<p>ಅಮೆರಿಕದ ಪೆನ್ಸಿಲ್ವೇನಿಯಾದ ಕೃಷಿ ಜಮೀನಿನ ನಡುವೆ ಹರ್ಶೇ ಎಂಬ ಸ್ಥಳದಲ್ಲಿ ಚಾಕೊಲೇಟ್ ಕಾರ್ಖಾನೆ ಇದೆ. ಆ ಫ್ಯಾಕ್ಟರಿಗೆ ಹೋಗುವಾಗ ದಾರಿ ಉದ್ದಕ್ಕೂ ಅಲ್ಲಲ್ಲೇ ‘ಭೂಮಿಯ ಮೇಲಿನ ಅತ್ಯಂತ ಸಿಹಿಯಾದ ಸ್ಥಳ (ಸ್ವೀಟೆಸ್ಟ್ ಪ್ಲೇಸ್ ಆನ್ ಅರ್ತ)’ ಎಂಬ ಬರಹವುಳ್ಳ ಫಲಕ ಕಾಣುತ್ತದೆ.</p>.<p>ಆ ದಾರಿಯಲ್ಲಿ ಚಾಕೊಲೇಟ್ ಫ್ಯಾಕ್ಟರಿ ತಲುಪಿ, ಒಳಹೊಕ್ಕಾಗ ದೊಡ್ಡ ದೊಡ್ಡ ಗಾತ್ರದ ಹರ್ಶಿಸ್ ಚಾಕೋಲೇಟ್ ಮಾದರಿಗಳು ಕಂಡವು. ಇಲ್ಲಿಗೆ ಭೇಟಿ ನೀಡಿದ ಪ್ರವಾಸಿಗರು, ಆ ಮಾದರಿಗಳ ನಡುವೆ ನಿಂತು ಫೋಟೊ ತೆಗೆಸಿಕೊಳ್ಳುತ್ತಾರೆ. ಚಾಕೋಲೇಟ್ ಫ್ಯಾಕ್ಟರಿಯವರೇ ಫೋಟೊ ತೆಗೆದು ಅಚ್ಚುಕಟ್ಟಾಗಿ ಪ್ರೇಮ್ ಹಾಕಿಯೂ ಕೊಡುತ್ತಾರೆ. ಆದರೆ, ಅದಕ್ಕೆ ಚಾರ್ಜ್ ಮಾಡುತ್ತಾರೆ.</p>.<p>ಇಡೀ ಫ್ಯಾಕ್ಟರಿಯಲ್ಲಿ ನಡೆಯುವ ಚಾಕೊಲೇಟ್ ತಯಾರಿಕೆ ಪ್ರಕ್ರಿಯೆಯನ್ನು ನೋಡಲು ‘ಫ್ಯಾಕ್ಟರಿ ಟೂರ್’ ಮಾಡಬಹುದು. ನಾವು ಟೂರ್ಗೆ ಮುಂದಾದಾಗ, ನಮ್ಮನ್ನು ಟ್ರಾಲಿಯಲ್ಲಿ ಕೂರಿಸಿಕೊಂಡು ಫ್ಯಾಕ್ಟರಿಯ ಒಳಗೆ ಕರೆದೊಯ್ದರು.</p>.<p>ಟ್ರಾಲಿಯಲ್ಲಿ ಹೋಗುತ್ತಿದ್ದಾಗ ಆಕಳ ಗೊಂಬೆಗಳು, ಆಕಳಿಂದ ಹಾಲು ಕರೆಯುವ ರೀತಿ, ಕೋಕೊ ಬೀಜವನ್ನು ಸಂಸ್ಕರಿಸುವ ಬಗೆ, ಉತ್ತಮ ಗುಣಮಟ್ಟದ ಸಕ್ಕರೆಯನ್ನು ಬಳಸಿ ತರಹೇವಾರಿ ಚಾಕೊಲೇಟ್ ತಯಾರಿಸುವ ಬಗೆಯನ್ನು ಅತ್ಯಂತ ಆಕರ್ಷಕವಾಗಿ ವಿವರಿಸಿದರು ಕಾರ್ಖಾನೆಯವರು. ಈ ಸುತ್ತಾಟದಲ್ಲಿ ವಿಧ ವಿಧದ ಚಾಕೊಲೇಟ್ಗಳು ಬಗೆಬಗೆಯ ಆಕಾರದಲ್ಲಿ ಬಣ್ಣ ಬಣ್ಣದ ಕಾಗದಗಳನ್ನು ಸುತ್ತಿಕೊಂಡು ಹೊರಬರುವುದು ಕಂಡು ಖುಷಿಯಾಯಿತು. ಚಾಕೊಲೇಟ್ ತಿನ್ನದವರಿಗೂ ಅಲ್ಲಿ, ತಿನ್ನುವ ಆಸೆ ಮೂಡುವುದಂತೂ ಸತ್ಯ. ಈ ಉಚಿತ ಫ್ಯಾಕ್ಟರಿ ಟೂರ್ ಆದ ಮೇಲೆ ಅಲ್ಲಿ, ಉಚಿತವಾಗಿ ಚಾಕೊಲೇಟ್ ತಿನ್ನಲು ಕೊಡುತ್ತಾರೆ.</p>.<p>ಕಾರ್ಖಾನೆಯಲ್ಲಿ ನೂರಾರು ಕಾರ್ಮಿಕರು ಕೆಲಸ ಮಾಡುತ್ತಾರೆ. ಅವರ ಮನರಂಜನೆಯ ಅವಶ್ಯಕತೆಯನ್ನು ಮನಗಂಡು ಫ್ಯಾಕ್ಟರಿಯ ಪಕ್ಕದಲ್ಲಿಯೇ ಹರ್ಶಿಸ್ ಅಮ್ಯೂಸ್ಮೆಂಟ್ ಪಾರ್ಕ್ ತೆರೆದಿದ್ದಾರೆ.</p>.<p>ಇಂತಹ ಅತ್ಯಾಧುನಿಕವಾಗಿರುವ ಈ ಫ್ಯಾಕ್ಟರಿಯನ್ನು ಸ್ಥಾಪಿಸಿದವರು ಮಿಲ್ಟನ್ ಎಸ್. ಹರ್ಶೇ.</p>.<p>ಈ ಫ್ಯಾಕ್ಟರಿಯಲ್ಲಿ ಪ್ರತಿ ದಿನ 10 ಲಕ್ಷದಷ್ಟು ಹರ್ಶಿಸ್ ಕಿಸ್ಸ್ ಎಂಬ ಹೆಸರಿನ ಚಾಕೊಲೇಟ್ ತಯಾರಾಗುತ್ತದೆಯಂತೆ.</p>.<p>ಇದಲ್ಲದೇ ರೀಸೀಸ್, ಕಿಟ್ಕ್ಯಾಟ್, ಮಿಲ್ಕ್ ಚಾಕೊಲೇಟ್, ಕ್ಯಾಂಡಿಗಳು, ಜಾರ್ನಲ್ಲಿ ಚಾಕೊಲೇಟ್ ಸಿರಪ್ಗಳು ತಯಾರಾಗುತ್ತವೆ.</p>.<p>ನೂರಾ ಇಪ್ಪತ್ತೈದು ವರ್ಷಗಳ ಇತಿಹಾಸವಿರುವ ಈ ಚಾಕೊಲೇಟ್ ಪ್ರಪಂಚಕ್ಕೆ ಭೇಟಿನೀಡಿ, ಚಾಕೊಲೇಟ್ ರ್ಯಾಪರ್ ಮೇಲೆ ನಮ್ಮ ಫೋಟೊ ಹಾಕಿಸಿಕೊಂಡೆವು. ಜತೆಗೆ, ಪ್ರೀತಿ ಪಾತ್ರರಿಗಾಗಿ ಚಾಕೊಲೇಟ್ ಖರೀದಿಸಿ ಹೊರಬಿದ್ದಾಗ ಮೈಮನಗಳೂ ಸಹ ಖುಷಿಯಿಂದ ಸಿಹಿಯಾಗುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಮೆರಿಕದ ಪೆನ್ಸಿಲ್ವೇನಿಯಾದ ಕೃಷಿ ಜಮೀನಿನ ನಡುವೆ ಹರ್ಶೇ ಎಂಬ ಸ್ಥಳದಲ್ಲಿ ಚಾಕೊಲೇಟ್ ಕಾರ್ಖಾನೆ ಇದೆ. ಆ ಫ್ಯಾಕ್ಟರಿಗೆ ಹೋಗುವಾಗ ದಾರಿ ಉದ್ದಕ್ಕೂ ಅಲ್ಲಲ್ಲೇ ‘ಭೂಮಿಯ ಮೇಲಿನ ಅತ್ಯಂತ ಸಿಹಿಯಾದ ಸ್ಥಳ (ಸ್ವೀಟೆಸ್ಟ್ ಪ್ಲೇಸ್ ಆನ್ ಅರ್ತ)’ ಎಂಬ ಬರಹವುಳ್ಳ ಫಲಕ ಕಾಣುತ್ತದೆ.</p>.<p>ಆ ದಾರಿಯಲ್ಲಿ ಚಾಕೊಲೇಟ್ ಫ್ಯಾಕ್ಟರಿ ತಲುಪಿ, ಒಳಹೊಕ್ಕಾಗ ದೊಡ್ಡ ದೊಡ್ಡ ಗಾತ್ರದ ಹರ್ಶಿಸ್ ಚಾಕೋಲೇಟ್ ಮಾದರಿಗಳು ಕಂಡವು. ಇಲ್ಲಿಗೆ ಭೇಟಿ ನೀಡಿದ ಪ್ರವಾಸಿಗರು, ಆ ಮಾದರಿಗಳ ನಡುವೆ ನಿಂತು ಫೋಟೊ ತೆಗೆಸಿಕೊಳ್ಳುತ್ತಾರೆ. ಚಾಕೋಲೇಟ್ ಫ್ಯಾಕ್ಟರಿಯವರೇ ಫೋಟೊ ತೆಗೆದು ಅಚ್ಚುಕಟ್ಟಾಗಿ ಪ್ರೇಮ್ ಹಾಕಿಯೂ ಕೊಡುತ್ತಾರೆ. ಆದರೆ, ಅದಕ್ಕೆ ಚಾರ್ಜ್ ಮಾಡುತ್ತಾರೆ.</p>.<p>ಇಡೀ ಫ್ಯಾಕ್ಟರಿಯಲ್ಲಿ ನಡೆಯುವ ಚಾಕೊಲೇಟ್ ತಯಾರಿಕೆ ಪ್ರಕ್ರಿಯೆಯನ್ನು ನೋಡಲು ‘ಫ್ಯಾಕ್ಟರಿ ಟೂರ್’ ಮಾಡಬಹುದು. ನಾವು ಟೂರ್ಗೆ ಮುಂದಾದಾಗ, ನಮ್ಮನ್ನು ಟ್ರಾಲಿಯಲ್ಲಿ ಕೂರಿಸಿಕೊಂಡು ಫ್ಯಾಕ್ಟರಿಯ ಒಳಗೆ ಕರೆದೊಯ್ದರು.</p>.<p>ಟ್ರಾಲಿಯಲ್ಲಿ ಹೋಗುತ್ತಿದ್ದಾಗ ಆಕಳ ಗೊಂಬೆಗಳು, ಆಕಳಿಂದ ಹಾಲು ಕರೆಯುವ ರೀತಿ, ಕೋಕೊ ಬೀಜವನ್ನು ಸಂಸ್ಕರಿಸುವ ಬಗೆ, ಉತ್ತಮ ಗುಣಮಟ್ಟದ ಸಕ್ಕರೆಯನ್ನು ಬಳಸಿ ತರಹೇವಾರಿ ಚಾಕೊಲೇಟ್ ತಯಾರಿಸುವ ಬಗೆಯನ್ನು ಅತ್ಯಂತ ಆಕರ್ಷಕವಾಗಿ ವಿವರಿಸಿದರು ಕಾರ್ಖಾನೆಯವರು. ಈ ಸುತ್ತಾಟದಲ್ಲಿ ವಿಧ ವಿಧದ ಚಾಕೊಲೇಟ್ಗಳು ಬಗೆಬಗೆಯ ಆಕಾರದಲ್ಲಿ ಬಣ್ಣ ಬಣ್ಣದ ಕಾಗದಗಳನ್ನು ಸುತ್ತಿಕೊಂಡು ಹೊರಬರುವುದು ಕಂಡು ಖುಷಿಯಾಯಿತು. ಚಾಕೊಲೇಟ್ ತಿನ್ನದವರಿಗೂ ಅಲ್ಲಿ, ತಿನ್ನುವ ಆಸೆ ಮೂಡುವುದಂತೂ ಸತ್ಯ. ಈ ಉಚಿತ ಫ್ಯಾಕ್ಟರಿ ಟೂರ್ ಆದ ಮೇಲೆ ಅಲ್ಲಿ, ಉಚಿತವಾಗಿ ಚಾಕೊಲೇಟ್ ತಿನ್ನಲು ಕೊಡುತ್ತಾರೆ.</p>.<p>ಕಾರ್ಖಾನೆಯಲ್ಲಿ ನೂರಾರು ಕಾರ್ಮಿಕರು ಕೆಲಸ ಮಾಡುತ್ತಾರೆ. ಅವರ ಮನರಂಜನೆಯ ಅವಶ್ಯಕತೆಯನ್ನು ಮನಗಂಡು ಫ್ಯಾಕ್ಟರಿಯ ಪಕ್ಕದಲ್ಲಿಯೇ ಹರ್ಶಿಸ್ ಅಮ್ಯೂಸ್ಮೆಂಟ್ ಪಾರ್ಕ್ ತೆರೆದಿದ್ದಾರೆ.</p>.<p>ಇಂತಹ ಅತ್ಯಾಧುನಿಕವಾಗಿರುವ ಈ ಫ್ಯಾಕ್ಟರಿಯನ್ನು ಸ್ಥಾಪಿಸಿದವರು ಮಿಲ್ಟನ್ ಎಸ್. ಹರ್ಶೇ.</p>.<p>ಈ ಫ್ಯಾಕ್ಟರಿಯಲ್ಲಿ ಪ್ರತಿ ದಿನ 10 ಲಕ್ಷದಷ್ಟು ಹರ್ಶಿಸ್ ಕಿಸ್ಸ್ ಎಂಬ ಹೆಸರಿನ ಚಾಕೊಲೇಟ್ ತಯಾರಾಗುತ್ತದೆಯಂತೆ.</p>.<p>ಇದಲ್ಲದೇ ರೀಸೀಸ್, ಕಿಟ್ಕ್ಯಾಟ್, ಮಿಲ್ಕ್ ಚಾಕೊಲೇಟ್, ಕ್ಯಾಂಡಿಗಳು, ಜಾರ್ನಲ್ಲಿ ಚಾಕೊಲೇಟ್ ಸಿರಪ್ಗಳು ತಯಾರಾಗುತ್ತವೆ.</p>.<p>ನೂರಾ ಇಪ್ಪತ್ತೈದು ವರ್ಷಗಳ ಇತಿಹಾಸವಿರುವ ಈ ಚಾಕೊಲೇಟ್ ಪ್ರಪಂಚಕ್ಕೆ ಭೇಟಿನೀಡಿ, ಚಾಕೊಲೇಟ್ ರ್ಯಾಪರ್ ಮೇಲೆ ನಮ್ಮ ಫೋಟೊ ಹಾಕಿಸಿಕೊಂಡೆವು. ಜತೆಗೆ, ಪ್ರೀತಿ ಪಾತ್ರರಿಗಾಗಿ ಚಾಕೊಲೇಟ್ ಖರೀದಿಸಿ ಹೊರಬಿದ್ದಾಗ ಮೈಮನಗಳೂ ಸಹ ಖುಷಿಯಿಂದ ಸಿಹಿಯಾಗುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>