ರಾಜಸ್ಥಾನ ವಿಧಾನಸಭೆ ಚುನಾವಣೆ: ಕುಡಿಗಳ ಟಿಕೆಟ್‌ಗೆ ರಾಜಕಾರಣಿಗಳ ಲಾಬಿ

ಜೈಪುರ: ರಾಜಸ್ಥಾನ ವಿಧಾನಸಭಾ ಚುನಾವಣೆಗೆ ಸಂಭಾವ್ಯ ಅಭ್ಯರ್ಥಿಗಳ ಮೊದಲ ಪಟ್ಟಿ ಅಂತಿಮಗೊಂಡಿದ್ದು ಬಿಜೆಪಿ ಮತ್ತು ಕಾಂಗ್ರೆಸ್ ಪಕ್ಷದ ಅನೇಕ ಹಿರಿಯ ನಾಯಕರು ತಮ್ಮ ಕುಟುಂಬದ ಕುಡಿಗಳಿಗೆ ಟಿಕೆಟ್ ಕೊಡಿಸಲು ಲಾಬಿ ನಡೆಸಿದ್ದಾರೆ.

. 70–80 ವರ್ಷ ವಯಸ್ಸಿನ ಆಸುಪಾಸಿನಲ್ಲಿರುವ ರಾಜಕಾರಣಿಗಳು ತಮ್ಮ ಮಕ್ಕಳು, ಮೊಮ್ಮಕ್ಕಳು ಮತ್ತು ಕುಟುಂಬ ಸದಸ್ಯರಿಗಾಗಿ ಟಿಕೆಟ್ ತ್ಯಾಗ ಮಾಡಲು ಮುಂದಾಗಿದ್ದಾರೆ.

. ಬಿಜೆಪಿ ಶಾಸಕರಾದ ನಂದಲಾಲ್ ಮೀನಾ, ದೇವಿಸಿಂಗ್ ಭಟ್ಟಿ , ಕಿಸ್ನಾ ರಾಮ್ ನಾಯಿ ಮತ್ತು ಗೋಪಾಲ್ ಜೋಶಿ ತಮ್ಮ ಬದಲು ಮೊಮ್ಮಕ್ಕಳಿಗೆ ಟಿಕೆಟ್ ನೀಡುವಂತೆ ಕೇಳಿದ್ದಾರೆ. ಅವರಿಗೆ ಟಿಕೆಟ್ ದೊರೆಯುವುದು ಖಚಿತವಾಗಿದೆ.

. ಮಾಜಿ ಉಪ ರಾಷ್ಟ್ರಪತಿ ದಿವಂಗತ ಭೈರೋನ್ ಸಿಂಗ್ ಶೇಖಾವತ್ ಅವರ ಮೊಮ್ಮಗ ಹಾಗೂ ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷ ಅಭಿಮನ್ಯು ರಜ್ವಿಗೆ ಟಿಕೆಟ್ ನೀಡುವಂತೆ ಶೇಖಾವತ್ ಕುಟುಂಬವು ವರಿಷ್ಠರ ಮೇಲೆ ಒತ್ತಡ ಹೇರುತ್ತಿದೆ.

. ಬಿಜೆಪಿ ಸರ್ಕಾರದಲ್ಲಿ ಸಚಿವರಾಗಿದ್ದ ನಂದಲಾಲ್ ಮೀನಾ, ಗಜೇಂದ್ರ ಸಿಂಗ್ ಖಿಮ್ಸರ್ ಮತ್ತು ಜಸ್ವಂತ್ ಸಿಂಗ್ ಕೂಡ ತಮ್ಮ ವಾರಸುದಾರರಿಗಾಗಿ ಟಿಕೆಟ್ ತ್ಯಾಗಕ್ಕೆ ಸಿದ್ಧರಾಗಿದ್ದಾರೆ.

. ಅಷ್ಟೇ ಏಕೆ, ರಾಜಸ್ಥಾನ ಬಿಜೆಪಿ ಅಧ್ಯಕ್ಷ ಮದನ್ ಲಾಲ್ ಮೀನಾ ಅವರಿಗೂ ಕುಟುಂಬ ರಾಜಕಾರಣದ ವ್ಯಾಮೋಹ ಕಾಡುತ್ತಿದೆ. ತಮ್ಮ ಮಗನಿಗೆ ಟಿಕೆಟ್ ಕೊಡಿಸಲು ಅವರು ಲಾಬಿ ಮಾಡುತ್ತಿದ್ದಾರೆ ಎಂದು ಪಕ್ಷದ ಮೂಲಗಳು ತಿಳಿಸಿವೆ.

. ಗೆಲ್ಲುವ ಮತ್ತು ಅರ್ಹ ಅಭ್ಯರ್ಥಿಗಳಿಗೆ ಮಾತ್ರ ಪಕ್ಷದ ಟಿಕೆಟ್ ನೀಡುವುದಾಗಿ ಬಿಜೆಪಿಯ ಚುನಾವಣಾ ಉಸ್ತುವಾರಿ ಹೊತ್ತಿರುವ ಕೇಂದ್ರ ಸಚಿವ ಪ್ರಕಾಶ್ ಜಾವಡೇಕರ್ ಸ್ಪಷ್ಟವಾಗಿ ಹೇಳಿದ್ದಾರೆ.

. ಕಾಂಗ್ರೆಸ್ ಕೂಡ ಹೊರತಲ್ಲ

. ಕುಟುಂಬ ರಾಜಕಾರಣದ ವ್ಯಾಮೋಹ ಬಿಜೆಪಿಗೆ ಸೀಮಿತವಾಗಿಲ್ಲ. ಇದಕ್ಕೆ ಕಾಂಗ್ರೆಸ್ ಕೂಡ ಹೊರತಾಗಿಲ್ಲ.

