ನೌಕಾಪಡೆ ಇಬ್ಬರು ಮಹಿಳಾ ಅಧಿಕಾರಿಗಳಿಂದ ವಿಶ್ವಪರ್ಯಟನೆ

ನವದೆಹಲಿ: ಭಾರತೀಯ ನೌಕಾಪಡೆಯ ಇಬ್ಬರು ಮಹಿಳಾ ಅಧಿಕಾರಿಗಳು ವಿಶ್ವ ಪರ್ಯಟನೆಯನ್ನು ಬುಧವಾರ ಆರಂಭಿಸಿದರು.

. ಯುದ್ಧನೌಕೆ ಐಎನ್ಎಸ್ ತಾರಿಣಿ ಮೂಲಕ ಆರಂಭಿಸಿರುವ ಎಂಟು ತಿಂಗಳ ಈ ಸಮುದ್ರಯಾನದ ವೇಳೆ, ಭಾರತೀಯ ವಿಜ್ಞಾನಿಗಳು ಕೈಗೊಂಡಿರುವ ಅಧ್ಯಯನಕ್ಕಾಗಿ ಬೃಹತ್ ಜಲಚರಗಳು ಹಾಗೂ ಮೈಕ್ರೊ ಪ್ಲಾಸ್ಟಿಕ್ನಿಂದಾಗುವ ಮಾಲಿನ್ಯ ಕುರಿತು ಮಾಹಿತಿ ಸಂಗ್ರಹಿಸಲಿದ್ದಾರೆ.

. ಲೆಫ್ಟಿನೆಂಟ್ ಕಮಾಂಡರ್ ಕೆ.ದಿಲ್ನಾ ಹಾಗೂ ಲೆಫ್ಟಿನೆಂಟ್ ಕಮಾಂಡರ್ ಎ.ರೂಪಾ ಈ ಸಾಹಸಯಾತ್ರೆ ಆರಂಭಿಸಿರುವ ಅಧಿಕಾರಿಗಳು.

. ಇವರ ಕಡಲಯಾನಕ್ಕೆ ಹಸಿರುನಿಶಾನೆ ತೋರಿ, ಮಾತನಾಡಿದ ನೌಕಾಪಡೆ ಮುಖ್ಯಸ್ಥ ಅಡ್ಮಿರಲ್ ದಿನೇಶ್ ತ್ರಿಪಾಠಿ, ‘ಈ ಇಬ್ಬರು ಅಧಿಕಾರಿಗಳು ಕೈಗೊಂಡಿರುವ ಯಾನವು, ಮಹಿಳೆಯರ ಕುರಿತಾದ ಸಾಮಾಜಿಕ ನಂಬಿಕೆಗಳ ವಿರುದ್ಧ ದನಿ ಎತ್ತಿರುವ ಭಾರತವನ್ನು ಹಾಗೂ ಹೊಸದರ ಅನ್ವೇಷಣೆಯನ್ನು ಪ್ರತಿನಿಧಿಸುತ್ತಾರೆ’ ಎಂದರು.

. ಏಳು ವರ್ಷಗಳ ಹಿಂದೆ, ನೌಕಾಪಡೆಯ 6 ಮಹಿಳಾ ಅಧಿಕಾರಿಗಳನ್ನು ಒಳಗೊಂಡ ಕಡಲಯಾನದ ನಂತರ ನಡೆಯುತ್ತಿರುವ ಎರಡನೇ ಯಾತ್ರೆ ಇದಾಗಿದೆ. ಆಗ ಕೂಡ ಐಎನ್ಎಸ್ ತಾರಿಣಿ ನೌಕೆಯನ್ನು ಬಳಸಲಾಗಿತ್ತು.

. ಕಡಲಯಾನದ ಉದ್ದೇಶಗಳು

* ಮಹಿಳಾ ಅಧಿಕಾರಿಗಳು ಭೂಮಧ್ಯರೇಖೆಯನ್ನು ಎರಡು ಬಾರಿ ದಾಟುವರು

* ವಿಶ್ವದ ಅತ್ಯಂತ ಅಪಾಯಕಾರಿ ಹಾಗೂ ನಿರ್ಜನ ಪ್ರದೇಶಗಳ ಮೂಲಕವೂ ಯಾನ

* ಪಣಜಿ ಮೂಲದ ರಾಷ್ಟ್ರೀಯ ಸಾಗರ ವಿಜ್ಞಾನ ಸಂಸ್ಥೆ ಸಹಯೋಗದಲ್ಲಿ ಕೈಗೊಳ್ಳಲಿರುವ ಅಧ್ಯಯನಕ್ಕಾಗಿ ಮಾದರಿಗಳ ಸಂಗ್ರಹ

* ಸಾಗರಗಳಲ್ಲಿನ ಕಬ್ಬಿಣಾಂಶ ಹಾಗೂ ಮೈಕ್ರೊಪ್ಲಾಸ್ಟಿಕ್ಗಳಿಂದಾಗುವ ಪರಿಣಾಮ ಕುರಿತ ಅಧ್ಯಯನ

* ಡೆಹ್ರಾಡೂನ್ನ ಭಾರತೀಯ ವನ್ಯಜೀವಿ ಸಂಸ್ಥೆ ಕೈಗೊಂಡಿರುವ ಪ್ರಾಜೆಕ್ಟ್ಗಾಗಿ ಬೃಹತ್ ಜಲಚರ ಪ್ರಾಣಿಗಳ ಕುರಿತು ಮಾಹಿತಿ ಸಂಗ್ರಹ

. ಯಾತ್ರೆಯ ಪ್ರಮುಖಾಂಶಗಳು

* ಲೆಫ್ಟಿನೆಂಟ್ ಕಮಾಂಡರ್ಗಳಾದ ದಿಲ್ನಾ ಹಾಗೂ ರೂಪಾ ಅವರು 45–50 ದಿನಗಳ ನಂತರ ಆಸ್ಟ್ರೇಲಿಯಾದ ಫ್ರಿಮ್ಯಾಂಟಲ್ ತಲುಪುವರು

* ನಂತರ ಅವರು ನ್ಯೂಜಿಲೆಂಡ್ನ ಲಿಟ್ಲಟನ್ ನಂತರ ಪೋರ್ಟ್ ಸ್ಟ್ಯಾನ್ಸಿ (ಫಾಕ್ಲ್ಯಾಂಡ್) ಕೇಪ್ ಟೌನ್ (ದಕ್ಷಿಣ ಆಫ್ರಿಕಾ) ಮೂಲಕ ಸಾಗಿ ಗೋವಾಕ್ಕೆ ಮರಳುವರು

* ಈ ಸಾಹಸಯಾತ್ರೆಗಾಗಿ ಈ ಇಬ್ಬರು ಅಧಿಕಾರಿಗಳು ಆಳ ಸಮುದ್ರದಲ್ಲಿ ಅಧ್ಯಯನ ಸೇರಿದಂತೆ ಮೂರು ವರ್ಷಗಳಷ್ಟು ಕಠಿಣ ತರಬೇತಿ ಪಡೆದಿದ್ದಾರೆ

* ಮುಂದಿನ ವರ್ಷ ಮೇ ವೇಳೆಗೆ ಭಾರತಕ್ಕೆ ಮರಳುವ ನಿರೀಕ್ಷೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನೌಕಾಪಡೆ ಇಬ್ಬರು ಮಹಿಳಾ ಅಧಿಕಾರಿಗಳಿಂದ ವಿಶ್ವಪರ್ಯಟನೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು