<p><strong>ತಿರುವನಂತಪುರ </strong>: 1924ನೇ ಇಸ್ವಿಯಲ್ಲಿ ಕೇರಳದಲ್ಲಿ ಉಂಟಾದ ಪ್ರವಾಹಕ್ಕೆ ಸ್ಪಂದಿಸಿದ್ದ ಮಹಾತ್ಮ ಗಾಂಧೀಜಿ, ಸಂತ್ರಸ್ತರ ಪರಿಹಾರಕ್ಕಾಗಿ ₹6 ಸಾವಿರ ಒಟ್ಟುಗೂಡಿಸಿದ್ದರು ಎಂದು ದಾಖಲೆಗಳು ಹೇಳುತ್ತವೆ.</p>.<p>ಪ್ರಸ್ತುತ ಕೇರಳ ಪ್ರವಾಹವು 290 ಜನರನ್ನು ಬಲಿಪಡೆದಿದ್ದು, 10 ಲಕ್ಷ ಮಂದಿ ನೆಲೆ ಕಳೆದುಕೊಂಡಿದ್ದಾರೆ. 94 ವರ್ಷಗಳ ಹಿಂದೆಯೂ ಕೇರವಳನ್ನು ಪ್ರವಾಹ ಸಾಕಷ್ಟು ಬಾಧಿಸಿತ್ತು.</p>.<p>‘ಯಂಗ್ ಇಂಡಿಯಾ’ ಮತ್ತು ‘ನವಜೀವನ್’ ಪತ್ರಿಕೆಗಳಲ್ಲಿ ಸರಣಿ ಲೇಖನಗಳನ್ನು ಪ್ರಕಟಿಸುವ ಮೂಲಕ ಪ್ರವಾಹಪೀಡಿತ ಮಲಬಾರ್ಗೆ (ಕೇರಳ) ದೇಣಿಗೆ ನೀಡುವಂತೆ ಜನರನ್ನು ಅವರು ಪ್ರೇರೇಪಿಸಿದ್ದರು. ದೇಶದಾದ್ಯಂತ ಇದಕ್ಕೆ ಸ್ಪಂದನೆ ವ್ಯಕ್ತವಾಗಿತ್ತು. ಜನರು ಚಿನ್ನಾಭರಣ, ಹಣ ನೀಡಿದ್ದರು.</p>.<p>ಗಾಂಧೀಜಿ ಅವರು ‘ಮಲಬಾರ್ನಲ್ಲಿ ಪರಿಹಾರ ಕಾರ್ಯ’ ಎಂಬ ಲೇಖನದಲ್ಲಿ ‘ಮಲಬಾರ್ನ ವಿಪತ್ತನ್ನು ಊಹಿಸಲೂ ಅಸಾಧ್ಯ’ ಎಂಬುದಾಗಿ ಬರೆದಿದ್ದರು.</p>.<p>***<br /><strong>ಕದ್ದು ಕೊಟ್ಟರು.. ಊಟ ಬಿಟ್ಟರು..</strong></p>.<p>ಕೆಲವರು ಒಂದು ಹೊತ್ತಿನ ಊಟ ತ್ಯಜಿಸಿ, ನೆರೆಸಂತ್ರಸ್ಥರ ನಿಧಿಗೆ ದೇಣಿಗೆ ನೀಡಲು ಹಣ ಹೊಂದಿಸಿದ್ದರು ಎಂದು ಗಾಂಧೀಜಿ ಬರೆದಿರುವ ಲೇಖನಗಳಲ್ಲಿ ಉಲ್ಲೇಖಿಸಲಾಗಿದೆ. ಬಾಲಕಿಯೊಬ್ಬಳು ದೇಣಿಗೆ ನೀಡಲು 3 ಪೈಸೆಯನ್ನು ಕದ್ದಿದ್ದ ಘಟನೆಯನ್ನೂ ಅವರು ಪ್ರಸ್ತಾಪಿಸಿದ್ದಾರೆ.</p>.