. ಮಮತಾ ಶರ್ಮಾ, ಭಂವರ್ ಲಾಲ್ ಮೇಘ್ವಾಲ್, ಅಲ್ಲಾವುದ್ದೀನ್ ಝಾಡ್ ಅವರಂತಹ ಹಿರಿಯ ನಾಯಕರು ಮಕ್ಕಳು, ಮೊಮ್ಮಕ್ಕಳಿಗಾಗಿ ತಮ್ಮ ರಾಜಕೀಯ ಆಸೆ, ಆಕಾಂಕ್ಷೆಗಳನ್ನು ತ್ಯಾಗ ಮಾಡಲು ಮುಂದಾಗಿದ್ದಾರೆ.

. ಮಾಜಿ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ತಮ್ಮ ಪುತ್ರ ವೈಭವ್ಗೆ ಹ್ಲೋಟ್ಗೆ ಟಿಕೆಟ್ ಕೊಡಿಸಲು ಕಸರತ್ತು ನಡೆಸಿದ್ದಾರೆ.

. ಭಂವಾರಿ ದೇವಿ ಲೈಂಗಿಕ ಹಗರಣದ ಆರೋಪಿ ಮತ್ತು ಮಾಜಿ ಸಚಿವ ಮಹಿಪಾಲ್ ಮದೆರ್ನಾ ಅವರ ಪುತ್ರಿ ದಿವ್ಯಾ ಮದೆರ್ನಾ ಕೂಡಾ ಟಿಕೆಟ್ ಆಕಾಂಕ್ಷಿಯಾಗಿದ್ದಾರೆ.

. ರಾಜಸ್ಥಾನ ಚುನಾವಣೆಯಲ್ಲಿ ನಿರ್ಣಾಯಕ ಜಾಟ್ ಸಮುದಾಯಕ್ಕೆ ದಿವ್ಯಾ ಸೇರಿದ್ದಾರೆ. ಕಾಂಗ್ರೆಸ್ ಪಕ್ಷ ಕೂಡ ರಾಜಸ್ಥಾನದಲ್ಲಿ ಜಾಟ್ ಸಮುದಾಯವನ್ನು ಓಲೈಸುವ ಅನಿವಾರ್ಯತೆ ಎದುರಿಸುತ್ತಿದೆ.

. ಮಕ್ಕಳು, ಮೊಮ್ಮಕ್ಕಳು ಮತ್ತು ಬಂಧುಗಳಿಗೆ ಟಿಕೆಟ್ ಕೇಳುತ್ತಿರುವ ಪ್ರಬಲ ಕೋಮು, ಸಮುದಾಯಗಳ ನಾಯಕರು ಪಕ್ಷದ ವರಿಷ್ಠರ ಮುಂದೆ ತಮ್ಮ ಜಾತಿಯ ಲೆಕ್ಕಾಚಾರ ಬಿಚ್ಚಿಡುತ್ತಿದ್ದಾರೆ. ವರಿಷ್ಠರ ಮನವರಿಕೆಯ ಕಸರತ್ತು ನಡೆಸಿದ್ದಾರೆ ಎಂದು ಕಾಂಗ್ರೆಸ್ ಮೂಲಗಳು ತಿಳಿಸಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಜಸ್ಥಾನ ವಿಧಾನಸಭೆ ಚುನಾವಣೆ: ಕುಡಿಗಳ ಟಿಕೆಟ್‌ಗೆ ರಾಜಕಾರಣಿಗಳ ಲಾಬಿ

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಉದ್ಯಮಿ ಸಂತೋಷ ದುಂಡಪ್ಪ ಪದ್ಮಣ್ಣವರ ಕೊಲೆ: ಪತ್ನಿ ಸೇರಿ ಮೂವರ ಬಂಧನ

Karnataka Rains | ಆರು ಜಿಲ್ಲೆಗಳಿಗೆ ‘ಯೆಲ್ಲೂ ಅಲರ್ಟ್‌’

IND vs NZ 1st Test | ಹಿಟ್‌ಮ್ಯಾನ್ ಬಳಗ 46ಕ್ಕೆ ಆಲೌಟ್‌

ಪ್ರೊ ಕಬಡ್ಡಿ ಲೀಗ್‌ ಇಂದಿನಿಂದ: ಮುತ್ತಿನ ನಗರಿಯಲ್ಲಿ ಇಂದು ‘ದಕ್ಷಿಣ ಡರ್ಬಿ’

IND vs NZ Test | ಟಿಕೆಟ್ ಇದ್ದರೂ ಪ್ರವೇಶ ಸಿಗದೆ ಪರದಾಡಿದ ಪ್ರೇಕ್ಷಕರು

ರಣಜಿ ಟ್ರೋಫಿ: ಕರ್ನಾಟಕಕ್ಕೆ ಇಂದಿನಿಂದ ಕೇರಳ ಸವಾಲು

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಒಳನೋಟ: ‘ಅಡವಿ‘ಗೆ ಸೋಲಿಗರೇ ಮಾಲೀಕರು

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಉದ್ಯಮಿ ಸಂತೋಷ ದುಂಡಪ್ಪ ಪದ್ಮಣ್ಣವರ ಕೊಲೆ: ಪತ್ನಿ ಸೇರಿ ಮೂವರ ಬಂಧನ

Karnataka Rains | ಆರು ಜಿಲ್ಲೆಗಳಿಗೆ ‘ಯೆಲ್ಲೂ ಅಲರ್ಟ್‌’