‘ಎಮಿಸ್ಯಾಟ್‌’ ದಾರಿಗೆ ಬಾಹ್ಯಾಕಾಶ ತ್ಯಾಜ್ಯ ಅಡ್ಡಿ?

ನವದೆಹಲಿ: ಧ್ರುವಗಾಮಿ ಉಡಾವಣಾ ವಾಹನ (ಪಿಎಸ್ಎಲ್ವಿ) ಸೋಮವಾರ ಉಡಾವಣೆಯಾಗಲಿದ್ದು, ಬಾಹ್ಯಾಕಾಶ ತ್ಯಾಜ್ಯದಿಂದ ಇದಕ್ಕೆ ಅಪಾಯ ಎದುರಾಗುವ ಸಾಧ್ಯತೆ ಇದೆಯೇ ಎನ್ನುವ ಪ್ರಶ್ನೆ ಇದೀಗ ವೈಜ್ಞಾನಿಕ ವಲಯದಲ್ಲಿ ಮೂಡಿದೆ.

. ಇಸ್ರೊ ಹಾಗೂ ಡಿಆರ್ಡಿಒ ಜಂಟಿಯಾಗಿ ‘ಎಮಿಸ್ಯಾಟ್’ವನ್ನುಉಪಗ್ರಹ ಉಡಾವಣೆ ಮಾಡುತ್ತಿವೆ.

. ಬಾಹ್ಯಾಕಾಶದಲ್ಲಿರುವ ಉಪಗ್ರಹವನ್ನು ಹೊಡೆದು ಉರುಳಿಸುವ ಉಪಗ್ರಹ ನಿರೋಧಕ ಕ್ಷಿಪಣಿ (ಎ–ಸ್ಯಾಟ್) ಕಳೆದ ವಾರವಷ್ಟೆ ಪರೀಕ್ಷೆ ನಡೆಸಲಾಗಿತ್ತು. ಈ ಕ್ಷಿಪಣಿ ಭೂಮಿಯಿಂದ ಅಂದಾಜು 300 ಕಿ.ಮೀ. ಎತ್ತರದಲ್ಲಿ ಹೊಸ ಬಾಹ್ಯಾಕಾಶ ತ್ಯಾಜ್ಯಗಳನ್ನು ಸೃಷ್ಟಿಸಿದೆ. ಈ ತ್ಯಾಜ್ಯ ಇರುವ ವಲಯವನ್ನು ಹಾದುಕೊಂಡೇ ‘ಎಮಿಸ್ಯಾಟ್’ ಮುಂದೆ ಸಾಗಬೇಕಿದೆ.

. ಇದೀಗ ಈ ತ್ಯಾಜ್ಯದಿಂದ ಉಂಟಾಗಬಹುದಾದ ಅಪಾಯಗಳೇನು ಮತ್ತು ಇವುಗಳನ್ನು ತಗ್ಗಿಸಲು ಇಸ್ರೊ ಯೋಜನೆ ರೂಪಿಸಿಕೊಂಡಿದೆಯೆ ಎನ್ನುವ ಪ್ರಶ್ನೆಗಳು ಎದುರಾಗಿವೆ.

. ‘ಈಗ ಸೃಷ್ಟಿಯಾಗಿರುವ ಬಾಹ್ಯಾಕಾಶ ತ್ಯಾಜ್ಯ,ಮುಂದಿನ ಕೆಲವು ವಾರಗಳ ತನಕವಂತೂ ಇತರೆ ಉಪಗ್ರಹ, ಕ್ಷಿಪಣಿಗಳ ಹಾದಿಯಲ್ಲಿ ಅಡ್ಡ ಬರಬಹುದು’ ಎನ್ನುತ್ತಾರೆ ತಜ್ಞರು.

. ‘ಪ್ರತಿ ಉಪಗ್ರಹ ಉಡಾವಣೆಯಾದಾಗಲೂಸಹಜವಾಗಿಯೇ ಸಣ್ಣ ಬೋಲ್ಟ್ಗಳು, ಉಷ್ಣನಿರೋಧಕ ಕವಚಗಳು ಸೇರಿದಂತೆ 100ರಿಂದ 150 ತ್ಯಾಜ್ಯದ ತುಣುಕುಗಳು ಬಾಹ್ಯಾಕಾಶದಲ್ಲಿ ಸೃಷ್ಟಿಯಾಗುತ್ತವೆ’ಎಂದು ಡಿಆರ್ಡಿಒ ಮಾಜಿ ಮುಖ್ಯಸ್ಥ ಹಾಗೂ ಪ್ರಸ್ತುತ ನೀತಿ ಆಯೋಗದ ಸದಸ್ಯರಾಗಿರುವ ವಿ.ಕೆ. ಸಾರಸ್ವತ್ ಅವರು ವಿವರಿಸಿರುವುದಾಗಿ ಎನ್ಡಿಟಿವಿ ವರದಿ ಮಾಡಿದೆ.

