<p><strong>ನವದೆಹಲಿ:</strong> ಸುಮಾರು 20 ಲಕ್ಷ ಚಂದಾದಾರರಿಗೆ ಸುಳ್ಳು ಸುದ್ದಿಗಳನ್ನು ಹರಡುತ್ತಿರುವ ಆರು ಯೂಟ್ಯೂಬ್ ಚಾನೆಲ್ಗಳ ಮೇಲೆ ಸರ್ಕಾರ ಗುರುವಾರ ಕಠಿಣ ಕ್ರಮ ಕೈಗೊಂಡಿದೆ.</p>.<p>ಆರು ಚಾನೆಲ್ಗಳು ಸಂಘಟಿತ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತಿವೆ, ಅವುಗಳು ಸುಳ್ಳು ಮಾಹಿತಿಯನ್ನು ಹರಡುತ್ತಿವೆ, ಅವುಗಳಲ್ಲಿನ ವಿಡಿಯೊಗಳು 51 ಕೋಟಿಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿವೆ ಎಂದು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಮಾಧ್ಯಮ ಮಾಹಿತಿ ಬ್ಯೂರೋದ (PIB) ‘ಫ್ಯಾಕ್ಟ್ ಚೆಕ್’ ಘಟಕ ತಿಳಿಸಿದೆ.</p>.<p>ಈ ಯೂಟ್ಯೂಬ್ ಚಾನೆಲ್ಗಳು ಚುನಾವಣೆ, ಸುಪ್ರೀಂ ಕೋರ್ಟ್ ಮತ್ತು ಸಂಸತ್ತಿನಲ್ಲಿನ ಕಲಾಪಗಳು ಮತ್ತು ಸರ್ಕಾರದ ಕಾರ್ಯವೈಖರಿಯ ಬಗ್ಗೆ ಸುಳ್ಳು ಸುದ್ದಿಗಳನ್ನು ಹರಡುತ್ತಿರುವುದು ಕಂಡುಬಂದಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.</p>.<p><strong>ಸರ್ಕಾರ ಪಟ್ಟಿ ಮಾಡಿರುವ ಯೂಟ್ಯೂಬ್ ಚಾನೆಲ್ಗಳು</strong></p>.<p>–ನೇಷನ್ ಟಿವಿ – 5.57 ಲಕ್ಷಕ್ಕೂ ಹೆಚ್ಚು ಚಂದಾದಾರರು<br />–ಸಂವಾದ್ ಟಿವಿ – 10.9 ಲಕ್ಷ ಚಂದಾದಾರರು<br />–ಸರೋಕರ್ ಭಾರತ್ – 21,100 ಚಂದಾದಾರರು<br />–ನೇಷನ್ 24 – 25,400 ಚಂದಾದಾರರು<br />–ಸ್ವರ್ಣಿಮ್ ಭಾರತ್ – 6,070 ಚಂದಾದಾರರು<br />–ಸಂವಾದ್ ಸಮಾಚಾರ್– 3.48 ಲಕ್ಷ ಚಂದಾದಾರರು</p>.<p>ಪಿಐಬಿಯ ಫ್ಯಾಕ್ಟ್ ಚೆಕ್ ಘಟಕದ ಪರಿಶೀಲನೆ ನಂತರ, ‘ಸಂವಾದ್ ಸಮಾಚಾರ್’, ‘ಸಂವಾದ್ ಟಿವಿ’ ಮತ್ತು ‘ನೇಷನ್ ಚಾನೆಲ್’ಗಳು ತಮ್ಮ ಹೆಸರುಗಳನ್ನು ಕ್ರಮವಾಗಿ ‘ಇನ್ಸೈಡ್ ಇಂಡಿಯಾ’, ‘ಇನ್ಸೈಡ್ ಭಾರತ್’ ಮತ್ತು ‘ನೇಷನ್ ವೀಕ್ಲಿ’ ಎಂದು ಬದಲಾಯಿಸಿಕೊಂಡಿವೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p>ಚಾನೆಲ್ಗಳಲ್ಲಿನ ವಿಡಿಯೊಗಳಲ್ಲಿ ವಿದ್ಯುನ್ಮಾನ ಮತಯಂತ್ರಗಳ ಮೇಲಿನ ನಿಷೇಧದ ಬಗ್ಗೆ ಸುಳ್ಳು ಸುದ್ದಿಗಳನ್ನು ಹರಡಲಾಗಿದೆ. ರಾಷ್ಟ್ರಪತಿ, ಭಾರತದ ಮುಖ್ಯ ನ್ಯಾಯಮೂರ್ತಿ ಸೇರಿದಂತೆ ಸಾಂವಿಧಾನಿಕ ಹುದ್ದೆಗಳಲ್ಲಿರುವ ಹಲವರಿಗೆ ಸಂಬಂಧಿಸಿದ ಸುಳ್ಳು ಹೇಳಿಕೆಗಳನ್ನು ಬಿತ್ತರಿಸಲಾಗಿದೆ.