ನಕಲಿ ಇ–ವೇ ಬಿಲ್‌ ಪತ್ತೆ; ₹ 63 ಲಕ್ಷ ದಂಡ ವಸೂಲಿ

ವಿಜಯಪುರ: ತೆರಿಗೆ ವಂಚಿಸಿ, ನಕಲಿ ದಾಖಲೆಗಳೊಂದಿಗೆ ಉತ್ತರ ಪ್ರದೇಶಕ್ಕೆ ಕೆಂಪಡಿಕೆ ಸಾಗಿಸುತ್ತಿದ್ದ ಸರಕು ಸಾಗಣೆ ಲಾರಿಯನ್ನು ಇಲ್ಲಿನ ವಾಣಿಜ್ಯ ತೆರಿಗೆ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. ಲಾರಿ ಮಾಲೀಕರಿಂದ ದಂಡ ಸಮೇತ ₹63.27 ಲಕ್ಷ ತೆರಿಗೆ ವಸೂಲಿ ಮಾಡಿದ್ದಾರೆ.

. ಒಂದೇ ಲಾರಿಯಲ್ಲಿನ, ಒಂದೇ ಸರಕಿಗೆ ಇಷ್ಟೊಂದು ಬೃಹತ್ ಮೊತ್ತದ ತೆರಿಗೆ ಮತ್ತು ದಂಡ ವಿಧಿಸಿರುವುದು ಜಿಎಸ್ಟಿ (ಸರಕು ಮತ್ತು ಸೇವಾ ತೆರಿಗೆ) ಜಾರಿ ಬಳಿಕ ಇದೇ ಮೊದಲು ಎಂದು ವಾಣಿಜ್ಯ ತೆರಿಗೆ ಅಧಿಕಾರಿಗಳು ತಿಳಿಸಿದ್ದಾರೆ.

. ನಗರದ ಹೊರ ವಲಯದ ಸೊಲ್ಲಾಪುರ– ವಿಜಯಪುರ ಬೈಪಾಸ್ ಮೂಲಕ ರಾಜಸ್ತಾನ ನೋಂದಣಿಯ ಲಾರಿಯೊಂದು, ಉತ್ತರ ಪ್ರದೇಶದ ಮೀರಠ್ಗೆ ಸರಕು ಸಾಗಿಸುತ್ತಿದ್ದ ವೇಳೆ ಅಕ್ರಮ ಬೆಳಕಿಗೆ ಬಂದಿದೆ.

. ತಮಿಳುನಾಡಿನ ಲೇಬಲ್!: ತಮಿಳುನಾಡಿನ ಹೊಸೂರಿನಲ್ಲಿ ಪಡೆದಿರುವುದಾಗಿ ತಿಳಿಸುವ ಇ–ವೇ ಬಿಲ್ ಕೂಡ ನಕಲಿ ಎಂಬುದು ತನಿಖೆ ವೇಳೆ ಗೊತ್ತಾಗಿದೆ. ಶಿವಮೊಗ್ಗ, ಚಿಕ್ಕಮಗಳೂರು ಭಾಗದ ಕೆಂಪಡಿಕೆಗೆ ತಮಿಳುನಾಡಿನ ಲೇಬಲ್ ಅಂಟಿಸಲಾಗಿದೆ. ಈ ಸರಕು ಮೀರಠ್ನ ಸದ್ಗುರು ಟ್ರೇಡರ್ಸ್ಗೆ ಸೇರಿದ್ದು ಎಂದು ಗೊತ್ತಾಗಿದೆ. ಆ ಸಂಸ್ಥೆಗೆ ನೋಟಿಸ್ ನೀಡಲಾಗಿದೆ’ ಎಂದು ವಾಣಿಜ್ಯ ತೆರಿಗೆ ಇಲಾಖೆಯ ಬೆಳಗಾವಿ ವಿಭಾಗದ ಜಂಟಿ ಆಯುಕ್ತ ಕೆ.ರಾಮನ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಇದೇ ಸಂಸ್ಥೆ, ಡಿಸೆಂಬರ್ ತಿಂಗಳೊಂದರಲ್ಲೇ ಇಂಥ 40 ಇ–ವೇ ಬಿಲ್ ಮೂಲಕ ಸರಕು ಸಾಗಿಸಿದೆ. ಅದರ ಮಾಲೀಕ ಯಾರು ಎಂಬುದು ಇನ್ನೂ ಖಚಿತವಾಗಿಲ್ಲ. ಆದಾಯ ತೆರಿಗೆ ಇಲಾಖೆ ಹಾಗೂ ತಮಿಳುನಾಡಿನ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳಿಗೂ ಈ ಸಂಬಂಧ ಮಾಹಿತಿ ನೀಡಲಾಗಿದೆ’ ಎಂದರು.

