<p><strong>ನವದೆಹಲಿ: </strong>ವಿದ್ಯುತ್ ಉಪಕರಣ, ವಾಹನ, ಕಂಪ್ಯೂಟರ್ಗಳ ದುರಸ್ತಿ ಮಾಡಿಸುವುದು ಲಾಕ್ಡೌನ್ನ ಎರಡನೇ ಅವಧಿಯಲ್ಲಿ ಸುಗಮವಾಗಲಿದೆ. ಸ್ವ ಉದ್ಯೋಗ ಮಾಡುತ್ತಿರುವ ಟೆಕ್ನಿಷಿಯನ್ಗಳು ಏಪ್ರಿಲ್ 20ರಿಂದ ತಮ್ಮ ವ್ಯಾಪ್ತಿಗಳಲ್ಲಿ ಕಾರ್ಯನಿರ್ವಹಿಸಬಹುದು ಎಂದು ಸರ್ಕಾರ ಹೇಳಿದೆ.</p>.<p>ಎರಡನೇ ಅವಧಿಯ ಲಾಕ್ಡೌನ್ಗೆ ಸಂಬಂಧಿಸಿ ಕೇಂದ್ರ ಗೃಹ ಸಚಿವಾಲಯ ಹೊರಡಿಸಿರುವ ಹೊಸ ಮಾರ್ಗದರ್ಶಿಯಲ್ಲಿ ಸ್ವ ಉದ್ಯೋಗ ನಡೆಸುತ್ತಿರುವ ಕೆಲವರಿಗೆ ವಿನಾಯಿತಿ ನೀಡಲಾಗಿದೆ. ಎಲೆಕ್ಟ್ರಿಷಿಯನ್, ಪ್ಲಂಬರ್, ಮೋಟಾರು ವಾಹನ ದುರಸ್ತಿಪಡಿಸುವವರು, ಬಡಗಿಗಳು, ಐಟಿ ಮೆಕ್ಯಾನಿಕ್ಗಳು ಸೇರಿದಂತೆ ಹಲವರಿಗೆ ಲಾಕ್ಡೌನ್ನಿಂದ ವಿನಾಯಿತಿ ನೀಡಲಾಗಿದೆ.</p>.<p>21 ದಿನಗಳ ಲಾಕ್ಡೌನ್ ವೇಳೆ ಜನರು ಗೃಹೋಪಕರಣ ಮತ್ತು ಇತರ ಅಗತ್ಯ ಉಪಕರಣಗಳನ್ನುದುರಸ್ತಿ ಮಾಡಿಸಲಾಗದೇ ಸಮಸ್ಯೆ ಅನುಭವಿಸಿದ್ದ ಹಿನ್ನೆಲೆಯಲ್ಲಿ ಈ ವಿನಾಯಿತಿ ನೀಡಲಾಗಿದೆ. ಬೇಸಿಗೆಯಾಗಿರುವುದರಿಂದ ಏರ್–ಕಂಡೀಷನರ್ಗಳ ಸರ್ವೀಸ್ ಮಾಡಿಸಿಕೊಳ್ಳಬೇಕೆಂಬ ಬೇಡಿಕೆಗಳಿವೆ. ಇಂತಹ ಸೇವೆಗಳಿಗೆ ಏಪ್ರಿಲ್ 20ರಿಂದ ಅನುಮತಿ ದೊರೆಯಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ಈ ನಿರ್ಧಾರದಿಂದಾಗಿ ಕೆಲವು ಸ್ವ ಉದ್ಯೋಗಿಗಳ ಆರ್ಥಿಕ ಪರಿಸ್ಥಿತಿ ಸುಧಾರಿಸಲಿದೆ. ಆದರೆ ಟ್ಯಾಕ್ಸಿ, ಕ್ಯಾಬ್, ಆಟೊ ರಿಕ್ಷಾ ಮತ್ತಿತರ ಸೇವೆ ಒದಗಿಸುವವರ ಸಂಕಷ್ಟ ಮುಂದುವರಿಯಲಿದೆ. ಲಾಕ್ಡೌನ್ ಸಂಬಂಧಿತ ಹೊಸ ಮಾರ್ಗದರ್ಶಿಯಲ್ಲಿಯೂ ಸಾರಿಗೆ ವ್ಯವಸ್ಥೆ ಮೇಲಿನ ನಿರ್ಬಂಧ ಮುಂದುವರಿಸಲಾಗಿದೆ.</p>.