<p><strong>ಬೆಂಗಳೂರು:</strong> ನೂರಾರು ಕೋಟಿ ರೂಪಾಯಿ ಷೇರು ಸಂಗ್ರಹಿಸಿದ್ದ ‘ಐಎಂಎ ಸಮೂಹ ಕಂಪನಿ’ಯ ಪ್ರಧಾನ ಕಚೇರಿ ಇದೇ 5ರಿಂದ ಬಂದ್ ಆಗಿರುವುದರಿಂದ ಆತಂಕಕ್ಕೊಳಗಾದ ಸಾವಿರಾರು ಹೂಡಿಕೆದಾರರು ಕಚೇರಿ ಎದುರು ಸೋಮವಾರ ಭಾರಿ ಪ್ರತಿಭಟನೆ ನಡೆಸಿ ಕೋಲಾಹಲ ಸೃಷ್ಟಿಸಿದರು.</p>.<p>‘ನಾನು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದೇನೆ’ ಎಂಬುದಾಗಿ ಕಂಪನಿ ಮಾಲೀಕ ಮೊಹಮ್ಮದ್ ಮನ್ಸೂರ್ ಖಾನ್ ಹೆಸರಿನಲ್ಲಿ ಆಡಿಯೊವೊಂದು ವಾಟ್ಸ್ಆ್ಯಪ್ನಲ್ಲಿ ಹರಿದಾಡಿದ್ದರಿಂದ ಆತಂಕಕ್ಕೊಳಗಾದ ಹೂಡಿಕೆದಾರರು ಏಕಕಾಲಕ್ಕೆ ಶಿವಾಜಿನಗರದಲ್ಲಿರುವ ಕಚೇರಿ ಎದುರು ಜಮಾಯಿಸಿದ್ದರು.</p>.<p>ಆಭರಣ ಮಳಿಗೆ, ಆಸ್ಪತ್ರೆ, ಶಾಪಿಂಗ್ ಮಾಲ್, ಶಿಕ್ಷಣ ಸಂಸ್ಥೆ, ಮುದ್ರಣ, ಬಿಲ್ಡರ್ಸ್, ಸುಗಂಧ ದ್ರವ್ಯ, ಔಷಧ ಮಳಿಗೆ, ಷೇರು ವ್ಯವಹಾರ... ಹೀಗೆ ಹಲವು ಉದ್ಯಮ ಹೊಂದಿರುವ ಕಂಪನಿ, ಸಾರ್ವಜನಿಕರಿಂದ ₹1 ಲಕ್ಷದಿಂದ ₹1 ಕೋಟಿವರೆಗೂ ಷೇರು ಸಂಗ್ರಹಿಸಿದೆ. ಹೂಡಿಕೆಯ ಹಣಕ್ಕೆ ಪ್ರತಿ ತಿಂಗಳು ಶೇ 3ರಿಂದ ಶೇ 4ರಷ್ಟು ಲಾಭ ನೀಡುತ್ತಿತ್ತು. ಅದರಿಂದ ಆಕರ್ಷಿತರಾಗಿ ಸಾವಿರಾರೂ ಮಂದಿ ಹಣ ಹೂಡಿದ್ದರು.</p>.<p>ರಂಜಾನ್ ಪ್ರಯುಕ್ತ ಜೂನ್ 5ರಿಂದ 9ರವರೆಗೆ ಕಚೇರಿಗೆ ರಜೆ ನೀಡಲಾಗಿತ್ತು. ಆ ಕುರಿತು ಕಚೇರಿ ಎದುರು ನಾಮಫಲಕವನ್ನೂ ಅಂಟಿಸಲಾಗಿತ್ತು. ಆದರೆ, ಸೋಮವಾರವೂ ಕಚೇರಿ ಬಾಗಿಲು ತೆರೆದಿರಲಿಲ್ಲ.</p>.<p>ಕಂಗಾಲಾಗಿ ಪ್ರತಿಭಟನೆ ನಡೆಸಿದ ಹೂಡಿಕೆದಾರರು, ‘ಐಎಂಎ ಜ್ಯುವೆಲ್ಸ್’ ಆಭರಣ ಮಳಿಗೆಯೂ ಇರುವ ಮೂರು ಅಂತಸ್ತಿನ ಕಟ್ಟಡದೊಳಗೆ ನುಗ್ಗಲು ಯತ್ನಿಸಿದರು. ಸ್ಥಳಕ್ಕೆ ಆಗಮಿಸಿದ ಪೊಲೀಸರು, ಕಟ್ಟಡದ ಸುತ್ತಲೂ ಬ್ಯಾರಿಕೇಡ್ ಅಳವಡಿಸಿ ಜನರನ್ನು ತಡೆದರು.