</p>.<p>ವೀಕ್ಷಕರನ್ನು ಸೆಳೆಯಲು ಮತ್ತು ಪ್ರಕಟಿತ ವಿಡಿಯೊಗಳಿಂದ ಹೆಚ್ಚು ಹಣಗಳಿಸಲು ಚಾನೆಲ್ಗಳು ನಕಲಿ ಸುದ್ದಿ, ಕ್ಲಿಕ್ಬೈಟ್ (ಕ್ಲಿಕ್ ಮಾಡಲೆಂದೇ ಹಾಕಲಾಗವ ಅತಿರಂಜನೀಯ ಶೀರ್ಷಿಕೆಗಳು) ಮತ್ತು ಅತ್ಯಾಕರ್ಷಕ ಥಂಬ್ನೇಲ್ಗಳು ಮತ್ತು ಟಿವಿ ಚಾನೆಲ್ಗಳ ಸುದ್ದಿ ನಿರೂಪಕರ ಚಿತ್ರಗಳನ್ನು ಬಳಸಿವೆ ಎಂದು ಪಿಐಬಿ ಹೇಳಿದೆ.</p>.<p>ಪಿಐಬಿಯ ಫ್ಯಾಕ್ಟ್ಚೆಕ್ ಘಟಕ ಎರಡನೇ ಬಾರಿಗೆ ಇಂಥ ಚಾನೆಲ್ಗಳನ್ನು ಪತ್ತೆ ಮಾಡಿದೆ.</p>.<p>ಕಳೆದ ತಿಂಗಳು, ನಕಲಿ ಸುದ್ದಿಗಳನ್ನು ಹರಡುತ್ತಿದ್ದ ಮೂರು ಚಾನೆಲ್ಗಳನ್ನು ಪಿಐಬಿ ಬಹಿರಂಗಪಡಿಸಿತ್ತು. ಅವುಗಳನ್ನು ನಿರ್ಬಂಧಿಸಲು ಯೂಟ್ಯೂಬ್ಗೆ ಸೂಚನೆ ನೀಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಸುಮಾರು 20 ಲಕ್ಷ ಚಂದಾದಾರರಿಗೆ ಸುಳ್ಳು ಸುದ್ದಿಗಳನ್ನು ಹರಡುತ್ತಿರುವ ಆರು ಯೂಟ್ಯೂಬ್ ಚಾನೆಲ್ಗಳ ಮೇಲೆ ಸರ್ಕಾರ ಗುರುವಾರ ಕಠಿಣ ಕ್ರಮ ಕೈಗೊಂಡಿದೆ.</p>.<p>ಆರು ಚಾನೆಲ್ಗಳು ಸಂಘಟಿತ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತಿವೆ, ಅವುಗಳು ಸುಳ್ಳು ಮಾಹಿತಿಯನ್ನು ಹರಡುತ್ತಿವೆ, ಅವುಗಳಲ್ಲಿನ ವಿಡಿಯೊಗಳು 51 ಕೋಟಿಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿವೆ ಎಂದು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಮಾಧ್ಯಮ ಮಾಹಿತಿ ಬ್ಯೂರೋದ (PIB) ‘ಫ್ಯಾಕ್ಟ್ ಚೆಕ್’ ಘಟಕ ತಿಳಿಸಿದೆ.</p>.<p>ಈ ಯೂಟ್ಯೂಬ್ ಚಾನೆಲ್ಗಳು ಚುನಾವಣೆ, ಸುಪ್ರೀಂ ಕೋರ್ಟ್ ಮತ್ತು ಸಂಸತ್ತಿನಲ್ಲಿನ ಕಲಾಪಗಳು ಮತ್ತು ಸರ್ಕಾರದ ಕಾರ್ಯವೈಖರಿಯ ಬಗ್ಗೆ ಸುಳ್ಳು ಸುದ್ದಿಗಳನ್ನು ಹರಡುತ್ತಿರುವುದು ಕಂಡುಬಂದಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.