. ‘ಒಮ್ಮೆ ಸೃಷ್ಟಿಯಾಗುವ ಬಾಹ್ಯಾಕಾಶ ತ್ಯಾಜ್ಯ ಅಲ್ಲಿಯೇ ಉಳಿಯುತ್ತವೆ ಸಹ. ಏಕೆಂದರೆ ಒಮ್ಮೆ ವಾಯುಮಂಡಲದಿಂದ ಹೊರಹೋದ ವಸ್ತುಗಳು ವಾಪಸ್ ಬರುವುದಿಲ್ಲ. ಅಲ್ಲದೆ ಉಪಗ್ರಹ ಯಾವ ವೇಗದಲ್ಲಿತ್ತೋ ಅದೇ ವೇಗದಲ್ಲಿ ಆ ತ್ಯಾಜ್ಯಗಳು ಬಾಹ್ಯಾಕಾಶದಲ್ಲಿ ತಿರುಗುತ್ತಿರುತ್ತವೆ. ಆದ್ದರಿಂದ ಯಾವುದೇ ಉಪಗ್ರಹ, ಕ್ಷಿಪಣಿಗಳ ಹಾದಿಯಲ್ಲಿ ಅವು ಅಡ್ಡ ಬರುವ ಸಂಭವ ಇರುತ್ತದೆ. ಸಾಧ್ಯವಾದಷ್ಟೂ ಇಂತಹ ತ್ಯಾಜ್ಯಗಳನ್ನು ನಿವಾರಿಸಲು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಯೋಜನೆ ಕಾರ್ಯರೂಪದಲ್ಲಿದೆ. ಭಾರತ ಸಹ ಇದರಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ’ ಎಂದು ಅವರು ಹೇಳಿದ್ದಾರೆ.

. ‘ಹೆಚ್ಚಿನ ನಿಗಾ’ ‘ಬಾಹ್ಯಾಕಾಶದಲ್ಲಿ ತ್ಯಾಜ್ಯಗಳ ಜತೆಗೆ ಘರ್ಷಣೆ ಉಂಟಾಗುವುದನ್ನು ತಡೆಯಲು ಇಸ್ರೊ ಕೆಲವು ಕ್ರಮಗಳನ್ನು ಅನುಸರಿಸುತ್ತದೆ. ಯಾವುದೇ ಉಪಗ್ರಹ, ಕ್ಷಿಪಣಿ ಉಡಾವಣೆಗೆ ಮೊದಲು, ಬಾಹ್ಯಾಕಾಶ ತ್ಯಾಜ್ಯಗಳ ಕುರಿತು ಗಮನ ವಹಿಸಲಾಗುತ್ತದೆ. ಈ ಬಾರಿ ಇನ್ನೂ ಹೆಚ್ಚಿನ ಮಟ್ಟದಲ್ಲಿ ನಿಗಾ ವಹಿಸಲಾಗುವುದು’ ಎಂದು ಇಸ್ರೊ ಸಹಾಯಕ ವೈಜ್ಞಾನಿಕ ಕಾರ್ಯದರ್ಶಿ ವಿವೇಕ್ ಸಿಂಗ್ ತಿಳಿಸಿದ್ದಾರೆ.

. ಈ ಹಿಂದೆ ಹಲವು ಸಂದರ್ಭಗಳಲ್ಲಿ, ಶ್ರೀಹರಿಕೋಟಾದಿಂದ ರಾಕೆಟ್ ಉಡಾವಣೆಯಾಗುವ ವೇಳೆ, ಬಾಹ್ಯಾಕಾಶ ತ್ಯಾಜ್ಯ ಎದುರಾಗುವುದನ್ನು ಇಸ್ರೊದ ತಂಡ ಪತ್ತೆ ಮಾಡಿತ್ತು. ಉಡಾವಣೆಯನ್ನು ಕೆಲವು ನಿಮಿಷ ಮುಂದೂಡಿ ದಾರಿ ಸುಗಮವಾಗಿರುವುದನ್ನು ಖಾತ್ರಿ ಪಡಿಸಿಕೊಂಡು ಬಳಿಕ ಕ್ಷಿಪಣಿ ಉಡಾಯಿಸಿರುವ ನಿದರ್ಶನಗಳಿವೆ.

. ಪತ್ತೆಗೆ ರೆಡಾರ್ ಬಾಹ್ಯಾಕಾಶ ತ್ಯಾಜ್ಯ ಪತ್ತೆ ಮಾಡುವ ಸಲುವಾಗಿ ಇಸ್ರೊ ಈಚೆಗಷ್ಟೆ ವಿಶೇಷ ರೆಡಾರ್ ಅನ್ನು ಶ್ರೀಹರಿಕೋಟಾದಲ್ಲಿ ಅಳವಡಿಸಿದೆ. ಇದರ ಹೊರತಾಗಿ ಬಾಹ್ಯಾಕಾಶದಲ್ಲಿನ ಪರಿಸ್ಥಿತಿ ಕುರಿತುಅಮೆರಿಕದ ಸೇನಾಪಡೆ ನೀಡುವ ಮಾಹಿತಿಗಳನ್ನು ಸಹ ಭಾರತದ ಬಾಹ್ಯಾಕಾಶ ತಜ್ಞರು ಅವಲಂಬಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಎಮಿಸ್ಯಾಟ್‌’ ದಾರಿಗೆ ಬಾಹ್ಯಾಕಾಶ ತ್ಯಾಜ್ಯ ಅಡ್ಡಿ?

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ರಣಜಿ ಕ್ರಿಕೆಟ್: ಮತ್ತೊಂದು ಗೆಲುವಿಗೆ ಕರ್ನಾಟಕದ ತುಡಿತ

ಪ್ರೊ ಕಬಡ್ಡಿ: ಯು.ಪಿ. ಯೋಧಾಸ್ ವಿರುದ್ಧ ಪ್ಯಾಂಥರ್ಸ್‌ಗೆ ರೋಚಕ ಗೆಲುವು

2036ರ ಒಲಿಂಪಿಕ್ಸ್‌: ಐಒಸಿಗೆ ‘ಆಸಕ್ತಿ ಪತ್ರ’ ಸಲ್ಲಿಸಿದ ಭಾರತ

ನ.24ರಿಂದ ಜೆದ್ದಾದಲ್ಲಿ ಐಪಿಎಲ್ ಮೆಗಾ ಬಿಡ್

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC