<p class="title"><strong>ನವದೆಹಲಿ:</strong> ಕ್ಷಿಪಣಿ ಉಡಾವಣೆ, ಜಲಾಂತರ್ಗಮಿ ಚಲನವಲನಗಳು ಸೇರಿದಂತೆ ಪ್ರತಿಕೂಲ ಬೆಳವಣಿಗೆಗಳ ಮೇಲೆ ಕಣ್ಗಾವಲು ಇಡುವ ಸಾಮರ್ಥ್ಯವುಳ್ಳ ಹಡಗು ಶೀಘ್ರದಲ್ಲಿಯೇ ಸೇವೆಗೆ ಲಭ್ಯವಾಗಲಿದ್ದು, ಈ ಮೂಲಕ ಭಾರತದ ಕಣ್ಗಾವಲು ವ್ಯವಸ್ಥೆಯ ಶಕ್ತಿ ವೃದ್ಧಿಸಲಿದೆ.</p>.<p class="title">ಹಡಗು ನಿರ್ಮಾಣ ಚಟುವಟಿಕೆಗೆ ಹತ್ತಿರವಾಗಿರುವ ಮೂಲಗಳ ಪ್ರಕಾರ, ಕಣ್ಗಾವಲು ಸಾಮರ್ಥ್ಯದ ಹಡಗು ನಿರ್ಮಾಣ ಯೋಜನೆಯು ಬಹುತೇಕ ಮುಗಿದಿದೆ. ಒಮ್ಮೆ ಸೇವೆಗೆ ಲಭ್ಯವಾದರೆ, ಕ್ಷಿಪಣಿ ಉಡಾವಣೆ ಮೇಲೂ ಕಣ್ಗಾವಲು ಇಡಬಹುದಾದ ಸೌಲಭ್ಯವುಳ್ಳ ರಾಷ್ಟ್ರಗಳ ಪಟ್ಟಿಗೆ ಭಾರತವೂ ಸೇರಲಿದೆ ಎಂದು ತಿಳಿಸಿವೆ.</p>.<p class="title">ಪ್ರಸ್ತುತ ಅಮೆರಿಕ, ಬ್ರಿಟನ್, ರಷ್ಯಾ, ಚೀನಾ ಮತ್ತು ಫ್ರಾನ್ಸ್ ಮಾತ್ರ ಇಂಥ ಅತ್ಯಾಧುನಿಕ ಸೌಲಭ್ಯದ ಹಡಗು ಹೊಂದಿವೆ. ಕೆಲವೇ ತಿಂಗಳಲ್ಲಿ ಈ ಹಡಗನ್ನು ಸೇವೆಗೆ ಸಮರ್ಪಿಸಬಹುದು. ಕಾರ್ಯನಿರ್ವಹಣೆಗೆ ಪೂರ್ವಭಾವಿಯಾಗಿ ಬಹುತೇಕ ಎಲ್ಲ ಪರೀಕ್ಷೆಗಳು ಪೂರ್ಣಗೊಂಡಿವೆ ಎಂದು ಮೂಲಗಳು ವಿವರಿಸಿವೆ.</p>.<p>ಕಣ್ಗಾವಲು ಹಡಗಿನಿಂದ ಸಂಗ್ರಹಿಸಲಾದ ಅಂಕಿ ಅಂಶಗಳನ್ನು ದೇಶದ ಗುಪ್ತಚರ ವಿಭಾಗದ ಉನ್ನತ ಅಧಿಕಾರಿಗಳಿಗೆ ನೀಡಲಿದ್ದು, ಈ ಮೂಲಕ ಭಾರತದ ವಿರುದ್ಧದ ಪ್ರತಿಕೂಲ ಬೆಳವಣಿಗೆಗಳನ್ನು ಗಮನಿಸುವುದು ಸಾಧ್ಯವಾಗಲಿದೆ ಎಂದು ತಿಳಿಸಿವೆ.</p>.<p>ಉದ್ದೇಶಿತ ಹಡಗಿನ ನಿರ್ಮಾಣ ಚಟುವಟಿಕೆ 2014ರಲ್ಲಿ ವಿಶಾಖಪಟ್ಟಣಂನಲ್ಲಿ ಆರಂಭವಾಗಿದ್ದು, ಹಿಂದೂಸ್ತಾನ್ ಶಿಪ್ಯಾರ್ಡ್ ಲಿಮಿಟೆಡ್ ನಿರ್ಮಾಣ ಕಾರ್ಯ ಕೈಗೊಂಡಿದೆ. ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ) ಮತ್ತು ಭಾರತೀಯ ನೌಕಾದಳ ಈ ಯೋಜನೆಯ ಭಾಗಿದಾರ ಸಂಸ್ಥೆಗಳಲ್ಲಿ ಸೇರಿವೆ.</p>.<p>ಚೀನಾದ ಅತಿಕ್ರಮಣ ಧೋರಣೆ ಹಿನ್ನೆಲೆಯಲ್ಲಿ ಭಾರತ ತನ್ನ ಸಾಗರೋತ್ತರ ಕಣ್ಗಾವಲು ವ್ಯವಸ್ಥೆಯನ್ನು ಇನ್ನಷ್ಟು ಚುರುಕುಗೊಳಿಸಿದೆ. ನೌಕಾದಳವು ಈಗಾಗಲೇ ಪಿ–81 ಕಣ್ಗಾವಲು ವಿಮಾನ ಹೊಂದಿದ್ದು, ಇದು ಭಾರತ ಗಡಿ ಸಮುದ್ರಕ್ಕೆ ಹೊಂದಿಕೊಂಡಂತೆ ಚೀನಾದ ಹಡಗು ಮತ್ತು ಸಬ್ಮೇರಿನ್ನ ಚಲನವಲನಗಳ ಮೇಲೆ ಕಣ್ಣಿರಿಸಿದೆ.</p>.<p>ಪಿ–81 ವಿಮಾನ ಅತ್ಯಾಧುನಿಕ ಬೋಯಿಂಗ್ 737 ಕಮರ್ಷಿಯಲ್ ಯುದ್ಧವಿಮಾನವಾಗಿದ್ದು, ಇದರ ಮತ್ತೊಂದು ಆವೃತ್ತಿ ಪಿ–8ಎ ಅನ್ನು ಅಮೆರಿಕ ನೌಕಾಪಡೆಯು ಬಳಸುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ನವದೆಹಲಿ:</strong> ಕ್ಷಿಪಣಿ ಉಡಾವಣೆ, ಜಲಾಂತರ್ಗಮಿ ಚಲನವಲನಗಳು ಸೇರಿದಂತೆ ಪ್ರತಿಕೂಲ ಬೆಳವಣಿಗೆಗಳ ಮೇಲೆ ಕಣ್ಗಾವಲು ಇಡುವ ಸಾಮರ್ಥ್ಯವುಳ್ಳ ಹಡಗು ಶೀಘ್ರದಲ್ಲಿಯೇ ಸೇವೆಗೆ ಲಭ್ಯವಾಗಲಿದ್ದು, ಈ ಮೂಲಕ ಭಾರತದ ಕಣ್ಗಾವಲು ವ್ಯವಸ್ಥೆಯ ಶಕ್ತಿ ವೃದ್ಧಿಸಲಿದೆ.</p>.<p class="title">ಹಡಗು ನಿರ್ಮಾಣ ಚಟುವಟಿಕೆಗೆ ಹತ್ತಿರವಾಗಿರುವ ಮೂಲಗಳ ಪ್ರಕಾರ, ಕಣ್ಗಾವಲು ಸಾಮರ್ಥ್ಯದ ಹಡಗು ನಿರ್ಮಾಣ ಯೋಜನೆಯು ಬಹುತೇಕ ಮುಗಿದಿದೆ. ಒಮ್ಮೆ ಸೇವೆಗೆ ಲಭ್ಯವಾದರೆ, ಕ್ಷಿಪಣಿ ಉಡಾವಣೆ ಮೇಲೂ ಕಣ್ಗಾವಲು ಇಡಬಹುದಾದ ಸೌಲಭ್ಯವುಳ್ಳ ರಾಷ್ಟ್ರಗಳ ಪಟ್ಟಿಗೆ ಭಾರತವೂ ಸೇರಲಿದೆ ಎಂದು ತಿಳಿಸಿವೆ.</p>.