<p>ಸೈಕಲ್ ರಿಕ್ಷಾಗಳ ಕಾರ್ಯಾಚರಣೆಗೂ ಅನುಮತಿ ನೀಡಲಾಗಿಲ್ಲ. ಜನ ಸಂಚಾರ ಇರದಂತೆ ನೋಡಿಕೊಳ್ಳುವ ಸಲುವಾಗಿ ಸಾರ್ವಜನಿಕ ಸಾರಿಗೆಯನ್ನು ಈಗಾಗಲೇ ನಿರ್ಬಂಧಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ವಿದ್ಯುತ್ ಉಪಕರಣ, ವಾಹನ, ಕಂಪ್ಯೂಟರ್ಗಳ ದುರಸ್ತಿ ಮಾಡಿಸುವುದು ಲಾಕ್ಡೌನ್ನ ಎರಡನೇ ಅವಧಿಯಲ್ಲಿ ಸುಗಮವಾಗಲಿದೆ. ಸ್ವ ಉದ್ಯೋಗ ಮಾಡುತ್ತಿರುವ ಟೆಕ್ನಿಷಿಯನ್ಗಳು ಏಪ್ರಿಲ್ 20ರಿಂದ ತಮ್ಮ ವ್ಯಾಪ್ತಿಗಳಲ್ಲಿ ಕಾರ್ಯನಿರ್ವಹಿಸಬಹುದು ಎಂದು ಸರ್ಕಾರ ಹೇಳಿದೆ.</p>.<p>ಎರಡನೇ ಅವಧಿಯ ಲಾಕ್ಡೌನ್ಗೆ ಸಂಬಂಧಿಸಿ ಕೇಂದ್ರ ಗೃಹ ಸಚಿವಾಲಯ ಹೊರಡಿಸಿರುವ ಹೊಸ ಮಾರ್ಗದರ್ಶಿಯಲ್ಲಿ ಸ್ವ ಉದ್ಯೋಗ ನಡೆಸುತ್ತಿರುವ ಕೆಲವರಿಗೆ ವಿನಾಯಿತಿ ನೀಡಲಾಗಿದೆ. ಎಲೆಕ್ಟ್ರಿಷಿಯನ್, ಪ್ಲಂಬರ್, ಮೋಟಾರು ವಾಹನ ದುರಸ್ತಿಪಡಿಸುವವರು, ಬಡಗಿಗಳು, ಐಟಿ ಮೆಕ್ಯಾನಿಕ್ಗಳು ಸೇರಿದಂತೆ ಹಲವರಿಗೆ ಲಾಕ್ಡೌನ್ನಿಂದ ವಿನಾಯಿತಿ ನೀಡಲಾಗಿದೆ.</p>.<p>21 ದಿನಗಳ ಲಾಕ್ಡೌನ್ ವೇಳೆ ಜನರು ಗೃಹೋಪಕರಣ ಮತ್ತು ಇತರ ಅಗತ್ಯ ಉಪಕರಣಗಳನ್ನುದುರಸ್ತಿ ಮಾಡಿಸಲಾಗದೇ ಸಮಸ್ಯೆ ಅನುಭವಿಸಿದ್ದ ಹಿನ್ನೆಲೆಯಲ್ಲಿ ಈ ವಿನಾಯಿತಿ ನೀಡಲಾಗಿದೆ. ಬೇಸಿಗೆಯಾಗಿರುವುದರಿಂದ ಏರ್–ಕಂಡೀಷನರ್ಗಳ ಸರ್ವೀಸ್ ಮಾಡಿಸಿಕೊಳ್ಳಬೇಕೆಂಬ ಬೇಡಿಕೆಗಳಿವೆ. ಇಂತಹ ಸೇವೆಗಳಿಗೆ ಏಪ್ರಿಲ್ 20ರಿಂದ ಅನುಮತಿ ದೊರೆಯಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ಈ ನಿರ್ಧಾರದಿಂದಾಗಿ ಕೆಲವು ಸ್ವ ಉದ್ಯೋಗಿಗಳ ಆರ್ಥಿಕ ಪರಿಸ್ಥಿತಿ ಸುಧಾರಿಸಲಿದೆ. ಆದರೆ ಟ್ಯಾಕ್ಸಿ, ಕ್ಯಾಬ್, ಆಟೊ ರಿಕ್ಷಾ ಮತ್ತಿತರ ಸೇವೆ ಒದಗಿಸುವವರ ಸಂಕಷ್ಟ ಮುಂದುವರಿಯಲಿದೆ. ಲಾಕ್ಡೌನ್ ಸಂಬಂಧಿತ ಹೊಸ ಮಾರ್ಗದರ್ಶಿಯಲ್ಲಿಯೂ ಸಾರಿಗೆ ವ್ಯವಸ್ಥೆ ಮೇಲಿನ ನಿರ್ಬಂಧ ಮುಂದುವರಿಸಲಾಗಿದೆ.</p>.<p>ಸೈಕಲ್ ರಿಕ್ಷಾಗಳ ಕಾರ್ಯಾಚರಣೆಗೂ ಅನುಮತಿ ನೀಡಲಾಗಿಲ್ಲ. ಜನ ಸಂಚಾರ ಇರದಂತೆ ನೋಡಿಕೊಳ್ಳುವ ಸಲುವಾಗಿ ಸಾರ್ವಜನಿಕ ಸಾರಿಗೆಯನ್ನು ಈಗಾಗಲೇ ನಿರ್ಬಂಧಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
