<p><strong>ಬೆಳಗಾವಿ: </strong>ಪ್ರಕೃತಿ ವಿಕೋಪ ಸಂತ್ರಸ್ತರಿಗೆ ಗರಿಷ್ಠ 60 ದಿನಗಳವರೆಗೆ ಮಾತ್ರ ನೆರವು (ಊಟ– ವಸತಿ) ನೀಡಬೇಕೆನ್ನುವ ನಿಯಮ ಎನ್ಡಿಆರ್ಎಫ್ನಲ್ಲಿದ್ದು, ತಕ್ಷಣ ಪರಿಹಾರ ಕೇಂದ್ರಗಳನ್ನು ತೊರೆಯುವಂತೆ ಸಂತ್ರಸ್ತರಿಗೆ ಅಧಿಕಾರಿಗಳು ಎಚ್ಚರಿಕೆ ನೀಡಿರುವ ವಿಷಯ ಬೆಳಕಿಗೆ ಬಂದಿದೆ.</p>.<p>ರಾಮದುರ್ಗ ಪುರಸಭೆಯ ಸಾಂಸ್ಕೃತಿಕ ಭವನದ ಪರಿಹಾರ ಕೇಂದ್ರದಲ್ಲಿರುವ 75ಕ್ಕೂ ಹೆಚ್ಚು ಕುಟುಂಬಗಳ ಸದಸ್ಯರು ಆತಂಕದ ಕ್ಷಣಗಳನ್ನು ಎಣಿಸುತ್ತಿದ್ದಾರೆ. ಇಂತಹದ್ದೇ ಸ್ಥಿತಿ ಗೋಕಾಕದ ಎರಡು ಕೇಂದ್ರಗಳಲ್ಲಿಯೂ ಇದೆ. ಸುಮಾರು 80ಕ್ಕೂ ಹೆಚ್ಚು ಕುಟುಂಬಗಳು ಇಲ್ಲಿ ವಾಸವಾಗಿವೆ.</p>.<p>ಆಗಸ್ಟ್ ತಿಂಗಳಿನಲ್ಲಿ ಮಲಪ್ರಭಾ ನದಿ ಉಕ್ಕಿ ಹರಿದ ಪರಿಣಾಮ ರಾಮದುರ್ಗದ ಹಲವು ಪ್ರದೇಶಗಳು ಜಲಾವೃತಗೊಂಡಿದ್ದವು. ಇವುಗಳಲ್ಲಿ ಕಿಲಬನೂರು ಕೂಡ ಒಂದಾಗಿತ್ತು. ಈ ಪ್ರದೇಶದ ಸುಮಾರು 250 ಕುಟುಂಬಗಳನ್ನು ಪರಿಹಾರ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿತ್ತು. ನೆರೆ ಇಳಿದ ಮೇಲೆ, ಸದೃಢ ಮನೆಗಳಿರುವ ಸದಸ್ಯರು ವಾಪಸ್ ತೆರಳಿದರು. ಇನ್ನುಳಿದವರು ಕೇಂದ್ರದಲ್ಲಿಯೇ ಮುಂದುವರಿದರು.</p>.<p><strong>ಶೆಡ್ ನಿರ್ಮಾಣವಾಗಿಲ್ಲ: </strong>‘ನಮ್ಮ ಮನೆ ಸಂಪೂರ್ಣವಾಗಿ ನೆರೆಯಲ್ಲಿ ಮುಳುಗಿಹೋಗಿತ್ತು. ಗೋಡೆಗಳೆಲ್ಲ ಶಿಥಿಲಗೊಂಡಿದ್ದು, ಯಾವ ಕ್ಷಣದಲ್ಲಿ ಕುಸಿಯುತ್ತದೆಯೋ ಹೇಳಲಿಕ್ಕಾಗದು. ಇನ್ನೊಂದೆಡೆ, ಇದುವರೆಗೆ ನಮಗೆ ತಾತ್ಕಾಲಿಕ ಶೆಡ್ ನಿರ್ಮಿಸಿಕೊಟ್ಟಿಲ್ಲ. ಹೀಗಾಗಿ ಅನಿವಾರ್ಯವಾಗಿ ನಾವಿನ್ನೂ ಕೇಂದ್ರದಲ್ಲಿಯೇ ಇದ್ದೇವೆ’ ಎಂದು ಪಾಂಡಪ್ಪ ಚೌಡಕಿ ಹೇಳಿದರು.