ಬಾಂಡ್‌ ಮೂಲಕ ನಿಧಿ ಸಂಗ್ರಹಕ್ಕೆ ಸಲಹೆ

ಬೆಂಗಳೂರು: ಕೃಷ್ಣಾ ಮೇಲ್ದಂಡೆ ಯೋಜನೆಯ(ಯುಕೆಪಿ) ಮೂರನೇ ಹಂತದ ಕಾಮಗಾರಿಯನ್ನು ಕಾಲಮಿತಿಯಲ್ಲಿ ಮುಗಿಸಲು ಬೇಕಾಗಿರುವ ₹ 50 ಸಾವಿರ ಕೋಟಿಯನ್ನು ಬಾಂಡ್ ಮೂಲಕ ಸಂಗ್ರಹಿಸಬೇಕು ಎಂದು ಬಿಜೆಪಿ ಒತ್ತಾಯಿಸಿದೆ.

. ವಿಧಾನಸಭೆಯಲ್ಲಿ ಮಂಗಳವಾರ ನಡೆದ ಬಜೆಟ್ ಮೇಲಿನ ಚರ್ಚೆಯಲ್ಲಿ ಕೃಷ್ಣಾ ನೀರಾವರಿ ಯೋಜನೆಗಳ ತ್ವರಿತಗತಿಯ ಅನುಷ್ಠಾನ ಮಾಡುವಂತೆ ಬಿಜೆಪಿ ಸದಸ್ಯರು ಆಗ್ರಹಿಸಿದರು.

. ‘ಹಣ ಒದಗಿಸುವ ದಾರಿಯನ್ನೂ ಹೇಳಿ’ ಎಂದು ಜಲ ಸಂಪನ್ಮೂಲ ಸಚಿವ ಡಿ.ಕೆ.ಶಿವಕುಮಾರ್ ಕೇಳಿದರು.

. ವಿರೋಧಪಕ್ಷದ ನಾಯಕ ಬಿ.ಎಸ್. ಯಡಿಯೂರಪ್ಪ, ‘ಸಿದ್ದರಾಮಯ್ಯ ಅವರ ಸರ್ಕಾರ ಕೃಷ್ಣಾ ಯೋಜನೆಗಳಿಗೆ ಐದು ವರ್ಷಗಳಲ್ಲಿ ₹ 50 ಸಾವಿರ ಕೋಟಿ ವ್ಯಯಿಸುವ ವಾಗ್ದಾನ ಮಾಡಿತ್ತು. ಆದರೆ, ಖರ್ಚು ಮಾಡಿದ್ದು ಬರಿ ₹ 8,500 ಕೋಟಿ. ಈ ವೇಗದಲ್ಲಿ ಕೆಲಸ ನಡೆದರೆ 25 ವರ್ಷವಾದರೂ ಕೆಲಸ ಪೂರ್ಣವಾಗುವುದಿಲ್ಲ. ಬಾಂಡ್ ಬಿಡುಗಡೆ ಮಾಡಿದರೆ ಯೋಜನೆಗೆ ಬೇಕಾದ ಹಣ ತ್ವರಿತವಾಗಿ ಸಂಗ್ರಹವಾಗಲಿದೆ’ ಎಂದು ಹೇಳಿದರು.

. ಚರ್ಚೆಯಲ್ಲಿ ಪಾಲ್ಗೊಂಡ ಬಸವರಾಜ ಬೊಮ್ಮಾಯಿ, ‘ನಾವು ಈ ಹಿಂದೆ ವಿಶ್ವಬ್ಯಾಂಕ್ ನೆರವು ಪಡೆದಿದ್ದೆವು. ಅದಕ್ಕಿಂತ ಮೊದಲು ಕೃಷ್ಣಾ ಜಲಭಾಗ್ಯ ಬಾಂಡ್ ಬಿಡುಗಡೆ ಮಾಡಲಾಗಿತ್ತು. ಬಜೆಟ್ ಮೇಲಿನ ಅವಲಂಬನೆಗಿಂತ ಇಂತಹ ಹೊರಗಿನ ಹಣಕಾಸು ಮೂಲಗಳತ್ತ ಗಮನಹರಿಸಬೇಕು’ ಎಂದು ಸಲಹೆ ನೀಡಿದರು.

. ‘ಯೋಜನೆಯ ಆದ್ಯತೆಗಳನ್ನು ಗುರುತಿಸಿ, ಹಂತ ಹಂತವಾಗಿ ಕಾಮಗಾರಿ ಪೂರ್ಣಗೊಳಿಸಬೇಕು. ಕಾಮಗಾರಿ ಪ್ರಗತಿ ಪರಿಶೀಲನೆಗೆ ಕಾಲಕಾಲಕ್ಕೆ ಉನ್ನತಾಧಿಕಾರ ಸಮಿತಿ ಸಭೆ ನಡೆಸಬೇಕು’ ಎಂದು ಹೇಳಿದರು.

. ‘ನಮ್ಮ ಕ್ಷೇತ್ರದ 11 ಹಳ್ಳಿಗಳನ್ನು ಸ್ಥಳಾಂತರ ಮಾಡದೆ, ಅವುಗಳ ಸುತ್ತ ನಾರ್ವೆ ಮಾದರಿ ತಡೆಗೋಡೆ ಕಟ್ಟುತ್ತೇವೆ ಎಂದು ಹಿಂದಿನ ಜಲ ಸಂಪನ್ಮೂಲ ಸಚಿವರು ಹೇಳಿದ್ದರು. ತಡೆಗೋಡೆಯಿಂದ ಪ್ರಯೋಜನ ಇಲ್ಲ. ನೀರು ಬಸಿದು ಮನೆಯೊಳಗೆ ಬರುತ್ತದೆ. ಹಾವು, ಚೇಳು, ಕಪ್ಪೆಗಳು ಈಗಲೇ ಬರುತ್ತಿವೆ. ಈ ಎಲ್ಲ ಹಳ್ಳಿಗಳನ್ನು ಸ್ಥಳಾಂತರ ಮಾಡಲೇಬೇಕು’ ಎಂದು ಗೋವಿಂದ ಕಾರಜೋಳ ಆಗ್ರಹಿಸಿದರು.

