಸಂಪುಟದಲ್ಲಿ ಶೇ 72ರಷ್ಟು ಸಚಿವರು ಅಪರಾಧ ಪ್ರಕರಣಗಳ ಹಿನ್ನೆಲೆಯುಳ್ಳವರು ಎಂಬುದು ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ವರದಿಯಿಂದ ತಿಳಿದುಬಂದಿದೆ.

. ಮುಖ್ಯಮಂತ್ರಿ ನಿತೀಶ್ ಕುಮಾರ್ ಹಾಗೂ ಉಪ ಮುಖ್ಯಮಂತ್ರಿ ತೇಜಸ್ವಿ ಯಾದವ್ ಕೂಡ ಪ್ರಕರಣಗಳನ್ನು ಎದುರಿಸುತ್ತಿದ್ದಾರೆ.

. ಇತ್ತೀಚೆಗಷ್ಟೇ ಬಿಜೆಪಿ ಜತೆಗಿನ ಮೈತ್ರಿ ಕಡಿದುಕೊಂಡಿರುವ ಜೆಡಿ(ಯು) ನಾಯಕ ನಿತೀಶ್ ಕುಮಾರ್, ಆರ್ಜೆಡಿ, ಕಾಂಗ್ರೆಸ್ ಹಾಗೂ ಇತರ ಪಕ್ಷಗಳ ಜತೆ ಮೈತ್ರಿ ಮಾಡಿಕೊಂಡು ಸರ್ಕಾರ ರಚಿಸಿದ್ದಾರೆ. ಹೊಸ ಸರ್ಕಾರದ ಸಚಿವ ಸಂಪುಟ ಮಂಗಳವಾರ ಪದಗ್ರಹಣ ಮಾಡಿದ್ದು, 31 ಮಂದಿ ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಿದ್ದಾರೆ. ನಿತೀಶ್ ಹಾಗೂ ತೇಜಸ್ವಿ ಆಗಸ್ಟ್ 10ರಂದೇ ಅಧಿಕಾರ ಸ್ವೀಕರಿಸಿದ್ದರು.

. ಮಹಾರಾಷ್ಟ್ರ: 20 ಮಂತ್ರಿಗಳ ಪೈಕಿ 15 ಮಂದಿ ಮೇಲಿವೆ ಅಪರಾಧ ಪ್ರಕರಣಗಳು- ಎಡಿಆರ್

. ಒಟ್ಟು 33 ಮಂದಿ ಸಚಿವರ ಪೈಕಿ 32 ಸಚಿವರ ಅಫಿಡವಿಟ್ಗಳ (2020ರ ವಿಧಾನಸಭಾ ಚುನಾವಣೆ ವೇಳೆ ಸಲ್ಲಿಸಿದ್ದ ಅಫಿಡವಿಟ್) ಪರಿಶೀಲನೆ ನಡೆಸಿರುವ ಎಡಿಆರ್ ಹಾಗೂ ಬಿಹಾರ ಚುನಾವಣಾ ವಿಚಕ್ಷಣಾ ದಳ ವರದಿ ಸಿದ್ಧಪಡಿಸಿವೆ.

. ಸಚಿವ, ಜೆಡಿ(ಯು) ಮುಖಂಡ ಅಶೋಕ್ ಚೌಧರಿ ವಿಧಾನಪರಿಷತ್ ನಾಮನಿರ್ದೇಶಿತ ಸದಸ್ಯರಾಗಿದ್ದರಿಂದ ಅಫಿಡವಿಟ್ ಸಲ್ಲಿಸಿಲ್ಲ. ಹೀಗಾಗಿ ಅವರ ಕುರಿತ ವಿವರಗಳು ಲಭ್ಯವಿಲ್ಲ ಎಂದು ಎಡಿಆರ್ ವರದಿ ತಿಳಿಸಿದೆ.

. ವರದಿಯ ಪ್ರಕಾರ, 23 ಮಂದಿ ಸಚಿವರು ತಮ್ಮ ವಿರುದ್ಧ ಅಪರಾಧ ಪ್ರಕರಣಗಳು ದಾಖಲಾಗಿರುವುದಾಗಿ ತಿಳಿಸಿದ್ದಾರೆ. 17 ಮಂದಿ ಸಚಿವರು (ಶೇ 53ರಷ್ಟು) ತಮ್ಮ ವಿರುದ್ಧ ಗಂಭೀರ ಅಪರಾಧ ಪ್ರಕರಣಗಳು ದಾಖಲಾಗಿವೆ ಎಂದು ತಿಳಿಸಿದ್ದಾರೆ.

