<p><strong>ಡಾಕರ್</strong>: ಪಶ್ಚಿಮ ಆಫ್ರಿಕಾದ ಸೆನೆಗಲ್ನಿಂದ ಸ್ಪೇನ್ಗೆ ಮೂರು ದೋಣಿಗಳಲ್ಲಿ ತೆರಳುತ್ತಿದ್ದ ಸುಮಾರು 300 ಮಂದಿ ವಲಸಿಗರು ನಾಪತ್ತೆಯಾಗಿದ್ದಾರೆ ಎಂದು ಸ್ಪ್ಯಾನಿಷ್ನ ರಕ್ಷಣಾ ಪಡೆಯ ಅಧಿಕಾರಿಗಳು ತಿಳಿಸಿದ್ದಾರೆ.</p><p>100 ಪ್ರಯಾಣಿಕರಿದ್ದ ಎರಡು ದೋಣಿಗಳು ಬೌರ್ ನಗರದಿಂದ ಜೂನ್ 23ರಂದು ಹಾಗೂ 200 ಪ್ರಯಾಣಿಕರಿದ್ದ 3ನೇ ದೋಣಿ ಕಫೌಂಟೈನ್ ಪಟ್ಟಣದಿಂದ ಜೂನ್ 27ರಂದು ನಿರ್ಗಮಿಸಿತ್ತು ಎಂದು ಅಧಿಕಾರಿ ಹೆಲೆನಾ ಮಲೆನೊ ಗಾರ್ಜನ್ ಅವರು ತಿಳಿಸಿದ್ದಾರೆ. </p><p>‘ಹಲವರು ಸಮುದ್ರದಲ್ಲಿ ನಾಪತ್ತೆಯಾಗಿದ್ದಾರೆ. ಇವರ ಪತ್ತೆ ಕಾರ್ಯ ಮುಖ್ಯವಾಗಿದೆ. ಇವರುಗಳ ಶೋಧ ಕಾರ್ಯಕ್ಕಾಗಿ ನಮಗೆ ಹೆಚ್ಚಿನ ವಿಮಾನಗಳ ಅಗತ್ಯವಿದೆ’ ಎಂದು ಅವರು ಸುದ್ದಿಸಂಸ್ಥೆಗೆ ತಿಳಿಸಿದರು.</p><p>ಪ್ರಯಾಣ ಆರಂಭಿಸಿದ ನಂತರ ಈ ದೋಣಿಗಳ ಜೊತೆಗಿನ ಸಂಪರ್ಕ ಕಡಿದುಹೋಗಿದೆ. ಈ ಬೆಳವಣಿಗೆಗೆ ಸಂಬಂಧಿಸಿದಂತೆ ಸ್ಪೇನ್ ಮತ್ತು ಸೆನೆಗಲ್ ಆಡಳಿತ ತಕ್ಷಣ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.</p><p>ಅಂಟ್ಲಾಂಟಿಕ್ ಸಮುದ್ರದ ಈ ಮಾರ್ಗವು ವಿಶ್ವದಲ್ಲಿಯೇ ಅತಿ ಅಪಾಯಕಾರಿಯಾದ ಮಾರ್ಗವಾಗಿದೆ. ಪ್ರತಿ ವರ್ಷ ಮೊದಲಾರ್ಧದಲ್ಲಿ ಕನಿಷ್ಠ 800 ಮಂದಿ ನಾಪತ್ತೆಯಾಗುತ್ತಾರೆ ಎಂದು ರಕ್ಷಣಾ ಪಡೆ ‘ವಾಕಿಂಗ್ ವಾರ್ಡರ್ಸ್’ ಪ್ರತಿಕ್ರಿಯಿಸಿದೆ.</p><p>ಇತ್ತೀಚಿನ ವರ್ಷಗಳಲ್ಲಿ ವಲಸಿಗರು ಸ್ಪೇನ್ಗೆ ಕ್ಯಾನರಿ ದ್ವೀಪಗಳ ಮೂಲಕ ಪ್ರಯಾಣಿಸುವುದು ಸಾಮಾನ್ಯವಾಗಿದೆ. 2020ರಲ್ಲಿ ಗರಿಷ್ಠ ಅಂದರೆ ಸುಮಾರು 23 ಸಾವಿರ ವಲಸಿಗರು ದ್ವೀಪವನ್ನು ಪ್ರವೇಶಿಸಿದ್ದರು. ಈ ವರ್ಷ ಮೊದಲ ಆರು ತಿಂಗಳಲ್ಲಿ 7,000ಕ್ಕೂ ಅಧಿಕ ವಲಸಿಗರು ಅಥವಾ ನಿರಾಶ್ರಿತರು ಕ್ಯಾನರಿ ದ್ವೀಪ ಪ್ರದೇಶವನ್ನು ತಲುಪಿದ್ದಾರೆ ಎಂದು ಸ್ಪೇನ್ನ ಗೃಹ ಸಚಿವಾಲಯವು ಪ್ರತಿಕ್ರಿಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಡಾಕರ್</strong>: ಪಶ್ಚಿಮ ಆಫ್ರಿಕಾದ ಸೆನೆಗಲ್ನಿಂದ ಸ್ಪೇನ್ಗೆ ಮೂರು ದೋಣಿಗಳಲ್ಲಿ ತೆರಳುತ್ತಿದ್ದ ಸುಮಾರು 300 ಮಂದಿ ವಲಸಿಗರು ನಾಪತ್ತೆಯಾಗಿದ್ದಾರೆ ಎಂದು ಸ್ಪ್ಯಾನಿಷ್ನ ರಕ್ಷಣಾ ಪಡೆಯ ಅಧಿಕಾರಿಗಳು ತಿಳಿಸಿದ್ದಾರೆ.