<p class="title"><strong>ನವದೆಹಲಿ (ಪಿಟಿಐ):</strong> ನೌಕಾಪಡೆಯ ರಹಸ್ಯ ಮಾಹಿತಿ ಸೋರಿಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿವೃತ್ತ ಕ್ಯಾಪ್ಟನ್ ಸಲಾಂ ಸಿಂಗ್ ರಾಥೋಡ್ಗೆ ದೆಹಲಿ ನ್ಯಾಯಾಲಯ ಬುಧವಾರ ಏಳು ವರ್ಷ ಕಠಿಣ ಕಾರಾಗೃಹ ಶಿಕ್ಷೆ ವಿಧಿಸಿ ಆದೇಶಿಸಿದೆ.</p>.<p class="title">2006ರಲ್ಲಿ ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ಮಾಹಿತಿ ಸೋರಿಕೆ ಮಾಡಿದ ಅಪರಾಧಕ್ಕೆ ಸಲಾಂ ಸಿಂಗ್ ಈ ಶಿಕ್ಷೆಗೆ ಗುರಿಯಾಗಿದ್ದಾರೆ.</p>.<p class="title">ಸಿಬಿಐ ವಿಶೇಷ ನ್ಯಾಯಾಧೀಶ ಎಸ್.ಕೆ. ಅಗರ್ವಾಲ್ ಈ ಆದೇಶ ನೀಡಿದ್ದು, ‘ರಕ್ಷಣಾ ಇಲಾಖೆಗೆ ಸಂಬಂಧಿಸಿದ ದಾಖಲೆಗಳನ್ನು ಸಲಾಂಸಿಂಗ್ ಅಕ್ರಮವಾಗಿ ತಮ್ಮ ಬಳಿ ಇಟ್ಟುಕೊಂಡಿದ್ದರು. ಈ ದಾಖಲೆಗಳು ಪ್ರತ್ಯಕ್ಷವಾಗಿ ಅಥವಾ ಪರೋಕ್ಷವಾಗಿ ಶತ್ರು ರಾಷ್ಟ್ರಗಳಿಗೆ ಅನುಕೂಲ ಒದಗಿಸುವಂಥವುಗಳಾಗಿವೆ’ ಎಂದು ಹೇಳಿದ್ದಾರೆ.</p>.<p class="title">ಅಧಿಕಾರಿಯಾಗಿರುವ ಕಾರಣ ಕಾನೂನುಬದ್ಧತೆಯಡಿ ಶಿಕ್ಷೆಯಿಂದ ಸಲಾಂಸಿಂಗ್ ವಿನಾಯ್ತಿ ಕೋರಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿರುವ ನ್ಯಾಯಾಲಯ, ‘ಕಾನೂನುಬದ್ಧತೆಯಡಿ ಯಾವುದೇ ವಿನಾಯ್ತಿ ನೀಡಲು ಸಾಧ್ಯವಿಲ್ಲ. ನೀವು ಮಾಡಿರುವ ಕೃತ್ಯ ಸಮಾಜಕ್ಕೆ ಎಸಗಿದ ದ್ರೋಹ ಮಾತ್ರವಲ್ಲ. ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದಂತೆ ಎಸಗಿದ ಅಪರಾಧ’ ಎಂದು ಹೇಳಿದೆ.</p>.<p class="title">‘ರಕ್ಷಣಾ ಅಧಿಕಾರಿಯಾಗಿ ದೇಶದ ಏಕತೆ, ಭದ್ರತೆಗೆ ಜೀವ ಮುಡಿಪಾಗಿಡುವುದು ಮೂಲ ಕರ್ತವ್ಯ. ಆದರೆ, ನೀವು ಇದಕ್ಕೆ ವಿರುದ್ಧವಾಗಿ ನಡೆದುಕೊಂಡಿದ್ದೀರಿ’ ಎಂದು ನ್ಯಾಯಾಧೀಶರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.</p>.