. ***

. 519.60 ಮೀಟರ್ - ಆಲಮಟ್ಟಿ ಅಣೆಕಟ್ಟೆಯ ಈಗಿನ ಎತ್ತರ

. 524.256 ಮೀಟರ್ - ಆಲಮಟ್ಟಿ ಅಣೆಕಟ್ಟೆಯ ಉದ್ದೇಶಿತ ಎತ್ತರ

. 130.90 ಟಿಎಂಸಿ ಅಡಿ - ಅಣೆಕಟ್ಟೆ ಎತ್ತರಿಸುವ ಮೂಲಕ ಹೆಚ್ಚಲಿರುವ ನೀರು ಸಂಗ್ರಹಣಾ ಸಾಮರ್ಥ್ಯದ ಪ್ರಮಾಣ

. ₹ 17,207 ಕೋಟಿ - ಮೂರನೇ ಹಂತದ ಯೋಜನೆಗೆ ಮೊದಲು ಮಾಡಲಾಗಿದ್ದ ಅಂದಾಜು

. ₹ 50 ಸಾವಿರ ಕೋಟಿ - ಮೂರನೇ ಹಂತದ ಯೋಜನೆಗೆ ಪರಿಷ್ಕೃತ ಅಂದಾಜು

. 20 - ಸ್ಥಳಾಂತರ ಆಗಬೇಕಾದ ಹಳ್ಳಿಗಳು

. 5 ಲಕ್ಷ ಹೆಕ್ಟೇರ್ - ಸದ್ಯ ಕೃಷ್ಣಾ ಯೋಜನೆಯ ನೀರಾವರಿ ಪ್ರದೇಶ

. 5.30 ಲಕ್ಷ ಹೆಕ್ಟೇರ್ - ಆಲಮಟ್ಟಿ ಎತ್ತರದಿಂದ ಹೆಚ್ಚುವರಿಯಾಗಿ ನೀರಾವರಿ ವ್ಯಾಪ್ತಿಗೆ ಒಳಪಡುವ ಪ್ರದೇಶ

. ಏನಿದು ಬಾಂಡ್?

. ದೇವೇಗೌಡರ ನೇತೃತ್ವದ ಸರ್ಕಾರ ಕೃಷ್ಣಾ ಕೊಳ್ಳದ ಯೋಜನೆಗಳಿಗೆ ಕೃಷ್ಣಾ ಜಲ ಭಾಗ್ಯ ನಿಧಿ ಸ್ಥಾಪಿಸಿತು. 1996–98ರ ಅವಧಿಯಲ್ಲಿ ಬಾಂಡ್ಗಳನ್ನು ವಿತರಿಸುವ ಮೂಲಕ ಯೋಜನೆ ಅನುಷ್ಠಾನಕ್ಕೆ ಅಗತ್ಯವಾದ ಹಣವನ್ನು ಸಂಗ್ರಹ ಮಾಡಿತ್ತು. ಹತ್ತು ವರ್ಷಗಳಲ್ಲಿ ಆ ಮೊತ್ತವನ್ನು ಹಿಂದಿರುಗಿಸಲಾಗಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಂಡ್‌ ಮೂಲಕ ನಿಧಿ ಸಂಗ್ರಹಕ್ಕೆ ಸಲಹೆ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

IND vs SA 4th T20I | ಸೂರ್ಯಕುಮಾರ್ ಯಾದವ್ ಬಳಗಕ್ಕೆ ಸರಣಿ ಜಯ

ಚುರುಮುರಿ | ಬೊಂಬೆ ಆಡ್ಸೋನು...

ಗಿಲ್‌ಗೆ ಗಾಯ, ಮೊದಲ ಟೆಸ್ಟ್‌ಗೆ ಅಲಭ್ಯರಾಗುವ ಸಾಧ್ಯತೆ; ಭಾರತಕ್ಕೆ ಹಿನ್ನಡೆ

ಎರಡನೇ ಮಗುವಿಗೆ ತಂದೆಯಾದ ರೋಹಿತ್; ಪರ್ತ್ ಟೆಸ್ಟ್ ಪಂದ್ಯದಲ್ಲಿ ಆಡುವ ಸಾಧ್ಯತೆ

Baby Boy: ಎರಡನೇ ಮಗುವಿನ ತಂದೆಯಾದ ರೋಹಿತ್ ಶರ್ಮಾ

ಸಂಜು–ತಿಲಕ್ ಆರ್ಭಟಕ್ಕೆ ಹರಿಣಗಳು ಹೈರಾಣ: ದಾಖಲೆಗಳ ಮೇಲೆ ದಾಖಲೆ ಬರೆದ ಭಾರತ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

IND vs SA 4th T20I | ಸೂರ್ಯಕುಮಾರ್ ಯಾದವ್ ಬಳಗಕ್ಕೆ ಸರಣಿ ಜಯ

ಚುರುಮುರಿ | ಬೊಂಬೆ ಆಡ್ಸೋನು...