</p><p>100 ಪ್ರಯಾಣಿಕರಿದ್ದ ಎರಡು ದೋಣಿಗಳು ಬೌರ್ ನಗರದಿಂದ ಜೂನ್ 23ರಂದು ಹಾಗೂ 200 ಪ್ರಯಾಣಿಕರಿದ್ದ 3ನೇ ದೋಣಿ ಕಫೌಂಟೈನ್ ಪಟ್ಟಣದಿಂದ ಜೂನ್ 27ರಂದು ನಿರ್ಗಮಿಸಿತ್ತು ಎಂದು ಅಧಿಕಾರಿ ಹೆಲೆನಾ ಮಲೆನೊ ಗಾರ್ಜನ್ ಅವರು ತಿಳಿಸಿದ್ದಾರೆ. </p><p>‘ಹಲವರು ಸಮುದ್ರದಲ್ಲಿ ನಾಪತ್ತೆಯಾಗಿದ್ದಾರೆ. ಇವರ ಪತ್ತೆ ಕಾರ್ಯ ಮುಖ್ಯವಾಗಿದೆ. ಇವರುಗಳ ಶೋಧ ಕಾರ್ಯಕ್ಕಾಗಿ ನಮಗೆ ಹೆಚ್ಚಿನ ವಿಮಾನಗಳ ಅಗತ್ಯವಿದೆ’ ಎಂದು ಅವರು ಸುದ್ದಿಸಂಸ್ಥೆಗೆ ತಿಳಿಸಿದರು.</p><p>ಪ್ರಯಾಣ ಆರಂಭಿಸಿದ ನಂತರ ಈ ದೋಣಿಗಳ ಜೊತೆಗಿನ ಸಂಪರ್ಕ ಕಡಿದುಹೋಗಿದೆ. ಈ ಬೆಳವಣಿಗೆಗೆ ಸಂಬಂಧಿಸಿದಂತೆ ಸ್ಪೇನ್ ಮತ್ತು ಸೆನೆಗಲ್ ಆಡಳಿತ ತಕ್ಷಣ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.</p><p>ಅಂಟ್ಲಾಂಟಿಕ್ ಸಮುದ್ರದ ಈ ಮಾರ್ಗವು ವಿಶ್ವದಲ್ಲಿಯೇ ಅತಿ ಅಪಾಯಕಾರಿಯಾದ ಮಾರ್ಗವಾಗಿದೆ. ಪ್ರತಿ ವರ್ಷ ಮೊದಲಾರ್ಧದಲ್ಲಿ ಕನಿಷ್ಠ 800 ಮಂದಿ ನಾಪತ್ತೆಯಾಗುತ್ತಾರೆ ಎಂದು ರಕ್ಷಣಾ ಪಡೆ ‘ವಾಕಿಂಗ್ ವಾರ್ಡರ್ಸ್’ ಪ್ರತಿಕ್ರಿಯಿಸಿದೆ.</p><p>ಇತ್ತೀಚಿನ ವರ್ಷಗಳಲ್ಲಿ ವಲಸಿಗರು ಸ್ಪೇನ್ಗೆ ಕ್ಯಾನರಿ ದ್ವೀಪಗಳ ಮೂಲಕ ಪ್ರಯಾಣಿಸುವುದು ಸಾಮಾನ್ಯವಾಗಿದೆ. 2020ರಲ್ಲಿ ಗರಿಷ್ಠ ಅಂದರೆ ಸುಮಾರು 23 ಸಾವಿರ ವಲಸಿಗರು ದ್ವೀಪವನ್ನು ಪ್ರವೇಶಿಸಿದ್ದರು. ಈ ವರ್ಷ ಮೊದಲ ಆರು ತಿಂಗಳಲ್ಲಿ 7,000ಕ್ಕೂ ಅಧಿಕ ವಲಸಿಗರು ಅಥವಾ ನಿರಾಶ್ರಿತರು ಕ್ಯಾನರಿ ದ್ವೀಪ ಪ್ರದೇಶವನ್ನು ತಲುಪಿದ್ದಾರೆ ಎಂದು ಸ್ಪೇನ್ನ ಗೃಹ ಸಚಿವಾಲಯವು ಪ್ರತಿಕ್ರಿಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
