<p>ನವದೆಹಲಿ(ಪಿಟಿಐ): ‘ಇನ್ಫೊಸಿಸ್’ನ ನೂತನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (ಸಿಇಒ) ವಿಶಾಲ್ ಸಿಕ್ಕಾ ಅವರ ವಾರ್ಷಿಕ ವೇತನ 50.80 ಲಕ್ಷ ಡಾಲರ್ (ಸುಮಾರು ₨30.33 ಕೋಟಿ)ಗಳಷ್ಟಿದೆ !<br /> <br /> ಜತೆಗೆ, 20 ಲಕ್ಷ ಡಾಲರ್ (₨11.95 ಕೋಟಿ) ಮೌಲ್ಯದ ಷೇರುಗಳನ್ನೂ ಸಿಕ್ಕಾ ಪಡೆದುಕೊಳ್ಳಲಿದ್ದಾರೆ. ಸಂಬಳ ಮತ್ತಿತರ ಸೌಲಭ್ಯಗಳ ಒಟ್ಟು ಮೊತ್ತ ಭಾರಿಯಾಗಿದ್ದರೂ ಇದು ಜಾಗತಿಕ ಮಟ್ಟದ ‘ಸಿಇಒ’ಗಳ ವೇತನಕ್ಕಿಂತ ಕಡಿಮೆ ಪ್ರಮಾಣದ್ದೇ ಆಗಿದೆ.<br /> <br /> ಸದ್ಯ ‘ಸಿಇಒ’ ಆಗಿರುವ ಎಸ್.ಡಿ.ಶಿಬುಲಾಲ್ ಅವರಿಂದ ವಿಶಾಲ್ ಸಿಕ್ಕಾ (47) ಆಗಸ್ಟ್ 1ರಂದು ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.<br /> ಇದಕ್ಕೆ ಸಂಬಂಧಿಸಿದಂತೆ ದೇಶದ ಎರಡನೇ ಅತಿದೊಡ್ಡ ಸಾಫ್ಟ್ವೇರ್ ರಫ್ತು ಕಂಪೆನಿ ‘ಇನ್ಫೊಸಿಸ್’, ಜುಲೈ 30ರಂದು ವಿಶೇಷ ಮಹಾಸಭೆಗೆ (ಇಜಿಎಂ) ಷೇರುದಾರರಿಗೆ ಸುತ್ತೋಲೆ ಕಳಿಸಿದೆ. ‘ಸಿಇಒ’ ಹುದ್ದೆಗೆ ವಿಶಾಲ್ ಸಿಕ್ಕಾ ಅವರ ನೇಮಕಕ್ಕೆ ಷೇರುದಾರರ ಅನುಮೋದನೆ ಪಡೆಯುವುದೇ ಈ ‘ಇಜಿಎಂ’ ಉದ್ದೇಶವಾಗಿದೆ.<br /> <br /> ವಿಶಾಲ್ ಸಿಕ್ಕಾ ಅವರು ವಾರ್ಷಿಕ 9 ಲಕ್ಷ ಡಾಲರ್ (ಸುಮಾರು ₨5.38 ಕೋಟಿ) ಮೂಲ ವೇತನ ಹಾಗೂ 41.80 ಲಕ್ಷ ಡಾಲರ್ (₨ 25 ಕೋಟಿ) ಪ್ರೋತ್ಸಾಹ ಧನ ಪಡೆಯುವರು. ಜತೆಗೆ ಇನ್ಫೊಸಿಸ್ನ 20 ಲಕ್ಷ ಡಾಲರ್ ಮೌಲ್ಯದ ಷೇರುಗಳನ್ನೂ ಪಡೆದುಕೊಳ್ಳುವರು ಎಂದು ಸುತ್ತೋಲೆಯಲ್ಲಿ ವಿವರಿಸಲಾಗಿದೆ. ಅಂದರೆ, ಸಿಕ್ಕಾ ಅವರಿಗೆ ಮೊದಲ ವರ್ಷದಲ್ಲೇ ಒಟ್ಟು 70.8 ಲಕ್ಷ ಡಾಲರ್ಗಳಷ್ಟು (₨42.27 ಕೋಟಿ) ಗಳಿಕೆ ಆಗಲಿದೆ.<br /> <br /> <strong>ಅರ್ಧಕ್ಕಿಂತಲೂ ಕಡಿಮೆ!: </strong>ಆದರೆ, ಮೈಕ್ರೊಸಾಫ್ಟ್ನ ‘ಸಿಇಒ’ ಪಡೆಯುತ್ತಿರುವ 1.80 ಕೋಟಿ ಡಾಲರ್ (₨107.50 ಕೋಟಿ), ‘ಐಬಿಎಂ’ನ ‘ಸಿಇಒ’ ಸ್ವೀಕರಿಸುತ್ತಿರುವ 1.61 ಕೋಟಿ ಡಾಲರ್ (₨96.12 ಕೋಟಿ) ಹಾಗೂ ಸಿಟಿ ಬ್ಯಾಂಕ್ ‘ಸಿಇಒ’ ಪಡೆದುಕೊಳ್ಳುತ್ತಿರುವ 1.44 ಕೋಟಿ ಡಾಲರ್ (ಸುಮಾರು ₨86 ಕೋಟಿ) ವೇತನಕ್ಕೆ ಹೋಲಿಸಿದರೆ ಸಿಕ್ಕಾ ಅವರ ವರ್ಷದ ಸಂಬಳ ಇತರ ‘ಸಿಇಒ’ಗಳ ಸಂಬಳದ ಅರ್ಧಕ್ಕಿಂತಲೂ ಕಡಿಮೆಯೇ ಇದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ(ಪಿಟಿಐ): ‘ಇನ್ಫೊಸಿಸ್’ನ ನೂತನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (ಸಿಇಒ) ವಿಶಾಲ್ ಸಿಕ್ಕಾ ಅವರ ವಾರ್ಷಿಕ ವೇತನ 50.80 ಲಕ್ಷ ಡಾಲರ್ (ಸುಮಾರು ₨30.33 ಕೋಟಿ)ಗಳಷ್ಟಿದೆ !