ಹೋಳಿ ಹೆಸರಿನಲ್ಲಿ ಭಾರತ್‌ ಮ್ಯಾಟ್ರಿಮೋನಿ ವಿವಾದಾತ್ಮಕ ಜಾಹೀರಾತು

ಬೆಂಗಳೂರು : ಹೋಳಿ ಹಬ್ಬದಲ್ಲಿ ಬಣ್ಣ ಎರಚುವ ನೆಪದಲ್ಲಿ ಮಹಿಳೆಯರಿಗೆ ಕಿರುಕುಳ ನೀಡಲಾಗುತ್ತಿದೆ ಎಂಬ ಅರ್ಥ ನೀಡುವ ಭಾರತ್ ಮ್ಯಾಟ್ರಿಮೋನಿ ಕಂಪನಿಯ ಇತ್ತೀಚಿನ ವಿಡಿಯೊ ಜಾಹೀರಾತು ವಿವಾದಕ್ಕೆ ಒಳಗಾಗಿದೆ.

. ಈ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಪರ–ವಿರೋಧದ ಚರ್ಚೆಗಳು ಆರಂಭವಾಗಿವೆ.

. ಭಾರತ್ ಮ್ಯಾಟ್ರಿಮೋನಿಯ 75 ಸೆಕೆಂಡ್ನ ವಿಡಿಯೊದಲ್ಲಿ ಯುವತಿಯೊಬ್ಬರು ಬಣ್ಣ ಆಡಿ ಬಂದು ಸಿಂಕ್ನಲ್ಲಿ ಮುಖ ತೊಳೆಯುತ್ತಾರೆ. ಈ ವೇಳೆ ಅವರ ಬಣ್ಣ ಕಳಚಿ, ಕಣ್ಣು ಉಬ್ಬಿಕೊಂಡಿರುತ್ತೆ. ಹಾಗೂ ಮೂಗು ಮತ್ತು ಗಲ್ಲದ ಮೇಲೆ ತರಚಿದ ಗಾಯಗಳು ಕಾಣಿಸಿಕೊಳ್ಳುತ್ತವೆ. ಅವರು ಒಂದು ರೀತಿ ನೋವಿನ ಭಾವನೆ ವ್ಯಕ್ತಪಡಿಸುತ್ತಾರೆ.

. ‘ಕೆಲವು ಬಣ್ಣಗಳು ಸುಲಭವಾಗಿ ಮಾಸಿ ಹೋಗುವುದಿಲ್ಲ. ಹೋಳಿ ಸಂದರ್ಭದಲ್ಲಿ ಮಾಡುವ ಕಿರುಕುಳ ಮಹಿಳೆಯರಿಗೆ ಆಘಾತ ತರುತ್ತಿವೆ. ಇಂದು ಪ್ರತಿ ಮೂವರಲ್ಲಿ ಒಬ್ಬ ಮಹಿಳೆ ಈ ತೊಂದರೆ ಅನುಭವಿಸುತ್ತಾಳೆ ಮತ್ತು ಹೋಳಿ ಆಚರಿಸುವುದನ್ನು ನಿಲ್ಲಿಸಿದ್ದಾರೆ. ಈ ಹೋಳಿ ಹಬ್ಬದಂದು ಮಹಿಳೆಯರ ದಿನ ಆಚರಿಸೋಣ’ ಎಂದು ವಿಡಿಯೊದಲ್ಲಿ ಒಕ್ಕಣಿಕೆ ಹಾಕಲಾಗಿದೆ. ಮತ್ತು ಇದೇ ವಿಚಾರವನ್ನು ಟ್ವೀಟ್ ಕೂಡ ಮಾಡಲಾಗಿದೆ.