. * ಲಾರಿ ತಪಾಸಣೆ ವೇಳೆ ಅಡಿಕೆ ನೋಡಿದ ಕೂಡಲೇ ಇದು ಶಿವಮೊಗ್ಗ ಭಾಗದ್ದು ಎಂಬ ಅನುಮಾನ ಬಂತು. ತನಿಖೆ ನಡೆಸಿದಾಗ ಅಕ್ರಮ ಬೆಳಕಿಗೆ ಬಂತು

. - ಬಸವಣ್ಣ, ವಾಣಿಜ್ಯ ತೆರಿಗೆ ಅಧಿಕಾರಿ, ವಿಜಯಪುರ

. *ಸುಳ್ಳು ದಾಖಲೆಗಳನ್ನು ಸೃಷ್ಟಿಸಿ, ಕಳ್ಳ ಮಾರ್ಗದಲ್ಲಿ ರಾಜ್ಯದಿಂದ ಅಡಿಕೆ ಸಾಗಿಸುವುದು ದಂಧೆಯಾಗಿದೆ. ಇಂಥ ಆರ್ಥಿಕ ಅಪರಾಧ ಪತ್ತೆ ಹಚ್ಚುವುದು ಇಲಾಖೆಗೆ ಸವಾಲಾಗಿದೆ.

. -ಕೆ.ರಾಮನ್, ಜಂಟಿ ಆಯುಕ್ತ, ಬೆಳಗಾವಿ ವಾಣಿಜ್ಯ ತೆರಿಗೆ ವಿಭಾಗ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಕಲಿ ಇ–ವೇ ಬಿಲ್‌ ಪತ್ತೆ; ₹ 63 ಲಕ್ಷ ದಂಡ ವಸೂಲಿ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚುರುಮುರಿ: ಕ್ಷಮಿಸಿಬುಡಿ...

ದಿನ ಭವಿಷ್ಯ: ಈ ರಾಶಿಯವರಿಗೆ ನಿಜವಾದ ಗೆಳೆಯ ಯಾರೆಂಬುದು ತಿಳಿಯಲಿದೆ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಮಂಗಳೂರು ವಿವಿಗೆ ಚಾಂಪಿಯನ್ ಪಟ್ಟ

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ | ಇಯಾನ್‌, ಸಂಹಿತಾಗೆ ಚಿನ್ನದ ಪದಕ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌ ಟೂರ್ನಿ | ಜಾಂಗ್‌ಗೆ ಅನುಪಮಾ ಆಘಾತ

ಹಾಕಿ | ಜಪಾನ್ ವಿರುದ್ಧ 2–0 ಜಯ; ಭಾರತ ಫೈನಲ್‌ಗೆ: ಚೀನಾ ಎದುರಾಳಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚುರುಮುರಿ: ಕ್ಷಮಿಸಿಬುಡಿ...

ದಿನ ಭವಿಷ್ಯ: ಈ ರಾಶಿಯವರಿಗೆ ನಿಜವಾದ ಗೆಳೆಯ ಯಾರೆಂಬುದು ತಿಳಿಯಲಿದೆ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024