<br /> <br /> ಜತೆಗೆ, 20 ಲಕ್ಷ ಡಾಲರ್ (₨11.95 ಕೋಟಿ) ಮೌಲ್ಯದ ಷೇರುಗಳನ್ನೂ ಸಿಕ್ಕಾ ಪಡೆದುಕೊಳ್ಳಲಿದ್ದಾರೆ. ಸಂಬಳ ಮತ್ತಿತರ ಸೌಲಭ್ಯಗಳ ಒಟ್ಟು ಮೊತ್ತ ಭಾರಿಯಾಗಿದ್ದರೂ ಇದು ಜಾಗತಿಕ ಮಟ್ಟದ ‘ಸಿಇಒ’ಗಳ ವೇತನಕ್ಕಿಂತ ಕಡಿಮೆ ಪ್ರಮಾಣದ್ದೇ ಆಗಿದೆ.<br /> <br /> ಸದ್ಯ ‘ಸಿಇಒ’ ಆಗಿರುವ ಎಸ್.ಡಿ.ಶಿಬುಲಾಲ್ ಅವರಿಂದ ವಿಶಾಲ್ ಸಿಕ್ಕಾ (47) ಆಗಸ್ಟ್ 1ರಂದು ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.<br /> ಇದಕ್ಕೆ ಸಂಬಂಧಿಸಿದಂತೆ ದೇಶದ ಎರಡನೇ ಅತಿದೊಡ್ಡ ಸಾಫ್ಟ್ವೇರ್ ರಫ್ತು ಕಂಪೆನಿ ‘ಇನ್ಫೊಸಿಸ್’, ಜುಲೈ 30ರಂದು ವಿಶೇಷ ಮಹಾಸಭೆಗೆ (ಇಜಿಎಂ) ಷೇರುದಾರರಿಗೆ ಸುತ್ತೋಲೆ ಕಳಿಸಿದೆ. ‘ಸಿಇಒ’ ಹುದ್ದೆಗೆ ವಿಶಾಲ್ ಸಿಕ್ಕಾ ಅವರ ನೇಮಕಕ್ಕೆ ಷೇರುದಾರರ ಅನುಮೋದನೆ ಪಡೆಯುವುದೇ ಈ ‘ಇಜಿಎಂ’ ಉದ್ದೇಶವಾಗಿದೆ.<br /> <br /> ವಿಶಾಲ್ ಸಿಕ್ಕಾ ಅವರು ವಾರ್ಷಿಕ 9 ಲಕ್ಷ ಡಾಲರ್ (ಸುಮಾರು ₨5.38 ಕೋಟಿ) ಮೂಲ ವೇತನ ಹಾಗೂ 41.80 ಲಕ್ಷ ಡಾಲರ್ (₨ 25 ಕೋಟಿ) ಪ್ರೋತ್ಸಾಹ ಧನ ಪಡೆಯುವರು. ಜತೆಗೆ ಇನ್ಫೊಸಿಸ್ನ 20 ಲಕ್ಷ ಡಾಲರ್ ಮೌಲ್ಯದ ಷೇರುಗಳನ್ನೂ ಪಡೆದುಕೊಳ್ಳುವರು ಎಂದು ಸುತ್ತೋಲೆಯಲ್ಲಿ ವಿವರಿಸಲಾಗಿದೆ. ಅಂದರೆ, ಸಿಕ್ಕಾ ಅವರಿಗೆ ಮೊದಲ ವರ್ಷದಲ್ಲೇ ಒಟ್ಟು 70.8 ಲಕ್ಷ ಡಾಲರ್ಗಳಷ್ಟು (₨42.27 ಕೋಟಿ) ಗಳಿಕೆ ಆಗಲಿದೆ.<br /> <br /> <strong>ಅರ್ಧಕ್ಕಿಂತಲೂ ಕಡಿಮೆ!: </strong>ಆದರೆ, ಮೈಕ್ರೊಸಾಫ್ಟ್ನ ‘ಸಿಇಒ’ ಪಡೆಯುತ್ತಿರುವ 1.80 ಕೋಟಿ ಡಾಲರ್ (₨107.50 ಕೋಟಿ), ‘ಐಬಿಎಂ’ನ ‘ಸಿಇಒ’ ಸ್ವೀಕರಿಸುತ್ತಿರುವ 1.61 ಕೋಟಿ ಡಾಲರ್ (₨96.12 ಕೋಟಿ) ಹಾಗೂ ಸಿಟಿ ಬ್ಯಾಂಕ್ ‘ಸಿಇಒ’ ಪಡೆದುಕೊಳ್ಳುತ್ತಿರುವ 1.44 ಕೋಟಿ ಡಾಲರ್ (ಸುಮಾರು ₨86 ಕೋಟಿ) ವೇತನಕ್ಕೆ ಹೋಲಿಸಿದರೆ ಸಿಕ್ಕಾ ಅವರ ವರ್ಷದ ಸಂಬಳ ಇತರ ‘ಸಿಇಒ’ಗಳ ಸಂಬಳದ ಅರ್ಧಕ್ಕಿಂತಲೂ ಕಡಿಮೆಯೇ ಇದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
