ಸಂತ್ರಸ್ತರ ಸ್ಥಿತಿ ಬಾಣಲೆಯಿಂದ ಬೆಂಕಿಗೆ!

ಬಾಗಲಕೋಟೆ : ಜಿಲ್ಲೆಯಲ್ಲಿ ಆಗಸ್ಟ್ ತಿಂಗಳಲ್ಲಿ ಪ್ರವಾಹದ ವೇಳೆ ಜಲಾವೃತವಾಗಿದ್ದ ಮನೆಗಳು ಈಗ ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಕುಸಿದು ಬೀಳುತ್ತಿವೆ. ಹೀಗಾಗಿ ಸಂತ್ರಸ್ತರ ಪರಿಸ್ಥಿತಿ ಬಾಣಲೆಯಿಂದ ಬೆಂಕಿಗೆ ಎಂಬಂತಾಗಿದೆ.

. ಜಿಲ್ಲೆಯಲ್ಲಿ ಪ್ರವಾಹದ ನಂತರ ಇಲ್ಲಿಯವರೆಗೆ 240 ಮನೆಗಳು ಬಿದ್ದಿವೆ. ಅಕ್ಟೋಬರ್ 9ರಂದು ಹುನಗುಂದ ತಾಲ್ಲೂಕಿನಲ್ಲಿ ಒಂದೇ ರಾತ್ರಿ 25 ಮನೆಗಳು ನೆಲಕಚ್ಚಿವೆ.

. ಮಣ್ಣಿನ ಚಾವಣಿ ಹೊಂದಿದ ಮಾಳಿಗೆ ಮನೆಗಳ ಅಡಿಪಾಯಗಳೂ ಪ್ರವಾಹದ ವೇಳೆ ವಾರಗಟ್ಟಲೇ ನೀರಿನಲ್ಲಿ ನೆನೆದಿವೆ. ಈಗ ಮಳೆಯಿಂದ ಗೋಡೆ, ಸೂರು ನೆನೆದು ಸುಲಭವಾಗಿ ಕುಸಿದುಬೀಳುತ್ತಿವೆ.

. ಪ್ರವಾಹಕ್ಕೆ ತುತ್ತಾಗಿ ಮನೆಗಳುಸಂಪೂರ್ಣ ಕುಸಿದು ಬಿದ್ದವರಿಗೆವಾಸಕ್ಕೆ ಸರ್ಕಾರ ಸದ್ಯ ತಾತ್ಕಾಲಿಕ ತಗಡಿನ ಶೆಡ್ಗಳನ್ನು ಕಟ್ಟಿಕೊಟ್ಟಿದೆ. ಇನ್ನೂ ಕೆಲವರು ಬಾಡಿಗೆ ಮನೆಯಲ್ಲಿದ್ದಾರೆ.

. ಆದರೆ ಮನೆ ಭಾಗಶಃ ಬಿದ್ದವರು, ಶಿಥಿಲಗೊಂಡ ಮನೆಗಳವರು ಬೇರೆಡೆ ಆಸರೆ ಇಲ್ಲದೇ ಮತ್ತೆ ಅದೇ ಮನೆಗಳಿಗೆ ಮರಳಿದ್ದಾರೆ.ಅವರೀಗ ಸಂಕಷ್ಟಕ್ಕೆ ಸಿಲುಕಿದ್ದು, ಜೀವ ಕೈಯಲ್ಲಿ ಹಿಡಿದು ಬದುಕಬೇಕಿದೆ.

. ಆಯುಧಪೂಜೆಗೆ ಮುನ್ನಾದಿನ ಬಾಗಲಕೋಟೆ ತಾಲ್ಲೂಕಿನ ಕಿರೆಸೂರಿನಲ್ಲಿ ಮನೆ ಕುಸಿದು ಒಂದೇ ಕುಟುಂಬದ ಮೂವರು ಸಾವಿಗೀಡಾಗಿದ್ದಾರೆ.

. ಪರಿಹಾರ ನಿಗದಿ ಗೊಂದಲ: ಹೀಗೆ ಮಳೆಯ ಆರ್ಭಟಕ್ಕೆ ಸಿಲುಕಿ ಕುಸಿದುಬಿದ್ದ ಮನೆಗಳಿಗೆ ಯಾವ ಲೆಕ್ಕದಲ್ಲಿ ಪರಿಹಾರ ನಿಗದಿಪಡಿಸಬೇಕು ಎಂಬ ಗೊಂದಲ ಅಧಿಕಾರಿ ವರ್ಗವನ್ನು ಕಾಡುತ್ತಿದೆ.