<p class="title">ಪ್ರತ್ಯೇಕ ದೋಷಾರೋಪ ಪಟ್ಟಿ ಸಲ್ಲಿಸಿದ್ದ ಸಿಬಿಐ, ‘ಸಲಾಂಸಿಂಗ್ ಅವರಿಂದ 7 ಸಾವಿರ ಪುಟಗಳ 17 ದಾಖಲೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇವುಗಳಲ್ಲಿ 9 ದಾಖಲೆಗಳು ರಹಸ್ಯವಾದವುಗಳಾಗಿದ್ದರೆ, ನಾಲ್ಕು ನಿರ್ಬಂಧಿತ ಮತ್ತು ಒಂದು ಗೋಪ್ಯ ದಾಖಲೆಯಾಗಿದೆ’ ಎಂದು ಹೇಳಿದ್ದಲ್ಲದೆ, ಸಿಂಗ್ಗೆ 14 ವರ್ಷ ಶಿಕ್ಷೆಯಾಗಬೇಕು ಎಂದು ಒತ್ತಾಯಿಸಿತ್ತು.</p>.<p class="title">ನೌಕಾಪಡೆ ಮಾಜಿ ಲೆಫ್ಟಿನೆಂಟ್ ಕುಲಭೂಷಣ ಪರಾಶರ, ಮಾಜಿ ಕಮಾಂಡರ್ ವಿಜೇಂದರ್ ರಾಣಾ, ನೌಕಾಪಡೆ ಉಚ್ಛಾಟಿತ ಕಮಾಂಡರ್ ವಿ.ಕೆ. ಝಾ, ಮಾಜಿ ವಿಂಗ್ ಕಮಾಂಡರ್ ಸಂಭಾ ಜೀ ಲಾ ಸುರ್ವೆ ಮತ್ತು ದೆಹಲಿಯ ಉದ್ಯಮಿ, ಶಸ್ತ್ರಾಸ್ತ್ರ ವ್ಯಾಪಾರಿ ಅಭಿಷೇಕ ವರ್ಮಾ ಕೂಡ ಈ ಪ್ರಕರಣದಲ್ಲಿ ಆರೋಪಿಗಳಾಗಿದ್ದು, ಸದ್ಯ ಜಾಮೀನಿನ ಮೇಲಿದ್ದಾರೆ.</p>.<p class="title">ಪ್ರಕರಣದ ಮತ್ತೊಬ್ಬ ಆರೋಪಿಯಾಗಿದ್ದ ನಿವೃತ್ತ ಕಮಾಂಡರ್ ಜರ್ನೈಲ್ ಸಿಂಗ್ ಕಲ್ರಾ ಅವರನ್ನು ಖುಲಾಸೆಗೊಳಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ನವದೆಹಲಿ (ಪಿಟಿಐ):</strong> ನೌಕಾಪಡೆಯ ರಹಸ್ಯ ಮಾಹಿತಿ ಸೋರಿಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿವೃತ್ತ ಕ್ಯಾಪ್ಟನ್ ಸಲಾಂ ಸಿಂಗ್ ರಾಥೋಡ್ಗೆ ದೆಹಲಿ ನ್ಯಾಯಾಲಯ ಬುಧವಾರ ಏಳು ವರ್ಷ ಕಠಿಣ ಕಾರಾಗೃಹ ಶಿಕ್ಷೆ ವಿಧಿಸಿ ಆದೇಶಿಸಿದೆ.</p>.<p class="title">2006ರಲ್ಲಿ ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ಮಾಹಿತಿ ಸೋರಿಕೆ ಮಾಡಿದ ಅಪರಾಧಕ್ಕೆ ಸಲಾಂ ಸಿಂಗ್ ಈ ಶಿಕ್ಷೆಗೆ ಗುರಿಯಾಗಿದ್ದಾರೆ.</p>.<p class="title">ಸಿಬಿಐ ವಿಶೇಷ ನ್ಯಾಯಾಧೀಶ ಎಸ್.ಕೆ. ಅಗರ್ವಾಲ್ ಈ ಆದೇಶ ನೀಡಿದ್ದು, ‘ರಕ್ಷಣಾ ಇಲಾಖೆಗೆ ಸಂಬಂಧಿಸಿದ ದಾಖಲೆಗಳನ್ನು ಸಲಾಂಸಿಂಗ್ ಅಕ್ರಮವಾಗಿ ತಮ್ಮ ಬಳಿ ಇಟ್ಟುಕೊಂಡಿದ್ದರು. ಈ ದಾಖಲೆಗಳು ಪ್ರತ್ಯಕ್ಷವಾಗಿ ಅಥವಾ ಪರೋಕ್ಷವಾಗಿ ಶತ್ರು ರಾಷ್ಟ್ರಗಳಿಗೆ ಅನುಕೂಲ ಒದಗಿಸುವಂಥವುಗಳಾಗಿವೆ’ ಎಂದು ಹೇಳಿದ್ದಾರೆ.</p>.