<p><strong>ನವದೆಹಲಿ: </strong>ವಜ್ರದ ವ್ಯಾಪಾರಿ ಮೆಹುಲ್ ಚೋಕ್ಸಿಗೆ 2017ರಲ್ಲಿ ಆ್ಯಂಟಿಗುವಾ ಪೌರತ್ವ ನೀಡುವ ಸಂದರ್ಭದಲ್ಲಿ ಭಾರತ ಆಕ್ಷೇಪ ವ್ಯಕ್ತಪಡಿಸಿರಲಿಲ್ಲ ಎನ್ನುವುದು ವರದಿಯಾಗಿದೆ.</p>.<p>ಚೋಕ್ಸಿ ಅವರ ಪೌರತ್ವ ಅರ್ಜಿ ಜತೆ ಸ್ಥಳೀಯ ಪೊಲೀಸರಿಂದ ಅನುಮೋದನೆ ಪಡೆದ ಪ್ರಮಾಣಪತ್ರವನ್ನು ನಿಯಮಾವಳಿಗಳ ಅನ್ವಯ ಲಗತ್ತಿಸಲಾಗಿತ್ತು. ಈ ಪ್ರಮಾಣಪತ್ರವನ್ನು ವಿದೇಶಾಂಗ ಇಲಾಖೆಯ ಮುಂಬೈನ ಪ್ರಾದೇಶಿಕ ಪಾಸ್ಪೋರ್ಟ್ ಕಚೇರಿ ಸಹ ದೃಢೀಕರಿಸಿತ್ತು. ಆದರೆ, ಯಾವುದೇ ರೀತಿಯ ವ್ಯತಿರಿಕ್ತಮಾಹಿತಿ ನೀಡಿರಲಿಲ್ಲ ಎಂದು ಆ್ಯಂಟಿಗುವಾದ ‘ದಿ ಡೇಲಿ ಅಬ್ಸರ್ವರ್’ ವರದಿ ಮಾಡಿದೆ.</p>.<p>ಒಂದು ವೇಳೆ, ವ್ಯತಿರಿಕ್ತ ವರದಿ ನೀಡಿದ್ದರೆ ಚೋಕ್ಸಿಗೆ ಆ್ಯಂಟಿಗುವಾ ಮತ್ತು ಬರ್ಬುದಾ ಸೇರಿದಂತೆವಿದೇಶಕ್ಕೆ ಪ್ರಯಾಣ ಮಾಡುವ ಅವಕಾಶ ದೊರೆಯುತ್ತಿರಲಿಲ್ಲ ಎಂದು ತಿಳಿಸಿದೆ.</p>.<p>ಚೋಕ್ಸಿ ಕುರಿತು ಆ್ಯಂಟಿಗುವಾದ ಅಧಿಕಾರಿಗಳು ಸಹ ಇಂಟರ್ಪೋಲ್ ಸೇರಿದಂತೆ ಹಲವು ಸಂಸ್ಥೆಗಳಿಂದ ಮಾಹಿತಿ ಸಂಗ್ರಹಿಸಿದ್ದರು.</p>.<p>ಪೌರತ್ವದ ಅರ್ಜಿಗೆ ಅನುಮೋದನೆ ನೀಡುವ ಪ್ರಕ್ರಿಯೆ ಸಂದರ್ಭದಲ್ಲಿ ಚೋಕ್ಸಿ ವಿರುದ್ಧ ವಾರಂಟ್ ಜಾರಿಯಾಗಿದ್ದರೆ ಇಂಟರ್ಪೋಲ್ಗೆ ಮಾಹಿತಿ ನೀಡಬೇಕಾಗಿತ್ತು. ಇದರಿಂದ ಆ ಮಾಹಿತಿಯು ರಾಷ್ಟ್ರೀಯ ಅಪರಾಧ ದತ್ತಾಂಶದಲ್ಲಿ ಸೇರುತ್ತಿತ್ತು ಎಂದು ಉಲ್ಲೇಖಿಸಲಾಗಿದೆ.</p>.<p>ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ₹13 ಸಾವಿರ ಕೋಟಿ ವಂಚಿಸಿದ ಆರೋಪ ಎದುರಿಸುತ್ತಿರುವ ಚೋಕ್ಸಿ, ಈಗ ಆ್ಯಂಟಿಗುವಾದಲ್ಲಿ ನೆಲೆಸಿದ್ದಾರೆ. ಜನವರಿ 4ರಂದು ಭಾರತದಿಂದ ಪರಾರಿಯಾದ ಚೋಕ್ಸಿಗೆ ಕಳೆದವರ್ಷದ ನವೆಂಬರ್ನಲ್ಲಿ ಪೌರತ್ವ ನೀಡಲಾಗಿದೆ.