</p>.<p><strong>ಸರ್ಕಾರ ಪಟ್ಟಿ ಮಾಡಿರುವ ಯೂಟ್ಯೂಬ್ ಚಾನೆಲ್ಗಳು</strong></p>.<p>–ನೇಷನ್ ಟಿವಿ – 5.57 ಲಕ್ಷಕ್ಕೂ ಹೆಚ್ಚು ಚಂದಾದಾರರು<br />–ಸಂವಾದ್ ಟಿವಿ – 10.9 ಲಕ್ಷ ಚಂದಾದಾರರು<br />–ಸರೋಕರ್ ಭಾರತ್ – 21,100 ಚಂದಾದಾರರು<br />–ನೇಷನ್ 24 – 25,400 ಚಂದಾದಾರರು<br />–ಸ್ವರ್ಣಿಮ್ ಭಾರತ್ – 6,070 ಚಂದಾದಾರರು<br />–ಸಂವಾದ್ ಸಮಾಚಾರ್– 3.48 ಲಕ್ಷ ಚಂದಾದಾರರು</p>.<p>ಪಿಐಬಿಯ ಫ್ಯಾಕ್ಟ್ ಚೆಕ್ ಘಟಕದ ಪರಿಶೀಲನೆ ನಂತರ, ‘ಸಂವಾದ್ ಸಮಾಚಾರ್’, ‘ಸಂವಾದ್ ಟಿವಿ’ ಮತ್ತು ‘ನೇಷನ್ ಚಾನೆಲ್’ಗಳು ತಮ್ಮ ಹೆಸರುಗಳನ್ನು ಕ್ರಮವಾಗಿ ‘ಇನ್ಸೈಡ್ ಇಂಡಿಯಾ’, ‘ಇನ್ಸೈಡ್ ಭಾರತ್’ ಮತ್ತು ‘ನೇಷನ್ ವೀಕ್ಲಿ’ ಎಂದು ಬದಲಾಯಿಸಿಕೊಂಡಿವೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p>ಚಾನೆಲ್ಗಳಲ್ಲಿನ ವಿಡಿಯೊಗಳಲ್ಲಿ ವಿದ್ಯುನ್ಮಾನ ಮತಯಂತ್ರಗಳ ಮೇಲಿನ ನಿಷೇಧದ ಬಗ್ಗೆ ಸುಳ್ಳು ಸುದ್ದಿಗಳನ್ನು ಹರಡಲಾಗಿದೆ. ರಾಷ್ಟ್ರಪತಿ, ಭಾರತದ ಮುಖ್ಯ ನ್ಯಾಯಮೂರ್ತಿ ಸೇರಿದಂತೆ ಸಾಂವಿಧಾನಿಕ ಹುದ್ದೆಗಳಲ್ಲಿರುವ ಹಲವರಿಗೆ ಸಂಬಂಧಿಸಿದ ಸುಳ್ಳು ಹೇಳಿಕೆಗಳನ್ನು ಬಿತ್ತರಿಸಲಾಗಿದೆ.</p>.<p>ವೀಕ್ಷಕರನ್ನು ಸೆಳೆಯಲು ಮತ್ತು ಪ್ರಕಟಿತ ವಿಡಿಯೊಗಳಿಂದ ಹೆಚ್ಚು ಹಣಗಳಿಸಲು ಚಾನೆಲ್ಗಳು ನಕಲಿ ಸುದ್ದಿ, ಕ್ಲಿಕ್ಬೈಟ್ (ಕ್ಲಿಕ್ ಮಾಡಲೆಂದೇ ಹಾಕಲಾಗವ ಅತಿರಂಜನೀಯ ಶೀರ್ಷಿಕೆಗಳು) ಮತ್ತು ಅತ್ಯಾಕರ್ಷಕ ಥಂಬ್ನೇಲ್ಗಳು ಮತ್ತು ಟಿವಿ ಚಾನೆಲ್ಗಳ ಸುದ್ದಿ ನಿರೂಪಕರ ಚಿತ್ರಗಳನ್ನು ಬಳಸಿವೆ ಎಂದು ಪಿಐಬಿ ಹೇಳಿದೆ.</p>.<p>ಪಿಐಬಿಯ ಫ್ಯಾಕ್ಟ್ಚೆಕ್ ಘಟಕ ಎರಡನೇ ಬಾರಿಗೆ ಇಂಥ ಚಾನೆಲ್ಗಳನ್ನು ಪತ್ತೆ ಮಾಡಿದೆ.</p>.<p>ಕಳೆದ ತಿಂಗಳು, ನಕಲಿ ಸುದ್ದಿಗಳನ್ನು ಹರಡುತ್ತಿದ್ದ ಮೂರು ಚಾನೆಲ್ಗಳನ್ನು ಪಿಐಬಿ ಬಹಿರಂಗಪಡಿಸಿತ್ತು. ಅವುಗಳನ್ನು ನಿರ್ಬಂಧಿಸಲು ಯೂಟ್ಯೂಬ್ಗೆ ಸೂಚನೆ ನೀಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