. ಈ ವಿಡಿಯೊಕ್ಕೆ ಹಲವರು ವಿರೋಧ ವ್ಯಕ್ತಪಡಿಸಿದ್ದು, ‘ಇದು ಹಿಂದೂ ವಿರೋಧಿ ಜಾಹೀರಾತು’ ಎಂದು ಆರೋಪಿಸಿದ್ದಾರೆ. ‘ಹಿಂದೂಗಳ ಹಬ್ಬವನ್ನು ಮಹಿಳೆಯರಿಗೆ ಕಿರುಕುಳ ಎಂಬ ಸಮಾನ ಅರ್ಥದಲ್ಲಿ ಬಳಸಿರುವ ನಿಮಗೆ ದಿಕ್ಕಾರ’ ಎಂದು ಹೇಳಿದ್ದಾರೆ.

. ಹಿಂದೂ ಹಬ್ಬದ ಹೆಸರಿನಲ್ಲಿ ಸಾಮಾಜಿಕ ಜಾಗೃತಿ ಎಂದು ಜಾಹೀರಾತು ಹಾಕುವುದಕ್ಕೆ ನಿಮಗೇಷ್ಟು ಧೈರ್ಯ? ಎಂದು ಕಿಡಿಕಾರಿದ್ದಾರೆ. #BoycottBharatMatrimony ಎಂದು ಟ್ವೀಟ್ ಅಭಿಯಾನ ಆರಂಭಿಸಿದ್ದಾರೆ.

. ಆಕಾಶ್ ಎನ್ನುವ ವ್ಯಕ್ತಿ ಈ ಜಾಹೀರಾತಿಗೆ ವಿರೋಧ ವ್ಯಕ್ತಪಡಿಸಿ, ‘ನಾನು ಜೀವನಪೂರ್ತಿ ಸಿಂಗಲ್ ಇರುತ್ತೇನೆ ಹೊರತು, ನಿಮ್ಮ ಭಾರತ್ ಮ್ಯಾಟ್ರಿಮೋನಿಯಲ್ಲಿ ಮದುವೆಗೆ ಹೆಸರು ನೋಂದಾಯಿಸುವುದಿಲ್ಲ’ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

. ‘ಹೋಳಿ ಹಬ್ಬದ ಹೆಸರಲ್ಲಿ ಹಿಂದೂ ಮಹಿಳೆಯರ ಮೇಲಿನ ಲೈಂಗಿಕ ದೌರ್ಜನ್ಯಗಳನ್ನು ಈ ಜಾಹೀರಾತಿನಲ್ಲಿ ಬಹಳ ವಿವರವಾಗಿ ಹೇಳಲಾಗಿದೆ’ ಎಂದು ಜಾಹೀರಾತಿಗೆ ಬೆಂಬಲ ಸೂಚಿಸಿ ಇನ್ನೂ ಕೆಲವರು ಟ್ವೀಟ್ ಮಾಡಿದ್ದಾರೆ.

. ಭಾರತ್ ಮ್ಯಾಟ್ರಿಮೋನಿ ವಧು–ವರರನ್ನು ಅನ್ವೇಸಿಸಲು ಇರುವ ಭಾರತದ ಒಂದು ಪ್ರಮುಖ ಆನ್ಲೈನ್ ತಾಣವಾಗಿದೆ. ತಮಿಳುನಾಡಿನ ಮುರುಗವೇಲು ಜಾನಕಿರಾಮನ್ ಅವರು ಭಾರತ್ ಮ್ಯಾಟ್ರಿಮೋನಿ ಕಂಪನಿಯ ಸ್ಥಾಪಕರು ಮತ್ತು ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ.

. ‘ಬೊಟ್ಟು ಯಾಕಿಟ್ಟಿಲ್ಲ’ ಎಂದಿದ್ದ ಕೋಲಾರ ಸಂಸದ ಮುನಿಸ್ವಾಮಿ ವಿರುದ್ಧ ಪ್ರತಿಭಟನೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೋಳಿ ಹೆಸರಿನಲ್ಲಿ ಭಾರತ್‌ ಮ್ಯಾಟ್ರಿಮೋನಿ ವಿವಾದಾತ್ಮಕ ಜಾಹೀರಾತು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಚುರುಮುರಿ: ಎಲೆಕ್ಷನ್‌ ಹರಾಜು!

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಚುರುಮುರಿ: ಎಲೆಕ್ಷನ್‌ ಹರಾಜು!