</p>.<p><strong>‘ಸಾಕ್ಷ್ಯಾಧಾರಗಳ ಕೊರತೆ ಎಂದಿದ್ದ ಸೆಬಿ’</strong><br />ಭಾರತೀಯ ಷೇರು ವಿನಿಮಯ ಮಂಡಳಿ (ಸೆಬಿ) 2014 ಮತ್ತು 2017ರಲ್ಲಿ ಚೋಕ್ಸಿ ವಿರುದ್ಧ ದಾಖಲಿಸಿದ್ದ ಪ್ರಕರಣಗಳನ್ನು ಆ್ಯಂಟಿಗುವಾದ ಅಧಿಕಾರಿಗಳು ಪತ್ತೆ ಮಾಡಿದ್ದರು. ಈ ಬಗ್ಗೆ ಹೆಚ್ಚಿನ ಮಾಹಿತಿ ನೀಡುವಂತೆ ಕೋರಿದ್ದರು.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ್ದ ಸೆಬಿ, ಒಂದು ಪ್ರಕರಣವನ್ನು ’ತೃಪ್ತಿಕರವಾಗಿ ಮುಕ್ತಾಯಗೊಳಿಸಲಾಗಿದೆ’. ಇನ್ನೊಂದು ಪ್ರಕರಣಕ್ಕೆ ’ ಸಾಕ್ಷ್ಯಾಧಾರಗಳ ಕೊರತೆ ಇದೆ’ ಎಂದು ತಿಳಿಸಿತ್ತು.</p>.<p><strong>‘ಮೋದಿ ಸರ್ಕಾರ ಶಾಮೀಲು’</strong><br />ಮೆಹುಲ್ ಚೋಕ್ಸಿ ವಿದೇಶಕ್ಕೆ ಪರಾರಿಯಾಗುವಲ್ಲಿ ಕೇಂದ್ರದಲ್ಲಿನ ನರೇಂದ್ರ ಮೋದಿ ಸರ್ಕಾರವೂ ಶಾಮೀಲಾಗಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ.</p>.<p>‘ಆ್ಯಂಟಿಗುವಾದಿಂದ ದೊರೆತಿರುವ ಅಘಾತಕಾರಿ ಮಾಹಿತಿಯಿಂದ ಚೋಕ್ಸಿಗೆ ಮೋದಿ ಸರ್ಕಾರ ಪರೋಕ್ಷ ಸಮ್ಮತಿ ನೀಡಿರುವುದು ಸಾಬೀತಾಗಿದೆ’ ಎಂದು ಕಾಂಗ್ರೆಸ್ ಮುಖ್ಯ ವಕ್ತಾರ ರಣದೀಪ್ ಸುರ್ಜೇವಾಲಾ ತಿಳಿಸಿದ್ದಾರೆ.</p>.<p>‘ಲೂಟಿ ಮಾಡಿ ಪರಾರಿಯಾಗುವಂತೆ ನೋಡಿಕೊಳ್ಳುವುದು ಮೋದಿ ಸರ್ಕಾರದ ಪ್ರಮುಖ ನೀತಿಯಾಗಿದೆ. ಈ ಮೆಗಾ ಹಗರಣವನ್ನು ಮೋದಿ ಸರ್ಕಾರ ಹೇಗೆ ಮಾಡಿದೆ ಎನ್ನುವುದನ್ನು ಆ್ಯಂಟಿಗುವಾದಿಂದ ಬಹಿರಂಗವಾಗಿದೆ’ ಎಂದು ದೂರಿದ್ದಾರೆ.</p>.