<p><strong>ನವದೆಹಲಿ</strong>: ದೇಶದಲ್ಲಿ ಪಾರ್ಸಿಗಳ ಜನಸಂಖ್ಯೆ ಹೆಚ್ಚಿಸಲು ಕೇಂದ್ರ ಸರ್ಕಾರದ ಅಲ್ಪಸಂಖ್ಯಾತರ ಕಲ್ಯಾಣ ಸಚಿವಾಲಯ ವಿನೂತನ ಪ್ರಯತ್ನಕ್ಕೆ ಮುಂದಾಗಿದೆ.</p>.<p>ಗಣನೀಯ ಪ್ರಮಾಣದಲ್ಲಿ ಪಾರ್ಸಿಗಳ ಜನಸಂಖ್ಯೆಕುಸಿದಿರುವುದಕ್ಕೆ ಆ ಸಮುದಾಯದ ಯುವಕ ಯುವತಿಯರು ಮದುವೆ ಬಗ್ಗೆ ತಾಳುತ್ತಿರುವ ನಿರ್ಲಕ್ಷ್ಯವೇ ಕಾರಣ ಎಂದು ಸಚಿವಾಲಯ ಜಿಯೋ ಪಾರ್ಸಿ ಯೋಜನೆಯಡಿ ಹೊಸ ಪ್ರಯತ್ನ ಮಾಡುತ್ತಿದೆ.</p>.<p>ಈ ಜಿಯೋ ಪಾರ್ಸಿ ಯೋಜನೆ ಭಾಗವಾಗಿ ಪಾರ್ಸಿ ಸಮುದಾಯದ ಯುವಕ–ಯುವತಿಯರ ಬೇಗ ಮದುವೆಯಾಗಲು ಹಾಗೂ ಮಕ್ಕಳನ್ನು ಹೊಂದಲು ಅನುಕೂಲ ಆಗುವಂತೆ ಆನ್ಲೈನ್ ಡೇಟಿಂಗ್ ಸೌಲಭ್ಯವನ್ನು ಒದಗಿಸಿ ಕೊಡಲಾಗುತ್ತದೆ.</p>.<p>ಸದ್ಯ ಭಾರತದಲ್ಲಿ ಶೇ 30 ರಷ್ಟು ಪಾರ್ಸಿ ಯುವಕ ಯುವತಿಯರು ಅವಿವಾಹಿತರಾಗಿ ಉಳಿದಿದ್ದಾರೆ. ಇದರಿಂದ ಪಾರ್ಸಿಗಳ ಜನಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಕುಸಿದಿದೆ ಎನ್ನಲಾಗಿದೆ.</p>.<p>‘ಸೂಕ್ತ ಸಮಯದಲ್ಲಿ ಪಾರ್ಸಿ ಯುವಕ ಯುವತಿಯರಿಗೆ ಮದುವೆಯಾಗುವಂತೆ ಮಾಡಬೇಕಾಗಿದೆ. ಏಕೆಂದರೆ ಈ ಸಮುದಾಯದಲ್ಲಿ ಮದುವೆಯಾದವರು ಗರ್ಭ ಧರಿಸುವ ಪ್ರಮಾಣ ಶೇ 0.8 ರಷ್ಟಿದೆ ಎಂದು ಹೇಳುತ್ತಾರೆ. ಇದರಿಂದ ಜನಸಂಖ್ಯೆ ಕುಸಿದಿದೆ ಎನ್ನುತ್ತಾರೆಜಿಯೋ ಪಾರ್ಸಿ ಯೋಜನೆ ತಯಾರಿಕೆಯಲ್ಲಿ ಮುಖ್ಯ ಪಾತ್ರವಹಿಸಿರುವ ಪಾರ್ಜೋರ್ ಪೌಂಢೇಶನ್ ಮುಖ್ಯಸ್ಥ ಶರ್ನಾಜ್ ಕಾಮಾ.</p>.<p>ಪಾರ್ಸಿ ಸಮುದಾಯದಲ್ಲಿ ವರ್ಷಕ್ಕೆ 200 ರಿಂದ 300 ಶಿಶುಗಳ ಜನನವಾದರೇ ಇದೇ ಸಮಯದಲ್ಲಿ 700 ರಿಂದ 800 ಜನ ಪಾರ್ಸಿಗಳು ಸಾಯುತ್ತಿದ್ದಾರೆ ಎಂದು ಕಾಮಾ ತಿಳಿಸುತ್ತಾರೆ.</p>.<p>ಸದ್ಯ ದೇಶದಲ್ಲಿ 2011 ರ ಜನಗಣತಿ ಪ್ರಕಾರ 57,264 ಪಾರ್ಸಿಗಳು ಇದ್ದಾರೆ. ಆದರೆ 1941 ರಲ್ಲಿ ಇವರ ಸಂಖ್ಯೆ1,14,000 ಇತ್ತು.</p>.<p>ಜಿಯೋ ಪಾರ್ಸಿ ಯೋಜನೆಯನ್ನು ಪಾರ್ಸಿಗಳ ಕಲ್ಯಾಣಕ್ಕಾಗಿ ಅಂದಿನ ಯುಪಿಎ ಸರ್ಕಾರ ಜಾರಿಗೊಳಿಸಿತ್ತು. ಈ ಯೋಜನೆಗೆ ಕೇಂದ್ರ ಬಜೆಟ್ನಲ್ಲಿ 4 ರಿಂದ 5 ಕೋಟಿ ರೂಪಾಯಿ ವ್ಯಯಿಸುತ್ತಿದೆ.</p>.<p>ಪಾರ್ಸಿಸಮುದಾಯದಲ್ಲಿ ಜನಸಂಖ್ಯೆ ಹೆಚ್ಚಳ ಆಗದಿರುವುದಕ್ಕೆ ದೊಡ್ಡ ಕಾರಣವೇ ಆ ಸಮುದಾಯದಲ್ಲಿ ಅಲ್ಲಿನ ವಯಸ್ಕರರು ಮದುವೆಯಾಗಲು ಮುಂದೆ ಬರುತ್ತಿಲ್ಲ ಎಂದು ಕಾಮಾ ಹೇಳುತ್ತಾರೆ.</p>.<p>ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ನಾವು ಜಿಯೋ ಪಾರ್ಸಿ ಯೋಜನೆಯ ಭಾಗವಾಗಿ ವಯಸ್ಕ ಪಾರ್ಸಿ ಯುವಕ ಯುವತಿಯರಿಗೆ ಆನ್ಲೈನ್ ಡೇಟಿಂಗ್ ನಡೆಸಲು ಅವಕಾಶ ಮಾಡಿಕೊಡುತ್ತೇವೆ. ಇದಕ್ಕಾಗಿ ನುರಿತ ಆಪ್ತ ಸಮಾಲೋಚಕರನ್ನುನಿಡುತ್ತಿದ್ದೇವೆ. ಒಳ್ಳೆಯ ಉದ್ದೇಶಕ್ಕಾಗಿ ಈ ಯೋಜನೆ ಆರಂಭಿಸಲು ನಾವು ಇಲಾಖೆಗೆ ಸಹಾಯ ಮಾಡಿದ್ದೇವೆ. ಇದರ ಸದುಪಯೋಗವನ್ನು ಪಾರ್ಸಿಗಳು ಪಡೆದುಕೊಳ್ಳಬೇಕುಎಂದು ಕಾಮಾ ತಿಳಿಸುತ್ತಾರೆ.</p>.<p>ಪಾರ್ಸಿಗಳು ಹೆಚ್ಚಾಗಿ ಅಂತರ್ ಧರ್ಮಿಯ ಮದುವೆಗಳಲ್ಲಿ ಬೆರೆತು ಹೋಗುತ್ತಿದ್ದಾರೆ. ಇದರಿಂದ ಪಾರ್ಸಿ ಹೆಣ್ಣು ಮಗಳು ಬೇರೆ ಧರ್ಮದವನ ಮದುವೆಯಾದರೆ ಅವರಿಗೆ ಹುಟ್ಟುವ ಮಗು ಪಾರ್ಸಿಯಾಗಿರುವುದಿಲ್ಲ ಎಂದು ಕಾಮಾ ಹೇಳುತ್ತಾರೆ.</p>.<p><a href="https://www.prajavani.net/entertainment/cinema/ileana-dcruz-dating-katrina-kaif-big-brother-sebastien-rumors-goes-viral-955233.html" itemprop="url">ಕತ್ರಿನಾ ಕೈಫ್ ಅಣ್ಣನ ಜೊತೆ ಲವ್ನಲ್ಲಿ ಬಿದ್ರಾ ಬಳಕುವ ಬಳ್ಳಿ ಇಲಿಯಾನ? </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ದೇಶದಲ್ಲಿ ಪಾರ್ಸಿಗಳ ಜನಸಂಖ್ಯೆ ಹೆಚ್ಚಿಸಲು ಕೇಂದ್ರ ಸರ್ಕಾರದ ಅಲ್ಪಸಂಖ್ಯಾತರ ಕಲ್ಯಾಣ ಸಚಿವಾಲಯ ವಿನೂತನ ಪ್ರಯತ್ನಕ್ಕೆ ಮುಂದಾಗಿದೆ.