</p>.<p>ಆಗ ಪ್ರತಿಭಟನಾಕಾರರು ರಸ್ತೆಯಲ್ಲೇ ಕುಳಿತುಕೊಂಡು ಘೋಷಣೆ ಕೂಗಿದರು. ಪೊಲೀಸರು ಎಷ್ಟೇ ಪ್ರಯತ್ನಿಸಿದರೂ ರಸ್ತೆ ಬಿಟ್ಟು ಕದಲಲಿಲ್ಲ. ರಾತ್ರಿಯವರೆಗೂ ಪ್ರತಿಭಟನಾಕಾರರು ಸ್ಥಳದಲ್ಲಿದ್ದರು. ಶಿವಾಜಿನಗರ ಹಾಗೂ ಸುತ್ತಮುತ್ತ ವಾಹನಗಳ ದಟ್ಟಣೆ ಉಂಟಾಗಿದ್ದು ಕಂಡುಬಂತು.</p>.<p>ಹೂಡಿಕೆದಾರರ ಸಂಖ್ಯೆ ಹೆಚ್ಚಿದ್ದರಿಂದ ಶಿವಾಜಿನಗರದ ಮೈದಾನದಲ್ಲಿ ದೂರು ಸ್ವೀಕಾರ ಕೇಂದ್ರ ತೆರೆಯಲಾಗಿತ್ತು.</p>.<p><strong>20 ಸಾವಿರ ಮಂದಿಗೆ ವಂಚನೆ:</strong>ಪ್ರತಿಭಟನಾ ಸ್ಥಳದಲ್ಲಿ ‘ಪ್ರಜಾವಾಣಿ’ ಜೊತೆ ಮಾತನಾಡಿದ ಗೂಡಂಗಡಿ ವ್ಯಾಪಾರಿ ನಾಸೀರ್ ಅಹ್ಮದ್, ‘2006ರಲ್ಲಿ ಸ್ಥಾಪನೆಯಾದ ಸಂಸ್ಥೆ ಇದು. 20 ಸಾವಿರಕ್ಕೂ ಹೆಚ್ಚು ಮಂದಿ ಹೂಡಿಕೆ ಮಾಡಿದ್ದು, ಅವರೆಲ್ಲರಿಗೂ ಈಗ ವಂಚನೆ ಆಗಿದೆ’ ಎಂದು ದೂರಿದರು.</p>.<p>‘ಮಗಳ ಮದುವೆಗಾಗಿ ₹ 4 ಲಕ್ಷ ಉಳಿತಾಯ ಮಾಡಿದ್ದೆ. ಇನ್ನಷ್ಟು ಹಣ ಸಿಗಬಹುದು ಎಂಬ ಆಸೆಯಿಂದ ಸಂಸ್ಥೆಯಲ್ಲಿ ಹೂಡಿಕೆ ಮಾಡಿದ್ದೆ. ಅದಕ್ಕೆ ರಶೀದಿ ಹಾಗೂ ಬಾಂಡ್ ಸಹ ಕೊಟ್ಟಿದ್ದರು. ಈಗ ಕಚೇರಿಗೆಬೀಗ ಜಡಿಯಲಾಗಿದ್ದು, ಮಗಳ ಮದುವೆ ಹೇಗೆ ಮಾಡಲಿ’ ಎಂದು ಕಣ್ಣೀರಿಟ್ಟರು.</p>.<p>ಗೃಹಿಣಿ ನೂರ್ಜಾನ್, ‘ಮೂರುವರೆ ವರ್ಷದಿಂದ ಹಣ ಹೂಡಿಕೆ ಮಾಡಿಕೊಂಡು ಬರುತ್ತಿದ್ದೇನೆ. ಪ್ರತಿ ತಿಂಗಳು ಮೊದಲ ವಾರದಲ್ಲಿ ಲಾಭದ ಹಣವನ್ನು ಬ್ಯಾಂಕ್ ಖಾತೆಗೆ ಜಮೆ ಮಾಡುತ್ತಿದ್ದರು. ಏಪ್ರಿಲ್ನಿಂದ ಹಣ ಬಂದಿರಲಿಲ್ಲ’ ಎಂದು ದುಃಖ ತೋಡಿಕೊಂಡರು.</p>.