‘ದುನಿಯಾ 2’ ದರ್ಬಾರು

‘ದುನಿಯಾ 2’ ಚಿತ್ರದ ಟೈಟಲ್ಗಾಗಿ ಒಂದೂವರೆ ವರ್ಷ ಕೋರ್ಟ್ ಅಂಗಳ ಸುತ್ತಿದ್ದ ನಿರ್ದೇಶಕ ಚಲ ಅವರ ಮನದಲ್ಲಿ ಸುತ್ತಾಟದ ಕಥೆ ಹೇಳುವ ಉತ್ಸಾಹವಿತ್ತು. ಅದಕ್ಕಾಗಿ ಖುಷಿಯಿಂದಲೇ ಮೈಕ್ ಕೈಗೆತ್ತಿಕೊಂಡರು. ಆದರೆ, ಕಥೆ ಹೇಳಲು ತಡಬಡಾಯಿಸಿದರು.

. ಕೊನೆಗೆ ಸವಾರಿಸಿಕೊಂಡ ಅವರು, ‘ಹಳೆಯ ದುನಿಯಾಕ್ಕೂ ಈ ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ’ ಎಂದರು. ಆದರೆ, ಆ ಚಿತ್ರದ ಮಾದರಿಯಲ್ಲಿಯೇ ಇದರ ಮೇಕಿಂಗ್ ಇರಲಿದೆ ಎಂದು ಹೇಳುವುದನ್ನು ಮರೆಯಲಿಲ್ಲ. ಮಹಾರಾಷ್ಟ್ರದಲ್ಲಿ ನಾಲ್ಕು ದಿನ ಶೂಟಿಂಗ್ ಮುಗಿಸಿಕೊಂಡು ಬಂದಿರುವ ಚಿತ್ರತಂಡ ಈ ಬಗ್ಗೆ ಮಾಹಿತಿ ಹಂಚಿಕೊಳ್ಳಲು ಸುದ್ದಿಗೋಷ್ಠಿ ಕರೆದಿತ್ತು.

. ‘ನಟ ಯೋಗೀಶ್ ಅವರಿಗೆ ಈ ಕಥೆ ಹೇಳಿದ್ದೆ. ಅವರೇ ಚಿತ್ರದ ನಾಯಕರಾಗಬೇಕಿತ್ತು. ನನ್ನ ಕನಸು ಈಡೇರಲಿಲ್ಲ. ಟೈಟಲ್ಗಾಗಿ ಕೋರ್ಟ್ ಮೆಟ್ಟಿಲೇರುವುದು ಅನಿವಾರ್ಯವಾಯಿತು’ ಎಂದರು ಚಲ. ಇದು ಅವರು ನಿರ್ದೇಶನದ ಮೂರನೇ ಚಿತ್ರ. ಯುಗಾದಿ ಹಬ್ಬದ ಬಳಿಕ ಮೈಸೂರು, ಗೋಕರ್ಣ ಮತ್ತು ಬೆಂಗಳೂರಿನಲ್ಲಿ ಚಿತ್ರೀಕರಣ ನಡೆಸಲು ಚಿತ್ರತಂಡ ನಿರ್ಧರಿಸಿದೆ.

. ನಾಯಕ ಗ್ಯಾರೇಜ್ ಕೆಲಸಗಾರ. ನಾಯಕಿ ಗಾರ್ಮೆಂಟ್ ಉದ್ಯೋಗಿ. ಇಬ್ಬರ ಪ್ರೇಮದ ಸುತ್ತ ಕಥೆ ಹೆಣೆಯಲಾಗಿದೆಯಂತೆ. ತಾಯಿ-ಮಗನ ಸೆಂಟಿಮೆಂಟ್ ಜೊತೆಗೆ ಆ್ಯಕ್ಷನ್ ಇರುವ ಸಿನಿಮಾ ಇದು. ಸಿನಿಮಾಗಳಲ್ಲಿ ಸಣ್ಣಪುಟ್ಟ ಪಾತ್ರ ಮಾಡಿರುವ ರಾಜೈ ಈ ಚಿತ್ರದ ಮೂಲಕ ನಾಯಕ ನಟನಾಗಿ ಬಡ್ತಿ ಪಡೆಯುತ್ತಿದ್ದಾರೆ. ‘ನಿರ್ದೇಶಕರು ನನಗೆ ಇನ್ನೂ ಕಥೆ ಹೇಳಿಲ್ಲ. ದೃಶ್ಯಗಳನ್ನಷ್ಟೇ ಹೇಳಿದ್ದಾರೆ’ ಎಂದರು. ಚಿತ್ರದ ಪಾತ್ರಕ್ಕಾಗಿ ಅವರು ಮಾರ್ಷಲ್ ಕಲೆ ಕೂಡ ಕಲಿತಿದ್ದಾರಂತೆ.