<p class="title">ಅಧಿಕಾರಿಯಾಗಿರುವ ಕಾರಣ ಕಾನೂನುಬದ್ಧತೆಯಡಿ ಶಿಕ್ಷೆಯಿಂದ ಸಲಾಂಸಿಂಗ್ ವಿನಾಯ್ತಿ ಕೋರಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿರುವ ನ್ಯಾಯಾಲಯ, ‘ಕಾನೂನುಬದ್ಧತೆಯಡಿ ಯಾವುದೇ ವಿನಾಯ್ತಿ ನೀಡಲು ಸಾಧ್ಯವಿಲ್ಲ. ನೀವು ಮಾಡಿರುವ ಕೃತ್ಯ ಸಮಾಜಕ್ಕೆ ಎಸಗಿದ ದ್ರೋಹ ಮಾತ್ರವಲ್ಲ. ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದಂತೆ ಎಸಗಿದ ಅಪರಾಧ’ ಎಂದು ಹೇಳಿದೆ.</p>.<p class="title">‘ರಕ್ಷಣಾ ಅಧಿಕಾರಿಯಾಗಿ ದೇಶದ ಏಕತೆ, ಭದ್ರತೆಗೆ ಜೀವ ಮುಡಿಪಾಗಿಡುವುದು ಮೂಲ ಕರ್ತವ್ಯ. ಆದರೆ, ನೀವು ಇದಕ್ಕೆ ವಿರುದ್ಧವಾಗಿ ನಡೆದುಕೊಂಡಿದ್ದೀರಿ’ ಎಂದು ನ್ಯಾಯಾಧೀಶರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.</p>.<p class="title">ಪ್ರತ್ಯೇಕ ದೋಷಾರೋಪ ಪಟ್ಟಿ ಸಲ್ಲಿಸಿದ್ದ ಸಿಬಿಐ, ‘ಸಲಾಂಸಿಂಗ್ ಅವರಿಂದ 7 ಸಾವಿರ ಪುಟಗಳ 17 ದಾಖಲೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇವುಗಳಲ್ಲಿ 9 ದಾಖಲೆಗಳು ರಹಸ್ಯವಾದವುಗಳಾಗಿದ್ದರೆ, ನಾಲ್ಕು ನಿರ್ಬಂಧಿತ ಮತ್ತು ಒಂದು ಗೋಪ್ಯ ದಾಖಲೆಯಾಗಿದೆ’ ಎಂದು ಹೇಳಿದ್ದಲ್ಲದೆ, ಸಿಂಗ್ಗೆ 14 ವರ್ಷ ಶಿಕ್ಷೆಯಾಗಬೇಕು ಎಂದು ಒತ್ತಾಯಿಸಿತ್ತು.</p>.<p class="title">ನೌಕಾಪಡೆ ಮಾಜಿ ಲೆಫ್ಟಿನೆಂಟ್ ಕುಲಭೂಷಣ ಪರಾಶರ, ಮಾಜಿ ಕಮಾಂಡರ್ ವಿಜೇಂದರ್ ರಾಣಾ, ನೌಕಾಪಡೆ ಉಚ್ಛಾಟಿತ ಕಮಾಂಡರ್ ವಿ.ಕೆ. ಝಾ, ಮಾಜಿ ವಿಂಗ್ ಕಮಾಂಡರ್ ಸಂಭಾ ಜೀ ಲಾ ಸುರ್ವೆ ಮತ್ತು ದೆಹಲಿಯ ಉದ್ಯಮಿ, ಶಸ್ತ್ರಾಸ್ತ್ರ ವ್ಯಾಪಾರಿ ಅಭಿಷೇಕ ವರ್ಮಾ ಕೂಡ ಈ ಪ್ರಕರಣದಲ್ಲಿ ಆರೋಪಿಗಳಾಗಿದ್ದು, ಸದ್ಯ ಜಾಮೀನಿನ ಮೇಲಿದ್ದಾರೆ.</p>.<p class="title">ಪ್ರಕರಣದ ಮತ್ತೊಬ್ಬ ಆರೋಪಿಯಾಗಿದ್ದ ನಿವೃತ್ತ ಕಮಾಂಡರ್ ಜರ್ನೈಲ್ ಸಿಂಗ್ ಕಲ್ರಾ ಅವರನ್ನು ಖುಲಾಸೆಗೊಳಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