<p>‘ಷೇರು ವ್ಯವಹಾರ ಹಾಗೂ ಬಿಟ್ ಕಾಯಿನ್ನಲ್ಲಿ ಹಣ ಹೂಡಿಕೆ ಮಾಡುವುದಾಗಿ ಹೇಳುತ್ತಿದ್ದ ಕಂಪನಿಯ ಪ್ರತಿನಿಧಿಗಳು, ಅದರಲ್ಲಿ ಬಂದ ಲಾಭವನ್ನು ಹೂಡಿಕೆದಾರರಿಗೆ ನೀಡುವುದಾಗಿ ಭರವಸೆ ನೀಡುತ್ತಿದ್ದರು. ಅವರ ಮಾತು ನಂಬಿ ಹಣ ಕಟ್ಟಿದ್ದೆವು’ ಎಂದುವ್ಯಾಪಾರಿ ಅಮೀರ್ ಹೇಳಿದರು.</p>.<p>‘ಐಎಂಎ ಕ್ರೆಡಿಟ್ ಕೋ–ಆಪರೇಟಿವ್ ಸೊಸೈಟಿ ಲಿಮಿಡೆಟ್ ಸಹ ಸ್ಥಾಪನೆ ಮಾಡಲಾಗಿದೆ. ಕೆಲವರು ಖಾತೆ ತೆರೆದಿದ್ದಾರೆ. ಈಗ ಆ ಸೊಸೈಟಿ ಕೂಡಾ ಬಂದ್ ಆಗಿದೆ’ಎಂದರು.</p>.<p><strong>ಮನ್ಸೂರ್ ಖಾನ್ ನಾಪತ್ತೆ</strong></p>.<p>ಜೂನ್ 5ರಿಂದಲೇ ಮನ್ಸೂರ್ ಖಾನ್ ನಾಪತ್ತೆಯಾಗಿದ್ದು, ಅವರನ್ನು ಪತ್ತೆ ಮಾಡಲು ಪೊಲೀಸರ ವಿಶೇಷ ತಂಡಗಳನ್ನು ರಚಿಸಲಾಗಿದೆ.</p>.<p>‘ಮನ್ಸೂರ್ ಖಾನ್ ಸ್ನೇಹಿತರೇ ಆಗಿರುವ ಹೂಡಿಕೆದಾರ ಖಾಲಿದ್ ಎಂಬುವರು ವಂಚನೆ ಸಂಬಂಧ ದೂರು ನೀಡಿದ್ದಾರೆ.</p>.<p>***</p>.<p>ನನ್ನ ಹೆಸರು ದುರ್ಬಳಕೆ ಮಾಡಿಕೊಳ್ಳಲಾಗುತ್ತಿದೆ. ನನಗೂ ಈ ಕಂಪನಿಗೂ ಯಾವುದೇ ಸಂಬಂಧವಿಲ್ಲ.</p>.<p><em><strong>- ರೋಷನ್ ಬೇಗ್, ಶಾಸಕ</strong></em></p>.<p>ಮನ್ಸೂರ್ ಖಾನ್ ಸುರಕ್ಷಿತವಾಗಿದ್ದಾರೆ. ಯಾರೋ ಕಿಡಿಗೇಡಿಗಳು ಸುಳ್ಳು ಆಡಿಯೊ ಸೃಷ್ಟಿಸಿ ಹರಿಬಿಟ್ಟಿದ್ದಾರೆ. ಹೂಡಿಕೆದಾರರಿಗೆ ಹಣ ವಾಪಸು ಬರಲಿದೆ</p>.<p><em><strong>– ಐಎಂಎ ಆಭರಣ ಮಳಿಗೆ ಸಿಬ್ಬಂದಿ</strong></em></p>.<p>ಪ್ರಕರಣದ ತನಿಖೆಯನ್ನು ಪೊಲೀಸರು ಚುರುಕುಗೊಳಿಸಿದ್ದಾರೆ. ಮುಖ್ಯಮಂತ್ರಿ ಜತೆ ಈ ಬಗ್ಗೆ ಚರ್ಚಿಸುತ್ತೇನೆ.</p>.<p><em><strong>- ಎಂ.ಬಿ.