<p>’ಚೋಕ್ಸಿ ವಿರುದ್ಧ ದೂರುಗಳಿದ್ದರೂ ವಿದೇಶಾಂಗ ಇಲಾಖೆ ಯಾವ ಕಾರಣಕ್ಕೆ ಕ್ಲೀನ್ಚಿಟ್ ನೀಡಿದೆ?. ಸಿಬಿಐ ಮತ್ತು ಜಾರಿ ನಿರ್ದೇಶನಾಲಯ ಚೋಕ್ಸಿ ವಿರುದ್ಧ ವಾರಂಟ್ಗಾಗಿ ಇಂಟರ್ಪೋಲ್ ಅನ್ನು ಏಕೆ ಸಂಪರ್ಕಿಸಲಿಲ್ಲ? ಇಂಟರ್ಪೋಲ್ಗೆ ಸಾಕ್ಷ್ಯಗಳನ್ನು ಒದಗಿಸುವಲ್ಲಿ ಈ ಸಂಸ್ಥೆಗಳು ವಿಫಲವಾಗಿಲ್ಲವೇ? ಪ್ರಧಾನಿ ಕಚೇರಿಯು ಯಾವುದೇ ಕ್ರಮಗಳನ್ನು ಏಕೆ ಕೈಗೊಳ್ಳಲಿಲ್ಲ’ ಎಂದು ಪ್ರಶ್ನಿಸಿದ್ದಾರೆ.</p>.<p>ನೀರವ್ ಮೋದಿ ಹಸ್ತಾಂತರಿಸಿ: ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ವಂಚಿಸಿ ಇಂಗ್ಲೆಂಡ್ನಲ್ಲಿ ತಲೆಮರೆಸಿಕೊಂಡಿರುವ ವಜ್ರದ ವ್ಯಾಪಾರಿ ನೀರವ್ ಮೋದಿಯನ್ನು ನಮಗೆ ಹಸ್ತಾಂತರಿಸಿ ಎಂದು ಭಾರತ ಬ್ರಿಟನ್ ಸರ್ಕಾರಕ್ಕೆ ಮನವಿ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ವಜ್ರದ ವ್ಯಾಪಾರಿ ಮೆಹುಲ್ ಚೋಕ್ಸಿಗೆ 2017ರಲ್ಲಿ ಆ್ಯಂಟಿಗುವಾ ಪೌರತ್ವ ನೀಡುವ ಸಂದರ್ಭದಲ್ಲಿ ಭಾರತ ಆಕ್ಷೇಪ ವ್ಯಕ್ತಪಡಿಸಿರಲಿಲ್ಲ ಎನ್ನುವುದು ವರದಿಯಾಗಿದೆ.</p>.<p>ಚೋಕ್ಸಿ ಅವರ ಪೌರತ್ವ ಅರ್ಜಿ ಜತೆ ಸ್ಥಳೀಯ ಪೊಲೀಸರಿಂದ ಅನುಮೋದನೆ ಪಡೆದ ಪ್ರಮಾಣಪತ್ರವನ್ನು ನಿಯಮಾವಳಿಗಳ ಅನ್ವಯ ಲಗತ್ತಿಸಲಾಗಿತ್ತು. ಈ ಪ್ರಮಾಣಪತ್ರವನ್ನು ವಿದೇಶಾಂಗ ಇಲಾಖೆಯ ಮುಂಬೈನ ಪ್ರಾದೇಶಿಕ ಪಾಸ್ಪೋರ್ಟ್ ಕಚೇರಿ ಸಹ ದೃಢೀಕರಿಸಿತ್ತು. ಆದರೆ, ಯಾವುದೇ ರೀತಿಯ ವ್ಯತಿರಿಕ್ತಮಾಹಿತಿ ನೀಡಿರಲಿಲ್ಲ ಎಂದು ಆ್ಯಂಟಿಗುವಾದ ‘ದಿ ಡೇಲಿ ಅಬ್ಸರ್ವರ್’ ವರದಿ ಮಾಡಿದೆ.</p>.<p>ಒಂದು ವೇಳೆ, ವ್ಯತಿರಿಕ್ತ ವರದಿ ನೀಡಿದ್ದರೆ ಚೋಕ್ಸಿಗೆ ಆ್ಯಂಟಿಗುವಾ ಮತ್ತು ಬರ್ಬುದಾ ಸೇರಿದಂತೆವಿದೇಶಕ್ಕೆ ಪ್ರಯಾಣ ಮಾಡುವ ಅವಕಾಶ ದೊರೆಯುತ್ತಿರಲಿಲ್ಲ ಎಂದು ತಿಳಿಸಿದೆ.