<p class="title">ಪ್ರಸ್ತುತ ಅಮೆರಿಕ, ಬ್ರಿಟನ್, ರಷ್ಯಾ, ಚೀನಾ ಮತ್ತು ಫ್ರಾನ್ಸ್ ಮಾತ್ರ ಇಂಥ ಅತ್ಯಾಧುನಿಕ ಸೌಲಭ್ಯದ ಹಡಗು ಹೊಂದಿವೆ. ಕೆಲವೇ ತಿಂಗಳಲ್ಲಿ ಈ ಹಡಗನ್ನು ಸೇವೆಗೆ ಸಮರ್ಪಿಸಬಹುದು. ಕಾರ್ಯನಿರ್ವಹಣೆಗೆ ಪೂರ್ವಭಾವಿಯಾಗಿ ಬಹುತೇಕ ಎಲ್ಲ ಪರೀಕ್ಷೆಗಳು ಪೂರ್ಣಗೊಂಡಿವೆ ಎಂದು ಮೂಲಗಳು ವಿವರಿಸಿವೆ.</p>.<p>ಕಣ್ಗಾವಲು ಹಡಗಿನಿಂದ ಸಂಗ್ರಹಿಸಲಾದ ಅಂಕಿ ಅಂಶಗಳನ್ನು ದೇಶದ ಗುಪ್ತಚರ ವಿಭಾಗದ ಉನ್ನತ ಅಧಿಕಾರಿಗಳಿಗೆ ನೀಡಲಿದ್ದು, ಈ ಮೂಲಕ ಭಾರತದ ವಿರುದ್ಧದ ಪ್ರತಿಕೂಲ ಬೆಳವಣಿಗೆಗಳನ್ನು ಗಮನಿಸುವುದು ಸಾಧ್ಯವಾಗಲಿದೆ ಎಂದು ತಿಳಿಸಿವೆ.</p>.<p>ಉದ್ದೇಶಿತ ಹಡಗಿನ ನಿರ್ಮಾಣ ಚಟುವಟಿಕೆ 2014ರಲ್ಲಿ ವಿಶಾಖಪಟ್ಟಣಂನಲ್ಲಿ ಆರಂಭವಾಗಿದ್ದು, ಹಿಂದೂಸ್ತಾನ್ ಶಿಪ್ಯಾರ್ಡ್ ಲಿಮಿಟೆಡ್ ನಿರ್ಮಾಣ ಕಾರ್ಯ ಕೈಗೊಂಡಿದೆ. ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ) ಮತ್ತು ಭಾರತೀಯ ನೌಕಾದಳ ಈ ಯೋಜನೆಯ ಭಾಗಿದಾರ ಸಂಸ್ಥೆಗಳಲ್ಲಿ ಸೇರಿವೆ.</p>.<p>ಚೀನಾದ ಅತಿಕ್ರಮಣ ಧೋರಣೆ ಹಿನ್ನೆಲೆಯಲ್ಲಿ ಭಾರತ ತನ್ನ ಸಾಗರೋತ್ತರ ಕಣ್ಗಾವಲು ವ್ಯವಸ್ಥೆಯನ್ನು ಇನ್ನಷ್ಟು ಚುರುಕುಗೊಳಿಸಿದೆ. ನೌಕಾದಳವು ಈಗಾಗಲೇ ಪಿ–81 ಕಣ್ಗಾವಲು ವಿಮಾನ ಹೊಂದಿದ್ದು, ಇದು ಭಾರತ ಗಡಿ ಸಮುದ್ರಕ್ಕೆ ಹೊಂದಿಕೊಂಡಂತೆ ಚೀನಾದ ಹಡಗು ಮತ್ತು ಸಬ್ಮೇರಿನ್ನ ಚಲನವಲನಗಳ ಮೇಲೆ ಕಣ್ಣಿರಿಸಿದೆ.</p>.<p>ಪಿ–81 ವಿಮಾನ ಅತ್ಯಾಧುನಿಕ ಬೋಯಿಂಗ್ 737 ಕಮರ್ಷಿಯಲ್ ಯುದ್ಧವಿಮಾನವಾಗಿದ್ದು, ಇದರ ಮತ್ತೊಂದು ಆವೃತ್ತಿ ಪಿ–8ಎ ಅನ್ನು ಅಮೆರಿಕ ನೌಕಾಪಡೆಯು ಬಳಸುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