ಪಾಟೀಲ, ಗೃಹ ಸಚಿವ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ನೂರಾರು ಕೋಟಿ ರೂಪಾಯಿ ಷೇರು ಸಂಗ್ರಹಿಸಿದ್ದ ‘ಐಎಂಎ ಸಮೂಹ ಕಂಪನಿ’ಯ ಪ್ರಧಾನ ಕಚೇರಿ ಇದೇ 5ರಿಂದ ಬಂದ್ ಆಗಿರುವುದರಿಂದ ಆತಂಕಕ್ಕೊಳಗಾದ ಸಾವಿರಾರು ಹೂಡಿಕೆದಾರರು ಕಚೇರಿ ಎದುರು ಸೋಮವಾರ ಭಾರಿ ಪ್ರತಿಭಟನೆ ನಡೆಸಿ ಕೋಲಾಹಲ ಸೃಷ್ಟಿಸಿದರು.</p>.<p>‘ನಾನು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದೇನೆ’ ಎಂಬುದಾಗಿ ಕಂಪನಿ ಮಾಲೀಕ ಮೊಹಮ್ಮದ್ ಮನ್ಸೂರ್ ಖಾನ್ ಹೆಸರಿನಲ್ಲಿ ಆಡಿಯೊವೊಂದು ವಾಟ್ಸ್ಆ್ಯಪ್ನಲ್ಲಿ ಹರಿದಾಡಿದ್ದರಿಂದ ಆತಂಕಕ್ಕೊಳಗಾದ ಹೂಡಿಕೆದಾರರು ಏಕಕಾಲಕ್ಕೆ ಶಿವಾಜಿನಗರದಲ್ಲಿರುವ ಕಚೇರಿ ಎದುರು ಜಮಾಯಿಸಿದ್ದರು.</p>.<p>ಆಭರಣ ಮಳಿಗೆ, ಆಸ್ಪತ್ರೆ, ಶಾಪಿಂಗ್ ಮಾಲ್, ಶಿಕ್ಷಣ ಸಂಸ್ಥೆ, ಮುದ್ರಣ, ಬಿಲ್ಡರ್ಸ್, ಸುಗಂಧ ದ್ರವ್ಯ, ಔಷಧ ಮಳಿಗೆ, ಷೇರು ವ್ಯವಹಾರ... ಹೀಗೆ ಹಲವು ಉದ್ಯಮ ಹೊಂದಿರುವ ಕಂಪನಿ, ಸಾರ್ವಜನಿಕರಿಂದ ₹1 ಲಕ್ಷದಿಂದ ₹1 ಕೋಟಿವರೆಗೂ ಷೇರು ಸಂಗ್ರಹಿಸಿದೆ. ಹೂಡಿಕೆಯ ಹಣಕ್ಕೆ ಪ್ರತಿ ತಿಂಗಳು ಶೇ 3ರಿಂದ ಶೇ 4ರಷ್ಟು ಲಾಭ ನೀಡುತ್ತಿತ್ತು. ಅದರಿಂದ ಆಕರ್ಷಿತರಾಗಿ ಸಾವಿರಾರೂ ಮಂದಿ ಹಣ ಹೂಡಿದ್ದರು.</p>.<p>ರಂಜಾನ್ ಪ್ರಯುಕ್ತ ಜೂನ್ 5ರಿಂದ 9ರವರೆಗೆ ಕಚೇರಿಗೆ ರಜೆ ನೀಡಲಾಗಿತ್ತು. ಆ ಕುರಿತು ಕಚೇರಿ ಎದುರು ನಾಮಫಲಕವನ್ನೂ ಅಂಟಿಸಲಾಗಿತ್ತು. ಆದರೆ, ಸೋಮವಾರವೂ ಕಚೇರಿ ಬಾಗಿಲು ತೆರೆದಿರಲಿಲ್ಲ.</p>.<p>ಕಂಗಾಲಾಗಿ ಪ್ರತಿಭಟನೆ ನಡೆಸಿದ ಹೂಡಿಕೆದಾರರು, ‘ಐಎಂಎ ಜ್ಯುವೆಲ್ಸ್’ ಆಭರಣ ಮಳಿಗೆಯೂ ಇರುವ ಮೂರು ಅಂತಸ್ತಿನ ಕಟ್ಟಡದೊಳಗೆ ನುಗ್ಗಲು ಯತ್ನಿಸಿದರು. ಸ್ಥಳಕ್ಕೆ ಆಗಮಿಸಿದ ಪೊಲೀಸರು, ಕಟ್ಟಡದ ಸುತ್ತಲೂ ಬ್ಯಾರಿಕೇಡ್ ಅಳವಡಿಸಿ ಜನರನ್ನು ತಡೆದರು.