</p>.<p>‘ಸರ್ಕಾರ ಘೋಷಿಸಿದ್ದ ತಾತ್ಕಾಲಿಕ ಪರಿಹಾರ ₹ 10,000 ಸಿಕ್ಕಿತ್ತು. ಆರೋಗ್ಯ ಚಿಕಿತ್ಸೆ ಹಾಗೂ ವಸ್ತುಗಳ ಖರೀದಿಗಾಗಿ ಈ ಹಣ ಖರ್ಚಾಗಿ ಹೋಗಿದೆ. ಮನೆ ಹಾನಿ ಪರಿಹಾರ ಸಿಕ್ಕಿಲ್ಲ. ತಾತ್ಕಾಲಿಕ ಶೆಡ್ ಕೂಡ ನಿರ್ಮಾಣವಾಗಿಲ್ಲ. ಈಗ 2 ದಿನಗಳಲ್ಲಿ ಪರಿಹಾರ ಕೇಂದ್ರ ಬಿಟ್ಟು ಹೋಗಿ ಎಂದರೆ ನಾವು ಎಲ್ಲಿಗೆ ಹೋಗಬೇಕು?’ ಎಂದು ಅಳಲು ತೋಡಿಕೊಂಡರು.</p>.<p>ಮತ್ತೊಬ್ಬ ಸಂತ್ರಸ್ತೆ ಯಲ್ಲವ್ವ ದೊಡಮನಿ ಮಾತನಾಡಿ, ‘ಊಟ– ತಿಂಡಿಗೆ ತೊಂದರೆ ಇಲ್ಲ. ಆದರೆ, ಇರಲು ಮನೆ ಇಲ್ಲ. ಮನೆ ನಿರ್ಮಿಸಿಕೊಡುವವರಿಗೆ ನಮಗೆ ಇಲ್ಲಿಯೇ ಇರಲು ಅವಕಾಶ ಮಾಡಿಕೊಡಬೇಕು’ ಎಂದು ಕೋರಿಕೊಂಡರು.</p>.<p><strong>ತಗಡು, ಬಿದಿರು ನೀಡಿದ್ದೇವೆ:</strong>‘ಎನ್ಡಿಆರ್ಎಫ್ ನಿಯಮಾವಳಿ ಪ್ರಕಾರ ಗರಿಷ್ಠ 60 ದಿನಗಳವರೆಗೆ ಮಾತ್ರ ಸಂತ್ರಸ್ತರಿಗೆ ಪರಿಹಾರ ನೀಡಲು ಸಾಧ್ಯವಿದೆ. ಈ ಗಡುವು ಸಮೀಪಿಸುತ್ತಿದ್ದು, ಅಷ್ಟರೊಳಗೆ ಶೆಡ್ಗಳನ್ನು ನಿರ್ಮಿಸಿಕೊಳ್ಳುವಂತೆ ಸಂತ್ರಸ್ತರಿಗೆ ಸೂಚಿಸಿದ್ದೇವೆ. ಶೀಟ್, ತಾಡಪತ್ರೆ ಹಾಗೂ ಬಿದಿರುಗಳನ್ನು ಪೂರೈಸಿದ್ದೇವೆ’ ಎಂದು ತಹಶೀಲ್ದಾರ್ ಬಸನಗೌಡ ಕೋಟೂರ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>‘ಈಗ ಪ್ರವಾಹದ ನೀರು ಇಳಿದುಹೋಗಿದೆ. ಸಂತ್ರಸ್ತರು ತಮ್ಮ ಜಾಗಗಳಲ್ಲಿ ತಾತ್ಕಾಲಿಕ ಶೆಡ್ ನಿರ್ಮಿಸಿಕೊಂಡು ಅಥವಾ ತಮ್ಮ ಮನೆಯನ್ನು ದುರಸ್ತಿ ಪಡಿಸಿಕೊಂಡು ಇರಬಹುದು. ಸಮರ್ಪಕ ದಾಖಲೆ ಸಲ್ಲಿಸಿದವರಿಗೆ ಮನೆ ಹಾನಿ ಪರಿಹಾರ ನೀಡಲಾಗುತ್ತಿದೆ’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಳಗಾವಿ: </strong>ಪ್ರಕೃತಿ ವಿಕೋಪ ಸಂತ್ರಸ್ತರಿಗೆ ಗರಿಷ್ಠ 60 ದಿನಗಳವರೆಗೆ ಮಾತ್ರ ನೆರವು (ಊಟ– ವಸತಿ) ನೀಡಬೇಕೆನ್ನುವ ನಿಯಮ ಎನ್ಡಿಆರ್ಎಫ್ನಲ್ಲಿದ್ದು, ತಕ್ಷಣ ಪರಿಹಾರ ಕೇಂದ್ರಗಳನ್ನು ತೊರೆಯುವಂತೆ ಸಂತ್ರಸ್ತರಿಗೆ ಅಧಿಕಾರಿಗಳು ಎಚ್ಚರಿಕೆ ನೀಡಿರುವ ವಿಷಯ ಬೆಳಕಿಗೆ ಬಂದಿದೆ.</p>.<p>ರಾಮದುರ್ಗ ಪುರಸಭೆಯ ಸಾಂಸ್ಕೃತಿಕ ಭವನದ ಪರಿಹಾರ ಕೇಂದ್ರದಲ್ಲಿರುವ 75ಕ್ಕೂ ಹೆಚ್ಚು ಕುಟುಂಬಗಳ ಸದಸ್ಯರು ಆತಂಕದ ಕ್ಷಣಗಳನ್ನು ಎಣಿಸುತ್ತಿದ್ದಾರೆ. ಇಂತಹದ್ದೇ ಸ್ಥಿತಿ ಗೋಕಾಕದ ಎರಡು ಕೇಂದ್ರಗಳಲ್ಲಿಯೂ ಇದೆ. ಸುಮಾರು 80ಕ್ಕೂ ಹೆಚ್ಚು ಕುಟುಂಬಗಳು ಇಲ್ಲಿ ವಾಸವಾಗಿವೆ.</p>.<p>ಆಗಸ್ಟ್ ತಿಂಗಳಿನಲ್ಲಿ ಮಲಪ್ರಭಾ ನದಿ ಉಕ್ಕಿ ಹರಿದ ಪರಿಣಾಮ ರಾಮದುರ್ಗದ ಹಲವು ಪ್ರದೇಶಗಳು ಜಲಾವೃತಗೊಂಡಿದ್ದವು. ಇವುಗಳಲ್ಲಿ ಕಿಲಬನೂರು ಕೂಡ ಒಂದಾಗಿತ್ತು. ಈ ಪ್ರದೇಶದ ಸುಮಾರು 250 ಕುಟುಂಬಗಳನ್ನು ಪರಿಹಾರ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿತ್ತು. ನೆರೆ ಇಳಿದ ಮೇಲೆ, ಸದೃಢ ಮನೆಗಳಿರುವ ಸದಸ್ಯರು ವಾಪಸ್ ತೆರಳಿದರು. ಇನ್ನುಳಿದವರು ಕೇಂದ್ರದಲ್ಲಿಯೇ ಮುಂದುವರಿದರು.</p>.<p><strong>ಶೆಡ್ ನಿರ್ಮಾಣವಾಗಿಲ್ಲ: </strong>‘ನಮ್ಮ ಮನೆ ಸಂಪೂರ್ಣವಾಗಿ ನೆರೆಯಲ್ಲಿ ಮುಳುಗಿಹೋಗಿತ್ತು. ಗೋಡೆಗಳೆಲ್ಲ ಶಿಥಿಲಗೊಂಡಿದ್ದು, ಯಾವ ಕ್ಷಣದಲ್ಲಿ ಕುಸಿಯುತ್ತದೆಯೋ ಹೇಳಲಿಕ್ಕಾಗದು. ಇನ್ನೊಂದೆಡೆ, ಇದುವರೆಗೆ ನಮಗೆ ತಾತ್ಕಾಲಿಕ ಶೆಡ್ ನಿರ್ಮಿಸಿಕೊಟ್ಟಿಲ್ಲ. ಹೀಗಾಗಿ ಅನಿವಾರ್ಯವಾಗಿ ನಾವಿನ್ನೂ ಕೇಂದ್ರದಲ್ಲಿಯೇ ಇದ್ದೇವೆ’ ಎಂದು ಪಾಂಡಪ್ಪ ಚೌಡಕಿ ಹೇಳಿದರು.