ನಿತ್ರಾಣಾಗಿದ್ದ ಹಿಮಾಲಯ ರಣಹದ್ದು ರಕ್ಷಣೆ, 15 ದಿನ ಕ್ವಾರಂಟೈನ್: ಏನಿದರ ವಿಶೇಷತೆ?

ಕಾನ್ಪುರ: ಕಾನ್ಪುರದ ಬೆನಜಬರ್ ಸ್ಮಶಾನದ ಬಳಿ ಅಪರೂಪದ ಹಿಮಾಲಯನ್ ಗ್ರಿಫನ್ ರಣಹದ್ದು ಪತ್ತೆಯಾಗಿದ್ದು, ಅದನ್ನು ರಕ್ಷಿಸಲಾಗಿದೆ.

. ಅಲೆನ್ ಫಾರೆಸ್ಟ್ ಮೃಗಾಲಯದ ಪಶುವೈದ್ಯಕೀಯ ಆಸ್ಪತ್ರೆಯಲ್ಲಿ ಅದನ್ನು 15 ದಿನ ಕ್ವಾರಂಟೈನ್ನಲ್ಲಿ ಇಡಲಾಗಿದೆ ಎಂದು ಜಿಲ್ಲಾ ಅರಣ್ಯಾಧಿಕಾರಿ ಶ್ರದ್ಧಾ ಯಾದವ್ ತಿಳಿಸಿದ್ದಾರೆ.

. ‘ಹಿಮಾಲಯನ್ ರಣಹದ್ದುಗಳ ಜೋಡಿ ಇಲ್ಲಿ ಕಾಣಿಸಿಕೊಂಡಿತ್ತು. ಒಂದು ಮಾತ್ರ ಸಿಕ್ಕಿದೆ. ಬೆನಜಬರ್ ಪ್ರದೇಶದಲ್ಲಿ ಇನ್ನೂ ಒಂದು ರಣಹದ್ದು ಇದೆ. ಅದಕ್ಕಾಗಿ ಹುಡುಕಾಟ ನಡೆಯುತ್ತಿದೆ’ ಎಂದು ಯಾದವ್ ಹೇಳಿದರು.

. ‘ಈಗ ಸಿಕ್ಕಿರುವ ರಣಹದ್ದುವನ್ನು ಆಸ್ಪತ್ರೆಯ ಆವರಣದಲ್ಲಿ ಇತರೆ ಪಕ್ಷಿಗಳಿಂದ ಪ್ರತ್ಯೇಕವಾಗಿ ಇರಿಸಲಾಗಿದೆ’ ಎಂದು ಮೃಗಾಲಯದ ಪಶುವೈದ್ಯ ಡಾ.ನಾಸಿರ್ ಜೈದಿ ತಿಳಿಸಿದ್ದಾರೆ.

. ಇದರ ತೂಕ ಸುಮಾರು 8 ಕೆ.ಜಿ. ಇದ್ದು, ವೈದ್ಯರ ತಂಡ ರಣಹದ್ದುವಿನ ಮೇಲೆ ನಿಗಾ ಇರಿಸಿದ್ದಾರೆ. ಈಗಾಗಲೇ ನಾಲ್ಕು ಹಿಮಾಲಯನ್ ಗ್ರಿಫನ್ ರಣಹದ್ದುಗಳು ಮೃಗಾಲಯದಲ್ಲಿವೆ ಎಂದು ಅವರು ಹೇಳಿದರು.

. ಬೆನಜಬರ್ ಈದ್ಗಾ ಸ್ಮಶಾನದಲ್ಲಿ ಹಾರಲು ಸಾಧ್ಯವಾಗದೇ ನಿತ್ರಾಣವಾಗಿ ಬಿದ್ದಿದ್ದ ರಣಹದ್ದುವನ್ನು ಕೆಲ ಮಂದಿ ಗಮನಿಸಿ ತಕ್ಷಣ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದರು.

. ಹಿಮಾಲಯ ಮತ್ತು ಪಕ್ಕದ ಟಿಬೆಟಿಯನ್ ಪ್ರಸ್ಥಭೂಮಿಯು ಗ್ರಿಫನ್ ರಣಹದ್ದುಗಳ ಆವಾಸ ಸ್ಥಾನ ಎನಿಸಿಕೊಂಡಿದೆ.

. ಇವುಗಳನ್ನು ವನ್ಯಜೀವಿ ಸಂರಕ್ಷಣಾ ಕಾಯಿದೆ, 1972 ರ ಅಡಿಯಲ್ಲಿ ರಕ್ಷಿಸಲಾಗಿದೆ.

. ಗ್ರಿಫನ್ ರಣಹದ್ದುಗಳ ವಿಶೇಷತೆ

. – ಹಿಮಾಲಯ ಮತ್ತು ಟಿಬೆಟ್ ಪ್ರಸ್ತಭೂಮಿಯಲ್ಲಿ ಇವು ಹೆಚ್ಚಾಗಿ ಕಾಣಸಿಗುತ್ತವೆ.

. – ಸಂತಾನೋತ್ಪತ್ತಿ ಮತ್ತು ಹಲವು ಕಾರಣಗಳಿಗಾಗಿ ಇವು ವಿಶ್ವದ ಹಲವು ಭಾಗಗಳಿಗೆ ವಲಸೆ ಹೋಗುತ್ತವೆ.

. – ಕರ್ನಾಟಕದ ಕಾರವಾರದಲ್ಲಿ ಇದರ ಆವಾಸ ಇರುವುದು ಪತ್ತೆಯಾಗಿದೆ.

. – ಏಷ್ಯಾ ಭಾಗದಲ್ಲಿ ಕಾಣಸಿಗುವ ಎರಡು ಅತ್ಯಂತ ದೊಡ್ಡ ರಣಹದ್ದುಗಳಲ್ಲಿ ಹಿಮಾಲಯನ್ ಗ್ರಿಫನ್ ಕೂಡ ಒಂದು

. – ಪ್ರಕೃತಿಯ ಸಂರಕ್ಷಣೆಗಾಗಿ ಅಂತಾರಾಷ್ಟ್ರೀಯ ಒಕ್ಕೂಟ (ಐಯುಸಿಎನ್ )ದ ಅಪಾಯದ ಪಟ್ಟಿಯಲ್ಲಿ ಈ ಜೀವಿಗಳೂ ಇವೆ.

. – ಮಾಂಸ ಅಥವಾ ಪ್ರಾಣಿಗಳ ಮೃತದೇಹ ಮಾತ್ರವೇ ಇವುಗಳ ಆಹಾರ

. – ಪಶುಗಳಿಗೆ ನೋವು ನಿವಾರಕವಾಗಿ ಬಳಸಲಾಗುವ ಡಿಕ್ಲೋಫೆನಾಕ್ ಎಂಬ ಔಷಧ ಈ ಜೀವಿಗಳಿಗೆ ವಿಷವಾಗಿ ಪರಿಣಮಿಸಿದೆ. ಜಾನುವಾರುಗಳ ಮೃತದೇಹಗಳಲ್ಲಿ ಡಿಕ್ಲೋಫೆನಾಕ್ ಅಂಶ ಹಾಗೆಯೇ ಉಳಿದಿಕೊಂಡಿರುತ್ತದೆ. ಮೃತ ಜಾನುವಾರುಗಳನ್ನು ತಿನ್ನುವ ಈ ರಣಹದ್ದುಗಳು ಅಪಾಯಕ್ಕೆ ಸಿಲುಕುತ್ತಿವೆ.

. – ಹಿಮಾಲಯನ್ ಗ್ರಿಫನ್ ವಲ್ಚರ್ಗಳು 20–35 ವರೆಗೆ ಬದುಕುತ್ತವೆ ಎನ್ನಲಾಗಿದೆ.

. ಇವುಗಳನ್ನೂ ಓದಿ

. ಅಂಕೋಲಾ: ನಿತ್ರಾಣಗೊಂಡಿದ್ದ ರಣಹದ್ದಿಗೆ ಯುವಕರಿಂದ ಉಪಚಾರ

. ಕಾಳಿ ನದಿ ಸುತ್ತ ರಣಹದ್ದು ಹಾರಾಟ!

. ಒಳನೋಟ: ಅತ್ತಿವೇರಿಯಲ್ಲಿ ಹೆರಿಗೆ, ಕಡಲಲ್ಲಿ ಆಹಾರ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿತ್ರಾಣಾಗಿದ್ದ ಹಿಮಾಲಯ ರಣಹದ್ದು ರಕ್ಷಣೆ, 15 ದಿನ ಕ್ವಾರಂಟೈನ್: ಏನಿದರ ವಿಶೇಷತೆ?

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ವಾರಕ್ಕೆ 70 ಗಂಟೆ ಕೆಲಸ | ಉಸಿರಿರುವವರೆಗೂ ಅದನ್ನೇ ಹೇಳೋದು: ನಾರಾಯಣ ಮೂರ್ತಿ

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

14 ವರ್ಷದೊಳಗಿನ ರಾಜ್ಯಮಟ್ಟದ ಅಥ್ಲೆಟಿಕ್ಸ್: ಪೂಜಾ, ಪ್ರೀತಮ್ ವೇಗದ ಓಟಗಾರರು

ಪ್ರೊ ಕಬಡ್ಡಿ: ಪಟ್ನಾ ಪೈರೇಟ್ಸ್‌ಗೆ ಜಯ

IND vs SA 4th T20I | ದಕ್ಷಿಣ ಆಫ್ರಿಕಾದ ವಿರುದ್ಧ ಭಾರತಕ್ಕೆ 135 ರನ್‌ಗಳ ಜಯ

IND vs SA 4th T20: ತಿಲಕ್, ಸಂಜು ಸಿಡಿಲಬ್ಬರಕ್ಕೆ ಬೆಚ್ಚಿಬಿದ್ದ ದ.ಆಫ್ರಿಕಾ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ವಾರಕ್ಕೆ 70 ಗಂಟೆ ಕೆಲಸ | ಉಸಿರಿರುವವರೆಗೂ ಅದನ್ನೇ ಹೇಳೋದು: ನಾರಾಯಣ ಮೂರ್ತಿ

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