</p>.<p>ಆಗ ಪ್ರತಿಭಟನಾಕಾರರು ರಸ್ತೆಯಲ್ಲೇ ಕುಳಿತುಕೊಂಡು ಘೋಷಣೆ ಕೂಗಿದರು. ಪೊಲೀಸರು ಎಷ್ಟೇ ಪ್ರಯತ್ನಿಸಿದರೂ ರಸ್ತೆ ಬಿಟ್ಟು ಕದಲಲಿಲ್ಲ. ರಾತ್ರಿಯವರೆಗೂ ಪ್ರತಿಭಟನಾಕಾರರು ಸ್ಥಳದಲ್ಲಿದ್ದರು. ಶಿವಾಜಿನಗರ ಹಾಗೂ ಸುತ್ತಮುತ್ತ ವಾಹನಗಳ ದಟ್ಟಣೆ ಉಂಟಾಗಿದ್ದು ಕಂಡುಬಂತು.</p>.<p>ಹೂಡಿಕೆದಾರರ ಸಂಖ್ಯೆ ಹೆಚ್ಚಿದ್ದರಿಂದ ಶಿವಾಜಿನಗರದ ಮೈದಾನದಲ್ಲಿ ದೂರು ಸ್ವೀಕಾರ ಕೇಂದ್ರ ತೆರೆಯಲಾಗಿತ್ತು.</p>.<p><strong>20 ಸಾವಿರ ಮಂದಿಗೆ ವಂಚನೆ:</strong>ಪ್ರತಿಭಟನಾ ಸ್ಥಳದಲ್ಲಿ ‘ಪ್ರಜಾವಾಣಿ’ ಜೊತೆ ಮಾತನಾಡಿದ ಗೂಡಂಗಡಿ ವ್ಯಾಪಾರಿ ನಾಸೀರ್ ಅಹ್ಮದ್, ‘2006ರಲ್ಲಿ ಸ್ಥಾಪನೆಯಾದ ಸಂಸ್ಥೆ ಇದು. 20 ಸಾವಿರಕ್ಕೂ ಹೆಚ್ಚು ಮಂದಿ ಹೂಡಿಕೆ ಮಾಡಿದ್ದು, ಅವರೆಲ್ಲರಿಗೂ ಈಗ ವಂಚನೆ ಆಗಿದೆ’ ಎಂದು ದೂರಿದರು.</p>.<p>‘ಮಗಳ ಮದುವೆಗಾಗಿ ₹ 4 ಲಕ್ಷ ಉಳಿತಾಯ ಮಾಡಿದ್ದೆ. ಇನ್ನಷ್ಟು ಹಣ ಸಿಗಬಹುದು ಎಂಬ ಆಸೆಯಿಂದ ಸಂಸ್ಥೆಯಲ್ಲಿ ಹೂಡಿಕೆ ಮಾಡಿದ್ದೆ. ಅದಕ್ಕೆ ರಶೀದಿ ಹಾಗೂ ಬಾಂಡ್ ಸಹ ಕೊಟ್ಟಿದ್ದರು. ಈಗ ಕಚೇರಿಗೆಬೀಗ ಜಡಿಯಲಾಗಿದ್ದು, ಮಗಳ ಮದುವೆ ಹೇಗೆ ಮಾಡಲಿ’ ಎಂದು ಕಣ್ಣೀರಿಟ್ಟರು.</p>.<p>ಗೃಹಿಣಿ ನೂರ್ಜಾನ್, ‘ಮೂರುವರೆ ವರ್ಷದಿಂದ ಹಣ ಹೂಡಿಕೆ ಮಾಡಿಕೊಂಡು ಬರುತ್ತಿದ್ದೇನೆ. ಪ್ರತಿ ತಿಂಗಳು ಮೊದಲ ವಾರದಲ್ಲಿ ಲಾಭದ ಹಣವನ್ನು ಬ್ಯಾಂಕ್ ಖಾತೆಗೆ ಜಮೆ ಮಾಡುತ್ತಿದ್ದರು. ಏಪ್ರಿಲ್ನಿಂದ ಹಣ ಬಂದಿರಲಿಲ್ಲ’ ಎಂದು ದುಃಖ ತೋಡಿಕೊಂಡರು.</p>.