<p>ಕೇರಳ ಕಾಂಗ್ರೆಸ್ ಮುಖಂಡರು ಟೆಲಿಗ್ರಾಂ ಮೂಲಕ ಗಾಂಧೀಜಿ ಅವರಿಗೆ ಮಾಹಿತಿ ನೀಡಿದ್ದರು. ಸಂತ್ರಸ್ತರಿಗಾಗಿ ಹಣ, ಬಟ್ಟೆ ಸಂಗ್ರಹಿಸುತ್ತಿರುವುದಾಗಿ ಗಾಂಧೀಜಿ ಪ್ರತಿಕ್ರಿಯಿಸಿದ್ದರು. ನಿರಾಶ್ರಿತರ ಊಟ, ವಸತಿ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರು.</p>.<p>ಜುಲೈ ತಿಂಗಳಲ್ಲಿ ಸತತ ಮೂರುವಾರ ಪ್ರವಾಹದಲ್ಲಿ ಕೇರಳ ಮುಳುಗಿತ್ತು.ಮುನ್ನಾರ್, ತ್ರಿಶೂರ್, ಕೋಯಿಕ್ಕೋಡ್, ಎರ್ನಾಕುಲಂ, ಆಲುವಾ, ಮೂವಾಟ್ಟುಪುಳ, ಕುಮರಕಮ್, ಚೆಂಙನೂರ್ ಹಾಗೂ ತಿರುವನಂತಪುರಗಳು ಸಂಕಷ್ಟಕ್ಕೆ ಈಡಾಗಿದ್ದವು.</p>.<p>ಇದನ್ನು ‘ಗ್ರೇಟ್ ಫ್ಲಡ್ ಆಫ್ 99’ ಎಂದು ಕರೆಯಲಾಗಿತ್ತು. ಮಲಯಾಳಂ ಕ್ಯಾಲೆಂಡರ್ ಪ್ರಕಾರ ’ಕೊಲ್ಲ ವರ್ಷಂ’ದಲ್ಲಿ (1099ರಲ್ಲಿ) ಈ ದುರಂತ ಸಂಭವಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತಿರುವನಂತಪುರ </strong>: 1924ನೇ ಇಸ್ವಿಯಲ್ಲಿ ಕೇರಳದಲ್ಲಿ ಉಂಟಾದ ಪ್ರವಾಹಕ್ಕೆ ಸ್ಪಂದಿಸಿದ್ದ ಮಹಾತ್ಮ ಗಾಂಧೀಜಿ, ಸಂತ್ರಸ್ತರ ಪರಿಹಾರಕ್ಕಾಗಿ ₹6 ಸಾವಿರ ಒಟ್ಟುಗೂಡಿಸಿದ್ದರು ಎಂದು ದಾಖಲೆಗಳು ಹೇಳುತ್ತವೆ.</p>.<p>ಪ್ರಸ್ತುತ ಕೇರಳ ಪ್ರವಾಹವು 290 ಜನರನ್ನು ಬಲಿಪಡೆದಿದ್ದು, 10 ಲಕ್ಷ ಮಂದಿ ನೆಲೆ ಕಳೆದುಕೊಂಡಿದ್ದಾರೆ. 94 ವರ್ಷಗಳ ಹಿಂದೆಯೂ ಕೇರವಳನ್ನು ಪ್ರವಾಹ ಸಾಕಷ್ಟು ಬಾಧಿಸಿತ್ತು.</p>.<p>‘ಯಂಗ್ ಇಂಡಿಯಾ’ ಮತ್ತು ‘ನವಜೀವನ್’ ಪತ್ರಿಕೆಗಳಲ್ಲಿ ಸರಣಿ ಲೇಖನಗಳನ್ನು ಪ್ರಕಟಿಸುವ ಮೂಲಕ ಪ್ರವಾಹಪೀಡಿತ ಮಲಬಾರ್ಗೆ (ಕೇರಳ) ದೇಣಿಗೆ ನೀಡುವಂತೆ ಜನರನ್ನು ಅವರು ಪ್ರೇರೇಪಿಸಿದ್ದರು. ದೇಶದಾದ್ಯಂತ ಇದಕ್ಕೆ ಸ್ಪಂದನೆ ವ್ಯಕ್ತವಾಗಿತ್ತು. ಜನರು ಚಿನ್ನಾಭರಣ, ಹಣ ನೀಡಿದ್ದರು.