<p><strong>ಚಾಮರಾಜನಗರ</strong>: ಜಿಲ್ಲೆಯ ಬಿಳಿಗಿರಿರಂಗನಬೆಟ್ಟದ ಸುತ್ತಮುತ್ತ ವಾಸಿಸುತ್ತಿರುವ ಸೋಲಿಗರು ಬಳಸುವ ಭಾಷೆಗೆ ಸಂಬಂಧಿಸಿದ ನಿಘಂಟು ಸದ್ದಿಲ್ಲದೇ ಸಿದ್ಧವಾಗಿದೆ. ಇದರ ಹಿಂದೆ ವಿದೇಶಿ ಸಂಶೋಧಕರೊಬ್ಬರ ಶ್ರಮವಿದೆ.</p>.<p>ಬೆಟ್ಟದ ಸುತ್ತಮುತ್ತಲಿನ ಪೋಡುಗಳಲ್ಲಿ ವಾಸಿಸುತ್ತಿರುವ ಆರು ಕುಲ ಸೋಲಿಗರು ಮಾತ್ರ ಬಳಸುವ ಪದಗಳನ್ನು ಮ್ಯಾನ್ಮಾರ್ನ ಸಂಶೋಧಕ ಡಾ.ಆಂಗ್ ಸಿ ಎಂಬುವವರು ಸಂಗ್ರಹಿಸಿ, ಈ ಶಬ್ದಕೋಶವನ್ನು ಸಿದ್ಧಪಡಿಸಿದ್ದಾರೆ.</p>.<p>455 ಪುಟಗಳ ಈ ನಿಘಂಟಿನಲ್ಲಿ 1,500ಕ್ಕೂ ಹೆಚ್ಚು ಸೋಲಿಗ ಪದಗಳಿವೆ. ಆ ಪದಗಳನ್ನು ಕನ್ನಡ ಲಿಪಿಯಲ್ಲಿ ಬರೆಯಲಾಗಿದ್ದು, ಅದಕ್ಕೆ ಇಂಗ್ಲಿಷ್ನಲ್ಲಿ ವಿವರಣೆ ನೀಡಲಾಗಿದೆ. ಅಪರೂಪದ ಗಿಡ–ಮರಗಳು, ಪ್ರಾಣಿಗಳ ಚಿತ್ರಗಳೂ ಇದರಲ್ಲಿವೆ.</p>.<p>ಆಂಗ್ ಸಿ ಅವರೇ ನಿಘಂಟಿನ 150 ಪ್ರತಿಗಳನ್ನು (ಬೆಲೆ ₹1,500) ಮುದ್ರಿಸಿದ್ದು, ಮಾರಾಟದ ಜವಾಬ್ದಾರಿಯನ್ನು ಸೋಲಿಗರ ಮುಖಂಡರಿಗೆ ನೀಡಿದ್ದಾರೆ. ಬಂದ ಲಾಭವನ್ನು ಸೋಲಿಗರ ಅಭಿವೃದ್ಧಿಗೆ ಬಳಸಲು ಸೂಚಿಸಿದ್ದಾರೆ.</p>.<p><strong>12 ವರ್ಷಗಳ ಶ್ರಮ:</strong> ಆಸ್ಟ್ರೇಲಿಯಾದ ರಾಷ್ಟ್ರೀಯ ವಿಶ್ವವಿದ್ಯಾಲಯದಲ್ಲಿರುವ ಆಂಗ್ ಸಿ, 2012ರಲ್ಲಿ ಸೋಲಿಗರ ಜೀವನ ಮತ್ತು ಸಂಸ್ಕೃತಿ ಬಗ್ಗೆ ಅಧ್ಯಯನ ನಡೆಸಿ ಅದೇ ವಿಶ್ವವಿದ್ಯಾಲಯದಿಂದ ಪಿ.ಎಚ್.ಡಿ ಪಡೆದಿದ್ದಾರೆ. ಅವರು 2008ರಿಂದ ಸೋಲಿಗರು ಬಳಸುವ ಪದಗಳನ್ನು ಸಂಗ್ರಹಿಸಲು ತೊಡಗಿದ್ದಾಗಿ ಹೇಳಿಕೊಂಡಿದ್ದಾರೆ.</p>.<p>ಇದಕ್ಕಾಗಿ, ಬಿಳಿಗಿರಿರಂಗನಬೆಟ್ಟದ ಅಶೋಕ ಟ್ರಸ್ಟ್ ಫಾರ್ ಇಕಾಲಜಿ ಆ್ಯಂಡ್ ಎನ್ ಎನ್ವಿರಾನ್ಮೆಂಟ್ (ಏಟ್ರೀ), ಸೋಲಿಗ ಮುಖಂಡರು ಹಾಗೂ ಸಂಶೋಧಕರ ನೆರವು ಪಡೆದಿದ್ದಾರೆ.