</p>.<p>ಚೋಕ್ಸಿ ಕುರಿತು ಆ್ಯಂಟಿಗುವಾದ ಅಧಿಕಾರಿಗಳು ಸಹ ಇಂಟರ್ಪೋಲ್ ಸೇರಿದಂತೆ ಹಲವು ಸಂಸ್ಥೆಗಳಿಂದ ಮಾಹಿತಿ ಸಂಗ್ರಹಿಸಿದ್ದರು.</p>.<p>ಪೌರತ್ವದ ಅರ್ಜಿಗೆ ಅನುಮೋದನೆ ನೀಡುವ ಪ್ರಕ್ರಿಯೆ ಸಂದರ್ಭದಲ್ಲಿ ಚೋಕ್ಸಿ ವಿರುದ್ಧ ವಾರಂಟ್ ಜಾರಿಯಾಗಿದ್ದರೆ ಇಂಟರ್ಪೋಲ್ಗೆ ಮಾಹಿತಿ ನೀಡಬೇಕಾಗಿತ್ತು. ಇದರಿಂದ ಆ ಮಾಹಿತಿಯು ರಾಷ್ಟ್ರೀಯ ಅಪರಾಧ ದತ್ತಾಂಶದಲ್ಲಿ ಸೇರುತ್ತಿತ್ತು ಎಂದು ಉಲ್ಲೇಖಿಸಲಾಗಿದೆ.</p>.<p>ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ₹13 ಸಾವಿರ ಕೋಟಿ ವಂಚಿಸಿದ ಆರೋಪ ಎದುರಿಸುತ್ತಿರುವ ಚೋಕ್ಸಿ, ಈಗ ಆ್ಯಂಟಿಗುವಾದಲ್ಲಿ ನೆಲೆಸಿದ್ದಾರೆ. ಜನವರಿ 4ರಂದು ಭಾರತದಿಂದ ಪರಾರಿಯಾದ ಚೋಕ್ಸಿಗೆ ಕಳೆದವರ್ಷದ ನವೆಂಬರ್ನಲ್ಲಿ ಪೌರತ್ವ ನೀಡಲಾಗಿದೆ.</p>.<p><strong>‘ಸಾಕ್ಷ್ಯಾಧಾರಗಳ ಕೊರತೆ ಎಂದಿದ್ದ ಸೆಬಿ’</strong><br />ಭಾರತೀಯ ಷೇರು ವಿನಿಮಯ ಮಂಡಳಿ (ಸೆಬಿ) 2014 ಮತ್ತು 2017ರಲ್ಲಿ ಚೋಕ್ಸಿ ವಿರುದ್ಧ ದಾಖಲಿಸಿದ್ದ ಪ್ರಕರಣಗಳನ್ನು ಆ್ಯಂಟಿಗುವಾದ ಅಧಿಕಾರಿಗಳು ಪತ್ತೆ ಮಾಡಿದ್ದರು. ಈ ಬಗ್ಗೆ ಹೆಚ್ಚಿನ ಮಾಹಿತಿ ನೀಡುವಂತೆ ಕೋರಿದ್ದರು.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ್ದ ಸೆಬಿ, ಒಂದು ಪ್ರಕರಣವನ್ನು ’ತೃಪ್ತಿಕರವಾಗಿ ಮುಕ್ತಾಯಗೊಳಿಸಲಾಗಿದೆ’. ಇನ್ನೊಂದು ಪ್ರಕರಣಕ್ಕೆ ’ ಸಾಕ್ಷ್ಯಾಧಾರಗಳ ಕೊರತೆ ಇದೆ’ ಎಂದು ತಿಳಿಸಿತ್ತು.</p>.