<p>‘ಷೇರು ವ್ಯವಹಾರ ಹಾಗೂ ಬಿಟ್ ಕಾಯಿನ್ನಲ್ಲಿ ಹಣ ಹೂಡಿಕೆ ಮಾಡುವುದಾಗಿ ಹೇಳುತ್ತಿದ್ದ ಕಂಪನಿಯ ಪ್ರತಿನಿಧಿಗಳು, ಅದರಲ್ಲಿ ಬಂದ ಲಾಭವನ್ನು ಹೂಡಿಕೆದಾರರಿಗೆ ನೀಡುವುದಾಗಿ ಭರವಸೆ ನೀಡುತ್ತಿದ್ದರು. ಅವರ ಮಾತು ನಂಬಿ ಹಣ ಕಟ್ಟಿದ್ದೆವು’ ಎಂದುವ್ಯಾಪಾರಿ ಅಮೀರ್ ಹೇಳಿದರು.</p>.<p>‘ಐಎಂಎ ಕ್ರೆಡಿಟ್ ಕೋ–ಆಪರೇಟಿವ್ ಸೊಸೈಟಿ ಲಿಮಿಡೆಟ್ ಸಹ ಸ್ಥಾಪನೆ ಮಾಡಲಾಗಿದೆ. ಕೆಲವರು ಖಾತೆ ತೆರೆದಿದ್ದಾರೆ. ಈಗ ಆ ಸೊಸೈಟಿ ಕೂಡಾ ಬಂದ್ ಆಗಿದೆ’ಎಂದರು.</p>.<p><strong>ಮನ್ಸೂರ್ ಖಾನ್ ನಾಪತ್ತೆ</strong></p>.<p>ಜೂನ್ 5ರಿಂದಲೇ ಮನ್ಸೂರ್ ಖಾನ್ ನಾಪತ್ತೆಯಾಗಿದ್ದು, ಅವರನ್ನು ಪತ್ತೆ ಮಾಡಲು ಪೊಲೀಸರ ವಿಶೇಷ ತಂಡಗಳನ್ನು ರಚಿಸಲಾಗಿದೆ.</p>.<p>‘ಮನ್ಸೂರ್ ಖಾನ್ ಸ್ನೇಹಿತರೇ ಆಗಿರುವ ಹೂಡಿಕೆದಾರ ಖಾಲಿದ್ ಎಂಬುವರು ವಂಚನೆ ಸಂಬಂಧ ದೂರು ನೀಡಿದ್ದಾರೆ.</p>.<p>***</p>.<p>ನನ್ನ ಹೆಸರು ದುರ್ಬಳಕೆ ಮಾಡಿಕೊಳ್ಳಲಾಗುತ್ತಿದೆ. ನನಗೂ ಈ ಕಂಪನಿಗೂ ಯಾವುದೇ ಸಂಬಂಧವಿಲ್ಲ.</p>.<p><em><strong>- ರೋಷನ್ ಬೇಗ್, ಶಾಸಕ</strong></em></p>.<p>ಮನ್ಸೂರ್ ಖಾನ್ ಸುರಕ್ಷಿತವಾಗಿದ್ದಾರೆ. ಯಾರೋ ಕಿಡಿಗೇಡಿಗಳು ಸುಳ್ಳು ಆಡಿಯೊ ಸೃಷ್ಟಿಸಿ ಹರಿಬಿಟ್ಟಿದ್ದಾರೆ. ಹೂಡಿಕೆದಾರರಿಗೆ ಹಣ ವಾಪಸು ಬರಲಿದೆ</p>.<p><em><strong>– ಐಎಂಎ ಆಭರಣ ಮಳಿಗೆ ಸಿಬ್ಬಂದಿ</strong></em></p>.<p>ಪ್ರಕರಣದ ತನಿಖೆಯನ್ನು ಪೊಲೀಸರು ಚುರುಕುಗೊಳಿಸಿದ್ದಾರೆ. ಮುಖ್ಯಮಂತ್ರಿ ಜತೆ ಈ ಬಗ್ಗೆ ಚರ್ಚಿಸುತ್ತೇನೆ.</p>.<p><em><strong>- ಎಂ.ಬಿ.ಪಾಟೀಲ, ಗೃಹ ಸಚಿವ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