. ಬಿಹಾರ ಮಹಾಘಟಬಂಧನ್ ವಿರುದ್ಧ ಬಿಜೆಪಿ ಹೋರಾಟ: ಕೋರ್ ಕಮಿಟಿ ಸಭೆಯಲ್ಲಿ ನಾಯಕರ ಕಿಡಿ

. 32 ಮಂದಿ ಸಚಿವ ಪೈಕಿ 27 ಜನ (ಶೇ 84ರಷ್ಟು) ಕೋಟ್ಯಧಿಪತಿಗಳಾಗಿದ್ದಾರೆ. 32 ಸಚಿವರ ಸರಾಸರಿ ಆಸ್ತಿ/ಸ್ವತ್ತಿನ ಮೌಲ್ಯ ₹5.82 ಕೋಟಿ ಎಂದು ಲೆಕ್ಕಹಾಕಲಾಗಿದೆ.

. ಮಧುಬನಿ ಕ್ಷೇತ್ರದ ಸಮೀರ್ ಕುಮಾರ್ ಮಹಸೇಠ್ ಅತಿಹೆಚ್ಚು ಮೌಲ್ಯದ ಸ್ವತ್ತು ಹೊಂದಿದ ಸಚಿವರಾಗಿದ್ದಾರೆ. ಇವರ ಬಳಿ ₹24.45 ಕೋಟಿ ಮೌಲ್ಯದ ಸ್ವತ್ತು ಇದೆ. ಮುರಾರಿ ಪ್ರಸಾದ್ ಗೌತಮ್ ಅತಿ ಕಡಿಮೆ ಸ್ವತ್ತು (₹17.66 ಲಕ್ಷ) ಹೊಂದಿರುವ ಸಚಿವರಾಗಿದ್ದಾರೆ.

. ‘ಮಹಾ ಮೈತ್ರಿಕೂಟ ಸರ್ಕಾರದ ನೂತನ ಸಚಿವ ಸಂಪುಟದಲ್ಲಿ ಅಪರಾಧ ಹಿನ್ನೆಲೆಯುಳ್ಳವರು ಹೆಚ್ಚಿದ್ದಾರೆ. ಸಂಪುಟವು ಸಾಮಾಜಿಕ ಅಸಮಾನತೆಯಿಂದ ಕೂಡಿದೆ’ ಎಂದು ಬಿಜೆಪಿ ಮಂಗಳವಾರ ಟೀಕಿಸಿತ್ತು.

. ಸಾಮಾಜಿಕ ಅಸಮಾನತೆ, ಅಪರಾಧ ಹಿನ್ನೆಲೆಯವರಿಂದ ಕೂಡಿದ ಬಿಹಾರ ಸಂಪುಟ: ಬಿಜೆಪಿ ಟೀಕೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿತೀಶ್ ಕುಮಾರ್ ಸಂಪುಟದ ಶೇ 72ರಷ್ಟು ಸಚಿವರಿಗೆ ಅಪರಾಧ ಹಿನ್ನೆಲೆ: ಎಡಿಆರ್ ವರದಿ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

Cartoon | ಚಿನಕುರುಳಿ: 25 ನವೆಂಬರ್ 2024

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

IPL Auction 2025 Day 2 LIVE Updates: ಆರ್‌ಸಿಬಿ ತೆಕ್ಕೆಗೆ ಕೃಣಾಲ್ ಪಾಂಡ್ಯ; ಡೆಲ್ಲಿಗೆ ಪ್ಲೆಸಿ

IPL Auction: ಯಾರಿಗೂ ಬೇಡವಾದ ಕನ್ನಡಿಗ ಮಯಂಕ್‌, ನ್ಯೂಜಿಲೆಂಡ್‌ನ ವಿಲಿಯಮ್ಸನ್‌

AUS vs IND Test: ಆಸಿಸ್ ಎದುರು ಭಾರತಕ್ಕೆ ದಾಖಲೆ ಜಯ; ಪಂದ್ಯ ಶ್ರೇಷ್ಠ ಬೂಮ್ರಾ

ಆಳ–ಅಗಲ: ಗುಕೇಶ್‌ ಮುಡಿಗೇರುವುದೇ ವಿಶ್ವ ಚೆಸ್‌ ಕಿರೀಟ?

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

Cartoon | ಚಿನಕುರುಳಿ: 25 ನವೆಂಬರ್ 2024

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!