</p>.<p>‘148 ಪೋಡುಗಳ ಪೈಕಿ, 55 ಪೋಡುಗಳ ಆರು ಕುಲ ಸೋಲಿಗರು ಮಾತ್ರ ಈ ಭಾಷೆ ಮಾತನಾಡುತ್ತಾರೆ. ಈ ನಿಘಂಟು ಸೋಲಿಗ ಭಾಷೆ, ಸಂಸ್ಕೃತಿ ರಕ್ಷಣೆ ನಿಟ್ಟಿನಲ್ಲಿ ಹೊಸ ಪೀಳಿಗೆಗೆ ಅನುಕೂಲ. ಈ ಭಾಷೆಯ ಹೆಚ್ಚಿನ ಅಧ್ಯಯನಕ್ಕೆ,ಸೋಲಿಗರ ಮಕ್ಕಳು ಓದುವ ಶಾಲೆಯ ಶಿಕ್ಷಕರಿಗೆ ಇದು ಸಹಕಾರಿ’ ಎನ್ನುತ್ತಾರೆ ‘ಏಟ್ರೀ’ ಸಮಾಜ ವಿಜ್ಞಾನಿ ಡಾ.ಸಿ.ಮಾದೇಗೌಡ.</p>.<p>*<br />ಸದ್ಯ ಸೋಲಿಗ–ಇಂಗ್ಲಿಷ್ ಶಬ್ದಕೋಶ ಸಿದ್ಧವಿದ್ದು, ಎರಡನೇ ಆವೃತ್ತಿಯಲ್ಲಿ ‘ಸೋಲಿಗ–ಕನ್ನಡ–ಇಂಗ್ಲಿಷ್’ ನಿಘಂಟು ತಯಾರಾಗಲಿದೆ. <em><strong>-ಡಾ.ಸಿ.ಮಾದೇಗೌಡ, ಸೋಲಿಗರ ಮುಖಂಡ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ</strong>: ಜಿಲ್ಲೆಯ ಬಿಳಿಗಿರಿರಂಗನಬೆಟ್ಟದ ಸುತ್ತಮುತ್ತ ವಾಸಿಸುತ್ತಿರುವ ಸೋಲಿಗರು ಬಳಸುವ ಭಾಷೆಗೆ ಸಂಬಂಧಿಸಿದ ನಿಘಂಟು ಸದ್ದಿಲ್ಲದೇ ಸಿದ್ಧವಾಗಿದೆ. ಇದರ ಹಿಂದೆ ವಿದೇಶಿ ಸಂಶೋಧಕರೊಬ್ಬರ ಶ್ರಮವಿದೆ.</p>.<p>ಬೆಟ್ಟದ ಸುತ್ತಮುತ್ತಲಿನ ಪೋಡುಗಳಲ್ಲಿ ವಾಸಿಸುತ್ತಿರುವ ಆರು ಕುಲ ಸೋಲಿಗರು ಮಾತ್ರ ಬಳಸುವ ಪದಗಳನ್ನು ಮ್ಯಾನ್ಮಾರ್ನ ಸಂಶೋಧಕ ಡಾ.ಆಂಗ್ ಸಿ ಎಂಬುವವರು ಸಂಗ್ರಹಿಸಿ, ಈ ಶಬ್ದಕೋಶವನ್ನು ಸಿದ್ಧಪಡಿಸಿದ್ದಾರೆ.</p>.<p>455 ಪುಟಗಳ ಈ ನಿಘಂಟಿನಲ್ಲಿ 1,500ಕ್ಕೂ ಹೆಚ್ಚು ಸೋಲಿಗ ಪದಗಳಿವೆ. ಆ ಪದಗಳನ್ನು ಕನ್ನಡ ಲಿಪಿಯಲ್ಲಿ ಬರೆಯಲಾಗಿದ್ದು, ಅದಕ್ಕೆ ಇಂಗ್ಲಿಷ್ನಲ್ಲಿ ವಿವರಣೆ ನೀಡಲಾಗಿದೆ. ಅಪರೂಪದ ಗಿಡ–ಮರಗಳು, ಪ್ರಾಣಿಗಳ ಚಿತ್ರಗಳೂ ಇದರಲ್ಲಿವೆ.