<p><strong>‘ಮೋದಿ ಸರ್ಕಾರ ಶಾಮೀಲು’</strong><br />ಮೆಹುಲ್ ಚೋಕ್ಸಿ ವಿದೇಶಕ್ಕೆ ಪರಾರಿಯಾಗುವಲ್ಲಿ ಕೇಂದ್ರದಲ್ಲಿನ ನರೇಂದ್ರ ಮೋದಿ ಸರ್ಕಾರವೂ ಶಾಮೀಲಾಗಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ.</p>.<p>‘ಆ್ಯಂಟಿಗುವಾದಿಂದ ದೊರೆತಿರುವ ಅಘಾತಕಾರಿ ಮಾಹಿತಿಯಿಂದ ಚೋಕ್ಸಿಗೆ ಮೋದಿ ಸರ್ಕಾರ ಪರೋಕ್ಷ ಸಮ್ಮತಿ ನೀಡಿರುವುದು ಸಾಬೀತಾಗಿದೆ’ ಎಂದು ಕಾಂಗ್ರೆಸ್ ಮುಖ್ಯ ವಕ್ತಾರ ರಣದೀಪ್ ಸುರ್ಜೇವಾಲಾ ತಿಳಿಸಿದ್ದಾರೆ.</p>.<p>‘ಲೂಟಿ ಮಾಡಿ ಪರಾರಿಯಾಗುವಂತೆ ನೋಡಿಕೊಳ್ಳುವುದು ಮೋದಿ ಸರ್ಕಾರದ ಪ್ರಮುಖ ನೀತಿಯಾಗಿದೆ. ಈ ಮೆಗಾ ಹಗರಣವನ್ನು ಮೋದಿ ಸರ್ಕಾರ ಹೇಗೆ ಮಾಡಿದೆ ಎನ್ನುವುದನ್ನು ಆ್ಯಂಟಿಗುವಾದಿಂದ ಬಹಿರಂಗವಾಗಿದೆ’ ಎಂದು ದೂರಿದ್ದಾರೆ.</p>.<p>’ಚೋಕ್ಸಿ ವಿರುದ್ಧ ದೂರುಗಳಿದ್ದರೂ ವಿದೇಶಾಂಗ ಇಲಾಖೆ ಯಾವ ಕಾರಣಕ್ಕೆ ಕ್ಲೀನ್ಚಿಟ್ ನೀಡಿದೆ?. ಸಿಬಿಐ ಮತ್ತು ಜಾರಿ ನಿರ್ದೇಶನಾಲಯ ಚೋಕ್ಸಿ ವಿರುದ್ಧ ವಾರಂಟ್ಗಾಗಿ ಇಂಟರ್ಪೋಲ್ ಅನ್ನು ಏಕೆ ಸಂಪರ್ಕಿಸಲಿಲ್ಲ? ಇಂಟರ್ಪೋಲ್ಗೆ ಸಾಕ್ಷ್ಯಗಳನ್ನು ಒದಗಿಸುವಲ್ಲಿ ಈ ಸಂಸ್ಥೆಗಳು ವಿಫಲವಾಗಿಲ್ಲವೇ? ಪ್ರಧಾನಿ ಕಚೇರಿಯು ಯಾವುದೇ ಕ್ರಮಗಳನ್ನು ಏಕೆ ಕೈಗೊಳ್ಳಲಿಲ್ಲ’ ಎಂದು ಪ್ರಶ್ನಿಸಿದ್ದಾರೆ.</p>.<p>ನೀರವ್ ಮೋದಿ ಹಸ್ತಾಂತರಿಸಿ: ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ವಂಚಿಸಿ ಇಂಗ್ಲೆಂಡ್ನಲ್ಲಿ ತಲೆಮರೆಸಿಕೊಂಡಿರುವ ವಜ್ರದ ವ್ಯಾಪಾರಿ ನೀರವ್ ಮೋದಿಯನ್ನು ನಮಗೆ ಹಸ್ತಾಂತರಿಸಿ ಎಂದು ಭಾರತ ಬ್ರಿಟನ್ ಸರ್ಕಾರಕ್ಕೆ ಮನವಿ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