</p>.<p>ಗಣನೀಯ ಪ್ರಮಾಣದಲ್ಲಿ ಪಾರ್ಸಿಗಳ ಜನಸಂಖ್ಯೆಕುಸಿದಿರುವುದಕ್ಕೆ ಆ ಸಮುದಾಯದ ಯುವಕ ಯುವತಿಯರು ಮದುವೆ ಬಗ್ಗೆ ತಾಳುತ್ತಿರುವ ನಿರ್ಲಕ್ಷ್ಯವೇ ಕಾರಣ ಎಂದು ಸಚಿವಾಲಯ ಜಿಯೋ ಪಾರ್ಸಿ ಯೋಜನೆಯಡಿ ಹೊಸ ಪ್ರಯತ್ನ ಮಾಡುತ್ತಿದೆ.</p>.<p>ಈ ಜಿಯೋ ಪಾರ್ಸಿ ಯೋಜನೆ ಭಾಗವಾಗಿ ಪಾರ್ಸಿ ಸಮುದಾಯದ ಯುವಕ–ಯುವತಿಯರ ಬೇಗ ಮದುವೆಯಾಗಲು ಹಾಗೂ ಮಕ್ಕಳನ್ನು ಹೊಂದಲು ಅನುಕೂಲ ಆಗುವಂತೆ ಆನ್ಲೈನ್ ಡೇಟಿಂಗ್ ಸೌಲಭ್ಯವನ್ನು ಒದಗಿಸಿ ಕೊಡಲಾಗುತ್ತದೆ.</p>.<p>ಸದ್ಯ ಭಾರತದಲ್ಲಿ ಶೇ 30 ರಷ್ಟು ಪಾರ್ಸಿ ಯುವಕ ಯುವತಿಯರು ಅವಿವಾಹಿತರಾಗಿ ಉಳಿದಿದ್ದಾರೆ. ಇದರಿಂದ ಪಾರ್ಸಿಗಳ ಜನಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಕುಸಿದಿದೆ ಎನ್ನಲಾಗಿದೆ.</p>.<p>‘ಸೂಕ್ತ ಸಮಯದಲ್ಲಿ ಪಾರ್ಸಿ ಯುವಕ ಯುವತಿಯರಿಗೆ ಮದುವೆಯಾಗುವಂತೆ ಮಾಡಬೇಕಾಗಿದೆ. ಏಕೆಂದರೆ ಈ ಸಮುದಾಯದಲ್ಲಿ ಮದುವೆಯಾದವರು ಗರ್ಭ ಧರಿಸುವ ಪ್ರಮಾಣ ಶೇ 0.8 ರಷ್ಟಿದೆ ಎಂದು ಹೇಳುತ್ತಾರೆ. ಇದರಿಂದ ಜನಸಂಖ್ಯೆ ಕುಸಿದಿದೆ ಎನ್ನುತ್ತಾರೆಜಿಯೋ ಪಾರ್ಸಿ ಯೋಜನೆ ತಯಾರಿಕೆಯಲ್ಲಿ ಮುಖ್ಯ ಪಾತ್ರವಹಿಸಿರುವ ಪಾರ್ಜೋರ್ ಪೌಂಢೇಶನ್ ಮುಖ್ಯಸ್ಥ ಶರ್ನಾಜ್ ಕಾಮಾ.</p>.<p>ಪಾರ್ಸಿ ಸಮುದಾಯದಲ್ಲಿ ವರ್ಷಕ್ಕೆ 200 ರಿಂದ 300 ಶಿಶುಗಳ ಜನನವಾದರೇ ಇದೇ ಸಮಯದಲ್ಲಿ 700 ರಿಂದ 800 ಜನ ಪಾರ್ಸಿಗಳು ಸಾಯುತ್ತಿದ್ದಾರೆ ಎಂದು ಕಾಮಾ ತಿಳಿಸುತ್ತಾರೆ.</p>.<p>ಸದ್ಯ ದೇಶದಲ್ಲಿ 2011 ರ ಜನಗಣತಿ ಪ್ರಕಾರ 57,264 ಪಾರ್ಸಿಗಳು ಇದ್ದಾರೆ. ಆದರೆ 1941 ರಲ್ಲಿ ಇವರ ಸಂಖ್ಯೆ1,14,000 ಇತ್ತು.