</p>.<p>‘ಸರ್ಕಾರ ಘೋಷಿಸಿದ್ದ ತಾತ್ಕಾಲಿಕ ಪರಿಹಾರ ₹ 10,000 ಸಿಕ್ಕಿತ್ತು. ಆರೋಗ್ಯ ಚಿಕಿತ್ಸೆ ಹಾಗೂ ವಸ್ತುಗಳ ಖರೀದಿಗಾಗಿ ಈ ಹಣ ಖರ್ಚಾಗಿ ಹೋಗಿದೆ. ಮನೆ ಹಾನಿ ಪರಿಹಾರ ಸಿಕ್ಕಿಲ್ಲ. ತಾತ್ಕಾಲಿಕ ಶೆಡ್ ಕೂಡ ನಿರ್ಮಾಣವಾಗಿಲ್ಲ. ಈಗ 2 ದಿನಗಳಲ್ಲಿ ಪರಿಹಾರ ಕೇಂದ್ರ ಬಿಟ್ಟು ಹೋಗಿ ಎಂದರೆ ನಾವು ಎಲ್ಲಿಗೆ ಹೋಗಬೇಕು?’ ಎಂದು ಅಳಲು ತೋಡಿಕೊಂಡರು.</p>.<p>ಮತ್ತೊಬ್ಬ ಸಂತ್ರಸ್ತೆ ಯಲ್ಲವ್ವ ದೊಡಮನಿ ಮಾತನಾಡಿ, ‘ಊಟ– ತಿಂಡಿಗೆ ತೊಂದರೆ ಇಲ್ಲ. ಆದರೆ, ಇರಲು ಮನೆ ಇಲ್ಲ. ಮನೆ ನಿರ್ಮಿಸಿಕೊಡುವವರಿಗೆ ನಮಗೆ ಇಲ್ಲಿಯೇ ಇರಲು ಅವಕಾಶ ಮಾಡಿಕೊಡಬೇಕು’ ಎಂದು ಕೋರಿಕೊಂಡರು.</p>.<p><strong>ತಗಡು, ಬಿದಿರು ನೀಡಿದ್ದೇವೆ:</strong>‘ಎನ್ಡಿಆರ್ಎಫ್ ನಿಯಮಾವಳಿ ಪ್ರಕಾರ ಗರಿಷ್ಠ 60 ದಿನಗಳವರೆಗೆ ಮಾತ್ರ ಸಂತ್ರಸ್ತರಿಗೆ ಪರಿಹಾರ ನೀಡಲು ಸಾಧ್ಯವಿದೆ. ಈ ಗಡುವು ಸಮೀಪಿಸುತ್ತಿದ್ದು, ಅಷ್ಟರೊಳಗೆ ಶೆಡ್ಗಳನ್ನು ನಿರ್ಮಿಸಿಕೊಳ್ಳುವಂತೆ ಸಂತ್ರಸ್ತರಿಗೆ ಸೂಚಿಸಿದ್ದೇವೆ. ಶೀಟ್, ತಾಡಪತ್ರೆ ಹಾಗೂ ಬಿದಿರುಗಳನ್ನು ಪೂರೈಸಿದ್ದೇವೆ’ ಎಂದು ತಹಶೀಲ್ದಾರ್ ಬಸನಗೌಡ ಕೋಟೂರ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>‘ಈಗ ಪ್ರವಾಹದ ನೀರು ಇಳಿದುಹೋಗಿದೆ. ಸಂತ್ರಸ್ತರು ತಮ್ಮ ಜಾಗಗಳಲ್ಲಿ ತಾತ್ಕಾಲಿಕ ಶೆಡ್ ನಿರ್ಮಿಸಿಕೊಂಡು ಅಥವಾ ತಮ್ಮ ಮನೆಯನ್ನು ದುರಸ್ತಿ ಪಡಿಸಿಕೊಂಡು ಇರಬಹುದು. ಸಮರ್ಪಕ ದಾಖಲೆ ಸಲ್ಲಿಸಿದವರಿಗೆ ಮನೆ ಹಾನಿ ಪರಿಹಾರ ನೀಡಲಾಗುತ್ತಿದೆ’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