</p>.<p>ಗಾಂಧೀಜಿ ಅವರು ‘ಮಲಬಾರ್ನಲ್ಲಿ ಪರಿಹಾರ ಕಾರ್ಯ’ ಎಂಬ ಲೇಖನದಲ್ಲಿ ‘ಮಲಬಾರ್ನ ವಿಪತ್ತನ್ನು ಊಹಿಸಲೂ ಅಸಾಧ್ಯ’ ಎಂಬುದಾಗಿ ಬರೆದಿದ್ದರು.</p>.<p>***<br /><strong>ಕದ್ದು ಕೊಟ್ಟರು.. ಊಟ ಬಿಟ್ಟರು..</strong></p>.<p>ಕೆಲವರು ಒಂದು ಹೊತ್ತಿನ ಊಟ ತ್ಯಜಿಸಿ, ನೆರೆಸಂತ್ರಸ್ಥರ ನಿಧಿಗೆ ದೇಣಿಗೆ ನೀಡಲು ಹಣ ಹೊಂದಿಸಿದ್ದರು ಎಂದು ಗಾಂಧೀಜಿ ಬರೆದಿರುವ ಲೇಖನಗಳಲ್ಲಿ ಉಲ್ಲೇಖಿಸಲಾಗಿದೆ. ಬಾಲಕಿಯೊಬ್ಬಳು ದೇಣಿಗೆ ನೀಡಲು 3 ಪೈಸೆಯನ್ನು ಕದ್ದಿದ್ದ ಘಟನೆಯನ್ನೂ ಅವರು ಪ್ರಸ್ತಾಪಿಸಿದ್ದಾರೆ.</p>.<p>ಕೇರಳ ಕಾಂಗ್ರೆಸ್ ಮುಖಂಡರು ಟೆಲಿಗ್ರಾಂ ಮೂಲಕ ಗಾಂಧೀಜಿ ಅವರಿಗೆ ಮಾಹಿತಿ ನೀಡಿದ್ದರು. ಸಂತ್ರಸ್ತರಿಗಾಗಿ ಹಣ, ಬಟ್ಟೆ ಸಂಗ್ರಹಿಸುತ್ತಿರುವುದಾಗಿ ಗಾಂಧೀಜಿ ಪ್ರತಿಕ್ರಿಯಿಸಿದ್ದರು. ನಿರಾಶ್ರಿತರ ಊಟ, ವಸತಿ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರು.</p>.<p>ಜುಲೈ ತಿಂಗಳಲ್ಲಿ ಸತತ ಮೂರುವಾರ ಪ್ರವಾಹದಲ್ಲಿ ಕೇರಳ ಮುಳುಗಿತ್ತು.ಮುನ್ನಾರ್, ತ್ರಿಶೂರ್, ಕೋಯಿಕ್ಕೋಡ್, ಎರ್ನಾಕುಲಂ, ಆಲುವಾ, ಮೂವಾಟ್ಟುಪುಳ, ಕುಮರಕಮ್, ಚೆಂಙನೂರ್ ಹಾಗೂ ತಿರುವನಂತಪುರಗಳು ಸಂಕಷ್ಟಕ್ಕೆ ಈಡಾಗಿದ್ದವು.</p>.<p>ಇದನ್ನು ‘ಗ್ರೇಟ್ ಫ್ಲಡ್ ಆಫ್ 99’ ಎಂದು ಕರೆಯಲಾಗಿತ್ತು. ಮಲಯಾಳಂ ಕ್ಯಾಲೆಂಡರ್ ಪ್ರಕಾರ ’ಕೊಲ್ಲ ವರ್ಷಂ’ದಲ್ಲಿ (1099ರಲ್ಲಿ) ಈ ದುರಂತ ಸಂಭವಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