</p>.<p>ಜಿಯೋ ಪಾರ್ಸಿ ಯೋಜನೆಯನ್ನು ಪಾರ್ಸಿಗಳ ಕಲ್ಯಾಣಕ್ಕಾಗಿ ಅಂದಿನ ಯುಪಿಎ ಸರ್ಕಾರ ಜಾರಿಗೊಳಿಸಿತ್ತು. ಈ ಯೋಜನೆಗೆ ಕೇಂದ್ರ ಬಜೆಟ್ನಲ್ಲಿ 4 ರಿಂದ 5 ಕೋಟಿ ರೂಪಾಯಿ ವ್ಯಯಿಸುತ್ತಿದೆ.</p>.<p>ಪಾರ್ಸಿಸಮುದಾಯದಲ್ಲಿ ಜನಸಂಖ್ಯೆ ಹೆಚ್ಚಳ ಆಗದಿರುವುದಕ್ಕೆ ದೊಡ್ಡ ಕಾರಣವೇ ಆ ಸಮುದಾಯದಲ್ಲಿ ಅಲ್ಲಿನ ವಯಸ್ಕರರು ಮದುವೆಯಾಗಲು ಮುಂದೆ ಬರುತ್ತಿಲ್ಲ ಎಂದು ಕಾಮಾ ಹೇಳುತ್ತಾರೆ.</p>.<p>ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ನಾವು ಜಿಯೋ ಪಾರ್ಸಿ ಯೋಜನೆಯ ಭಾಗವಾಗಿ ವಯಸ್ಕ ಪಾರ್ಸಿ ಯುವಕ ಯುವತಿಯರಿಗೆ ಆನ್ಲೈನ್ ಡೇಟಿಂಗ್ ನಡೆಸಲು ಅವಕಾಶ ಮಾಡಿಕೊಡುತ್ತೇವೆ. ಇದಕ್ಕಾಗಿ ನುರಿತ ಆಪ್ತ ಸಮಾಲೋಚಕರನ್ನುನಿಡುತ್ತಿದ್ದೇವೆ. ಒಳ್ಳೆಯ ಉದ್ದೇಶಕ್ಕಾಗಿ ಈ ಯೋಜನೆ ಆರಂಭಿಸಲು ನಾವು ಇಲಾಖೆಗೆ ಸಹಾಯ ಮಾಡಿದ್ದೇವೆ. ಇದರ ಸದುಪಯೋಗವನ್ನು ಪಾರ್ಸಿಗಳು ಪಡೆದುಕೊಳ್ಳಬೇಕುಎಂದು ಕಾಮಾ ತಿಳಿಸುತ್ತಾರೆ.</p>.<p>ಪಾರ್ಸಿಗಳು ಹೆಚ್ಚಾಗಿ ಅಂತರ್ ಧರ್ಮಿಯ ಮದುವೆಗಳಲ್ಲಿ ಬೆರೆತು ಹೋಗುತ್ತಿದ್ದಾರೆ. ಇದರಿಂದ ಪಾರ್ಸಿ ಹೆಣ್ಣು ಮಗಳು ಬೇರೆ ಧರ್ಮದವನ ಮದುವೆಯಾದರೆ ಅವರಿಗೆ ಹುಟ್ಟುವ ಮಗು ಪಾರ್ಸಿಯಾಗಿರುವುದಿಲ್ಲ ಎಂದು ಕಾಮಾ ಹೇಳುತ್ತಾರೆ.</p>.<p><a href="https://www.prajavani.net/entertainment/cinema/ileana-dcruz-dating-katrina-kaif-big-brother-sebastien-rumors-goes-viral-955233.html" itemprop="url">ಕತ್ರಿನಾ ಕೈಫ್ ಅಣ್ಣನ ಜೊತೆ ಲವ್ನಲ್ಲಿ ಬಿದ್ರಾ ಬಳಕುವ ಬಳ್ಳಿ ಇಲಿಯಾನ? </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