. ಸಾಮಾನ್ಯವಾಗಿ ಮಳೆಯಿಂದ ಹಾನಿಗೀಡಾದ ಮನೆಗಳಿಗೆ ಎನ್ಡಿಆರ್ಎಫ್ ಮಾರ್ಗಸೂಚಿ ಅನ್ವಯ ನೈಸರ್ಗಿಕ ವಿಕೋಪ ಪರಿಹಾರ ನಿಧಿಯಿಂದ ಪರಿಹಾರ ಮೊತ್ತ ಕೊಡಲಾಗುತ್ತದೆ. ಈ ಲೆಕ್ಕದಲ್ಲಿ ಕೊಟ್ಟರೆ ಸಂಪೂರ್ಣ ಮನೆ ಕುಸಿದುಬಿದ್ದರೆ ಸಂತ್ರಸ್ತರಿಗೆ ₹ 98,200 ಪರಿಹಾರ ಸಿಗಲಿದೆ. ಶೇ 15ರಷ್ಟು ಹಾನಿಯಾಗಿದ್ದರೆ ₹5,200 ದೊರೆಯಲಿದೆ.

. ಆದರೆ ಈಗ ಪ್ರವಾಹದಿಂದ ಬಾಧಿತವಾಗಿ ಶೇ 25ಕ್ಕಿಂತ ಹೆಚ್ಚು ಹಾನಿಗೀಡಾಗಿದ್ದರೆ ಅಂತಹ ಮನೆಗಳಿಗೆ ರಾಜ್ಯ ಸರ್ಕಾರ ₹5 ಲಕ್ಷ ಪರಿಹಾರ ನಿಗದಿಪಡಿಸಿದೆ. ಹೀಗಾಗಿ ಜಿಲ್ಲೆಯಲ್ಲಿ ಮನೆ ಕುಸಿದ ಪ್ರಕರಣಗಳನ್ನು ಮಳೆಯಿಂದ ಆದ ಹಾನಿಯೋ ಇಲ್ಲವೇ ಪ್ರವಾಹದಿಂದ ಆದ ಸಂಕಷ್ಟವೋ ಎಂದು ಯಾವ ಮಾನದಂಡದಲ್ಲಿ ಅಂದಾಜಿಸಬೇಕು ಎಂಬುದು ಕಂದಾಯ ಇಲಾಖೆ ಅಧಿಕಾರಿಗಳ ಜಿಜ್ಞಾಸೆ.

. -ಇಲ್ಲಿಯವರೆಗೆ 240 ಮನೆಗಳು ಬಿದ್ದಿವೆ

. -ಒಂದೇ ರಾತ್ರಿ 25 ಮನೆಗಳು ನೆಲಕಚ್ಚಿವೆ

. -ಕುಸಿದುಬಿದ್ದ ಮನೆಗಳಿಗೆ ಪರಿಹಾರ ನೀಡಿಕೆಯಲ್ಲಿ ಗೊಂದಲ

. ಸರ್ಕಾರಕ್ಕೆ ಪತ್ರ ಬರೆಯಲಿದ್ದೇವೆ..

. ‘ಜಿಲ್ಲೆಯಲ್ಲಿ ಮಳೆಯಿಂದಾಗಿ ಹಾನಿಗೀಡಾದ ಮನೆಗಳಿಗೆ ಎನ್ಡಿಆರ್ಎಫ್ ಮಾರ್ಗಸೂಚಿ ಅನ್ವಯ ಪರಿಹಾರ ನೀಡುವುದೋ, ಇಲ್ಲವೇ ಪ್ರವಾಹ ಸಂತ್ರಸ್ತರ ಹೆಸರಿನಲ್ಲಿ ನೆರವು ಕಲ್ಪಿಸುವುದೋ ಎಂಬುದನ್ನು ಸ್ಪಷ್ಟಪಡಿಸಲು ರಾಜ್ಯ ಸರ್ಕಾರಕ್ಕೆ ಪತ್ರ ಬರೆಯಲಿದ್ದೇವೆ’ ಎಂದು ಹೆಚ್ಚುವರಿ ಜಿಲ್ಲಾಧಿಕಾರಿ ಮಹದೇವ ಮುರಗಿ ಹೇಳುತ್ತಾರೆ.

. ‘ಸಂತ್ರಸ್ತರಿಗೆ ಸದ್ಯಕ್ಕೆ ಹಳೆಯ ಮಾರ್ಗಸೂಚಿ ಅನ್ವಯವೇ ಪರಿಹಾರ ಕಲ್ಪಿಸಲಿದ್ದೇವೆ. ಮೇಲಿನಿಂದ ಸ್ಪಷ್ಟನೆ ಬಂದ ನಂತರ ಹೆಚ್ಚುವರಿ ಪರಿಹಾರ ಮೊತ್ತ ನೀಡಲಾಗುವುದು‘ ಎಂದು ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂತ್ರಸ್ತರ ಸ್ಥಿತಿ ಬಾಣಲೆಯಿಂದ ಬೆಂಕಿಗೆ!

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ICC Champions Trophy: ಪಾಕ್‌ಗೆ ತಂಡ ಕಳುಹಿಸಲು BCCI ನಕಾರ; ದುಬೈನತ್ತ ಒಲವು

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!