. ‘ನಾಗಿಣಿ’ ಧಾರಾವಾಹಿ ಖ್ಯಾತಿಯ ಹರಿಣಿ ಅವರದ್ದು ಚಿತ್ರದಲ್ಲಿ ಅಮ್ಮನ ಪಾತ್ರ. ‘ನನ್ನದು ಭಾವನಾತ್ಮಕ ಪಾತ್ರ. ನಾಯಕನ ಜೊತೆಯಲ್ಲಿಯೇ ನನ್ನ ಪಾತ್ರವೂ ಚಲಿಸುತ್ತಿರುತ್ತದೆ’ ಎಂದ ಅವರು, ಪಾತ್ರದ ಗುಟ್ಟು ಬಿಟ್ಟುಕೊಡಲಿಲ್ಲ.

. ಕೃಷ್ಣರಾಜ್ ಚಿತ್ರಕ್ಕೆ ಆರ್ಥಿಕ ಇಂಧನ ಒದಗಿಸಿದ್ದಾರೆ. ಚಿತ್ರದಲ್ಲಿ ಐದು ಹಾಡುಗಳು ಮತ್ತು ಮೂರು ತುಣುಕುಗಳಿದ್ದು, ಗೌತಮ್ ಶ್ರೀವತ್ಸ ಹಾಗೂ ವಿಕ್ರಂ ವರ್ಮನ್ ಸಂಗೀತ ಸಂಯೋಜಿಸಿದ್ದಾರೆ. ಹರೀಶ್ ಎನ್. ಸೊಂಡೆಕೊಪ್ಪ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ. ಇನ್ನೂ ನಾಯಕಿ ಆಯ್ಕೆ ಅಂತಿಮಗೊಂಡಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ದುನಿಯಾ 2’ ದರ್ಬಾರು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

IND vs SA 4th T20I | ಸೂರ್ಯಕುಮಾರ್ ಯಾದವ್ ಬಳಗಕ್ಕೆ ಸರಣಿ ಜಯ

ಚುರುಮುರಿ | ಬೊಂಬೆ ಆಡ್ಸೋನು...

ಗಿಲ್‌ಗೆ ಗಾಯ, ಮೊದಲ ಟೆಸ್ಟ್‌ಗೆ ಅಲಭ್ಯರಾಗುವ ಸಾಧ್ಯತೆ; ಭಾರತಕ್ಕೆ ಹಿನ್ನಡೆ

ಎರಡನೇ ಮಗುವಿಗೆ ತಂದೆಯಾದ ರೋಹಿತ್; ಪರ್ತ್ ಟೆಸ್ಟ್ ಪಂದ್ಯದಲ್ಲಿ ಆಡುವ ಸಾಧ್ಯತೆ

Baby Boy: ಎರಡನೇ ಮಗುವಿನ ತಂದೆಯಾದ ರೋಹಿತ್ ಶರ್ಮಾ

ಸಂಜು–ತಿಲಕ್ ಆರ್ಭಟಕ್ಕೆ ಹರಿಣಗಳು ಹೈರಾಣ: ದಾಖಲೆಗಳ ಮೇಲೆ ದಾಖಲೆ ಬರೆದ ಭಾರತ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

IND vs SA 4th T20I | ಸೂರ್ಯಕುಮಾರ್ ಯಾದವ್ ಬಳಗಕ್ಕೆ ಸರಣಿ ಜಯ

ಚುರುಮುರಿ | ಬೊಂಬೆ ಆಡ್ಸೋನು...