</p>.<p>ಆಂಗ್ ಸಿ ಅವರೇ ನಿಘಂಟಿನ 150 ಪ್ರತಿಗಳನ್ನು (ಬೆಲೆ ₹1,500) ಮುದ್ರಿಸಿದ್ದು, ಮಾರಾಟದ ಜವಾಬ್ದಾರಿಯನ್ನು ಸೋಲಿಗರ ಮುಖಂಡರಿಗೆ ನೀಡಿದ್ದಾರೆ. ಬಂದ ಲಾಭವನ್ನು ಸೋಲಿಗರ ಅಭಿವೃದ್ಧಿಗೆ ಬಳಸಲು ಸೂಚಿಸಿದ್ದಾರೆ.</p>.<p><strong>12 ವರ್ಷಗಳ ಶ್ರಮ:</strong> ಆಸ್ಟ್ರೇಲಿಯಾದ ರಾಷ್ಟ್ರೀಯ ವಿಶ್ವವಿದ್ಯಾಲಯದಲ್ಲಿರುವ ಆಂಗ್ ಸಿ, 2012ರಲ್ಲಿ ಸೋಲಿಗರ ಜೀವನ ಮತ್ತು ಸಂಸ್ಕೃತಿ ಬಗ್ಗೆ ಅಧ್ಯಯನ ನಡೆಸಿ ಅದೇ ವಿಶ್ವವಿದ್ಯಾಲಯದಿಂದ ಪಿ.ಎಚ್.ಡಿ ಪಡೆದಿದ್ದಾರೆ. ಅವರು 2008ರಿಂದ ಸೋಲಿಗರು ಬಳಸುವ ಪದಗಳನ್ನು ಸಂಗ್ರಹಿಸಲು ತೊಡಗಿದ್ದಾಗಿ ಹೇಳಿಕೊಂಡಿದ್ದಾರೆ.</p>.<p>ಇದಕ್ಕಾಗಿ, ಬಿಳಿಗಿರಿರಂಗನಬೆಟ್ಟದ ಅಶೋಕ ಟ್ರಸ್ಟ್ ಫಾರ್ ಇಕಾಲಜಿ ಆ್ಯಂಡ್ ಎನ್ ಎನ್ವಿರಾನ್ಮೆಂಟ್ (ಏಟ್ರೀ), ಸೋಲಿಗ ಮುಖಂಡರು ಹಾಗೂ ಸಂಶೋಧಕರ ನೆರವು ಪಡೆದಿದ್ದಾರೆ.</p>.<p>‘148 ಪೋಡುಗಳ ಪೈಕಿ, 55 ಪೋಡುಗಳ ಆರು ಕುಲ ಸೋಲಿಗರು ಮಾತ್ರ ಈ ಭಾಷೆ ಮಾತನಾಡುತ್ತಾರೆ. ಈ ನಿಘಂಟು ಸೋಲಿಗ ಭಾಷೆ, ಸಂಸ್ಕೃತಿ ರಕ್ಷಣೆ ನಿಟ್ಟಿನಲ್ಲಿ ಹೊಸ ಪೀಳಿಗೆಗೆ ಅನುಕೂಲ. ಈ ಭಾಷೆಯ ಹೆಚ್ಚಿನ ಅಧ್ಯಯನಕ್ಕೆ,ಸೋಲಿಗರ ಮಕ್ಕಳು ಓದುವ ಶಾಲೆಯ ಶಿಕ್ಷಕರಿಗೆ ಇದು ಸಹಕಾರಿ’ ಎನ್ನುತ್ತಾರೆ ‘ಏಟ್ರೀ’ ಸಮಾಜ ವಿಜ್ಞಾನಿ ಡಾ.ಸಿ.ಮಾದೇಗೌಡ.</p>.<p>*<br />ಸದ್ಯ ಸೋಲಿಗ–ಇಂಗ್ಲಿಷ್ ಶಬ್ದಕೋಶ ಸಿದ್ಧವಿದ್ದು, ಎರಡನೇ ಆವೃತ್ತಿಯಲ್ಲಿ ‘ಸೋಲಿಗ–ಕನ್ನಡ–ಇಂಗ್ಲಿಷ್’ ನಿಘಂಟು ತಯಾರಾಗಲಿದೆ. <em><strong>-ಡಾ.ಸಿ.ಮಾದೇಗೌಡ, ಸೋಲಿಗರ ಮುಖಂಡ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
